Anda di halaman 1dari 3

PARTORDING NI IBADAH PARTANGIANGAN GABUNGAN PAROMPUAN

HKBP MELATI RESSORT HELVETIA SADA MEDAN


SELASA, 7 AGUSTUS 2018, PKL. 16.00 WIB

1. Jou-jou laho Marsomba


U: Hamu angka dongan sahaporseaon, tapuji ma Debata, Ama ni Tuhanta Jesus Kristus,
siala pangaramotionNa dohot dengganbasaNa na dilehon tu hita sahat tu tingki on.
Dilehon do partingkian di hita laho marpungu dibagasan Partangiangan Gabungan
Parompuan HKBP Melati na tapatupa sadarion. Dilehon do nang hahipason umbahen
tarbahen hita pajumpang di bagasan las ni roha. Sai asi ni roha dohot dame na sian
Tuhanta ma mangaramoti parpunguanta on, jala holong ni rohaNa ma mangarahuti
hita marsaor di bagasan las ni roha.
H: Mauliate ma ale Tuhan, disude denggan basa na nilehonMu tu hami, ala ni i, sai
ungkap ma rohanami, asa baritahononku ma denggan ni basaM marhite puji-
pujiannami!
U: Antong, dibagasan las ni roha, taparade ma pujipujian tu Ibana, marende ma hita.

2. Marende Buku Ende No. 440:1-3 “Sai pujima Tuhanta ” BL. 296
Sai puji ma Tuhanta Jesus Kristus. Pasangap ma, lomo na ma patulus,
Pinujima Goar Na, da !
Na sahat ma endeta tu joloNa. Na metmet ma nang angka na umbalga.
Pinuji ma GoarNa, da!
--jongjong ruas---
Ndang pande au mamuji Ho, o Tuhan, Alai dibege Ho au, ale Tuhan,
Pinuji ma goarNa, da !

3. Votum-Introitus-Tangiang
U: Marhitehite goar ni Debata Ama dohot AnakNa Tuhan Jesus Kristus dohot Tondi
Parbadia, na manompa langit dohot tano on. Amen. Mandok mauliate ma hamu tu
Jahowa, ai na basa do Ibana, ai ro di salelenglelengna do Asi ni rohaNa i.
H: Tapuji ma Jahowa, ai Pardenggan basa do Ibana; taendehon ma goarNa, ai
hasudungan ni rohanta do Ibana
U: Martua ma ganup na manghabiari Jahowa, na marparange di angka dalanNa i. Sai
panganonta do na niula ni tanganta, martua ma hita jala sonang.
H: Sai urupi ma hami ale Jahowa Debatanami. Sai tumpahi ma ngolunami hombar tu asi
ni rohaM.
U: Martangiang ma hita! Ale Tuhan Debata, Parasiroha na sumurung. Mandok mauliate
do hami tu Ho, ala naung dijou Ho hami tu panghirimon na mangolu marhite anakMu
Jesus Kristus. Na marpungu do hami nuaeng di bagas joroM laho marsada ni roha
hami patupahon Partangiangan Gabungan Parompuan HKBP Melati di bulan Agustus

1|Page
on. Sai rajai jala togu-togu ma hami marhitehite tondiMi, asa ungkap rohanami
manangihon dohot manjalo hataMi. Jala marhite hataMi, dipaimbaru do ngolunami
gabe marparbuehon habadiaon, hatigoran, dame dohot hasonangan. Di Ho ma puji-
pujian dohot hasangaphon, marhite Jesus Kristus Tuhannami, na marhuaso rap
dohot Ho, dohot Tondi Parbadia, nuaeng, ro di saleleng ni lelengna. Amen!

4. Marende BE. 460:2-3 “ Ala ni Tuhan Jesus” BL. 319


Ala ni Tuhan Jesus mamujimuji au Holong tongtong rohaNa, holong marnida au
Godang do hasusaan di hasiangan on Asal ma di tanganNa na sonang au tongtong
Ala ni Tuhan Jesus, maropolop au Ibana huihuthon manang tudia lao
Ibana do patogu, pasada rohangki Ro di banua ginjang sai Jesus donganki

5. Manjaha Bibel (Epistel) : Jakobus 1:22-25


U: Alai gabe siulahon Hata i ma hamu, unang holan pananginangi, angka na
paotootohon dirina!
H: Ai pananginangi di hata i, anggo so diulahon, tudos ma i tu halak na paberengbereng
rupa ni bohina di sorminan.
U: Ai dibereng do dirina, dung i laho ma ibana, gabe ndang diboto be rupana.
H: Alai na mamereng torus tu bagasan uhum haluaon na sun denggan i jala mian disi, i
ma na martua marhite sian pangulaonna i, anggo so pananginangi na
mangkalupahon, siula ulaon i tahe ibana.
U: Ido ianggo sahatna. Martua ma angka na manangihon hata ni Debata jala na
umpeopsa. Amen!

6. KOOR:

7. Marende BE. 255:1+3 “Holan sada do na ringkot” BL. 187


Holan sada do na ringkot Jesus lehon i di au
Manang aha pe na dapot ndang tuk pasonanghon au
Nang arta nang sangap sude hamoraon
Ndang tau mangalehon di au hasonangan
Alai molo dapot na sasada i
Tongtong las rohangku hinorhon ni i
Suang songon si Maria tumangihon hataMi
Naeng o Jesus na badia hundul au di lambungMi
Antong ale Tuhan pasada rohangku
Palua ma au sian nasa dosangku
Sai Ho ma o Jesus nampuna au on
Sai Ho ma manggohi rohangku tongtong

8. Jamita/Renungan
2|Page
9. KOOR:

10. Marende BE. 831:1+3 “ Tung jotjot au”


Tung jotjot au songon boru Samaria mangalap aek tu sumur I,
Hape so boi sombu uasna, mulak ulak pe mangalap i.
Tung tuani ma ro Jesus manjouhon “Au do aek hangoluan I”,
Pangido asa hulehon aek pasombu uasmi.
Ale Jesus aek hangoluan gohi dohot panginumanki,
Asa sombu uas na di rohangki asa sonang gok dame tondingki.
Molo mauas tondimu ale dongan, hatop ma ro tu Jesus I
Ibana do aek hangoluan, sai tangihon ma hataNa I
Di Ibana dapot ho hasonangan, pasahat ma dirim tusi
Mardame ho jla martua, ro disalelenglelengna i.
Ale Jesus ...

11. Tangiang Pangondiangon

12. Marende BE. 519:1- “Tarbege do Panjou ni Kristus” (Papungu Pelean) BL. 356
Tarbege do panjou ni Kristus torus ditano Batak i;
Ise na sumeahon hosa, Ise manghophop dongan i?
Hita sude, naeng marade Nang dilele, da, Haposan ma di Debata
Na olo hita paboahon holong do Jesus Tuhan i
Naung saut malua do dibahen ama nang ina Batak i
Hita sude,…
Ulahon ma manghatindangkon Kristus nampuna hita on
Asa torop dope barani marsomba tu Rajanta on
Hita sude, …

13. Tangiang Pelean – Panutup

3|Page