ANG PAGBABASBAS NG KORONA NG ADBIYENTO

NA NAPAPALOOB SA PAGDIRIWANG NG MISA

UNANG LINGGO NG ADBIYENTO – KAPAYAPAAN

P. Sa Ngalan ng Ama at ng Anak at ng Espiritu Santo.
R. Amen.
P. Sumainyo ang Panginoon.
R. At sumainyo rin.
P. Mga minamahal na kapatid, pumapasok ngayon ang buong Simbahan sa
panahon ng Adbiyento.

Ito ang panahon kung saan tayo ay naghahanda ukol sa paggunita sa

pagkakatawang tao ni Hesus, ang kanyang pagsilang bilang Mesiyas at ang
maluwalhati niyang pagbabalik sa wakas ng panahon.

Nasa ating harapan ang korona ng Adbiyento, ang tanda na humahamon sa

atin upang maghanda sa kabila ng maraming nakaliligaw na pananaw at
kagawian ngayon.

Sa pagdami ng ilaw ng koronang ito, nawa’y lumakas din ang liwanag sa

ating mga puso, upang maging mga lamparang tumatanglaw sa kadiliman ng
kasamaan at kasalanan.

Babasbasan ng pari ang korona ng adbiyento ng nakalahad ang mga kamay.

Panginoong Diyos,
Buong galak na hinihintay ng iyong Simbahan
ang pagsapit ng Tagapagligtas ng nagbibigay liwanag
sa aming mga puso at pumapawi sa dilim ng kasalanan.
Ibuhos mo ang iyong pagpapala sa amin habang aming sinisindihan
ang mga kandila sa koronang ito.
Nawa’y ipakita nito ang luningning ni Kristo
na aming Panginoon magpasawalang hanggan.

R. Amen.
Wiwisikan ng pari ng banal na tubig ang korona ng adbiyento.
P. Mga kapatid, winika ni Hesus, “Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.” Ipinagkakaloob ng
Panginoon ang liwanag ng kapayapaan sa kanyang sambayanan, isang
liwanag na di kayang supilin ng dilim ng karahasan.

Sisindihan ng pamilyang napili ang unang kandila (Lila) ng Adbiyento. Matapos nito gagawin
ang Pagbabasbas sa pamilyang nagsindi ng kandila. Matapos nito ay kanyang darasalin ang
Pambungad na Panalangin.

IKALAWANG LINGGO NG ADBIYENTO – KATARUNGAN

P. Sa Ngalan ng Ama at ng Anak at ng Espiritu Santo.

R. Amen.
P. Sumainyo ang Panginoon.
R. At sumainyo rin.
P. Minamahal na mga kapatid winika ni Hesus:
“Ako ang ilaw ng sanlibutan, ang sinumang sumusunod sa akin
ay hindi lalakad sa kadiliman ngunit magkakaroon ng liwanag ng buhay.”
Sa Linggong ito, pag-ibayuhin natin an gating paghahanda sa pagdating ng
Panginoon, punuin natin ng katarungan at habag ang kanyang sabsaban.

Sisindihan ng pamilyang napili ang ikalawang kandila (Lila) ng Adbiyento. Matapos nito
gagawin ang Pagbabasbas sa pamilyang nagsindi ng kandila. Matapos nito ay kanyang
darasalin ang Pambungad na Panalangin.

IKATLONG LINGGO NG ADBIYENTO – KAGALAKAN

Maaaring gayakan ng mga bulaklak ng kulay rosas ang sankatuwaryo.

