Anda di halaman 1dari 18

ALIH AKSARA NASKAH DHARMA SASANA

1b.
1. Girang Milu nggawe kidung, mangarang sěkar ginanti, nanging cara Kārttasura,
wirawose cara Bali, cara Bali halus kasar, sawupan mādukan kědhik.

2. Basa cara Jawa Mlayū, sara sang mawos ngicain, nanging rampun bangět duka,
kawi tiwas ngipil-ipil, durung cacěp mamantěsang, gěnah basa mānūt dong ding.

3. Kocape wirasa tutūr, ngětus ring prasada niti, gěbogan cantaka parwa, sat anggen
pangeling-eling, ualahing sang siněwakā, těmbang dadosang gending.

4. Nurut ina daging ipun, bilih wentěn saru kědhik, mangde sang mbawos
mburuwang, tětampene mangde běcik, kocape brata něm bělas, anggon-anggon
sang siniwi.

5. Giri bratta yang kasatu, indra brata kaping kālih, tiga mrěta warsa brata, pāpat yama
brata lewih, kalimane gni brata, kaping něm lawanā brati.

6. Mrěga brata kuping pitu, ping kutus singha brateki, ping siya anna brata, sata brata
kaping dasi, ping solas ma -/- yura brata, roras cantaka brateki.
2a.
7. Kaganna brata mungguh, ring kaping tlulase molih, wyaghra brata ping pat belas,
lima wělas cundaga brati, pupute kaping něm bělas, walesa bratāraneki.

8. 1, Mālih wiwatin mangitung, midharttayāng siki-siki, ne mawasta giri brata, kadi


gunung těmpuh angin, yan rawuh musuh ngalarag, haja gingsir sampe māti.

9. 2, Indra brata wastan ipun, pariksāngreh wadwa sami, tan punggěga kanda nunggal,
midosa yen keh misinggih, sampura yen kasawatan, prih manahing wadwa běcik.

10. 3, Mrěta warsa brata iku, amrěta toyaraneki, tan pěgat nguningi wadwa, warsa
hujan ārtineki, tingkahe niwakang dhana, den watra haja mamālih.

11. 4, Yama brata tingkah ipun, yen miděnda tan pipilih, tutujone asing salah, yan
sāmpun māsrah ring wěngi, undangěn pitutūrana, dhěndane tulakang mālih.

2b.
12. 5, Gni brata tingkah ipun, maniru krama -/- ning gni, gělise nělasang angkrah,
sāmpun palěh palěh ugi, tingkahe ngrūsak dūrjjana.sāmpun gantos lami-lami.
13. 6. Lawana bratatān ipun, lawana yaktine pasih, yan wontěn sisiping wadwa, ne
mungguh akědhik kědhik, den amot duduning wadwa, sampurane kadi pasih.

14. 7, Mrega brata tingkah ipun, ring sadarbben wadwa sami, kadi buron ngěton janma,
den eling maring Hyang Widhi, haja nggawe wadwa susah, běcik ngicen ring
ngambilin.

15. 8, Singha brata wastan ipun, pangrāksane ring nagari.kadi singhāngrāksa alas, reh
rāksa rumāksa kālih, ratu rajěg saking wadwa, wadwa krěta saking gusti.

16. 9, Anna brataran ipun, anna punika angin, yan amagut śatru mara, gělise den kadi
angin, haja kan taha-taha, pati urip saking Widhi.

17. 10, Sata brata tingkah ipun, sata ayam yaktineki, tingkah solahe ring wadwa,
tingkah solahe ring rabi, punika den kadi aya - /- m, samiyan kapadhaning sih.

3a
18. 11, Mayūra bratāran ipun, mayūra měrak sayěkti, tingkahe den kadi měrak, tan pati
pangan pangani, pangěnan tan salah ujar, tan wawadonan apěkik.

19. 12, Cintaka bratāran ipun, cintakane paksi kělik, tan malaku sihing wadwa, kewala
sang ratu asih, tika tumrap sihing wadwa, itu rāja akal tinggi.

20. 13, Kagamila brata iku, kaganna gagak paksi, yan niwakang dosa pějah, mahumang
punggawa sami, yan patěh matūt durusang, yan durung jantosang ugi.

21. 14, Wyaghra brata wastan ipun, wyaghra macan yaktineki, yan tan holih durung
mara, ring ratune sāmpun lewih, yan durung karawos siddha, durung patut
kamārganin.

22. 15, Cundaga bratāran ipun, cundaga lutung sayěkti, irengan yen bali pisan, mamālih
pangan ne suci, mātūtang linggih dan solah, sāmpun cara orang tani.
3b.
23. 16, Walesa bratāran ipun, walesa -/- kalwang sayakti, yen durung bisāmet pangan,
anake tan den lumbarin, punika yen kāryya sarat, sāmpun ngutus wong tan uning.

24. Sāmpun tamat tindih ipun, bratane sasiki-siki, sane pasal ping nem bě1as, yan
sāmpun dados mamārgi, lulut kang wadwa samiyan, deśa deśa krěta sami. 0 - 0.

1. Smarandanānggen nālinin, masih cara Surakārtta, yen cara Bali běyeye. ninggarang
ikěte rusak, saking pangaban těmbang, yan těmbang Jawa saru, matah sigug dadi
hantar.

2. Mālih kawnang manggurit, ngětus cerita uttama, saking tutūr pinangkane, kocape
wiwinih manah, ne měntik karahaywan, ne sampūn ngasorang śatru, śatrune něněm
ring manah.

3. Punika patut kāryyanin, yadyan sarūpa janma, tan bina untěng manahe, padha
nganggo Widhi tunggal, ne sajātine nirmmala, ring ratu pandita patuh, sanadyan
ring wong sabarang.
4. Nanging kewěhe ngelingin, ne jā-/- ti kaliwat gawat, saru pingit ya mangedeng,
kadi mināke ring pohan, kadi lawat ring měkā, kadi apuyne ring taru, reh punika
hana nora.

5. Hana ne ring sane jāti, norane ring sane dora, karag kirig kasar keser, papitěhe
rangkung keras, akidhik dadi katah, sami boya sami patut, mingungang manah
katunan.

