KATAGHOM

Ha sugad hene nga panahon

Ikaw it akon gindudumdom
Bulong ka han kataghom
Nga abat hit lawas nakon

Unta aadi ka yana ha akon kiliran

Nahatag hin paso ha akon kalawasan
Inin taghom nga nasalupsop ha akon mga ugat
Ikaw la iton tambal nga akon ginhuhulat

Pero aanhon ko man, kay harayo ka ha akon

Salit naludlod ha dughan an sobra nga kataghom
Magkadiano an dakmol han taklap nga trapal
Imo gudla hangkop an bulong nga makakatambal.

Diri ko karuyag nga ha iba manginyupo

Hin bulong han kataghom hinin lawas ko
Mag-aantos ako bisan pa lawas magyelo
Tungod kay ikaw la it akon pangamuyo.