ZO PHUALVA
Vo l u m e 0 8 , I s s u e 0 1 Thupuak
Thahatna hi lo, vangliatna zong hi loin keima Kha hang ahi hi. Zech 4:6
Upna Hanga Diktanna—Romans 1-4 (Khen 1na)
Thupatna:
Zomi Christian pawlpite lakah buailuatnapi ahihloh
hangin, Adventist sungah kikupna omsialin, diktanna
ngahzia tawh kisai mimal pomdan kibangkimzolo ahih-
na ong dawkgeihgeih theizel hi. Ahangpen Sabbath, thu-
kham thu, le Adventist bek Pasian pawlpi man hi, cih
thute in alungsim sunguh ah zungkha lua ahihmanin, thu
dangteng tua in kaipan sak gawpkha uh hi. Tua bang
lungsim tawh lungmuangkha uha, upna hangbekin dikna
kingah hi cihthu pomhaksa thei uh hi. Upna hangbek
tawh diktanna kingah hi, acite, thukham deihlo evangeli-
cal pawlpite upna hi, ci-in, a nialthuk lian dingin khuai-
tang-dep (wasp) abu-a galpang banga a om mitampi om
hi. Tuamanin, gupna thu telsiang theih nadingin, kahlei
adawlkhatna ahidingin, Romans 1-4 sunga Paul gen
lungdamnathu pan diktanna koici kingah cih atomin ih
en ding hi.
Paul gen DiktannaDiktanna icih pen Pasian in
mawhnei mikhat a mawhnate maisakin, midika a pomna
ahi hi. Pasian le mihing kikala kizopna nasep namkhat
ahi hi. Tuamanin Pasian in tuabangin apom ciangin bang
dinmun le bangthu bulphuhin pom hiam?
Roman 1-2: Gupna pen Pasian sep Vangliatna hi-
Gupna pen alamdang Pasian nasep ahi hi: mimawh
kimlai midikin a pomna ahi hi. Tua pen Paul in lung-
damna thu ci hi. Tua manin Pasian midik ahidingte in
upna tawh nungta ding hi, ci hi (Rom 1:1-18). Paul in
Rome-te alaikhakna ah Habbakuk kammal a siksankik
ahi hi (Habakuk 2:4). Habbakuk in bang dinmun le
bangthu bulphuhin “Midik in upna tawh anungta ding
hi” ci hiam cih theihnop huai hi. Tua hileh eite gup nad-
ingin hih, “upna tawh nungta ding,” cih kammal in bang
hangin thubulpi ahihna akhiatna ong dawkpan ding hi:
Habbakuk hunlai-in Pasian teltuam Israel gam phel nih
(Israel le Juda)in kikhenkhin uh hi. Pasian pahtak diak
Judah gam zong Pasian adingin, hakai pahtak lungheng,
tanu pahtak zawlgai acih bang zel hi. Chaldeante lah
milim tawh kidim, gilo ngongtat sawnsawn uha, thuak-
lahin om uh hi. Gitlohna tamlua, dikna omnawnlo, thu-
man kilehzat, gitlona in dikna zawhthawh hi. Tua manin
Pasian in, midikte huloin, bangtanvei hicikoih ding hiam
Jan 13, 2018
ci’n Habakkuk in Pasian kozelzel hi. Thamloin akith-
uaklah den gamlian Chaldeante Ama liatsak bangin
gena, Judahte susia dingin azatin gensawnsawn laimawk
hi. Pasian in gitlohna apung a awlmawhlo bangin
ngaihsun hi. Pasian in, asawltak ci-a aminvawh-Babylon
-te molhtumin zanga Judah gam dan piasak ding
cisawnsawn hi. Judate danpiak nadinga azat amolhtum
Babylon zong Pasian mahin ka susia ding cih genkhola,
BC 530 gualin Persia-te in susia sak leuleu hi. Pasian in
ateltuam Judahte danpia, akhutzat Babylon zonglah su-
sia veve, cih dinmun ah Pasian gamtatzia pen Habbakuk
adingin telhamsa ahihmanin, lungsim buaina lian mah-
mah khat suak hi. Tua bang laitakin, akim ah bangbang
apiang zongin Pasian tungah a upna, amuanna, le
akingakna pen khahsuah tuanlo-a anuntakpih cinten
ding athupi pen ahi hi. Tua hunlaitaka ong gingkhia
kammal pen “Sawtlo in hong tangtung ding ahihmanin,
azia ol hangin ngak in,. . . . midik in upna tawh anungta
ding hi” cih ahi hi. Kim le pam ah bangbang piangin
tuakkha phial talehang Pasian tungah, mimal upna le
muanna hoisak le khahsuah tuan peuhmah lo-a nuntak
ding, Paul in Romans alian 1 sunga agen midikte nun-
takzia ding upna acihpen ahi hi.Diktang cihciangin
mimawhpa pen a upna hang tawh Pasian in midikin
pompah hi cihna hi. Tua dinmun ngah nadingin upna
simloh Pasian in kalh masak bangmah neilo hi. Jesus in
ei mawhna teng Ama tungah kisuan-a, Ama dikna teng
eitungah ong pia hi.