6. Něrangang manah sajāti, panjang yang sami tutūrang, akědhik yan ringkěs bongkos,
yan jujuh sayan ngějohang, yan panding sayan hnang, yan gěměl sayan ngaruwung,
yan sěbětang sayan susah.

7. Yan kangěnang sayan sědhih, yan jějěhang sayan maras, yan tambětang sayan
bělog, yan līlayang sayan pūrnna, baniyang sayan hantar, yan lenggěngang sayan
kukuh, yan hělasang sayan gatang.

8. Mālih walinin mnangin, śatrune něněm ring raga, ne sai ngamprag manogdog,
mamurung sādya uttama, ne nuduh kasangsaran, sane mawasta sad ripu, punika
musuh sañata.

4b.
9. Alasya - / - wahu sasiki, kālih nidra tiga bhaya, ring kaping ěmpat trěśilāne, ping
lima punika raga, pupute mawasta sad, dwesane kaping něm ipun, nanging kan basa
lawas.

10. Yan ring basa turah mangkin, lasya mayus tuna manah, nidrane buwat kalalen,
bhayane takut gringgingan, trěśilā bwat karakětan, ragane dumun hulangun,
dwesane buwat helikan

11. Yen punika durung běcik, tunggu tūnggwane ring manah, yen těhěr iwang
tatāmpen, makādi iwang trěbakan, gělis ya matuptupan, pabalike dadi musuh,
panglaraga sami kěras.

12. Mangda patěh maka sami, ring asikine matungkas, yěkti kewěh ngaměl benteng,
měrangin yen kan taha, tatās běntenge běhah, yen sajāti jātine purun, měnang reh
mūla němpurang.

13. Punika pinehin sai, sāmpun salah rěsěpan, sami kutang sami angge, tingkahe ring
mādya padha, sāmpun kurang taragya, mangde sāmpun sa - /- lah surup, pamālihe
mangden těrang.

5a
14. Panujune mangden běcik, pamukule sāmpun ngawag, reh saru akeh iribe, katah
musuh cara rowang, rowang mapinda-pinda, sasolahan cara musuh, punika
mangden waspadhā.
1. Sinom cara Karttasura, anggen māsalnang gěnding, sambungan kanda punika, ne
kocap wahu ring gurit, tingkahe ngamong buddhi, yen wentěn magatra tumbuh,
mangden dasarin kědhas, sārta halus tūrus měñcarang pětungan.

2. Pangawase mangden těrang, yen sāmpun narawang hěning, hěninge ne jātine


mulya, punika amongin sai, cacěpang mangelingin, handen putih liyu, sāmpunang
kasāmaran, yen sāmar tan wurung dadi, sasar susur paling kadakěp ban setan.

3. Kahuningan hora dadwa, cětange ngawasin gumi, hala ayu nora sāmar, sarwwa
sarwwa ne ring gumi, pantěsang mangden pasti, saking pantěs da - /- di patut,
saking patut nandanang, manūjuh manuhe hěning, saking hěning ngawetūrang dadi
cětang.

5b.
4. Saking cětang mamantěsang, punika ya bolak balik, sajātine němu gělang. asing
dalih kapi tuwi, dalihang kangin kangin, yen dalihang kawuh kawuh, dalihang
cacad cacad, yen dalihang lěwih lěwih, katěmpuhan dalihang ne kaden mělah.

5. Yen jātine melah krahaywan, yan tosing ngadowang urip, yan buru kirangan
manah, ngaruruh ne mangden ñarik, reh těgěhan ring langit, abote pacang mañujuh,
kranākeh gagělaran, mañědinang ngětut buri, bilih bilih ne nongos pacang
ngěniyang.

1. Sěkar pucung pasaline masih ngtantur, tatěmbangan Jawa, kocape ne munggwing


gurit, masih nustus katutūran satwa lawas.

2. Tan saking wruh ngapus kidung tutūr tutūr, boya saking hingan, prayā ngrangsuk
ring buddhi, sāmpurayang ugi sang mahos samiyan.

6a.
3. Wiwit ipu -/- n saking manah rangkung kolug, ñadya mangrěngayang, kojaran
śastra sakědhik, anggen tungtung maměrangin hati salah.

4. Susah ibuk katindihan manah bingung, saking kālambětan, mětek bintange ring
langit, bilih kangkat polih mauñcab amědhang

5. Siddha mangguh manah rahayu asěmut, saking lintang loba, dumādi těrlalu miskin,
bas tong ada guna rahayu amatra.

6. Anggen sangu padewek durung kapangguh, ne jāti pagěhang, dumādak iccha


Hyang Widhi, něgri Badung kaicenin karahaywan.- o -

1. Pañambunge ring gending pamijil, nutugang wirahos, ñaritayang kojaran tutūre,


nanging těmbang sami cara Jawi, kaon cara Bali ring pamijil ipun.

2. Inab-inab katah kang ngicain, gěnding rare ngangon, pāpantěse pamijil Baline,
krana ngangge mijil cara Jawi, mangde pantěs kědhik, reh ngunggahang tutūr.
6b.
3. Mangde sāmpun sang mahos na - /-mpenin, kātarkka guguyon, sahantukan pamijil
těmbange, babakuhan boya mijil gudig, mijil nabul sěring, caritāgung agung.

4. Kocap rěka tutūre puniki, ayu lintang kahot, saking ling sang pandita ngūnine, jāti
jāti tuhu śilā yukti, yogya tūtěn dening, sang misadya ayu.

5. Dasa krama paramārtha lěwih, wastane kabahos, reh adaśa sami pamnange, siki
tapa brata kaping kālih, katiga samadhi, śanta ping pat ipun.

6. Kaping lima sāmatāraneki, něm karuna rěko, karunine ring kaping pitune, topekane
kaping kutus mālih, siya mudhiteki, metri ping sapuluh.

7. Mālih pidhartthayang siki-siki, tapane kabawos, kahyun suci ring kapanditane, brata
ngirangin indriyan buddhi, ne madan samadhi, matangi ring dhalu.

8. Māsaratan ngawilang wilangin, Sanghyang Dharmma kahot, madan sāmata tan


liñok pajare, madan sāmata manah -/- sasiki, sok rahayu ugi, kakārddhiyang kukuh.

