May apat na layunin ang United Nations: panatiliin ang pandaigdig na kapayapaan at seguridad; paunlarin
ang mabuting pagsasamahan ng mga bansa; makipagtulungan sa paghahanap ng solusyon sa mga
suliraning pandaigdig at sa pagtataguyod ng respeto para sa karapatang pantao; at maging sentro ng
pagkakasundo ng mga bansa. May 30 kaanib na organisasyon na nagtutulungan sa pagpapatupad ng mga
layuning ito.
Ang United Nations ay hindi isang pandaigdigang pamahalaan; hindi ito gumagawa ng batas. Gayon man,
naglalaan ang United Nations ng paraan upang hanapan ng solusyon ang mga pandaigdigang
labanan/tunggalian at nagbabalangkas ito ng mga polisiya na may epekto sa buhay nating lahat.
Ang lahat ng Kasaping Bansa/Estado ng United Nations—Malaki man at maliit, mayaman at mahirap, at
nagtataglay ng iba’t ibang paniniwalang pulitikal at sistemang panlipunan—ay mayroong boses at boto sa
United Nations. Binibigyan ng United Nations ang mga bansa ng pagkakataon na balansehin ang
kapakanan ng estado kumpara sa global interdependence sa pagharap sa mga suliraning pandaigdig.
Ang buong United Nations ay nagsusumikap na itaguyod and mga karapatang pantao, bawasan ang
kahirapan, bakahin ang mga sakit, at protektahan ang kapaligiran. Pinamumunuan din ng United Nations
ang mga pandaigdigang kampanya laban sa kalakalan sa droga at terorismo.
Sa buong mundo, tumutulong ang United Nations at ang mga ahensiya nito na palawakin ang paglilinang ng
pagkain, tulungan ang mga refugee, pangunahan ang paglaban sa AIDS at itaguyod ang programa sa pagkaklaro
ng mga bomba na nakatago sa lupa (landmine) .
Ang United Nations ay kakaibang organisasyon ng mga malayang mga bansa na nagsanib upang makamtan ang
kapayapaang pandaigdig at kaunlarang panlipunan. Pormal na itinatag ang United Nations noong ika-24 ng Oktubre
1945, sa pagitan ng 51 bansa na itinuturing na founding members. Sa pagtatapos ng taong 2008, tumaas ang
bilang ng mga kasapi sa United Nations sa 192 bansa. Mula nang itinatag ang United Nations, wala pang bansa
ang pilitang inalis sa organisasyon. Panandaliang tumiwalag ang Indonesia noong 1965 bunsod ng away sa
Malaysia, ngunit bumalik din ang Indonesia sa sumunod na taon.
Hindi. Ang pamahalaan ay kumakatawan sa mga bansa at mga tao. Ang United Nations ay hindi kumakatawan sa
kahit anong pamahalaan o sa kahit anong bansa. Ito ay kumakatawan sa mga kasaping bansa nito at ginagawa
lamang kung anong mapagkasunduan ng mga kasaping bansa.
Mayroon bang mga alituntunin o mga prinsipyo na gumagabay sa trabaho ng United Nations?
Oo, ito ang United Nations Charter, isang lipon ng mga patnubay na nagbabalangkas ng mga karapatan at tungkulin
ng bawat kasaping bansa, at kung anong dapat gawin upang maabot ang mga hangarin/adhikain na itinakda nila
para sa kanilang mga sarili. Bawat bansang nagiging kasapi ng United Nations ay nararapat na tanggapin ang mga
adhikain at alituntunin na nasasaad sa UN Charter.
Ang ideya ng pinagmulan ng United Nations ay nabuo noong World War II. Nang panahong iyon, ang mga
pandaigidig na lider na nakipagtulungan upang tapusin ang digmaan ay nangarap na magkaroon ng mekanismo na
tutulong na magbunsod ng kapayapaan at pigilan ang mga darating pang digmaan. Naisip nila na mangyayari
lamang ito kung lahat ng mga bansa ay magtutulungan sa pamamagitan ng isang pandaigdig na organisasyon. Ito
na an gang United Nations.
