Anda di halaman 1dari 2

Pegelandik Mending enggau Bejaku

Dikena berengkah nudukka pelasar betaraka jaku Iban ka meruan patut ngembuan fokus ba
rampa pengelandik mending enggau silik sereta bejaku enggau lancar endang beguna bendar.
Nitihka penemu Choong (2008), pengelandik mending endang dikemeran ngambika sida ulih
meri respons ngagai peransang tauka stimulus, ngayanka pemereti diri ngagai teks ti dipending
sereta nemu nyebut leka jaku frasa enggau ayat ngena intonasyen ti engkeman nitihka konteks.
Nguasa pengelandik bejaku tu tau ngemudahka interaksyen, belajar sechara kolaboratif sereta
ulih meri fokus ngagai rampa pengelandik jaku.

Noriati enggau Sharifah (2012), madahka pengajar patut ngupas enggau nyemetak penekul
lebuh ngajar enggau belajar jaku patut disimpulka dalam penemu linguistik enggau psikologi
ulih nentuka langkah rapat, ripih jalai enggau teknik ke dipilih nyadika prinsip ngajar dalam kelas

, ba konteks ripih jalai pengajar ulih nentuka ngena ripih jalai natural. Nitihka anda jaku Mok
Soon (2009), ripih jalai natural tu deka bekabih mimit enggau ripih jalai terus laban proses
ngajar enggau belajar deka dikeluluka enggau tanya saut antara pengajar enggau nembiak.
Engkeman bendar dalam ngelatih pengelandik mending enggau bejaku laban nembiak deka
nyaut tanya pengajar ti bekaul enggau objek tauka gambar ti diguna pengajar ngajar. Chunto
iya ripih jalai natural suah dikena ba induksi set dalam langgur ngajar sehari bala pengajar.

Pia mega ari Tuan Jah (2001), pengajar deka meri aplikasyen senentang teknik ti diguna iya
nya teknik tanya saut. Beserimbai enggau pengelandik mending sereta bejaku, teknik tanya
saut ulih marit interaksyen enggau kolaboratif entara pengajar enggau nembiak. Kebuah pia,
pengajar deka nanya senentang tupik lalu nembiak deka nyaut enggau meri chunto ti semitan.

Anda mungkin juga menyukai