7a.
9. Karūnane wělas sāmaning urip, karūni kabawos, asih maring sarwwa tumuwuhe,
yadiyan maring sarwwa satwa asih, punikā karūni, kocap wastan ipun.

10. Topeksane uninga ring běcik, solah tingkahing wong, mitutūrin i tambět ayune,
mudhitane kahyun lěgeng buddhi, nora sakit hati, kāwehin pitutūr.

11. Samālihe ne mawasta metri, tingkahe kabawos, mapitutūr śabda rahayune, ring
sasāma sāmaning ahurip, punika den eling, sang māsadhya ayu.

12. sakā kidik indayang kāryyanin, hinghan apatělon, aparampat sadadi dadine,
apadaśan kanggyang ugi rihin, nanging prihang mālih, sāmpun surud surud.

13. Sanghyang Dharmma punika pisinggih, irěngang sapakon, sāmpun ngantos dadi
pati lare, reh Hyang Dharmma rikālaning kali, kadi pyanak lanji, tan wentěn
mangaku.
7b.
14. Miwah no - /- ra hārsa mangakuin, linging tutūr kahot, saking saraçamwacaya linge,
krana tatāsang mangkin ngelingin, mangde siddha kěni, Sanghyang Dharmma
sungsung. - o –

1. Ring kumambang sambungang kandane mālih, masih těmbang Jawa, nadyan cara
Bali kengin, wireh těmbang padha mělah.

2. Nging sāmpura antukan padha makědhik, glis mātimbal timbal, mangde kehan
ngangge gěnding, angge malajah matěmbang.
3. Sambungane tutūre mālih wiwitin, kandan Sanghyang Dharmma, krana mangden
siddha kěni, reh kocap ring bhisma parwwa.

4. Prabhu Krěśilā mambawosang duke nguni, ring sang Aryyārjjuna, kawijayan


kapanggihin, asing kahanan Hyang Dharmma.

5. Krana ruruh saratang mangden kapanggih, ywadin salah tunggal, anggen pangukuh
ring hati, bagya yen kěni samiyan.

6. Reh adaśa Hyang Dharmma kojar ing aji, ring Wrati śāsana, daśa dharmma
wastaneki, ne mangkin cacak tutūrang.

7. Dhrěti satu ksāmane ring kāping kālih, dama - / - kaping tiga, asteya kaping pat
neki, śocane ring kaping lima.

8. Indriyanigrahā ring kaping něm neki, hrih kaping pituña, widya kaping kutus mālih,
satyane ring kaping siya.

9. Akrodhane punika puput ping daśi, mālih pidartanña, dhrětine amběke hěning,
ksāma madan kopasāman.

10. Madan dama punika saktining buddhi,ne madan asteya, punikā tan hati maling, tan
cidra ring apa-apa.

11. Śoca ngaran camanā bhasma śilānādi, indriyanigrahā, indriyane mangde hrětin, hrih
punika madan erang.

12. Madan wadyane tatās wěruh mangaji, ne mawasta satya, pitěhěr tan mitya buddhi,
akrodha tan kěneng krodha.

13. Nging punika tatāmpene māngda běcik, pastiyang ngrěsěpang, ne kanggo miwah ne
tosing, kan katah papělutan. - o –

1. Dhangdhang gula anggen mātimbalin,masih ngtantur gěnding cara Jawa,


sambungan kandan dharmmane, tanturang utur ipun, -/- kocape ring kojaran aji,
mahān kirtti panditā, sang ñadya rahayu, ngarajěgang Sanghyang Dharmma,
mangden kukuh ngarddhana Hyang Dharmma sai, ring hasta pangrědhanan.

8b.
2. Nora siddha Sanghyang Dharmma kěni, yan tan sari-sari mangrědhana, puniki
pangrědharmma, akutus wnang ipun, siki bhakti ping kālih asih, kaping tiga
gorawa, ring kaping pat ipun, kawastanan mahārddhika, kaping lima sambega
kaping něm mālih, kawastanan malěmba.

3. Kaping pitu sahisnu puniki, puput kaping kutuse karunā, jumiuwang mālih wnange,
ne bhakti wastan ipun, buddhi wruh angalap sor mālih, asihe kawastanan, tan kědih
tan kudu, mañaratang cacadangan, gorawane tan pati cacad cacadin, ring wong
dumādi janma.

4. Ne mawasta mahārddhika mālih, manah gatang tan patělěhan, ne mawasta


sambegane, tan ngaku sarwwa wastu, ne mawasta malěmba mālih, tan gila ngěton
ala, tan girang ring luhung, sahisnune kawasta -/- nan, tan mūjiyang akeh tan
ngawada kědhik, yan manggih sāwwa sārwwa.

9a
5. Karuna tan maśabda nglarani, kālaning ngěton wong lara tiwas, tambět pěngkung
sasolahe, sumpun gěněp akutus, hasta pangārddhanāraneki, pangrědhananing
dharmma, yan sāmpun karangsuk, punika ne karajěgang, Sanghyang Dharmma
malingga ri jroning hati, ngarddhiyang karahaywan. -o–

1. Salnang gěnding pangkurang, masih nurut tatěpak cara Jawi, yen tanturang masih
liyu, kanda kandaning dharmma, bilih bilih satusan māsewu sewu, laksan rawuh
ring kětiyan, punggětang ambn akědhik.

2. Anggen pakeling ring manah, bilih bilih kewaśa ngatūt kědhik, dados tamban
manah bingung, ñaruwang kabyaparan, ngarajěgang manahe dumādak těrus,
bhaktine ring Sanghyang Titah, mamanggih sucining urip.

3. Samālih dumādak siddha, karahaywan urip těkaning pati, tan kālaman ulah lětuh,
salwiring pāpa kārmma. -/- mangden adoh sarupaning saru saru, miwah rěgěding
jagat, dumādak maganti suci.

9b.
4. Mālih kawnang ñarita, kojarane solah manahe sisip, ne kangkěn śatruning ayu,
ngědohang kauttaman, hasta dewi wastane kojaran tutūr, punika patut kasorang,
mangden siddha nungkap lěwih.

1. Salinin těmbang gamhuh, gěnding Jawi Bali basan ipun, mānuturang ne mawasta
hasta dewi, cacakan ipun akutus, mamingungang manah bělog.