Saan nagmula ang pangalang “United Nations”?Ang ngalang “United Nations” ay iminungkahi ni President Franklin D.
Roosevelt ng Estados Undiso. Pormal itong ginamit noong 1942, nang pinirmahan ng 26 na kinatawan ng 26 na bansa
ang Declaration of the United Nations. Bilang pagkilala kay President Roosevelt, na pumanaw ilang lingo bago
napirmahan ang Charter, lahat ng dumalo sa pagpupulong sa San Francisco ay sumang-ayon sa pangalang “United
Nations.”
Isang kahawig na organisasyon, an League of Nations, ay itinatag noong 1919, pagkatapos ng World War I. Ang
pangunahing layunin nito ay pangalagaan ang kapayapaan. Subalit hindi lahat ng bansa ay sumali sa League. Ang
Estados Unidos, bilang ehemplo, ay hindi nagging kasapi dito. At ang ilang sumali ay nagbitiw, kaya’t madalas na hindi
makakilos ang League. Ngunit kahit hindi nagtagumpay ang League, ito ay nagbigay daan para sa isang pandaigdig na
organisasyon. Ito na nga ang United Nations.
Sa kanilang unang pagpupulong sa London noong 1946, napagkaisahan ng General Assembly na itayo ang
Headquarters ng United Nations sa Estados Unidos. Ngunit hindi nila unang pinili ang New York. Pinagpilian and
Philadelphia, Boston at San Francisco. Ang desisyong itatag ang UN Headquarters sa New York ay ang regalo ni John D.
Rockefeller Jr na nagkakahalaga ng $8.5 million at ang pagbigay ng New York City ng lupain bilang regalo.
http://www.un.org/Pubs/CyberSchoolBus/untour
Ang 193 kasaping bansa ng United Nations ang nagbabayad ng lahat ng gastusin ng Organisasyon. Walang ibang
pinagkukunan ng pondo ang United Nations.
Ayon sa Charter ng United Nations, lahat ng bansa ay maaaring maging kasapi ng United Nations, sa kondisyong sila ay
mapayapa, tanggap ang mga alituntuning nakasaad sa UN Charter, at, sa pagtingin ng United Nations, ay handing sundin
ang mga alituntuning nabanggit. Ang mga bansa ay tinatanggap bilang kasapi ng United Nations ayon sa pagpapasya ng
General Assembly at sa rekomendasyon ng Security Council.
1. General Assembly
2. Security Council
3. Economic and Social Council
4. Trusteeship Council
5. International Court of Justice
6. Secretariat
Lahat ng kasapi sa United Nations ay kinakatawan sa General Assembly. Bawat bansa, mayaman o mahirap, Malaki o
maliit, ay may isang boto. Ang pagpapasiya sa mga usapin ukol sa pandaigdig na kapayapaan at seguridad, pagtanggap
sa bagong kasapi, at ang budget ng United Nations ay ginagawa ayon sa two-thirds majority. Ang ibang usapin ay
pinagpapasiyahan ng simpleng mayoridad.
Ang regular na sesyon ng General Assembly ay nagsisimula sa Setyembre at nagtutuloy-tuloy sa buong taon. Sa pag-
uumpisa ng bawat regular na sesyon, isang debate ang nagaganap kung saan ang pinuno ng mga bansa ay maaaring
magpahayag ng kanilang opinion ukol sa iba’t ibang usapin, mula sa digmaan at terorismo, hanggang sa mga sakit at
kahirapan.
Kumpara sa General Assembly na maaring pag-usapan ang kahit anong alintana, ang Security Council ay may primerong
responsibilidad para sa mga usaping kapayapaan at seguridad.
Mayroong 15 miyembor ang Security Council. Lima dito ay permanenteng miyembro, tulad ng China, France, ang
Russian Federation, United Kingdom, at United States. Ang 10 di-permanenteng miyembro ay hinahalal ng General
Assembly para sa terminong di-hihigit sa dalawang taon, at ayon sa pinagmulang parte ng mundo.