P. Sa Ngalan ng Ama at ng Anak at ng Espiritu Santo.

R. Amen.
P. Sumainyo ang Panginoon.
R. At sumainyo rin.
P. Minamahal na mga kapatid, ipinagkaloob ng Panginooon sa santinakpan ang
kagalakan sa kanyang pagdating. Winika niya, “Narito ako upang kayo ay
magalak at malubos ang inyong kagalakan.” Sa Linggong ito, makapaghatid
nawa tayo ng galak sa lahat ng nangangailangan. Madama nawa natin ang
mainit na presensya ng Diyos sa gitna natin.
Sisindihan ng pamilyang napili ang ikatlong kandila (Rosas) ng Adbiyento. Matapos nito
gagawin ang Pagbabasbas sa pamilyang nagsindi ng kandila. Matapos nito ay kanyang
darasalin ang Pambungad na Panalangin.

IKAAPAT NA LINGGO NG ADBIYENTO – PAG-ASA

P. Sa Ngalan ng Ama at ng Anak at ng Espiritu Santo.

R. Amen.
P. Sumainyo ang Panginoon.
R. At sumainyo rin.
P. Mga kapatid, winika ni Hesus, “Sinasabi ko sa inyo, huwag kayong mag-
alala ukol sa inyong buhay, sa inyong kaainin at sa inyong susuotin … kayo
ay higit na mahalaga sa mata ng Diyos.” Sa Linggong ito, hilingin natin ang
panalangin ng Mahal na Birhenng Maria upang magkaroon tayo ng kanyang
pag-asa sa pagtupad sa kalooban ng Diyos.

Sisindihan ng pamilyang napili ang ikaapat kandila (Lila) ng Adbiyento. Matapos nito gagawin
ang Pagbabasbas sa pamilyang nagsindi ng kandila. Matapos nito ay kanyang darasalin ang
Pambungad na Panalangin.
THE FIRST SUNDAY OF ADVENT – PEACE

P. In the Name of the Father and of the Son and of the Holy Spirit.
R. Amen.

P. The Lord be with you.

R. And with your Spirit.

P. Dear friends the Church now enters the season of Advent, a time when we
prepare to commemorate the Coming of our Messiah in the flesh and when
He comes in glory at the end of time. In front of us is the Advent Wreath, a
symbol that challenges us to prepare amidst the confusing values of our time
as the lights of this crown increase may our hearts become lighted lamps to a
world enveloped in the darkness of sin. The first gift of Advent is peace. The
Lord brings the light of peace to his people, a light that no darkness can
extinguish.

The first candle (Violet) is lit by the chosen family while O Come Emmanuel is sung. The priest
then returns to the chair, the opening prayer is said and the rest of the mass immediately follows.

THE SECOND SUNDAY OF ADVENT – JUSTICE

P. In the Name of the Father and of the Son and of the Holy Spirit.
R. Amen.

P. The Lord be with you.

R. And with your Spirit.

P. Dear brothers and sisters, Jesus said, “I am the light of the world. Whoever
follows me will not walk in darkness, but will have the light for life. This
week as we intensify our preparations for the Lord’s coming, let us fill his
manger with hearts burning with works of Justice and Mercy.

The second candle (Violet) is lit by the chosen family while O Come Emmanuel is sung.
The priest then returns to the chair, the opening prayer is said and the rest of the mass
immediately follows.
THE THIRD SUNDAY OF ADVENT – JOY

P. In the Name of the Father and of the Son and of the Holy Spirit.
R. Amen.

P. The Lord be with you.

R. And with your Spirit.

P. Dear brothers and sisters, Jesus bestows true Joy to the world through His
coming. He said, “I have come so that your Joy may be complete.” This
week may we be a source of Joy to all in need. May we feel the enlightening
presence of God in our midst.

The third candle (Rose Pink) is lit by the chosen family while O Come Emmanuel is sung.
The priest then returns to the chair, the opening prayer is said and the rest of the mass
immediately follows.

THE FOURTH SUNDAY OF ADVENT – HOPE

P. In the Name of the Father and of the Son and of the Holy Spirit.
R. Amen.

P. The Lord be with you.

R. And with your Spirit.

P. Dear brothers and sisters, Jesus said, “Therefore I tell you, do not worry
about your life and what you will eat and what you will wear … you are
much more important in God’s eyes.” In this week, we ask for the
intercession of our lady that we imitate the hope that she had in doing God’s
will.

