Anda di halaman 1dari 4

ANDE ANDE LUMUT

DITUPPUK ULIH :

HANIFAH ISA WIJAYANTI


X IPA 4

SEKOLAH MENENGAH ATAS (SMA) NEGERI 1 AMBARAWA


KABUPATEN PRINGSEWU
2019
ANDE ANDE LUMUT

Zaman tumbbai minnyak ghuwa keghajaan balak di Jawa Timur, yakdolah Keghajaan
Jenggala ghik Keghajaan Kediri. Keghajaan Jenggala dipimpin ulih Ghaja Jayanegara ghik
keghajaan Kediri dipimpin ulih Ghaja Jayagrana. Guwai ngempersatuko keghuwa keghajaan
ghik ngehindarko anjak pepeghangan indui dianyam sebuah ikokan peghnikahan hentagha Panji
Asmarabangun anak bakas Ghaja Jenggala jama Dewi Sekartaji anak bai Ghaja Kediri.

Suatu ghani keghajaan Jenggala dipeghagoh musuh. Kala peghteppughan beghlangsung


Dewi Sekartaji ngetuyunko dighi. Ia nyamar sebagai muli pekon, ghik teppik jama ulun balu sai
beghgeghal Nyai Intan. Nyai Intan kaddaw telu ulun anak bai sai sikop ghik gatol. Tiyan
yakdolah Klenting Abang, Klenting Ijo, Klenting Biru. ulih Nyai Intan, Dewi Sekartaji diiwak
ngejadi anak ghik dikeni ghegal Klenting Kuning.

Di lamban Nyai Intan, Klenting Kuning selalu dikayin ngerjako unyin peghkeghjaan
lamban sepeghti ngenasak, ngebasuh, ghik ngebeghasihko lamban. Ia ghisok dihegop ulih Nyai
Intan ghik dipeghlakuko mak helaw ulih ketelu pun iwakni.

Sepenan sina,di keghajaan Jenggala, Panji Asmarabangun beghgegoh pasukani beghasil


gebuk mundogh pasukan lawan. Najin, ia beddas putok sebab kebayanni ghadu lapah
ngeninggalko istana Jenggala ghik mak diketahui keberadaanni.

Seghadu keadaan di keghajaan Jenggala mulang ngehaman ghik aman, sang pangeran
ngeputusko guwai nyepok kabayanni. Suatu dibi, kala ia sedong mejong di pendopo istana,
ghatonglah pengwalni guwai nyampaiko ngaduanni.

“Natabik.Baginda bedua haga nyampaiko kabagh riang guwai baginda.”

“Apikah niku ghadu ngetahui keberadaan kabayan nyak.”

“Natabik. Baginda! Bedua ikah ngetunggako seoghang muli sai gegoh jama kabayan
baginda di sebuah pekon. Najin, bedua makung yakin ia sina kabayan baginda, sebab ia ikah
seoghang muli pekon sai beghkeghja sebagai pembantu adek seoghang balu mubatin.”

Ngenegis ngaduan sina, sang pangeran pun ngeputusko guwai nyamar ngejadi pangeran
sikop sai sedong nyepok judu. Jemoh ghanini, lapahlah ia jejeama bepigha ulun pengawalni mid
pekon Dadapan sai berada di ghedik way Bengawan Solo, Lamongan. Pekon sina
beghsebeghangan jama pok teppik Klenting Kuning.

Di pekon sina, Panji Asmarabangun nyamar jama ghegal Ande Ande Lumut ghik teppik
di lamban seoghang balu tuha beghegal Mbok Randa. Bepigha ghani lajini, ia pun
ngemerintahko para pengawalni nyin pengumuman sayembara nyepok judu sina geluk ditabuiko
mid unyin pekon.
Betapa senangni hati Klenting Abang, Ijo, ghik Biru kala ngenegis kabagh sina. Tiyan
haga beghdanai sehelau-helauni guwai ngengita Ande Ande Lumut.

Adek suatu ghani, sayembara disina dimulai, Klenting Abang, Ijo, ghik Biru pun geluk
beghdanai.

