NKARHI WA KU AVANYISIWA KA VUKHONGERI

Xitsundzuxo eka xivulavuri:

Pfuna vayingiseri ku twisisa leswaku vukhongeri byi ni vutihlamuleri eka Xikwembu. Kombisa kahle mhaka leyi
endlaka vukhongeri bya mavunwa byi faneriwa hi ku avanyisiwa loko biha ka Xikwembu ni ku herisiwa

SWA VAVISA KU TIVA LESWAKU VUKHONGERI

HINKWABYO BYI YIMELE KU AVANYISIWA
NWEXWMU, PAPA KU NGA MUYIMERI NKULU WA
KEREKE YA KHATOLIKI EMISAVENI HINKWAYO U
ENDLE RIENDZO RO PFUXELA MATIKO YA AMERIKA
DZONGA. EKA SWIKONGOMELO SWO TALA LESWI A A RI
NA SWONA, XINWANA XA XIKULO A KU RI KU
TSWONTSWA MISAVA LESWAKU KU VA NI KU RHULA
HIKWALAHO KA MINKWETLEMBETANO YA HLUNGA
VUHOSI LEYI XIYEKAKA EMATIKWENI YO TALA YA
TIKO NKULU AMERICA LATINA, RINWANA RA WONA I
VENEZUELA.
LOKO A RI KWALAHO A HLANGAVETANE NI NAMBU WA
MILHOTI YA VANHU VA NTSANDZA VALHAYI LAVA A VA
LAVA HLULELO HINKWALAHO KO HLUKUMEZIWA HI
VARHANGERI VA KEREKE KWALAHO, A KU RILIWA HI
KU PFINYELIWA VANA LOKO VA RI EKA MAKATIKEZA,
VUSODOMA. LOKO PAPA A SWI TWILE WA TIVA SWA KU
U ENDLE YINI?
U TE: A LAVA MAVITO YA VANHU LAVA PFINYERIWEKE
VANA LESWAKU KEREKE YI TA VA HAKELA MALI SWA
NGA HI XIKOMBELO XA RIVALELO HI VITO RA KEREKE.
XIVUTISO HI LEXI, XANA MALI YI TA TLHERISELA
VUNHWANA KUMBE VUDJAHA BYA NWANA LOYI A
PFINYIWEKE?
VUKONGERI HI KU ANGARHELA YI TIPETILE EKA
SWA POLITIKI HI NHLOKO, SWIRHO SWA RONA SWA
YIVA TIMALI EKEREKENI, NASWONA SWI TIKHOME
HI NDLELA YO BIHA LOKO SWI TA EKA TA
RIMBEWU, SWI KATEKISE TINYIMPI…
XIVUTISO HI LEXI, XANA YEHOVHA U AMUKELA
VUKHONGERI HINKWABYO?
VUKHONGERI BYA NTIYISO NI BYA MAVUNWA BYI TA AVANYISIWA HI NDLELA LEYI
HAMBANEKE
(6 min.)
Bibele yi kombisa leswaku Yehovha a nga amukeri vukhongeri hinkwabyo hi ndlela leyi fanaka
Xo sungula vuprofeta byi kombisa ku nga fambisani exikarhi ka vagandzeri va ntiyiso ni vagandzeri va ma-
vunwa (Gen. 3:15)
Yesu u vulavula hi lava gandzelaka hi moya ni ntiyiso ni lava gandzelaka ‘lexi va nga xi tiviki,’ naswona u
tsundzuxile malunghana ni va Kreste, vaprofeta ni vaapostola va mavunwa (Yoh. 4:22, 23; Mt. 24:5)
Pawulo u tsundzuxe mayelana ni ku ringeta ku dya etafuleni ra Yehovha ni le tafuleni ra mademona (1 Kor.
10:21)
Mudyondzisiwa Yakobo u hlamusela xivumbeko xa vugandzeri lebyi nga pfuniki nchumu ni xa lebyi tengeke
 lebyi nga solekiki (Yak. 1:26, 27)
Vukhongeri byi fanele byi tihlamulela eka Yehovha ni N’wana wa yena, loyi a hlawuriweke leswaku a avanyi-
sa (Yoh. 5:22; 2 Kor. 5:10)
Swi ta kombisiwa erivaleni leswaku i mani la titsongahatelaka dyondzo ya yena ni ku hanya hi vukhongeri
bya ntiyiso
Ku avanyisa ku ta titshega hi mihandzu leyi humesiweke (Mt. 7:17-20)

VAGANDZERI VA XIVIRI VA TA AVANYISIWA KAHLE (10 min.)