2 Jaya siddhi kasatu, catūrasini ping kālih ipun, kaping tiga ne mawasta umādewi,
camundika ping pat ipun, makrodhi ping lima rěko.

3. Něm dūrgga dewi iku, tan si nine punika ping pitu, ring pupule kaping kutus
kawnangin, wastane wighna kasěbut, kang kěnangkětn musuh abot.

4. Wiwitin mālih ngitung, jaya siddhi bisa sugih agung, pangucape aku sugih lěwih
śakti, ngaguguna wangśā luhur, nanging pangangkěne - / - liñok.
10a
5. Lěwih śakti tan tuhu, tur tan asih ring jagat wong iku, boleh bnang sudah māsuk
jaya siddhi, catūrasini puniku, pratingkahe ne kabahos.
6 Nggawe elik satuwuk, eliking jagat solah wong ik, tūr caphala ulahe ring bapa bibi,
nadyan ring sañaman ipun, ngunggutang digag kimaon.

7. Uma dewine iku, solah tingkahe mangaku aku, sāmpun mawak Hyang Suksma ring
dalem hati, nginggnang dewek satuhu, punikā pamměh borok.

8. Camundi wastan ipun, pamanahan kabyaparan bingung, nora mānut ring


kauttamaning buddhi, pangucape sasar susur, punika tan patut anggo.

9. Mākrodhine puniku, barayěgan manah sěring běsus, nora harsa hatut ring wong lian
mālih, ngubuhin brangti satuhuk, tan uning ring hati polos.

10. Buddhine sandih jambul, adat satatā bringat bringut, ne saikā kawa -/- stanan mahā
krodhi, ngicatang manah rahayu, ngatantangang manah bě1og.

10b.
11. Ring dūrgga dewi iku, ulah tan nggawe jagat rahayu, diměn ñětik maněluh miwah
mandesti, tan waněh ngarddhi lělětuh, punika setan mawak wong.

12. Tatsini wastan ipun, manah pěteng kasāmaran bingung, muji muji wong dosa salah
pangesti, saśabdane nora patut, ngampakang dadatan kotor.
13. Ne wighna wastan ipun, pratingkahe ne mangingu turū, ngulah dosa tan santosa
ring wiyādi, punika g.ěněp akutus, ngangkrahin mārgga krahayon. - o -

1. Salinin těmbang girisa, masih cara gěnding Jawa, kocap ne madan patittha,
pratingkahe dadi jadma, koj ring wrětti sasana, tingkahe majajuwangan, punika
patut elingang, mangde mānut linging śastra.

2. Sāmpun ngangge ne patittha, kojaring śastra uttama, punika patut pagěhang, ne


mangkin cacak tutūrang, krama -/- ne salah juwangan, mangrabinin ibu salah,
mangrabinin niru salah, nadyan bibi miwah ñama.

11a.
3. Iwang mañomahin panak, yadyan ñjuwang kaponakan, nanging ne wahu diñama,
ěnto madan kaponakan, mañomahin mantu salah, ñjuwang tumin masih salah,
sanadyan mañjuwang ipah, mañjuwang somah i paman.

4. Miwah ñjuwang rabin matūra, rabining sapangalapan, ñjuwang warang masih salah.
miwah ngalañcubin matūra, yadilyan somah kaponakan, ñjuwang somah mantu
salah, miwah ñjuwang somah ñama, punika sami patittha.

5. Miwah ne madan brahmātya, tunggil ring sane bhrunahā, mateni rare ring basang,
nanging brahmātyane katah, bhrunaha wantah Saminggal, ne mangkin mālih
tanturang, kramane madan brahmātya, punika dahat naraka.
6. Ngamādyang rare brahmātya, sanadyan istri uttama, miwah mateni blingan, mateni
lěmbu sakandang, mějah Brahmani Brahma -/- na, miwah ñedayang Pandita, miwah
Wiku watěk pūja, ñedayang ratu mālihña.
11b.
7. Punikā sāmpun nglaliyang, reh kalintang agöng pisan, naraka nekang brahmātya,
mānda ring sipat manusa, Sanghyang Indra masih nraka, ngamārggyang ulah
brahmātya, kocap ring anggasti prawa, bawos Bbagawān Nanggira. - o –

1. Pasaline masih Jawi těmbang durmma, ngtanturang tutūr linging, barati Sasana,
tingkahe salah buwat, ne madan sad atatāyi, něněm kawnang, ulahe rangkung sisip.

2. Kapisane ulahe něluh mangleyak, manggawe sarang gumi, ring kāping kālihña,
tingkah ñětik mangupas, kaping tigane samālih, ne ngamuk ngawag, makrana salah
hati.

3. Kaping pate ne murugul ngguragadha, lěbih-lěbih ing sisip, sane kaping lima,
jadmane nuñjěl umah, saking laksana tan yukti, makrana corah, miwah makrana
maling.

12a
4. Kaping něme miśunakěn prabhu ika, - /- mawasta sad tatāyi, dosa lintang sarat, ring
sakala niskala, punika rěgěd ing gumi, kawah majatan, hidup sami ring añjing.

5. Wěntěn mālih ulah kawastanan steya, masih cacakan sisip, ulahing sajadma, tan
wěntěn patut tulad, mangden doh ring kahyun sami ,ulah punikā, yen mrihang
manah suci. - / -

1. Sāmpun ñandang pasalmang, ambnang kajuru dimung, tatěmbangan Jawa ngtantur,


mānuturang tingkah steya, ulah jadmane tan sādhu, tunggile ring hasta dusta,
mungguh ring agama Manu.

2. Nanging asiya kawnang, mawak maling yang kasatu, manayab ping kālih ipun,
mangutne kaping tiga, mlagandang kaping pat ipun, mangěntale kaping lima, ring k
aping něme anumpung.

3 Pitune mungpang strining lyan, mbaranang ring kaping kutus, alwan kaping siyan
ipun, ne alwan to kawastanan, nglaksanayang krama jaruh, malalěměs iwang
tingkah, samiyan steya puniku. - / -

12b.
1. Pasalnang tungkapang těmbang megatruh, ngtantur sami gěnding Jawi, solah
manahe tan patut, akeh yan cacakang sami, mungguh ring tutūre kahot.