Ang Economic and Social Council ay ang pulong para sa paguusap tungkol sa mga problemang pang-ekonomiya,
tulad ng kalakal, transport, pag-unlad, at usaping panlipunan. Tumutulong din ang Economic and Social Council sa
mga bansa na magkaisa ukol sa pagpapaunlad/pagpapabuti ng edukasyon at kalusugan, at sa pagtataguyod ng
respeto para sa mga karapatang pantao sa buong mundo. May 54 na miyembro ang Council.
Noong 1945, nang naitaguyod ang United Nations, mayroong 11 teritoryo (karamihan ng mga ito ay nasa Africa at
Pacific Ocean) na pinasailalim sa pamamahalang internasyonal. Layon ng Trusteeship System na itaguyod ang
pagunlad ng mga mamamayan ng mga teritoryong ito at ang kanilang pagsulong patungo sa kanilang pagsasarili.
Ang Trusteeship Council ay kinabibilangan ng mga permanenteng miyembro ng Security Council (China, France,
Russian Federation, United Kingdom at United States).
Ang International Court of Justice ay itinatag noong 1946 bilang pangunahing sangay ng United Nations sa
pagbibigay hatol sa mga legal na usapin. Tanging mga bansa, at hindi mga indibidwal, ang maaaring maglagak ng
kaso sa International Court. Kailangang tanggapin ng bansang naglagak ng kaso sa International Court ang
anumang desisyon nito.
Ang International Court ay matatagpuan sa Peace Palace, sa The Hague, Netherlands. Mayroon itong 15 hurado na
hinalal ng General Assembly at ng Security Council. Hindi maaaring magmula sa iisang bansa ang higit sa isang
jurado. Lahat ng desisyon ng Court ay pinal at di na maaaring i-apela.
Ilan sa mga katatapos na desisyon ng International Court of Justice ay ang mga sumusunod:
1. Matapos na magwakas ang mga pandinig pampubliko ng Korte noong 2006, minarapat ng Korte na dinggin
ang kasong isinumite ng Bosnia at Herzegovina laban sa umano’y paglabag ng Serbia at Montenegro ng
mga obligasyon nila sa ilalim ng Convention on the Prevention and Punishment of the Crime of Genocide.
2. Noong 2004, nagkaisa ang Korte na nilabag ng Israel ang pandaigdigang batas nang nagpatayo ito ng
pader sa Occupied Palestinian Territory.
Ang Secretary-General ang punong tagapagpatupad o chief officer ng United Nations. Siya ay inaasistihan ng
kawani ng international civil servants. Kaiba sa mga diplomatiko, na kumakatawan sa isang particular na bansa, ang
mga tinatawag na civil servants ay nagtatrabaho para sa 193 kasaping bansa at sumusunod sa Secretary-General
imbes na sa kanilang kani-kaniyang pamahalaan.
Ayon sa UN Charter, ang Secretary-General ang punong tagapangasiwa ng Organisasyon, at siyang tumutupad sa
mga tungkulin na ipinagkatiwala sa kanya ng General Assembly, Security Council, Economic and Security council at
iba pang sangay ng United Nations. Binibigyang kapangyarihan din ng UN Charter ang Secretary-General na
ipaalam sa Security Council ang anumang usapin na nagbabanta sa pandaigdigang kapayapaan at seguridad.
Hindi kikilos ang Secretary-General nang walang suporta at pahintulot ng mga kasaping bansa ng United Nations.
Anumang aksyon, maging pagpapadala ng tropang peacekeeping sa mga lugar ng digmaan, o di kaya’y
pagtutulong sa isang bansa na makabangon sa digmaan o natural na kalamidad, ay dapat italaga ng mga kasaping
bansa ng United Nations.
Ang United Nations ay nagsisilbing pandaigdigang forum kung saan maipahahayag ng bawat bansa ang
pinakamahirap na usapin, kabilang na ditto ang digmaan at kapayapaan. Kapag harapang nakapag-usap ang mga
lider ng pamahalaan, nagkakaroon ng diyalogo, na maaaring magresulta sa pinag-isang solusyon sa problema.
