Anda di halaman 1dari 25

MARS KOTA JAMBI

Cipt. Azhar,Mj

Tanah Piih Pusako Betuah Itulah Negri Kota Jambi

Di Belah Sungai Batag Hari Indah Menawan Hati

Agso Duo Dan Tanggo Rajo Sejarah Nandahulu Kala

Marilah Kita Lestarikan Budaya Kota Jambi

Wahai Pemuda Dan Pemudi Tujukan Karya Mu

Mari Bersama Membagun Kota Jambi Tercinta

Semangatkan Jiwa Raga Mewujudkan Cita-Cita

Bangkitlah Bergerak Serentak Menuju Sejahtera

Agar Rakyat Semua Gembira Jaya Untuk Slamanya


RANG KAYO HITAM
Cipt. H. Firdaus Chatab

Orang Kayo Hitam, gagah perkaso


Namonyo agung dimano-mano
Sampai Mataram orang kenali
Pusako bundo di Batang Hari
Ayah bernamo Datuk Berhalo
Turunan suci asal Bagindo
Putri Pinang Masak namo ibunyo
Dari Pagaruyung negeri asalnyo
Reff:
Sutooo....Orang Kayo Hitam agung di mano-mano
Keris Si Ginjai senjato yang utamo
Rangkaio pingai dulur yang tuo
Yang bijaksano mimpin negeri
Ke dataran lamo dulur yang mudo
Gunung balang sebo diuji kenari
Mayang mengurai istri setia
Anak Tumenggung merah melato
Meriam sejiwa penjelmaannyo
sutooo.....
SERAMPANG LAUT
Cipt. NN

