TERTIB ACARA NATAL SEKTOR III

HKBP BAGAN BATU KOTA

SENIN, 19 DESEMBER 2016

THEMA :
SUB THEMA :
I. PANGARADEON DIRI
II. KATA SAMBUTAN
III. PENYALAAN LILIN
IV. KEBAKTIAN
V. HIBURAN
VI. SAYONARA

IV. KEBAKTIAN
1. Marende Be NO. 48 : 1 – 2 + 7
 Ria ma hita sasude mamuji Debata
Girgir ma parendenta be ai do natama, ai i do na
tama.
 Diungkap Debata i banua ginjang i
Disuru do Anakna i hangoluanta i, hangoluanta i.
 Ringgas ma hita sasude mamuji Debata
Gogo ma taendehon be amen Haleluya, amen
haleluya.
2. Votum / Introitus : Responsoria (Jonjong Sude)
Uluan : Marhite – hite goar ni Debata Ama dohot
goar ni Anakna Tuhan Jesus Kristus dohot
goar ni Tondi Parbadia na tumampa langit
dohot tano on.
 Ruas : Amen
Uluan : Dungi gabe daging ma hata i, jala
maringanon di tonga – tonga ni hita on.
Ruas : Jadi huida hami ma hasangaponNa songon
hasangapon ni Anak sasada na sian Amai,
gok asi ni roha dohot hatua on.
U+R : Haleluya,Haleluya…Halelu..ya(diendehon).
Uluan : Ale Tuhan Debata Ama nami na di banua
ginjang! Na mandok Mauliate do hami tu ala
ni godang ni asi dohot holong ni Roham di
hami.
Ruas : Dibasabasahon Ho do AnakMu na sasada I
tu hami na dipardangolan on, asa malua hami
marhite-hite Ibana sian dosa dohot hamatean
saleleng-leleng na.
Uluan : Hupangido hami tu Ho, sai sondangi ma
roha nami ha holom i marhite-hite Tondi
parbadia i.
Ruas : Angku ni i sai parohai ma hami, asa huboto
hami mandok mauliate tu Ho, asa tarapul
situtu rohami dihagogotan dohot
dipangunjunan marhite-hite anakMu Tuhan
Jesus Kristus Tuhan nami.
U+R : Amen! (Hundul)
3. Manjaha : TITUS 3 : 4 -7
Uluan : Alai di si ma tarida habasaon dohot
habasaron ni Debata, Sipalua hita.
Ruas : Ndada ala ni ulaonta hatigoran, umbaen na
dipalua Ibana hita, tung sian asi ni rohana do,
marhite-hite pandidion pangulahion tubu
dohot marhite-hite Tondi Parbadia na
paimbaruhon i.
 Uluan : Naung niusehonna i tu hita buas marhite-
hite Jesus Kristus, Sipalua hita.
Ruas : Asa gabe tigor hita, binahen ni asi ni
rohana, jala sitean hangoluan saleleng-
lelengna, manghihuthon pangkirimon i.
Uluan : Martua do angka natumangihon hata ni
Debata dohot namangulahonsa.
Ruas : Amen!
4. Koor : Sektor III
5. Marende Be No. 58 : 4 -5
 Pinuji ma Jahowa na asi roha i,
Dilehon do AnakNa hangoluanta i.
Girgir ma hita on, mamuji Debata ala basaninon
 O Jesus Tuhannami naung ro tu tano on
Tu pardangolannami dihasiangan on
Asi ma rohaMi sai togu tondi nami tu
hasangaponMi.
6. Soara 1
: Debata, Debata Jahowa! Ibana do
Namanompa langit dohot tano dohot nasa
isina…dibagasan onom ari do saluhutna i
ditompa…jala nunga denggan diida Debata.
7. Liturgi I
 Psalm 148 : 1 – 3 : Psalm 148 : 4 - 6
 Psalm 148 : 7 – 10 : Psalm 148 : 11 -13
8. Koor :
9. Soara 2
: Di ari panompaon di tompa Debata ma
jolma…Ditompa tumiruhon rupana jala tudos
tu pangalahona…dilehon Debata do tu jolma
i “HUASO” mangarajai saluhut tinompa
 i…ndada angka natinompa i mangarajai
jolma.
10. Liturgi II
 1 Musa 1 : 26
 1 Musa 1 : 27
11. Lakon : (Ditingki marsoara liturgi II disi ma ro
na melakonkan Adam dohot Hawa tu jolo / altar.
Jonjong ma huhut manatap tu ginjang jala
mangalompit tangan).