Kapag maraming bansa ay nagkakaisa, at nagsasalita sa pamamagitan ng isang boses, ito ay lumilikha ng global
pressure para sa sumunod na rin ang ibang bansa.
Kapag di sinunod ang mga desisyon ng Security Council, maraming mga hakbang ang maaaring gawin ng Council
upang maipatupad ang mga desisyon nito. Kapag ang isang bansa ay nagbanta o tuluyang naghasik ng
pananalakay, maaaring mag-atang ang UN ng parusa laban sa ekonomiya o kalakal ng bansang ito, o di kaya’y
pagbabawal sa pag-aarmas at paglalakbay at saka paghihigpit sa pan-diplomatikong gawain nito. Posible ding
ipahintulot ng UN ang paggamit ng puwersa. Subalit ang mga hakbang na ito ay gagawin lamang sa sukdulan,
kapag lahat ng mapayapang paraan ng paglutas ng sigalot ay nasubukan na.
Walang hukbong sandatahan ang UN. Ang mga tropa na nagsisilbi sa mga peacekeeping operations ng UN ay
kusang-loob na inaambag ng mga miyembrong bansa. May mga sibilyan ding kasama sa mga peacekeeping
operations, at ang mga ito ay mula sa kawani ng UN.
Habang mini-mintena ng mga peacekeeper ang kapayapaan sa lugar, nakikipagusap naman ang mga
tagapamagitan ng UN sa mga lider ng nagtutunggaling mga partido o bansa upang subukang maghanap ng
mapayapang solusyon.
May dalawang uri ng peacekeeping operation: “observer missions” at “peacekeeping forces.” Ang mga observer ay
hindi armado. Ang mga sundalo ng peacekeeping forces ay may maliit na armas, na gagamitin lamang upang
depensahan ang kanilang mga sarili. Madaling makikilala ang mga UN peacekeepers sa pamamagitan ng sagisag
ng UN at ng asul na “beret” o “helmet” na sinisuot nila kapag sila’y “on-duty.” Ang asul na helmet ay nagging
simbolo na ng UN peacekeeper; ito ay dala-dala tuwing may operasyon at isinusuot lamang kapag may panganib.
Ginagamit ng mga peacekeeper ang kani-kanilang pambansang uniporme.
http://disarmament.un.org/terrorism.htm
Sa Millennium Summit na naganap noong 2000, nangako ang mga kasaping bansa ng United Nations na
magtulungan upang mabawasan ang kahirapan at waksiiin ang kagutuman sa mga umuunlad na bansa, maliban sa
iba pang mga dapat matamo sa 2015 na nakasaad sa MDGs.
[Infographic of MDGs]
Ang mga karapatang pantao ay yaong mga karapatan na kinakailangan para sa ating buhay bilang tao. Kung wala
tayong karapatang pantao, hindi natin lubusang magagamit at mapapaunlad ang ating mga katangian, ang ating
talino, talento at spirituwalidad.
Nagtakda ang United Nations ng isang pangkalahatang pamantayan ng karapatang pantao para sa lahat ng bansa
noong 1948, nang itinatag nito ang Universal Declaration of Human Rights. Sa pamamagitan ng Deklarasyong ito,
kinikilala ng mga pamahalaan ang kanilang obligasyon na siguraduhing lahat ng mga tao, mayaman at mahirap,
lalake o babae, at mula sa anumang lahi at relihiyon, ay tatratuhin nang pantay.
Nagtatag din ang United Nations ng maraming tratado ukol sa karapatang pantao, na nag-oobliga sa mga bansa na
garantiyahan ang mga karapatang panlipunan, pang-ekonomiya at pampulitikal. Ang pinaka-mahalaga sa mga
tratadong ito ay ang dalawang International Covenants—ang isa na ukol sa karapatang panlipunan, pang-
ekonomiya at pang-kultura, at ang ikalawa, ukol sa karapatang sibil at pampulitika. Tinatawag ang mga tratadong
ito, kasama na ang “Optional Protocols”, na “International Bill of Rights.”
