Arjuna wiwaha

Kacrita sang Hyang Indra, kagebug olih Detya Niwata Kawaca, Nyeneng ratu ring Mnaimantaka, ring
bongkol gunung mahamerune. Niwata lawaca polih waranugraha saking Sang Hyang Rudra. Tan
dados padem olih Detya, Danawa, Raksasa miwah Dewa. Sane nyidayang pacang mademang wantah
manusa sakti. Sang Hyang Indra rumasa meweh pisan.

Kapireng raris orti, kocap Sang Arjuna matapa ring gunung Indrakila, pacang nunas kasaktian,
mangda setata menang ring paperangan. Punika mawinan ida hyang Indra ngutus Widiadari,
minakdi Dewi Suprabha miwah Dewi Tilottama sane kalintang ayu. Sang kalih punika sane
kapangandikayang netesin miwah ngoda kapagehan Sang arjunane. Sang kapangandikayang gelis
mamargi.