I mihandzu yihi leyinene leyi vukhongeri bya ntiyiso byi languteriweke ku yi humesa?
Tanihi leswi Xikwembu xi nga rirhandzu, vanhu va xona va fanele ku endla ni ku kombisa mfanelo leyi yo hla-
marisa (Mar. 12:29-31; 1 Yoh. 4:8)
Vadyondzisiwa va xiviri va Yesu Kreste va voniwa hi ku kombana rirhandzu ra ku tinyiketela (Yoh. 13:34, 35)
Mbhandzu lowu xikan’we ni timfanelo tin’wana ta Xikwembu, swi kombisa leswaku va ni moya wa Xikwe-
mbu (Gal. 5:22, 23)
Vagandzeri va ntiyiso va xixima Rito ra Xikwembu, va tirhisa misinya ya milawu ya rona evuton’wini bya vona,
naswona va ri tirhisa tanihi xitirho xo dyondzisa van’wana (2 Tim. 3:15, 16)
Yesu u te hi vito ra Tata wakwe, a n’wi dzunisa (Yoh. 5:43, 44; 7:16-18; 17:4)
Valandzeri va yena va dzunisa, va kwetsimisa ni ku famba hi vito ra Yehovha (Mik. 4:5; Mt. 6:9; Yoh. 15:8)
Tanihi valandzeri va Yesu, vagandzeri va ntiyiso va chumayela mahungu lamanene ya Mfumo hi ku hiseka hi
laha Kreste a leriseke ha kona (Mt. 24:14; Lk. 8:1)
Va tshama va tihambanise ni misava (Yoh. 15:19; Yak. 4:4)
Va xanisiwa, kambe Xikwembu xa va amukela (2 Tim. 3:12; 1 Pet. 3:14)
Mihandzu yo tano leyinene yi humesiwa hi vanhu va Yehovha emisaveni hinkwayo
Valandzeri va mikondzo ya Kreste lava totiweke va swi tiva ku suka evuprofeteni bya Bibele lebyi khumba-
ka vona leswaku ku avanyisa ku sungule endlwini ya Xikwembu (1 Pet. 4:17, 18)
Nakambe ku nga ri khale Kreste u ta sungula ku avanyisa vanhu lava tsakeriwaka hi yena kumbe lava n’wi
hlundzukisaka (Mt. 25:31-33)
No. 83-TS 11/95 J.G.
LEXI ENDLAKA LESWAKU VUKHONGERI HINKWABYO BYA MAVUNWA BYI AVANYISIWA HI
NDLELA LEYI NGA TSAKISIKI (10 min.)
I xiphemu xa fambiselo leri ro biha ra swilo leri lawuriwaka hi Sathana, i vanghana va misava hi ndlela yoleyo
i valala va Xikwembu (Yak. 4:4)
Byi fularhele Rito ra Xikwembu kutani byi endle milawu ya xona yi va ya hava hikwalaho ka mikhuva ni tifi-
losofi ta byona leti nga pfuniki nchumu (Mt. 15:7-9)
Byi ale ku gandzela Xikwembu xi ri xin’we lexi tlakukeke, Yehovha, kutani byi tiendlela swikwembu swa byo-
na, ku katsa ni xikwembu xa vunharhu-un’we
Yehovha a nge swi amukeli swikhongelo swa vona swo hetisa nawu ni leswi nga humiki embilwini, swo fana ni
leswiya swa Sodoma na Gomora wa vuprofeta (Esa. 1:10-15)
Byi honise rungula ra Xikwembu ra ku avanyisa naswona byi khome varhumiwa va xona hi tihanyi byi tlhela
byi va dlaya (Ringanisa Matewu 23:29-36)
Ehansi ka mfungho wa muoswi lonkulu, mfumo wa misava wa vukhongeri bya mavunwa wu ni nandzu wo ha-
lata ngati, ni ku hlanganyela etinyimpini to tala (Nhlav. 17:3-6)
Kutani swi le rivaleni leswaku vukhongeri hinkwabyo bya Vubabilona bya le Vuxeni ni le Vupela-dyambu byi
pimiwile exikalwini xa ku avanyisa ka Yehovha kutani byi kumiwa byi nga faneleki
Tlhari ra Yehovha ro herisa vukhongeri bya mavunwa ri ta tlheriseriwa ntsena loko ku hetiwe ku twarisa ru-
ngula ra ku avanyisa (Nhlav. 14:6-8)