Ang Human Rights Council ay itinatag noong June 2006 kapalit ng Human Rights Commission, na nangasiwa sa
mga usapin tungkol sa karapatang pantao mula 1946 hanggang 2008. Kumpara sa Commissionm, ang bagong
Council ay katulong ng ahensiya ng General Assembly. Dahil dito, ang Council ay may pananagutan sa lahat ng
kasaping bansa ng General Assembly. Ang Council din ang pangunahing forum para sa dyalogo at
pakikipagtulungan ukol sa karapatang pantao. Ang Council ay pinamumunuan ng United Nations High
Commissioner for Human Rights.
Pareho lang ang bata at matanda na nagtataglay ng karaptang pantao. At dahil sila ay menor-de-edad,
nangangailangan sila ng natatanging pagkandili. Ang Convention on the Rights of the Child, na naisakatuparan
noong 1989, ay nagtatakda ng mga karapatan ng mga indibidwal na mas bata sa 18 anyos na kinakailangan upang
mapalago ang kanilang mga potensyal, at ligtas sa pagkagutom, kapabayaan at pang-aabuso.
Alin pang mga karapatan at kasunduang pantao ang naipatupad ng United Nations?
Sa tulong ng United Nations, sobra sa 80 tratado at deklarasyon ukol sa karapatang pantao ang naipatupad na. Ang
mga tratado at deklarasyong ito ay particular na tumutukoy sa mga karapatan ng kababaihan, mga taong may
kapansanan, mga grupong minorya, mga katutubo at iba pa.
Maaari bang magsampa ng reklamo ang isang indibidwal ukol sa paglabag ng kanyang karapatang pantao?
Oo. Ang mga tinatawag na Optional Protocols na nakakabit sa mga tratado ng UN ay nagpapahintulot sa mga
indibidwal na magsampa ng reklamo kung ang kanilang pamahalaan ay isa sa mga nag-ratipika sa protocols na ito.
Sa pamamagitan ng lihim na komunikasyon, ang mga reklamo ukol sa sobra at sistematikong paglabag sa
karapatang pantao ay maaaring i-sumite sa UN kapag hindi na ito ma-resolba sa bansa.
MALIMIT NA MGA TANONG
Paano makakatulong ang isang indibidwal sa UN? Maaari ba silang sumali sa UN bilang miyembro?
Hindi, tanging mga malayang bansa na kinikilala pandaigdigan ang maaaring maging miyembro ng UN. Subalit
maaaring tumulong ang mga indibidwal sa gawain ng UN sa pamamagitan ng lokal at internasyonal na NGO. Ilan
sa mga ito ay nakikipagtulungan sa UN Department of Public Information upang maabot ng UN ang lahat ng tao sa
mundo.
Mayroong United Nations Associations (UNAs) sa 100 bansa sa mundo, at sa bawat isa sa mga bansang ito,
mayroon ding mga lokal na pangkat ang mga UNAs. Ang UN Children’s Fund, or UNICEF, ay mayroong
pambansang komite sa maraming bansa na nagbibigay ng impormasyon tungkol sa mga programa ng UNICEF at
nangangalap ng pondo para maipatupad ang mga ito. Ang UNESCO naman ay mayroong mga kapisanan, sentro at
samahan sa 90 bansa na nagpapatupad ng mga gawain at pagkilos sa edukasyon, siyensiya, kultura at
komunikasyon. Ang mga UN Information Centres naman ay mga pangunahing contact sa UN sa buong mundo.
Kung ikaw ay mayroong kasanayan sa agrikultura, medisina, edukasyon, IT, pagsasanay na pangkabuhayan,
pagpapalawig sa karapatang pantao, industriya at populasyon—at kung ikaw ay determinado—maaaring may lugar
para sa iyo sa UN Volunteers (UNV). Maaaring ma-assign ka na UNV sa isang proyekto ng UN sa isang umuunlad
na bansa nang isa hanggang dalawang taon.
Gusto kong ipagpatuloy ang aking pag-aaral sa isang unibersidad sa ibang bansa. Mabibigyan ba ako ng
UN ng tulong pinansyal?