“Being justified” is literally “having been justified.”
The Greek verb represents the action as being complet-
ed. We have been declared righteous, or regarded as
righteous, not through any deeds of law but through our
having accepted Jesus Christ. The perfect life that Jesus
lived on this earth, His perfect law-keeping, has been
credited to us. (Zoplai ding)
~ Pr Kham Khen Pau
Salvation by Faith Alone: The Book of Romans
Sabbath School Lesson Begins
Adult Bible Study Guide - 4th Quarter 2017
LESSON 6 November 4-10 Adam and Jesus,
Sunday, November 5 sinna khawk sungpan.
A KILAMEN A LAMDANG AKSI KHAT:
“Khuamial tawh ki leh bulh in azah li a tangpha zaw aksi
khat, meilom kitam kal vangah hong kisal suk hi. Tua in
midik te adinga lungdamna leh Pasian upadi (thukham)
palsat te adinga hehna nasia hong gen suk hi. Khris
adinga na khempeuh ataan mite, tu in Topa kulhpi sun-
gah kikem ta hi. Amaute kisittel zo a, thumaan mudahte
leh leitung te mai ah, amau ading a asipa adingin amuan-
huai mite mai ah, alamdang kikhelna piang hi. Mihing
dawi a suakte ukna gilo, khuamial sung panin thakhat a
gupkhiat na angah uh hi. A maikhing, lungkham hunlap
a hong huhpa hi. Tua ahih ciangin leitung kiinkhia in,
mual te tuipi sungah ki paai ta leh, tui te so in hawk ta
leh, mualte kilok in telawt ta leh, ih lau kei ding hi.” ci
uh hi. GC 638, 639.
“Van panin Pasian aw ki za a, Zeisu hong pai ding ani
leh anai agen khia ta hi. Tua pen, Ama mite tunga, akip
thuciam gup khiatna ding thu ahihi. Vanging ngaih pen-
pen bangin A aw in leitung akiim vial hi. Pasian Israel te
in dingin angai uh hi. A mitte uh vanlam angat uh hi. A
maitang te uh ama vangliatna tawh ataang hi. Sinai mual
pana hong kumsuk lai a, Mosi maitang bang ahihi. Migi-
lote in amau maitang a en thei kei uh hi. A Sabbath
siantho sakna tawh, Pasian azahtak mite thupha kipiakna
ginga, zawhna awngaihpi akiko hi.
NUNTAKNA KUMPIPA, MINTHANG MEILOM
IN KIIMUUM
“A sawtlo in nisuahna lam panin meivom lomno khat
hong kilang a, mihing khut peek phel cia bangin kimu
hi. Tua meii in Gumpa kiim uum mei pen hi a, agam la
pi panin khuamial laka avanglian bang ahihi. Pasian mite
in, hih pen, Mihing Tapa hi cih a thei uh hi. Leitung lam
hong naih semsem pen dai khipkhep in a en uh hi. Hong
nai semsem a, tang semsem in, vang nei semsem hi.