Adam : Di tompa Ho do au…sondangi
rohangkon...tung basabasamMi…sudena diau
on…gomgomi pamatanghu…naeng Ho do
oloanku…sai lehon ma gogongku lomom
naeng ulaonku…urupi tatap au tutu panompa
na burju…
Ende : Be No. 166 : 1 (diendehon Ama Sektor III)
Hawa : Tu TondiMi Tuhan…hulehon
diringkon…Sai tong ma dirajai…sandok
pamatangkon…Ibana hutangihon…sai saut
au ditogihon…Tu ngolu
partondion…manahan diujian…O tondi
parbadia i…sai Ho ma Rajangki…
Ende : Be No. 116 : 3 (diendehon Ina Sektor III)
12. Soara 3
: Dipaojak Debata do jolma i di
Eden…dipasu asa marpinompari jala
sopar…alai huhut do di patik Debata
nasida…Hot mangoloi patik i laos hot mian
dihasonangan..molo dilasoi patik I ndang be
dihasonangan…alai songgop ma
hasusani…martua ma manang ise mangoloi
Debata.
13. Koor :
14. Liturgi III
 1 Musa 2 : 16
 1 Musa 2 : 17
Adam : Urupi hami Tuhan mangoloi patikMu…
Hawa : Jala pargogoi ma hami Tuhan manundalhon
nasa dosa nang jat ni roha…
Ende : Be No. 70 : 5 (diendehon ina sektor III)
15. Lakon : (Sasada si Hawa di Altar)
Soara 4
: Ngot ma ho jala dungo…Martangiang…ai
bisuk do setani manait tu dosa…dungo jaga
rohami unang dililuhon hisap ni dagingmu i
jala ditaluhon…ai ginjang ni roha i do na
jumotjot ala pangalapan sala…
Soara 5
: Atehe…! Tongon do didok Debata. Naso
jadi panganon muna sian saluhut hau angka
na diporlak on.
Hawa : Jadi do panganon name sian parbue ni hau
angka na diporlak on…alai anggo sian
parbue ni hau na diparsitongaan ni porlak i,
didok Debata do : “Unang pangan hamu sian
i, jala unang jama hamu asa unang mate
hamu.
Soara 6
: Aaaaaaaaaa…Ah, ndang matutu hamu
mate…ai diboto Debata do, sadari Dipangan
hamu sian i, tonggor ma Mata muna gabe
doshon Debata hamu Umboto na denggan
dohot na roa…
Hening: …..Beberapa saat…
Soara – soara : (diendehon)
Ndang na tutu hamuna mate…
Ndang na tutu hamuna mate…
Pangan ma…
Pangan ma…
Hawa : (Naeng mamutukhon parbue i, alai sundat,
ala sangsi rohana)
Soara – soara : (diendehon)
Ndang na tutu hamuna mate…
Ndang na tutu hamuna mate…
Pangan ma…
Pangan ma…
Hawa : (Mamutikhon parbue i)…laos dipangan…
Adam : (Ro/ Muncul)
Hawa : Ndang natut hita mate. (Laos dilehon tu si
Adam)
Soara – soara : (Ndang na tutu hamu
mate…songon na diginjang I diendehon)
Musik : (Back Sound Orgen)
Soara 7
: Jo…Adam! Adam…! Jo…Adam…! Didia
do ho?
Adam : Hubege do nian soaram diporlak i gabe
mabiar ahu…ainamarsaemara tu ho
namarsaemara do au umbahen na
martubuni…
Soara 7
: Ise paboahon tu ho namarsaemara ho? So
tung dipangan ho sian hau na hupatkkonni
mangorai panganon Mu?
Adam : Boru – boru nanilehonMi bahen donganhu,
ido mangalehon tu ahu gabe hu pangan…
 Soara 7
: Boasa songon I bahenonmu Hawa?
Hawa : Ulok I do na paotootohon ahu gabe hu
pangan…:
Soara 7
: Ganda situtu bahenonhu parniahapanmu
saleleng gabegabean ho. Bernit taononmu,
laho manubuhon anakonmu, sinonondukmu
nama ihuthononmu jala ibana mangarajai
ho…Adam…! Ala ditangihon ho soara ni
jolma, gabe di pangan ho sian hau
nahupatikhon i, hona torungku ma tano on
ala ho, porsuk ma ahaponmu manganhon
gogona saleleng di ngolum. Pantubuhonon na
huhut namarsuga, angka ingakau rata na
diladang i nama panganonmu. Ingkon hir
hodokmu manganon sipanganonmu, paima
mulak ho gabe tano pambuatanmu hian, ai
tano do ho jala tu tano do ho mulak sogot.