Hindi nagbibigay ng tulong pinansyal ang UN sa mga estudyante. Maaari kang maghanap ng impormasyon ukol sa
mga scholarship sa isang aklat ng UNESCO, na may titulong, “Study Abroad.” Para bumili ng kopya ng aklat na ito,
sumulat sa: UNESCO Publishing, Promotion and Sales Division, 1 rue Miollis, 75732 Paris Cedex 15 (France) or
order online at:
Tumatanggap ng intern ang UN sa headquarters nito sa New York. Ang internship na ito ay walang bayad at para
sa mga graduate student. Mayroong tatlong internship period na tig-dalawang buwan ang haba.
Saan ko makukuha ang impormasyon ukol sa posisyon sa mga usapin ng mga kasaping bansa ng UN?
Makukuha mo ang impormasyong iyan mula sa Permanent Mission the the United Nations ng particular na bansa.
Ang listahan ng mga websites ng mga kasaping bansa ay matatagpuan sa: http://www.un.int/inidex-en/webs.html
Ito ang kaarawan ng United Nations. Ito ay nakataon sa ika-24 ng Oktubre, ang araw ng pagkabuo ng UN noong
taong 1945, matapos na pormal na tanggapin ng mga founding member ng UN ang UN Charter. Kaya nga ang ika-
24 ng Oktubre ay ipinagdiriwang sa buong mundo bilang United Nations Day.
Ang United Nations CyberSchoolBus ay ginawa upang magbigay ng impormasyon at mga materyales ukol sa UN
na para sa mga bata at mga guro: www.un.org/Cyberschoolbus
Walang opisyan na awitin o himno ang UN. Subalit ang ideyang ito ay kinilala ng General Assembly at kung
magkakaroon man, ang General Assembly ang mamimili ng opisyal na awitin ng UN. Hanggang ngayon, wala pa
itong napili.
Saan ako maaaring sumulat upang humingi ng karagdagang impormasyon ukol sa United Nations?
Visitors Services, Department of Public Information, GA-57, United Nations, New York, NY 10017, USA.
E-mail: inquiries@un.org
http://www.un.org/en/holocaustremembrance/
http://www.un.org/en/events/womensday/
http://www.un.org/en/events/racialdiscriminationday/
25 March – International Day of Remembrance of the Victims of Slavery and the Transatlantic Slave Trade
http://www.un.org/en/events/slaveryremembranceday/
http://www.who.int/campaigns/world-health-day/2015/event/en/
http://www.un.org/en/events/pressfreedomday/
http://www.un.org/en/events/familyday/
21 May – World Day for Cultural Diversity for Dialogue and Development
http://www.un.org/en/events/culturaldiversityday/
http://www.un.org/en/peacekeeping/operations/pkday.shtml
http://www.who.int/tobacco/wntd/en/
http://www.un.org/en/events/refugeeday/
http://www.un.org/en/events/drugabuseday/
http://www.un.org/en/events/populationday/
http://www.un.org/en/events/indigenousday/
http://www.un.org/en/events/youthday/
http://www.un.org/en/events/peaceday/
http://www.un.org/en/events/olderpersonsday/
http://www.un.org/en/events/nonviolenceday/
http://www.un.org/en/events/povertyday/
http://www.un.org/en/events/unday/
http://www.un.org/en/events/toleranceday/
http://www.un.org/en/events/childrenday/
http://www.un.org/en/events/endviolenceday/
http://www.un.org/en/events/palestinianday/
http://www.un.org/en/events/aidsday/
http://www.un.org/en/events/disabilitiesday/
http://www.un.org/en/events/anticorruptionday/
http://www.un.org/en/events/humanrightsday/
http://www.un.org/en/events/migrantsday/
LANGUAGES
Filipino
o
SEARCH
Maghanap
Hanapin ang:
TOPICS
Uncategorized @ph
Copyright | Mga Tuntunin ng Paggamit | Proteksyon Para Sa Pribadong Impormasyon ng Gumagamit ng Website na Ito | Hudyat Laban Sa
Paggamit sa UN Para Sa Pandaraya | Website ng United Nations