Meei paak lompi hong hi a, akangtum thei meikuang
bang minthan’na nuai phah in, a tungah thuciam Sakhi-
tuihup in kualkhum a, a thahat galzopa Zeisu hong tuang
suk a… tua anungta meei lom hong nai semsem pen, en
ciat uh a, nuntakna Kumpipa, mittang khempeuh in amu
ciat uh hi.”
“Midikte in liing liang in awng uh a, “Kua in ding thei
ding hiam? ci uh hi. Vantung mite lasakna khawl phot
in, tawm vei sung gamdai hi. Tua ciangin Zeisu aw, kiza
a, “Ka hehpihna in nang ading in kicing hi” ci hi. Mi-
dikte maitang in lungdamna tawh taang a, alungsim uh
nopna tawh akidim hi. Vantung mite in a aw uh sangsak
zaw in, lasa kik leuleu uh a, leitung tawh hong kinai zaw
suk lai uh hi.” GC 640, 641.
Seventh-Day Adventist Church
8-3A, Jalan Sungai Besi 57100
Kuala Lumpur, Malaysia
Sia Noel Cinh (Ph: 018-227 3302)
Sia Cinbawk (Ph: 011-2720 0826)
Cidamna: Zateep Siatna
Zakhu sungah dat nam (4000) val bang kihel hi. Tua lak
panin
mihingte hong susia thei Nicotine, Carbomonoxide,
Benzene,
Amonia cih bang datte zong kihel hi.
Zateep (ahk) Zakhu diikkhak (gtn; innkuan sungah
zatep om, Zatepte tawh tukhawm etc..) na pan akingah
thei natna te:
1. Lungtang sihui neu natna, 2. Thakhat thu-in lungtang
kisai khawlsak thei, 3. Kam cancer, 4. Lei cancer, 5.
Gawl cancer (အစာႁပြန္ ကင္ဆာ၊ ေလႁပြန္ ကင္ဆာ), 6. Zun
kholna cancer (ဆီးအိမ္ကင္ဆာ) leh adang cancer tuamtu-
amte piangsak hi.
1. Pasal zateepte
-Huih khamlo
-Naklah thei
-Gim baih deuh
-Ta nei theilo
-Nupa hun zatkhopna ah nawng kaisak hi. (Impotency)
2. Numei zateepte
- Nausia thei
- Kha cinglo-in nausuak thei
- Pound(lb) cinglo nausuak thei
- Siluang natna ngah thei (ေသြးလြန)္
- Naupaai ciang naungek khangna zekai thei
Zateepna in cidamna hong susia, sum leh paai hong bei-
sak bek thamlo lawm leh gual tawh kikholhna-ah zong
hong nawngkaisak ahih manin a tep ngeilote’n kisinkha
peuhmah lo-in a teep theite’n zong damdamin khiam
aa, ngawl ding thupi mahmah hi.
Na pumpi, na zi/pasal, na tate na it taktak leh tu-a kipan
zateep khawl ta in!
A Kingah Thei Laibute:
1. Kidona Lianpi (Ellen G White, Zolai)
2. Tuanpupa leh Kamsangte (Ellen G White, Zolai)
3. Neihsa Kepzia (Ellen G White, Zolai)
4. Christ Kiang Zuatna (Ellen G White, Zolai)
5. Lai Siangtho: A Thu Zui-in Khenna (L T Tuang)
6. Gual Tawh Tan Bang Kim(Cinglek & Dong Mung)
9. Sinkhawm Ni (Mark Finley, Zolai)
10. Pasian Thukham & Moses Thukham
11. Kam Tuam Pau Dang, Kampau Thak
12. Sapi Ganhing Ciaptehna 666
13. Cimphawng 1( Zomi Quavadis)
14. ဗ်ာဒိတ္က်မ္း အနက္ဖြင့္
15. သမၼာက်မ္းၫြန္း
KL ZOMI SERVICE PAI DAN DING:
BUS > Pudu Pasar
Every Saturday: Train LRT > Pudu Station
Sabbath School 10:45am Facebook: Zomi Adventist Group
Divine Service 12:45pm Email: zomiadventistmls@gmail.com
Adventist Youth 03:30pm https://voice-hope.blogspot.com