The fourth candle (Violet) is lit by the chosen family while O Come Emmanuel is sung.
The priest then returns to the chair, the opening prayer is said and the rest of the mass
immediately follows.
ANG PAGPAPAHAYAG NG KAPANGANAKAN NI KRISTO

1. Ito ay ang pormal na pagbasa ng kapanganakan ni Kristo sa anyo ng

maringal na pagpapahayag. Nagsisimula ito sa kasaysayan ng paglikha at
iniuugnay ang kapanganakan ng Panginoon sa lahat ng mahahalagang tao at
pangyayari sa kasaysayan ng kaligtasan.

2. Ito ay kakantahin sa loob ng misa pagkatapos ng pagbati at pambungad na

pananalita ng pari sa misa ng hatinggabi ng Pasko ng Pagsilang. Pinapalitan
nito ang Kyrie o ang Penitential Rite.

3. Ito ay ipahahayag sa ambo ng isang diyakuno o cantor.

Tanging ang ilaw sa altar at ambo ang may sindi.

Magpuprusisyon ang pari at mga tagapaglingkod patungo sa sanktwaryo. Iinsensuhan ng pari
ang altar at magtutungo sa upuan para simulan ang pagdiriwang.

P. Sa Ngalan ng Ama at ng Anak at ng Espiritu Santo.

R. Amen.

P. Sumainyo ang Panginoon.

R. At sumainyo rin.

P. Sa buong panahon ng Adbiyento, pinagninilayan ng Simbahan ang pangako

ng Diyos na madalas banggitin ng mga propeta, na magdadala siya ng
manunubos sa sambayanan ng Israel at siya ang magiging Emmanuel, ang
ibig sabihin, ang Diyos ay sumasaatin. Sa kaganapan ng panahon ang mga
pangakong ito ay natupad. Tigib ng kagalakan makinig tayo sa
pagpapahayag ng kapanganakan ng ating manunubos.

Habang inaawit ng Diyakuno o kantor, ipuprusisyon ang Banal na Sanggol na tangan ng isang
bata na nakadamit ng puti.
Ngayon sa ika-dalawampu’t limang araw ng Disyembre,
ating balikan ang mga kaganapan
na nakaugnay sa ating kaligtasan.

Simula pa ng mga panahong una

nang likhain ng Diyos ang santinakpan
at lalangin ang tao sa kanyang sariling larawan.
Ilang libong taon ang lumipas pagkatapos ng baha,
ng palitawin ng Diyos ang bahag-hari
bilang tanda ng kanyang tipan.

Dalawampu’t isang milenyo mula sa panahon ni Abraham at Sarah

Labingtatlong milenyo sa paglisan ni Moises
kasama ang buong Israel mula sa Egipto.

Labing isang daang taon mula sa panahon ni Ruth at ng mga hukom

Isang libong taon ng pahiran ng langis sa Haring David
Sa ikaanimnapu’t limang linggo ayon sa hula ni Propeta Daniel.

Sa taon ng ika-sandaan at siyamnapu’t apat na Olipiyada

Ang ikapitong daan at limapu’t dalawang taon
sa pagkakatatag ng lungsod ng Roma.

Habang ang buong mundo’y payapa

Sa ikaapatnapu’t dalawang taon
ng paghahari ni Octavian Augusto.

Ang ating Panginoong Hesukristo

Walang hanggang Diyos, bugtong na Anak ng Ama
ay ipinaglihi ng Birheng Maria.

Siya ay nagkatawang tao

Sa kapangyarihan ng Espiritu Santo
upang tubusin ang sangkatauhan.

Siyam na buwan sa sinapupunan,

ipinanganak sa Betlehen ng Juda.

Ngayon ang KAPANGANAKAN NG ATING PANGINOONG HESUKRISTO.