Gesek lah piul sirampang laut

Diiring joget budayo lamo

Hati bukendak nyebut payah nak nyebut sayang

Dapek ditahan jugo ngan tahan jugo

Kau bunyani mirupo demam

Kalu yo demam mano pucatnyo

Hati wak rindu pendam jangan dipendam sayang

Kalu dipendam sakit bengat lah sakitnyo

Ngan lah keno nan sampu gadih

Itu penyakit ngan idap kini

Nyampang ka ilang kain jangan nak mengih sayang


Lanjutan Serampang Laut Cipt. NN

Itulah ubat sampu kato dukun sari

Kau bucakap nan padek bae

Sanggup meruntuh gunung nan tinggi

Ilanglah kain bae biaso bae sayang

Asal jangan ilang sijantung hati

Tiap lah pagi ku makan ubat

Ubat ku pintak didukun sari

Kalu dak jinak pikat burung ku pikat sayang

Kubujuk-bujuk lari ku bao lari

Tak kuretak pat kalipat

Itu penangkal ilmu kau

Bukannyo burung pikat takut dipikat sayang

Pikat tu nian mau langidaklah mau


KETIMUN BUNGKUK
Cipt. Yahya AB

Sudahlah nasib ketimun bungkuk dak masok dalam timbangan

Sudahlah nasib ketimun bungkuk dak masok dalam timbangan

Dak jugo dalam itongan do'e sayang

Apo lagi masok dalam idangan

Apo lagi masok dalam idangan

Malang nasib ketimun bungkuk dak renti dicaci orang

Malang nasib ketimun bungkuk dak renti dicaci orang

Dak jugo ditoleh kanti do'e sayang

Tinggalah tergolek bawah timbangan

Tinggalah tergolek bawah timbangan

Bilo nian nasib badan macam ketimun laen

Disapo dipilih kawan berego bukan main

Malang nian nasib awak

Kemano badan dibawa kemano kaki dianjak do'e sayang


Lanjut Ketimun Bungkuk Cipt. Yahya AB

Jangan lah beibo nian wahai ketimun bungkuk

Esok subuh masih ayam berkokok

Segalonya isi alam pasti ado duonyo

Kalu ado malam ado siangnyo

Bilo nian nasib badan macam ketimun laen

Disapo dipilih kawan berego bukan main

Malang nian nasib awak

Kemano badan dibawa kemano kaki dianjak do'e sayang

Jangan lah beibo nian wahai ketimun bungkuk

Esok subuh masih ayam berkokok

Segalonya isi alam pasti ado duonyo

Kalu ado malam ado siangnyo


BATIK JAMBI

Cipt. Saputra Dan Nanung

Malam lah iko malam bainai sayang

Esok luso kanti besanding

Mano lah kain nan kan di pakai

Kain nan lamo idak sebanding

Apolah pulak idak sebanding sayang

Pakaian lamo tu elok jugo

Tekabar kanti duduk besanding

Kito di rumah jangan belago

Cubo la tengok tetanggo bang

Kain nyo elok bebungo-bungo

Dak bosan mato memandang

Kain besulam benang berado


Lanjut Batik Jambi Cipt. Saputra Dan Nunung

Ooiii... kalulah itu nan adik katokan

Rasonyo abang dak salah lagi

Kain tenamo tenunan seberang

Itulah dio si batik Jambi

Buah keduduk buah belimbing... sayang

Jangan di petik di pagi hari

Nengok penganten duduk besanding

Kito beduo bebatik Jambi.


NEGRI JAMBI

(SEPUCUK JAMBI SEMBILAN LURAH )

Dari Ujung Jabung

Sampai Durian Tangkuk Rajo

Dari Sialang Belantak Besi

Hinggo Bukit Tambo Nan Tulang

Itu Lah Negeri Jambi

Sepucuk Jambi Sembilan Lurah

Bersih Aman Dan Tertib Kotanyo

Serta Ramah Tamah Rakyatnyo

Alamnyo Indah Dari Tanjung Jabung Hinggo Kerinci

Sungguh Jambi Suatu Negeri Yang Oleh Tuhan Telah

Diberkati Ayo Kawan Semua

Jago Negeri Yang ,Makmur Ini

Dengan Segalo Upayo Kito

Agar Negeri Bijak Bestari


SEMANGGUNG BILAH

Hanyutlah semanggang bilah


hanyut ke heler sunge batanghari
Berlilitka rambut nanpanjang
rambut puteri dari hulu negeri

Semenggang direnang oleh paduko


datok paduko di ujung jabung
Dio pemudo perubuh berhalo
asalnyo dari negeri turki

Semenggang di tangan hati pun bertanyo


Siapo geranggan, duhai pemiliknyo
Ditakoknyolah sikajang lako
untuklah mudik kehulu negeri

Sampelah bidok di pagaruyung


gena bertato putri pinang masak
Gayung besambut karamo pun ado
Kini mulehlah kisah rajo jambi
SENANDUNG MALAM

Alun... Ombak Mengalun

Nuju Pantai Menerpa Pohon Perdade

Seorang Gadis Duduk Ngelamun

Menanti Kaseh Belum Jugekan Tibe

Lagu Ini Senandung Malam

Dinandung Anak Selat Berhale

Menanti Siang Dan Malam

Harapkan Cemas, Kaseh Kan Tibe

Sungai Itik Diwaktu Malam

Terdengar Nandung Lagu Si Anak Kapal

Lagu Ini...

Senandung Malam

Ujung Jabung Asalnyo Lagu Berasal


Lanjut Senandung Malam

Alun... Ombak Mengalun


Nuju Pantai Menerpa Pohon Perdade
Seorang Gadis Duduk Ngelamun
Menanti Kaseh Belum Jugekan Tibe

Lagu Ini Senandung Malam


Dinandung Anak Selat Berhale
Menanti Siang Dan Malam
Harap Kancemas, Kasehkan Tibe

Sungai Itik Di Waktu Malam


Terdengar Nandung Lagu Si Anak Kapal

Lagu Ini...
Senandung Malam
Ujung Jabung Asalnyo Lagu Berasal
ANGSO DUO

Angso duo adonyo dimano


Angso duo ado di Kota Jambi
Adek cantik nak pegi kemano
Cari-cari ado di muko srambi

Sungai Batanghari ngilir ke utaro


Berenang pagi hari badan sengsaro
Manggo mudo jangan simpan lamo-lamo
Siapo-siapo yang hendak pasti ado

Simpang sado adonyo dimano


Simpang sado ado di Kota Jambi
Hendak mudik duit idak ado
Kesal hati marah-marah sendiri

Sungai Batanghari ngilir ke utaro


Berenang pagi hari badan sengsaro
Manggo mudo jangan simpan lamo-lamo
Siapo-siapo yang hendak pasti ado
BATANGHARI