2. Wireh bas kalamiyan jugate pupu, pakarddhin Ida Hyang Widhi, krana katah śastra
tutūr, mabacak ne hala běcik, yen kumpul bilih agědhong.
3. Nanging běcik yen samiyan sāmpun pangguh, punika galih galihin, tatāsang nampi
ring kahyun, akeh dora akeh yakti, makrana saking pangrawos.

4. Katěmpuhan ngelingin ne jātine patut, reh tan wentěn dados gisi, sěkěnang suratang
paku, yen sāmpun swatahe kěni,bilih bilih husan kumor.

5. Saking akeh dados kědhik srěngan patut, yan kědhik mula akědhik, punika jat
satang surup, narkka uttamane kědhik, bakal apa kehang rawos.

6. Krana sěngkö ngingetin ne jātine patut, yen ne dini durung jātine, upami mapikat - /
- puwuh, ngaba pamikat nirupi, bin pidan bakat ban mongkos.

13a.
7. Yan tan patěh boyā ndugi dados patuh, kadi ngawijnang napi, yan tan mula ñimpěn
dumun, punika durung Kajātine, wěntěne kewala bawos. - o –
1. Pasaline mālih dhandang gěndis, sarwwi anggen painget matěmbang, tatābuh
gěnding Jawan, muwah pāpatut ipun, nanging kěni wahu akidik, kaliyan durung
sinah, patute manukup, polihe nuptup nuptupang, rikālane antara ingět ring
gěnding, anggen ngingerang těmbang.

2. Dhandang gula těmbang manurarit, yan btigang tabub cara sola,bangět běgab
bangět iěngok,mapilih swara halus,miwah Tinge jajangkan Jawi,tan dadi mbakan
asal,yen ngěrěngang ěmbuh těmbange maburacukan,turut pupub pungaginge
pittung siki,alitan mālih pāpat.

2. Muñi tunggal samine dudading, sayih cara iras ginder wayang, dhandang gula
pamijile, -/- asmarandana pucung, mās kumambang ginanti sami madhasar tunggal,
kědhik sewos ipun, samiyan ngidupang rěngan, nadyan agöng nadyan alit
mañurarit, masih muñi turut pat.

13b
4. Yan ring jayendriya sangět lain, krana bingung ngarěsěp rěsěpang, ngelingin patěh
swarane, keh tungkas dawuh pupuh, kasaruwang pambero ngiring, andang
andangan śabda, yen sāmpun mañukup, tatěkěp muwah tatěpak, twara am at manise
yen dhandang gěndis, těmbang cara śāla.

5. Wiwit sinom ring girisa tunggil, wiwit durmma ring měgatruh tunggal, gambuh
pangkur ndewek dewek, mbakta cacaran ipun, sāmpun bangět piyarsa lain, tan kan
ngěnder wayang, sāmpun sewos patut, nanging yen anake wikan,s ami kangkat
kirigang mālih akidik, ngarěrěh pāpatutan.
6. Nadyan cara carane ring Jawi, cara Jugja cara Karttasura, padha seje cacarane,
Sěmarangg miwah Kědu, Surabhaya Kudu - /-s Batawi, Kadhiri Prabhalingga,
wwetěn sewos ipun, cacarane nabuh těmbang, napi mālih cara ne ring Bañuwangj,
sāmpun ñěrod bangětan.
14a.
7. Wireh sāmpun sayih cara Bali, cara Bali těmbang gaglěbugan, sayawining těmbang
gidhe, akehan matah kaku, smarandana patute tunggil, ring patut dhandang gula,
yan Bali manabuh, cara tabuh babarongan, kurang raras pantěse nagib
cěgirin,miwah cědugin kěndang.

8. Juru dtmung yen kānggeyang narik,ngambn sayih ginanti njumuwang,ring wus


tampěk paiTiadhane.cara pamijiJ patuh,nadyan těmbang mula ring Bali,kadi
angganing wanda,jinada panglipur,sawatěking těmbang nunggal,akeh dados tabubin
ring cara lawi,nging kehan ngtnder wayang. -o–

1. Mālih ñambung pasaline těmbang pucung, ne mangkin liwatang, mingětang pāpatut


gěnding, mālih ñumu ngitutang pahingět manah.

2. Lintang tuyuh abote karangkung rangkung, dumādi manusa, ye -/- n durung


madhasar hěning, jatan bingung kene iwang keto salah.
14b.
3. Samin ipun kadi awak bono běrung, tan pakulit ninglas, jajěrone paguraming, isi
pělud ngalenteng montal ontatan.

4. Kija laku ñingidang ngěngkěbang buruk, yan mangungsi gatang, kěni paněs buka
tantig, ngungsi singub wayate garang jagjagan.

5. Ngungsi sěmput mirib bakal ulah lěgu, ngisěl ka tanggatan, waya kasarap ban
ñingñing, pati tuyud reh katah ngadut sandeya.

6. Asing tumbuh ring manah majakan musuh,tan mari sangsaya,kene takut keto
jbrih,lěbib tuyuh kagendotan buddhi tamah.

7. Tamah musuh nagih ngějuk mambarikus, měmantig mantigang, gawena nggawe


pěñakit, krana tulus mamanggih kasurang surang.

8. Kaden sādhu ulat malajahin angkuh, matujuin jatan, yen turut makrana paling,
payung-apus suba adat hati setan.
15a
9. Lěbih lacūr dadi ja-/- dma sewu lacūr, sugih kālambětan, bati agöng bhuta tuli,
dipang lacūr plihe ngidupang tamah.

10. Awak Milu bisa tungkas dadi musuh, mamunduwang pāpa, sai mangaru aruhin,
kene těmu siguge ngěmpuwang manah.

11. Dija ruruh ne dadi tagihin tulung,sawat lěbih sawat, liwat saru liwat pingit, saking
lacūr kālawěngan kālambětan.

12. Diklak dikluk padewekan pati añcuh, pati guragapan, kālangkahan lěmah
latri,1ěngak 1ěngok měnek langit tuhun tanah.
13. Nglayang nglayung ngajap manggih rasa ayu, saking kurang tyaga, ngěcapang
rasane pahit, krana tuyuh sai manandang panganan. - o –

1. Patimbale ngawali walin, bolak balik, mālih dhandang gula, ngungguhang sědhih
manahe, yen tanturang mandudut, pědas katah mānak pěñakit, pisan lipur lipurang,
kocape ring tutūr, punika anggen lalawat, bilih bilih siddha mataněkan kidik, dados
ta - /- mban kanrakan.