VUPROFETA LEBYI KOMBISAKA KU AVANYISIWA KA VUKHONGERI BYA MAVUNWA (10 min.)

Babilona wa khale laha tihanyi ni vukhongeri bya mavunwa a swi fambisana, wu love xikan’we-kan’we loko hi
vusiku byin’we wu wele emavokweni ya Korexe wa Muperesi
Mavuthu lama hlanganeke ya Vameda, Vaperesi ni Vaelamiti lava nga ehansi ka Korexe va herise ndhuma
ya Babilona loyi a a nga hluriwi
Bibele yi vhumbha ku herisiwa xikan’we-kan’we hi laha ku heleleke ka Babilona Lonkulu hi “timhondzo ta khu-
me” (Nhlav. 17:15-18; 18:8, 10, 17, 19; re-TS 256-8)
Hambi ku ri sweswi, swirho leswi nga riki na vukwembu ni leswi lwisanaka ni vukhongeri swi kona eka Nhla-
ngano wa Matiko. Rivengo ri ya ri kula hi tlhelo ra ntshunxeko wa vukhongeri, kasi eka timhaka tin’wana a
swi tano (g86 1/8 29)
Hi ku ya hi vuprofeta mintlhaveko ni malangutelo wolawo ya ta engeteleka enkarhini lowu taka hi mpimo lo-
wukulu ya lwisana ni vukhongeri hinkwabyo bya mavunwa
Endzhaku ka sweswo mavuthu yo pfumala vukwembu ma ta venga ma tlhela ma lwisana ni vayimeri va vu-
khongeri bya ntiyiso emisaveni, kambe valala volavo va ta herisiwa eka ‘nyimpi ya siku lerikulu ra Xikwembu
xa Matimba Hinkwawo’ (Nhlav. 16:14; 2 Tim. 1:6-10)
Xisweswo vukhongeri bya ntiyiso byi ta hlula loko vukhongeri bya mavunwa byi heriseriwa makumu, ku fana
ni ribye ra ku sila loko ri hoxiwa elwandle (Nhlav. 18:21)

VARHANDZI VA KU LULAMA VA FANELE VA TIHLANGANISA NI VUKHONGERI BYA NTIYISO (3 min.)

Nkarhi lowu tshinelaka wa ku avanyisa ni nhlomulo wa vukhongeri bya mavunwa swi lava leswaku xitsundzu-
xo xa misava hinkwayo xi twarisiwa (Nhlav. 18:4, 5)
Ku tihambanisa ni mfumo wa misava wa vukhongeri bya mavunwa i swa nkoka loko hi lava ku fihliwa hi
siku ra vukarhi bya Yehovha (Sof. 2:1-3)
Ku titsongahata ni vululami bya ntiyiso a swi nge kumiwi eka xiyenge xihi na xihi xa vukhongeri bya Vu-
babilona
Yana evuhlayisekweni ni vanhu va Yehovha, lava twarisaka xitsundzuxo xa makumu lama tshinelaka swinene
ya vukhongeri hinkwabyo bya mavunwa
(Namarhela swinene mhaka leyi andlariweke, naswona u xiya nkarhi lowu kombisiweke eka xiyenge xin’wana
ni xin’wana. A hi xikolokolo ku hlaya matsalwa hinkwawo lama kombisiweke. A swi bohi ku boxa xihlovo xa
rungula lexi nga eswiangini)
No. 83-TS—tluka 2 YI FANELE KU HLANGANISIWA HI 45 WA TIMINETE