13 TUYUTI

Número trece che regimiento

tamoñaromente oyecuaa

fortín Nanawa che campamento

la muralla viva oye'ejha

Na tajhupimi mano a la visera

jha tamboyoya che mbaracami

amongaraívo Nanawa trinchera

taropurajhéi 13 Tuyuti.

Aropurajhéita regimiento trece

Nanawa de gloria yerovia jhaite

jha ityvyrami, regimiento siete

la muralla viva mopu'a jhare.

Ro'atamajhagui tesaraitépe

peteï co'ëme roñeñanduca

rojheya jhagua ore ra'yrépe

pedestal de gloria oma'e jhagua.

Oreave avei paraguayetéva

soldado ya'érö urunde'ymi

ndajha'éivante royalavaséva

noroicotevéi ñererochichï.

Mi comando Irra jhendive Brizuela

mocöive voi aña mbaraca

jha el león chaqueño iyykére cuéra

Mayor Caballero ore ruvicha.

Cachorro de tigre suele ser overo

macho rayre machito yey

oime icuatiápe 20 de enero

pene ñongatu pee mbojhapy.

Oimeve vaeracu ore raperäme

ore ra'aröva laurelty pyajhu

oyupi jhagua umíva ru'äme

regimiento trece oñecuä mbopu.

Modelo ore pépe Tuyuti ore réra

mita’ï pyata lampino cuete

guyra jha yvytu oñesu pejhëva

ore rovasávo ojhasa yave.

 Oicove pucúva mante ogueroviáne

regimiento 13 rapycuereta

jha letra de oro pema oyeguáne

historia pyajhu co'eramogua.

Reinte Bolivia jheco ensuguýva

ndojhecha mo'ai y Paraguay

oi jhaperame ipopia rasýva

13 Tuyuti cavichu pochy.

Kundt co oimoänte yvypyro

oyujhúta ápe pire pereri

jha oyepo yoca gringo tuya výro

Nanawa rokëme oyoso itï.

Oguajhe yave 20 de enero

ico'ë jha'ára vierne rovasy

ojhua'i vaecue "a sangre y fuego"

oikepávo ápe ña boli memby.

Co'ëtï guive ore retán dospe

Kundt rembiyocuái ndicatúi oike

osëgui jhapére Rodolfito López

 mboca'i ratápe ojhova pete.

Umi 105 ipo apenova

mbojhapy jhendáguio ijhu'u tata

jhechapyrami tatati oyapóva

ñu jha ca'aguy osununumba.

Ñajhendúrö jhina guyryry oicóva

ndaya'éi voi yaicovetajha

ndaipóri rupi ipy'a opopóva

tape ndoyujhúiva tembiguai ava.

Ipyajhë cañon ndosovéi metralla

yama mboca'i jha ybate avión

jha ni upevéro ndocu'ei muralla

omoi vaecué Quinta division.

Ñane ti co'o oúvo yvytúre

cañon jha mboca ratatinengue

jha oyo'a ári yayecha pe ñúre

inevu you boli re'ongue.

Ava'i acängue co'ápe jha pépe

acä vera cuéra omosarambi

a lo chireaty machete jhaimbépe

icocuepeguáicha lo mita ocopi.

Péichane voi aipo aña retäme

la "mba'e pochy" ifunción yave

ojhecha, ojhendúva mante ogueroviáne

Nanawa de gloria farra carape.

Otro pito pu Nanawa de gloria

jhéra opytáma mandu'a rami

ocribi chupe ipyajhúva historia

tamoñarocuéra 13 Tuyuti.

Tuguy eta apytepe ou la victoria

regimiento 13 pe opucavymi

ágä icatúma jhe'i la historia

ndopamo'aijha raza guaraní.

Na teyeencuadra mano a la visera

jha tamondojho che purajheimi

amongaraíma Nanawa trinchera

jha che regimiento 13 Tuyuti.

Fortin Nanawa che campamento

la heroica Quinta che división

número 13 che regimiento

jha solito el uno che batallón.