15b.
2. Ne kaprihang ring sang sādhu sami, ndātar liyan sarining kapatyan, pamoring tayā
Suksmane, ring mahā padma mungguh, reh punika wiwitan sami, sami sadaging
jagat, sami samin ipun, nadyan pañca mahā bhuta, akaśa teja bayu apah pratluwi,
mědhal saking punika.

3. Ne mawasta prana wisa yakti, sane sāmpun mawindu manSda, yen boy a okara
tulen, kan dados katuduh, durung nata durung sajāti, durung mawasta sinah, sami
darang durung, kan rasane jatjatan, kan matah glisan madhěmang gni, kaplak jěrih
panab.

4. Krana durung polih těrang jātine,ring ne patut kun durung kirApang,kan ngukuhang
manahe,bhuta ngandnang ngusuci,ngawa-stanin gajah sajatj,polihi tapak lima,hande
handen ipun,tingkah panganggěpe lugak,durung siddha māsikiyan kadi napi, abote
dadi jadma.

5. Krana kocap ring tutūre lewih, ne mawasta dhangdhang bang bungatan,ne - /-


sāmpun sinah jātine, tan saking kalah angkuh, gěpěh gěpu polah keh mijil, sami
mapawaněngan.kadadosan ipun, putih barak biru sāmar, sawarnane watěse kan
ngiwangin, ring ne mawasta ñata.
16a.
6. Hande capung ngumbara ring langit, yan mātinggah ring tanah tan tanah, ring kayu
boya kayune, ring batu boya batu, ring parigi boya parigi, ring apa boya apa, saru
lěbih saru, tingkah manone ring awak, sajātine ada matukul ring hati ,māti tan tumut
pějah.

7. Paněngěran sang polih sajāti, lěbih lěbih ewěh mijātineyang, boya saking
kaśaktyane, boya saking pangawruh, boya saking mamaling maling, boya saking
kadhiran, boya saking purun, boya saking tan pasomah, boya saking ñiddhyang
makeh marabi, punika pingit pisan.

8. Pawnangan tri gana lměwih, kan tinggang yen puput punika, kan kumuran ñatane,
mātiukan hala ayu, dados ñasar dados měně -/- rin, kan keh pasimpangan, katah
gatang simput, hande kadi ngalunghayang, ngungsi paran kesahe saking palinggih,
mangden saking irikā.
16b.
9. Sakatahing jadma soring langit,s awatěke mātiaging angkihan, miwah mātiaging
matane, sanadyan buron simut, mwah asing kutuning gumi,s amiyan mamirihang,
ne uttama něrus, sane tan kěna inucap, nghing siddha tan siddhane Hyang Widhi
uning, ring jadma harang wikan.

10. Katutūrane kalintang lěwih, kocap sane tan mātiaging cacad, kajoring ślokantarane,
sane sāmpun kasumbung, tur směmbah matra mātiaging, kědhik kědhiking cacad,
durung něrus ayu, manda ring jadma manusa, krana běcik tan pati cacad cacadin,reh
padha misi cacad.

11. Gunung agöng ne sāmpun kapuji, dingin sangět cacade irika, Hyang Suryya paněs
tejane, Hyang Wutan mesi bungkut, sigarane matoya pahit, Sanghyang Indra
cāpala, Wisnu māngo -/-n lembu, Hyang Sangkara Nnakanta, kěni wisya kalakūta
duke rihin, kala ngiyid mandara.

12. Sěkar tunjung bungha pinněwih, yen rěsěpang masih misi cacad, reh saking latěk
wijne, cāndana dewan kayu, gowokñane misi lilipi, punikā mangde cacad, ngaba ala
ayu, rangkung sěngka mangimpasang, niñcap harah nadyan cacad mangde kidik,
tan dadi kanarakan. - o –

1. Sěkar pucung sambungan pangarang tutūr, nurut tatwa lawas, ne manggěh uttama
rihin,s aking sāmpun mupak at para Pandita

2. Sane kukuh manurut agama Manu, Manugama Brahma, kocape ring ling ing aji,
ngambn nustus saking tutūr ślokāntara.

3. Kocap ipun kayowanan rūpa bagus, punika tan tana, yadiyan sugih mās pipis,
boiya awet jagi dados pāpal aran.

4. Mālih ipun pitrěśilā sane kalagu, ring kadang sawitra, makādi ring anak rabi, talěr
boya awet dado - /- s pāpal aran.

5. Krana suluk sang »adhu Aadya ngawangun,ne awet pāpa]ar,puny a kirtt] ian
samadhi,tapa brata pūja yoga karajigang.

6 Phatan ipun yen punyaa dhana kawangun, pamalěsing Dewa, nganut kālane
mamarggi, yan pūrnama yan tněm niwakang punyaa.

7. Punyaa satu phatanya tikěl sapuluh, yan kala ghrahana, phatane mālih
ngtangkungin, tikěl satus punyaane sane Saminggal.
8. Yen manuju kanyaganta kālan ipun, sang sādhu mapunyaa, tikě1 sewu ne asiki,
phatan ipun pamalěse saking Dewa.

9. Yan ring nuju yughānta kala sang sādhu, māsang dhana punyaa, phatane
karangkung lěwi, .tan pawatěs phatan ing punyaa satunggal.

10. Mālih ipun yan antara kālan ipun, tan tněm pūrnama, miwah tan bucu waktranti,
ndatan kanya ganta tan yugānta kala.

11. Māsan ipun nggělarang punyaa sang sādhu, tunggal mulih tunggal, yan punyaa ring
kadang - / - hajii, punyaa tunggal phatane nikěl sapisan.

18a.
12. Yan sang sādhu mūnyain Brahmāna Wiku, punyaane satunggal, tikě1 sewu
phataneki, yan mūnyain Brahmāna Siddha Pandita.

13. Napi mālih yan Dewa paraga sāmpun, punyaane Saminggal, tan pawatěs phataneki,
saking sāmpun kojaran śastra uttama.

14. Kandan ipun tingkah dharmma kawangun, nganggo nista mādhya, yan maweh twak
ulam nasi, sarwwa pangan kawastanan dhana nista.