Batanghari aeknyolah tenang


Biakpun tenang deraslah ketepi
Anaklahnyo Jambi jangan lah di kenang
Siang tebayang bamimpi malam lah bamimpi
Anaklah Jambi jangan lah di kenang
Siang tebayang bamimpi malam lah bamimpi

Jalanlah jalan ke Ojong Jabong


Singgah sebentar di Penyaguan
Oy rindu dan dendam dik oy idaklah tetanggong
Budi setitik kenang jadilah kenangan
Rindu dan dendam dik oy idaklah tetanggong
Budi setitik kenang jadilah kenangan
Pegi besantai ke Tanggo Rajo
Nampaklah jelas Jambi Seberang
Maulah ku pinang dek oy apolah kan dayo
Sudahlah nasib orang diambeklah orang
Maulah ku pinang dek oy apolah kan dayo
Sudahlah nasib orang diambeklah orang

Batanghari kebanggaan Jambi


Sungai tepanjang sebatas negeri
Pojoklahnyo hati dek oy bawaklah menari
Mari berjoget lagu si Batang Hari
Pojoklah hati dek oy bawaklah menari
Mari berjoget lagu si Batang Hari
BATANGHARI

Dari danau sampai muaro


kau bagai nago dari selatan
bentukmu indah, arusmu tenang
kau telusuri kota jambi
Berapo zaman telah kau lewati
Prasasti kerajaan melayu
Sampai kini dan sampai kini
Kau tetap akan abadi...
Batanghari...
oh Batanghari...
Sungai yang terpanjang
di Pulau Sumatraaa...
Batanghari...
oh Batanghari..
Kau kebanggaan dari negri Jambi...
DAGANG MANUMPANG

Cik minah takuluk putih


Pegi merancak darat pelayang
Tanjung putus pulau lah beralih sayang bang oi
Dusun merindang berajo hilang

Ikan sepat ikan tenggiri


Anak lah udang dibawah daun
Idak dapat rambut yang keriting sayang bang oi
Bia manggadih sapuluh tahun

Bahumo danau ketapang


Tanamlah padi sakiding dua
Sakit nian daganglah manumpang sayang bang oi
Aek lah keruh diminum jugo
MAK INANG

Mak inang selendanglah mak inang


Leok ke kiri kanan lengganglah ke kanan sayang

Selamo tunang duduklah batunang hai


tiduk dak nyenyak kenyang makanlah dak kenyang

Tarentang rawe si talilah rawe


Titian tupe balek si tungganglah balek sayang

Harilah petang sawe bebunyilsh sawe hai


Hitamlah manis baleklah ngajaklah balek

Cubolsh cubo lumbang mainlah galumbang


sampai ke tepi tampah membawalah tampah sayang

Cubolah cubo mumbang menanamlah mumbang hai


nasiblah baik tuan negeri batuah
Cik siti mengepanglah yang rambut
KUALO SEDU

Cipt Samawi Darahim

Lubuk dalam kualo sedu

Lubuk dalam kualo sedu

Ujung jabung elahe sayang

Negeri lamo..negeri lamo..

Ditengahlah malam hai naseb

Tebangun merindu selendang mayang

Idaklah tahan hai lamo..becerai lamo

Idaklah tahan hai lamo..becerai lamo

Menerai hujan digangso

Menerai hujan digangso

Tibo dikali elahe sayang

Menerai jangan..menerai jangan..

Hendaklah becerai hai naseb

Kitolah dimato selendang mayang

Tibo dihati hai jangan..becerai jangan

Tibo dihati hai jangan..becerai jangan


Lanjut Kualo Sedu Cipt Samawi Darahim

Temening sunge kiaro

Temening sunge kiaro

Gena orang elahe sayang

Menjareng ruso..menjareng ruso..

Sudahlah kaliling hai naseb

Dimuaro sebo selendang mayang

Baru kiniko hai jumpo..kito bejumpo

Baru kiniko hai jumpo..kito bejumpo

Sunge sako kedano lamo

Sunge sako kedano lamo

Ngambek repo elahe sayang

Sialang bengkal..sialang bengkal

Nyanyian iko hai naseb

Budayo lamo selendang mayang

Muaro sebo hai asal..lagu berasal

Muaro sebo hai asal..lagu berasal


MAKMUR NEGRI JAMBI

Alam indah menawan


Gunung meninggi hai tinggi di awan
Danau elok rupo lah hai sayang
Bulan bintang berkilauan