Pagsapit sa harapan ng sangtwaryo ay kukunin ng pari ang Banal na Sanggol at itataas upang
makita nang sambayan. At saka aawitin ang Gloria at sisindihan ang mga ilaw ng simbahan at
doon ilalagay ng pari ang Banal na Sanggol sa Belen at saka iinsensuhan. Matapos nito ay
babalik ang pari sa upuan.

GLORIA
Sisindihan ang lahat ng ilaw ng Simbahan.
ANG PAGBABASBAS NG BELEN

Maaari itong gawin sa unang araw ng Misa de Gallo o sa simula ng Pagmimisa sa Hatinggabi
sa Araw ng Pagsilang. Ito’y gagawin ng wala pa ang Banal na Sanggol sa kadahilanang may
karampatang rito ng kapanganakan na gagawin sa Pagmimisa sa Hatinggabi sa Araw ng
Pagsilang.

P. Sa Ngalan ng Panginoon tayo ay tinutulungan.

R. Siya na may likha ng langit at lupa.
P. Diyos ng lahat ng bansa at lipi, ipinakita mo na ang iyong pagmamahal
magmula pa nang likhain ang lahat. Nang masidhi ang aming
pangangailangan sa isang Tagapagligtas, isinugo mo ang iyong Anak na
isinilang ng Mahal na Birheng Maria. Hatid niya ang galak, kapayapaan,
katarungan, habag at pag-ibig sa aming buhay.

Panginoon basbasan mo anglahat ng magmamasid sa Belen, ito nawa ay

magpaala-ala ng abang pagsilang ni Hesus at itaas ang aming paningin tungo
sa kanya. Siya, na aming Diyos at Tagapagligtas na nabubuhay at naghahari
magpakailanman.

R. Amen.

Wiwisikan ng pari ang Belen ng banal na tubig at itutuloy ang misa.

Mga Paalala:

A. Adbiyento

1. Ang korona ng Adbiyento ay ilalagay malapit sa ambo. Iminumungkahi na

huwag munang maglagay ng mga palamuting pamasko habang nasa panahon
pa ng Adbiyento sa halip ay umpisahang maglagay sa pagsapit ng unang
araw ng Misa de Gallo hanggang sa makumpleto ang mga palamuti sa
Pagmimisa sa Hatinggabi ng Pagsilang.

2. Sa lahat ng ibang misa pagkatapos ng pagsisindi, ang kandila ng Adbiyento

ay dapat nagdiringas na sa umpisa pa lamang ng misa lalo na sa mga araw
ng lunes hanggang sabado. Walang gagawing pagsisindi ng kandila ng
adbyento sa simula ng Gospel.

3. Ang rito ng pagsisindi ay papalit sa Kyrie o Penitential Rite.

4. Ang mga pamilyang napili para magsindi ng kandila ng Adbiyento ay

sasama sa prusisyon sa umpisa ng misa at pupuwesto sa pagkatapos ng mga
sakristan.

B. Pagmimisa sa Hatinggabi ng Pagsilang

1. Ang Misa ng Hatinggabi sa Pasko ng Pagsilang ay gaganapin ng tanging ang

mga ilaw sa altar at ambo ang nasisindihan. Bubuksan ang mga ilaw ng
simbahan sa oras ng pag-awit ng Gloria.

2. Ang pormal na pagbasa ng kapanganakan ni Kristo ay gaganapin pagkatapos

ng antanda ng krus at pagbati. Ito ay papalit sa Kyrie o Penitential Rite.

3. Ang pagsasadula ng panunuluyan ay mahigpit na ipinagbabawal na gawin sa

loob ng misa. Ito ay marapat bago mag-umpisa ang Pagmimisa sa
Hatinggabi ng Pasko ng Pagsilang.

Ito po ay mula sa Tanggapan ng Komisyon ng Liturhiya ng Diyosesis ng San

Pablo.