15. Maweh kampuh wastra sarwwa alus alus, miwah mātihanayang, mās slaka
sanadyan pipis, ne punika kawastanan dhana mādhya.

16. Mālih ipun yan mawehang anak ěluh, tur panake dhahā, puniki ne pinih lewih,
kawastanan ika uttamaning dhana.

17. Māweh tutūr kojaran śastra rahayu, kahajahin dharmma, antuk Sang Pandita lěwih,
phatan ipun ngasorang dhana samiyan.

19b.
18. Mālih ipun buddhine kmangkěn - / - patut, rikala mapunyaa, kewala buddhi
mahěning, tan kālaman talutuh mwah tan suka.

19. Punyaan ipun yadyan kidik yan manurut, manah karahaywan, punika phatane lěwih,
manah lna rahayu magawe phala.

20. Yadin liyu punyaane yen hora mānut, manah karahaywan, upami padang tuh
garing, katibanan gnine kadi kukunang.
21. Pědas puhun dadi awu tan paunduk, krana sang mapunyaa, ngatanggěngan buddhi
suci, mangden sāmpun ical phataning sadhana.

22. Mālih ipun tingkah kirttine kawangun, dhadhasare tunggal, matatākan buddhi suci,
kadi tutūr kocaping arěp punika.

23. Semer satus yen karddhiyang phatan ipun, punika kasoran, ring phatan tlaga asiki,
tlaga satus kasor dening yajña pisan.

24. Yajdña satus kasor dening putra satu, yan putra wiśesa, pagěh ring yoga samādhi,
miwah suluk ngawangunang tapa brata.
25. Putra - /- satus kasor ikā phatan ipun, ring brata kasatyan, brata satya pini lěwih,
nadyan istri uttamane satya brata.

26. Brata liyu nging kasatyan 1ěwih ipun, sanadyan kapāpan,kaluwihan pinih lěwih,
krana kukuh sang sādhu ngaměl kasatyan.

27. Pāpan ipun yan liñok ring sato asu, adaśa tuhunña, liñok ring jadma mamanggih,
satus tahun pāpa kinlaring kawah.

28. Sewu tahun pāpane unok ring ratu, pāpa tan pahingan, liñok ring Pandita lěwih,
samin ipun pāpane liñok ring Dewa.

29. Wwentěn mungguh ujar liñok tan pamangguh.pāpaning dadi wwang, pañca nrěta
wastaneki, kapisane rikālaning mangotsawa.

30. Kālih ipun kālaning manomah wadhu, sane kaping tiga, ujaring hurip maurip,
kaping pate ujar karaksaning wita.

31. Gěněp ipun kaping limane umungguh, kālaning guguywan, yan liyan saking puniki,
ujar adwa tan wurung mamanggih pāpa.

l9b.
32. Tampen i-/- pun mangden sāmpun satang surup, ngawastanin adwa, rěhang
pāpasten mālih, ring kojaran aji Sārasamwacaya. - 0 –

1. Pasaline sabilang masalin, sasāmpune ñawak těmbang těmbang, kewala dhandang


gutane, mātimbal timbal pucung, pangtanture těmbang kakālih, anggen ñambung
ñambungang, kakětusan tutūr, polihe nuptup nuptupang, cacarangan saking agama
kanhin, anggen tamban byapara.

2. Kocap rěke ring tutūre mawit, ne mawasta Sarasamuwacaya, bawos Bhagawan


Byasane, punika ne kasumbung, antuk para Pandita sami, padha muji ngastawa, ri
dibyaning tutūr, punika patut elingang, sakatahe manusa padha nglakonin, tuduh
agama Brahma.

3 Kandan ipun ne mangkin wiwitin, maparah pat dadi catūr jadma, jadma patang
pangkat rěka, Brahmāna yang kasatu, Ksatriyane ring kaping kālih, ring Wesya
kaping tiga, tri wangśa kawuwus,s amālihe kawastanan, ma - /- ka tiga siki maparab
dwijātine.reh wěnang sinangskāran.

4. Panutuge Sucira ping pat neki, ekajātine kang kadi punika, tan dadi pasang skarane,
punika kandan ipun, catūr jadma kojar ing aji, nanging mālih rěrěhang, tatěrangan
ipun, linging Bhuwana Purana, saking kěcap Bhatara Siwa ne rihin, ri Bhagawan
wisista

5. Sane mangkin kewala mingětin, linging tutūr Sārasamwacaya, lalakon catūr


jadmane, sane patut kagugu, sang rumaga Brahmāna lěwih, mangaji māsaratan,
mayajña kawangun, miwah maweh dhana punyaa, manělěbang mātirtha mahāti
suci, muwah mawarah warah.

6. Makādine laku ngawikonin, samālihe nanggap dhana punyaa, puniki mālih ulahe,
ring Sang Brahmāna mungguh, brata ro wělas cacakaneki, sapisan madan dharmma,
satya ping ron ipun, tapane ring kaping tiga, kaping pate dhama kaping lima mālih,
madan wimātsāritūra.

20b
7. Kaping něme kawastana -/- n hěrih, kaping pitune madan titiksa, anasuya ping
kutuse, yajña ping siyan ipun, kaping daśa dhana samālih, dhrětine kaping sowělas,
ksāma rowělas ipun, mangkin mālih pidhartthayang, cacakane těrange sasiki siki,
dharmma sāmpun polosan.

8. Satya pagěh arttine puniki, kapihěran manah madan tapa, ne kurang kawisayane, ne
dhama wastan ipun, kasāmaptan mātiaging eling, sane wimatsaritūra, tan iri ring
kahyun, hěrihe mawasta irang, sane patut wirangang samjyan uning, titiksa tan
göng krodha

9 Anasūya nora dośa grahi, madan yajña katělěb mapūja, dharmma maweh punyaane,
ne dhrěti wastan ipun, kasiddhaning mamanggih hěning, ksāma ngaraning ktan,
ktan wastan ipun, pagěh narima satitah, hora mundur ngukuhang panggawe běcik,
ika bratan Brahmāna.