“Klenting Kuning niku mak peghallu nutuk ngengita, niku di lamban gawoh. Lapahlah
mid way ghik basuh unyin kawai itu.”

Tiyan pun geluk lapah, ghik Klenting Kuning pun geluk lapah mid way. Tib-tiba
ghatonglah seekor memanuk beghekik dijuk babbas.

“Lapahlah ngengita Ande Ande Lumut nyin niku dacok beghtungga Panji Asmarabangun
ghik usunglah babbas hinji.

Klenting Kuning pun geluk lapah mid pekon Dadapan. Sepenan sina, ketelu puaghi ghik
mak iwakni ghadu tigoh dipinggih way Bengawan Solo. Tiyan bingung, sebab musti
menyeberangi way sai beghak ghik lom sina, sepenan mak sai pun upih sai keliakan di pinggigh
way.

“Mak, ghappa caghani gham ngesebeghangi way hinji?”

“Iya,mak!Api sai musti gham lakuko?”

Tiba-tiba ngeghambul gahak geghasi beghegal Yuyu Kangkang.

“Gahak geghasi, haga kah niku nulung gham sebeghangi way sina.”

“Ha..ha..ha, nyak haga nulung kuti, kidang kuti musti ngelatapi sai seghata.”

“Apikah seghata niku?Cawakolah!Apipun seghata niku kuti haga ngelatapini asalko


gham dacok ngesebeghangi way sina.”

“Kuti musti ngehambaw nyak tumbai semakung nyak attak kuti mid sebeghamg way.”

Akhirni Klemting Abang ghik keghuwa puaghini tehima peghsaghatan Yuyu Kangkang.
Sai-peghsai tuyan ngehambaw si Yuyu Kangkang.Seghadu sina, Yuyu Kangkang pun attar tiyan
mid sebeghang way. Selang bepigha waktu lajuni, Klenting Kuning munih sappai di pinggih
way.Kala Yuyu Kangkang ngajukko pesaghatan sai gegoh, Klenting Kuning ngenulakni.Ia mak
haga ngehianatai megiyanni. Si Yuyu Kangkang ngedibi guwai nulung ngesebeghangi way.
Beghkali-kali Klenting Kuning ngilu, najin Yuyu Kangkang ngenulak.

Klenting Kuning mulai bela kesabaghani. Ia geluk gebuk babbasni mid way ghik sewaktu
sina munih wai way Bengawan Solo lamok. Yuyu Kangkang ngejadi keghabaian ghik geluk
nyebeghangko Klenting Kuning, ghik bahkan sampai si pekon Dapan.

Mak pigha beni lajini, sayembara pun ditapok. Najin Klenting Abang ghik keghuwa
puaghini mak dipilih ulih Ande Ande Lumut.

“Natabik, Pangeran! Menapi Pangeran lebih melilih muli sai mak teghughus hinji anjak
anak bai sai sikop hinji.”

“Nyai Intan, ketauilah nyak mak pilih seghorang pun anjak anak bai niku, sebab tiyan kas
si Yuyu Kangkang. Nyak pilih muli hinji, sebab ia lulus ujian, yakdo ngenulak guwai
ngehambaw si Yuyu Kangkang.”
Klenting Kuning pangun kebingungan, sebab making menemuko mengiyani. Najin,
seghadu Ande Ande Lumut ngebukkgh penyamaghani bahwa dighini yakdolah Panji
Asmarabangun, appailah Klenting Kuning ingok. Jama babbas sakti anjak si memanuk beghekik,
ia ngeubah dighini jadi seoghang anak sai sikop. Panji Asmarabangun appai ingok teghnyata
Klenting Kuning yakdolah kabayanni, Dewi Sekartaji. Sebagai cawaan teghima kasih mid Mbok
Randa, Panji Asmarabangun ngeusungni kalat teppik di istana Jenggala, sepenan Nyai Intan
ghik ketelu anak baini mulang mid pekon jama ghasa keciwa ghik liyom.

Anda mungkin juga menyukai