Ang Kasing-kasing

By: Sheree Ann Maquiling Labe

Ang pinalangang anak ni Vien ug Chris adunay sakit sa kasing kasing sukad pa sa
pagpanganak niya. Gi bawalan siya nga mudula og husto, pahilakon o maski unsa nga pakalit
nga emosyon.

Samtang gakadako si Mia, ang bata nila Vien ug Chris, nakita nila ang makaluluoy
intawon sa nawong sa ilang anak nga nagadungaw kini sa bintana samtang nay gadula sa
gawas.

“Ma…Pa… lingaw kayo sila tan-awon sa ilang gidula.”

Ang inahan murag gikumot iyang dughan pagkadungog nila kini sa ilang anak.

Nianang gabie nag istoryahanay ang mag-asawa kabahin sa sitwasyon sa ilang anak.

“Chris, naluoy na tawon ko ni Mia. Padugayon pa ni nato ni iyang kahimtang mas

musamot pa tawon iyang pag-antos.” ingon ni Vien sa iyang bana.

“Nakita sad na nako Vien, kailangan na nato siya mapa operahan, kailangan na nato
mangita ug ikabayad sa ospital.” ang tubag ni Chris.

Nilabay na ang mga adlaw, semana, bulan, todo kayod sa pag trabaho ang mag-asawa
para makatigom ug pang opera sa ilang anak.

Niabot sa punto nga di na mupahulay si Chris ug tinarbaho ug panalagsa na kini muuli sa

ilaha haron ang kwarta nga ikagasto sa pamelete kay itigom na lang ni niya.

Si Vien, pagkahuman ug trabaho, muuli dayon sa ilahang panimalay kay siya man ang
mualaga ni Mia nga nahabilin lang inaton sa ilaha kuog iyang lola ug ante.

Naabot ang grabeng sitwasyon sa ilang pamilya.

“Chris! Chris! Si Mia!” kahilakon nga tingog ni Vien nga nanawag kang Chris.

“Naunsa man si Mia?!” tubag ni Chris.

“Gidala ang imong anak sa ospital Chris. Huhuhu. Nakita nako siya sa salog sa iyang
kwarto nga wa nay malay.”

Walay duha-duha si Chris nga niadto dayon sa ospital. Kahilakon siya intawon samatang
gasakay pa siya sa tricycle padong ospital.

Natagbuan ni Chris si Vien idto sa gawas sa ER o emergency room nga gahilak intawon.

Gabuto-buto and dughan ni Chris sa kakulba samtang gihalog niya iyang asawa pero wa
niya gipakita niya kini kang Vien. Iyang gipikpik ang luyo ni Vien ug niingon.

“Vien, miskag unsa pay mahitabo nga pagsulay sa ato kayanon nato kini kay kahibalo
tang duha anaa ang Ginoo na ubay nato ug di kita niya biyaan. Buhaton nato tanan sa atong
makaya alang-alang sa atong pamilya labi na sa atong anak na si Mia.”

Nilabay na ang bulan.

Kasakit.

Kaguol.

Kalipay.

Anaa sa mata ni Mia nga nakita sa iyang ginikanan human sa nahitabo. Nakadagan-
dagan, nakadula, nakabahakhak ug minaayo intawon nga wala nay nasinati nga kasakit sa
dughan kay na operahan na siya.

Dakong pasalamat sa pamilya sa Ginoo nga wala intawon sila biyae.

Karon si Mia kay usa na ka malipayong normal na bata.