10. Mālih ulahing Ksatriya lěwih, těhěr malajahin Sanghyang Weda, pagěh ma - / - gni
hotrane, magawe yajña putus, ngrāksa jagat miwah nagari, pariksa ring sawadhawa,
ngarddhi karahayun, ring sawatěk kula gotra, makādine ngawehang dhana samālih,
dharmmaning Sang Ksatriya.

11. Miwah ulahing Waisya samālih, muruk ring Sang Brahmāna Ksatriya, miwah
nggelarang punyaane, kala diwasa ayu, miwah muja ri Hyang Tri Agni, miwah
mātiumpumana, ring sawatěk ipun, punika bratane Waisya, saking bawos
Bhagawan Byasa ne rihin, ring Sārasamwacaya.

12. Ulah Sucirane ungguhang mālih, bhakti sumewa ri Sang Brahmāna, miwah ring
Ksatriya Waisyane, punika ne kagugu, mangden pari tusta Sang Trini, olih
ñamanewaka, hnang pāpan ipun,s āmpun madan siddha kāryya, bratan Sucira
ucapan wantah akidik, newaka ring tri wangga. - o –

1. Mālih pucung pasaline wantun wantun, ngatanturang kanda, saking kojaraning aji,
nambet ñambung tutūr Bhuwana Purana - / -

2. Jadma catūr catūr pāpat arttin ipun, cacakan puniki, ne kocap wahu ring gurit, mijil
saking Serira Bhatara Brahmi.
3. Ne kawuwus Rěsi Śiwa Buddha munggah, winastan Brahmāna, ratu miwah
kadhang aji, rāja putra punika madan Ksatriya.

4. Mālih ipun wong tani tan salah dunung, śantana kabayan, miwah wong singgih ring
tani, ring deśanya juga iku ngaran Wesya.

5. Juru prahu juru dagang mālih ipun, juru patitihan, ya Sucira wastane ugi, wwěntěn
mālih jadmane patang prakara.
6. Ne tan mětu saking Brahma wiwit ipun, rihin panea kārmma, plukutus candala
kālih, kaping tlu sad mleccha pāpat sad tuccha.

7. Pañca kārmma ring candala boya anut, candala maleccha, sad tuccha punika
tunggil, nging gěnahe masih ngānggo nista mādhya.

8. Sami sāmpun ring bhwana purana mungguh, irika pastyang, cacakane siki siki, ne
mawasta pañca kārmma tan candala.

22a.
9. Miwahipun -/- mleccha sad tuccha puniku, ne mangkin liwatang, sewosin
pangambn mālih, wireh nustus ngambn katutūran lawas.

10. Linging tutūr Bhārggawa Śiksanee mungguh, pitutūr Bhagawan, Rāmaparaśune


nguni, ring śisyane maparab Sang Abhidhwaja.

11. Ulah patut ne magěhang wangśa ruhur, sanadyan Brahmāna, uttama kojaring aji,
yan tan patut ulahe ngutang kawongan.

12. Mandā manus nadyan Dewa yen tan patut, maamběk wimoha, dadi wong lěwih tūr
sugih,jadma lěwih yan tan maulah kadharmman.

13. Dadi ipun jadma daridra kālangkung, yen jadma daridra, masih maulah tan yukti,
dadi satwa nista yan i satwa nista.
14. Masih nglawut ngukuhang ulah tan patut, dadi buron kidang, buron kidang yen tan
yukti, dadi kědhis kědhise ne paling kasar.

15. Yan mangtantur i kědhis mātingkah dudu, dadi be sarapan, yen i be masih tan yukti,
dadin ipun lalipi lagi -/-la gila.
22b.
16. Dadin ipun lilipi yen masih dudu, kekelik ing jagat, phataning gawe tan yukti, liwat
lěwih punikā manggih kapāpan. -/-

1. Patimbatang mālih dhandang gěndis, ngatanturang tutūr kalawasan, linging kirtti


Pāndawane, mālih walinin jumput, pitutūre Hyang Dharmma nguni, ri Sang Pañca
Pāndawa, kasiddhaning ayu, punika mangden waspada, sālamine rasa rasaněn ring
hati, rañcanakěn ring manah.
2. Mangden sāmpun ngawagang patitis, kawěnangang maguru ping sapta, yen durung
trang pamanggihe, nora pāpa katěmu, kanistane yan lintang saking, maguguru ping
sawělas, masih tan mamangguh, ika ngaran pāpa nista, ring aguru ping pitu ping
lima mālih, kawastanan ring mādhya.

3. Uttamanya maguru kaping tri, uttamaning uttama sapisan, wwentěn mālih palenane,
mādhya yen kaping tlu, ne apisan uttama jātine, nanghing hitung hitungan, ri sang
tusti wi - -ku, puniki kandaning śastra, kirtti Pāndawa hingětakěn ring hati, kěcap
Bhatara Dharmma.
23a.
4. Linging nitisāra kocap mālih, tingkah jadmane māsasěmbahan kapitěkětang patute,
Pādanda Wahu Rawuh, rihin ngikět ngangge kakawin, mawasta Nitisāra, mangkin
mālih duduk, unggahang ka dhandang gula,a nggen surat pakeling tabuhi gending,
tingkahe ngangkat sěmbah.

5. Sěmbah wadhone ring guru laki, watěs jagut dadi pawaněngan, nguñjukang kucup
jrijine, ring ratu tungtung irung, yan ring pitra mādhyaning alis, yan ring guru
pangajyan, ring lalata patut, yang ring guru pasangskāran, watěs sirah cara
paněmbah ring widhi, lima wnanging sěmbah.

6. Sāmpurayang kawi tuna budhi, ngarang tutūr pingět padewekan,. tan saking
gagampang rehe, saking nungkutang bingung, bilih kangkat lipur sakědhik, kālih
dumādak siddha, nemu karahayun, ring urip těkaning pějah, moga-moga luput ing
panggawe juti, saturun - / - Aryya Dhamar.

13b.
7. Kālih māsa pupute katulis, ring Rědite ring wuku Matal, ring kapisaning pangtonge,
katiga sasih ipun, isakane mālih wnangin, kālaning sewu domās, nanggu lima likur,
pupute sědhek rahina, sawatara taběh pat itungan Bali, pawnangan wariga.

Iti kidhung Dharma Sasana samāpta, kakětusan making tutūr nguni-nguni. Tělas.