REGIMIENTO “13 TUYUTΔ

Música: RAMÓN VARGAS COLMÁN

Letra: EMILIANO R. FERNÁNDEZ

REGIMIENTO “13 TUYUTΔ

Na tahupimi mano a la visera

ha tambojoja che mbarakami
amongaraívo Nanawa trinchera
taropurahéi "13 Tujutî"
aropurahéita Regimiento 13
Nanawa de Gloria jeroviahaite
ha ityvyra’i Regimiento 7
la muralla viva mopu’â hare.

II

Ro’atamahágui tesaraietépe
peteî ko’ême roñeñanduka
oreja haguâ ore ra’yrépe
pedestal de gloria oma’ê haguâ
 III

Ore avei Paraguayetéva

soldado ja’érô urunde’ymi
ndaha’éivante rojalavaséva
¡norôikotevêi ñererôchîchî!
mi Comando IRRA, hendive BRIZUELA
mokoîve voi aña mbaraka
ha el león chaqueño ijykére kuéra
mayor Caballero ore ruvicha

IV

Cachorro de tigre suele ser hovero

macho ra’yre machíto jevy
oimê ikuatiápe 20 de enero
pe neñongatu peê mbohapy.

Oimeve va’erâ ku oreraperâme

ore ra’ârôva laurelty pyahu
ojupihaguâ umíva ru’âme
Regimiento 13 oñekuâmbopu
modelo ore pópe, TUJUTÎ ore réra
mitâ’i pyatâ, lampiño kuete
guyra ha yvytu oñesûpehêva
ore rovasáva ohasa jave.

VI

Oikove pukúva mante ohechapáne

Regimiento 13 rakykuereita
ha letra de oro pemâ ojeguáne
 historia pyahi ko’êramogua

VII

Reínte Bolí heko ensugûyva

ndohechamo’âi’y’Paraguay
oihaperâme ipopîa rasýva
13 Tujuti, kavichu pochy.
Kundt ko oimo’ânte raka’e ijypýrô
ojuhúta ápe pire pererî
ha ojepojoka gringo tuja výro
Nanawa rokêre ojoso itî

VIII

Oguahe jave veinte de enero

iko’ê ha ára viernes rovasy
ohuâi va’ekue a sangre y fuego
oikepávo ápe ña Boli memby.

IX

Ko’êti guive ore retén dospe

Kundt rembijokuái ndaikatúi oike
osêgui hapépe Rodolfito López
mboka’i ratápe ohova pete
umi “ciento cinco” ipu apenóva
mbohapy hendaguio ihu’u tata
hechapyrámi tatati ojapóva
ñu ha ka’aguy osununumba.

Ñahendúro hína guyryry oikóva

ndaja’éi voi jaikovetaha
ndaipóri rupi ipy’a popóva
 tape ndojuhúi tembiguái ava

XI

Ipyahê kañon ndosovéi metralla

jáma mboka’i ha yvate avión
ha ni upevére ndoku’éi muralla
omoî va’ekue Quinta División.
ñane tî ko’o oúvo yvytúre
cañon ha mboka ratatina’kue
ha ojo’a jo’ári jahecha pe ñúre
inêvu joa voli re’ôngue

XII

Ava’i akângue ko’ápe há pepe

Acá Verá kuéra omosarambi
a lo chirkaty machéte haimbépe
ikokuepeguáicha lo mitâ okopi.

XIII

Peichane voi cipo aña retâme

la mba’e pochy ifunsionjave
ohecha, ohendúvamante ogueroviáne
Nanawa de Gloria farra karape
¡otro pitopu Nanawa de Gloria
héra opytáma mandu’arâmi!
oescribi ichupe ipyahúva historia
tamoñarô kuéra “13 Tujuti”.

XIV
Tuguyeta apytépe ou la victoria
Regimiento 13-pe opukavymi
agaikatúma he’i la história
ndopa mo’âiha ráza guarani
na tahupimi mano a la visera
ha tamondoho che purahéimi
amongaraima Nanawa trinchera
ha che Regimiento “13 Tujuti”.

XV

Número 13 che regimiento

la heroica Quinta che división
Número 13 che Regimiento
solito el Uno che batallón.