Sawah ladang membentang


Bak permadani hai hamparan negeri
Sungai nan mengaliri hai sayang
Pertando makmurnyo negeri

Itulah negeri Jambi


Adat lamo pusako betuah
Nan dak lekang dek panas, hai sayang...
Jugo dak lapuk dek hujan

Kicau burung nan merdu menyambut pagi nan indah


berseri
Itulah negeri jambi hai sayang karunio nyo ilahi....
SELENDANG MAYANG

Orang membakar di Pulau Hantu

asapnya ada tabun menabun

Orang membakar di Pulau Hantu

asapnya ada tabun menabun

asap api membakar kebun

merendang lada di sampul luleh

Taruknya kaca tangkainya embun

dipandang ada diambil tak boleh

Merendang lada disampul puleh

asapnya sampai ke Gunung Tujuh


GADIS RIMBO BUJANG

Cantik nian gadis rimbo bujang, lesung pipih jalan melenggang


Elok nian gadis rimbo bujang, tutur saponyo sungguh menawan
Ku sapo dio tertunduk malu, ku rayu dio tersenyum sajo
Didalam hatinyo pun jatuh cinto
Cantik nian gadis rimbo bujang, lesung pipih jalan melenggang
Elok nian gadis rimbo bujang, tutur saponyo sungguh menawan

Sayangsejak dalam pertemuan, membuat hatiku tak tenang


Siang malam jadi pikiran.
Abang sayo juga merasokan sejak kito bertemu pandang susah
tiduk susah makan.
Kalo itu yang kito rasokan, berarti kito samo samo jatuh cinto
Kalo abang nak ke rimbo bujang, naiklah omplen duduk didepan
Kalo abang benar benar sayang, apo tandonyo boleh kusimpan

Sayangsejak dalam pertemuan, membuat hatiku tak tenang


Siang malam jadi pikiran.
Abang sayo juga merasokan sejak kito bertemu pandang susah
tiduk susah makan.
Kalo itu yang kito rasokan, berarti kito samo samo jatuh cinto
Kalo abang nak ke rimbo bujang, naiklah omplen duduk didepan
Kalo abang benar benar sayang, apo tandonyo boleh kusimpan
INJIT - INJIT SEMUT

Jalan jalan ke Tanah Deli


Sungguh indah tempat tamasya
Kawan jangan bersedih
Mari nyanyi bersama sama

Kalau pergi ke Surabaya


Naik prahu dayung sendiri
Kalau hatimu sedih
Ya rugi diri sendiri

Naik prahu ke Pulau Sribu


Sungguh malang nasibku
Punya teman diambil orang
Ramai sungguh Bandar Jakarta
Tempat orang mengikat janji
Walau teman tak punya hati
Senang dapat bernyanyi
Reff :
Injit injit semut
Siapa sakit naik diatas
Injit injit semut walau sakit
Jangan dilepas
TIMBANG - TIMBANG ANAK KU SAYANG

timang-timang anakku sayang


buah hati Ibunda seorang
Jangan marah dan jangan merajuk sayang
tenanglah dikau dalam buaian

Betapakah hati tak 'kan riang


bila kaubergurau dan tertawa
S'mogalah jadi orang berguna
sayang rianggembira sepanjang masa

Setiap waktu ku berdoa pada Tuhan Maha Esa


Jika kau sudah dewasa
hidupmu bahagia sentausa

Timang-timang anakku sayang kasih hati permata ibunda


Tidurlah tidur pejamkan mata sayang
esok lusa bermain kembali
DODOI SI DODOI

Buah hatiku junjungan jiwa


Buah hatiku junjungan jiwa
Tidurlah tidur hai anak
Ibu dodoikan ya sayang

Dodoi si dodoi

Janganlah anak suka menangis


Janganlah anak suka menangis
Ayahmu jauh ya anak dirantau orang ya sayang
Ayahmu jauh ya sayang dirantau orang ya sayang

Dodoi si dodoi

Tidurlah anak dalam ayunan


Tidurlah anak dalam ayunan
Tidurlah nyenyak ya sayang
Sambil kubuai ya sayang

Dodoi si dodoi

Janganlah anak suka menangis


Janganlah anak suka menangis
Ayahmu jauh ya anak dirantau orang ya sayang
Ayahmu jauh ya sayang dirantau orang ya sayang