16. Marende Be No. 296 : 1
 Holso rohangku ditatap ho
Tahutan ahu, pangapul ho
Naeng tu tangan Mu do sahat au
Jesus Tuhanku ramoti au.
(Simpul diendehon i, pelakon Adam dan Hawa
manadinghon altar)
17. Koor :
18. Hening: …..Beberapa saat…
Soara 8
: Dung madabu jolma i tu dosa…Ndang
diloas Debata be maringan di Ruar ni
 pangantoion ni Debata…Ala ni dosa i,
martimburak ma hajahaton ragam ni
hajahaton i, angka on ma…
19. Liturgi IV
 Galatia 5 : 19b – 21a
20. SOARA 9
: Ndang teanon ni angka namangulahon
sisongoni i, harajaon ni Debata…
SOARA 10
: Ho do i…hamatean do upa ni
namangulahon dosa…ulahanta dope
mardosa??? Ndang be…tandai ma ahu
sunkapi ma dohot rohangku…uji ma ahu
pamanat huhut ma dalanku…olo ditanda ho
au Debata…
21. Liturgi V
 Psalm 6 : 3 - 5 : Psalm 7 : 4 - 6
 Psalm 13 : 2 - 4 : Psalm 25 : 16 - 18
 Psalm 51 : 3 - 6 : Psalm 51 : 7+9+11
 Psalm 51 :12-14 : Psalm 77 : 2 – 4
SOARA 11
: Bagabaga ni Debata taringot tu hasesaan ni
dosanta. Ro ma hamu tu ahu, asa manolu
tondimuna songon abit bunga Dapdap, bontar
do bahenonku songon itak, nangpe rara songo
abit hasumba, gabe songon hapas muse…!!!
22. Marende Be No. 176 : 4
 Tar songon hasumba rara dosami
Sesaon ni mudar ni Jesus do i (2X)
23. Koor :
24. SOARA 12
: Ida ma…!Dipatubegehon do marhite soara
ni angka panurirangna, na suruonna masiasna
tu portibi on laho paluahon bangsona,
paluahon jolma sian hamagoan ala ni dosa i.
25. Liturgi VI
 Jes 7 : 14
 Jes 11 : 1 - 2
 Mika 5 : 1
 Zak 9 : 9
 Maleak 3 : 1
 Jer 23 : 5 – 6
 Jer 31 : 33 - 34
26. Marende Be No. 39 : 1
 Beha ma panjalongku di Ho o Tuhanki
Beha ma panomungku di Ho o Rajangku
Sondangi ma rohangku na holom na bodo
Ai naeng patupaonku las ni roham di Ho.
27. SOARA 13
: Andigan do ro Mesias i???Debata do
umboto tingkina…tutu, mansai ngolngol
dipaima bangso i…ngolngol,alai ndang gabe
so diingot Debata padanna…!! Ai didok do…
SOARA 14
: …” Munsat pe angka dolok jala humuntal
angka robean, alai anggo parasi ni rohangku
naso tupa munsat sian ho, jala padan ni
hadameonku naso tupa humordit….!”
28. Marende Be No. 39 : 2
 Pangisi ni SionMu Do mangolophon Ho
Laos songon i rohangku lao mandapothon Ho
Na ringgas do rohangku mamuji goarMi
 Na daulat do sangkaphu patulus rohaMi
29. Lakon : (Musik pengantar..Boru Sion...)
Maria : Ditingki music penghantar i ma ro
namelakonkan Maria tu altar…Lampu sorot
di arahkan tu si Maria jala si Maria laos
bersikap heran…(Ilustrasi Musik)
Soara 15
: Tabe di ho manisian…didongani Tuhan i
maho..!!!
Maria : (Sikap heran campur gentar)…Pa santabian
diau doi ulaning?
Soara 15
: Unang ho mabiar ale Maria! Ai dapotan asi
ni roha do ho di Debata…gabegabean ma ho,
tubuan anak maho, Jesus ma bahenonmu
goarna..balga ma ibana muse, goaran do
ibana anak ni tu mimbul i…lehonon ni Tuhan
Debata do tu ibana habangsa ni si Daud
amanai…Rajaanna do pomparan ni si Jacob
salelenglelengna…jala ndang marhaujungan
harajaonna i…
Maria : Songon dia ma pangalaho ni i, ai soadong
hutanda baoa…!!!
Soara 15
: Songgopan ni tondi Parbadia ma ho…jala
linggoiman ni hagogoon ni natumimbul i do
ho…alani i, nabadia do dohonon na tubu
i…,anak ni Debata..ia si Elisabeth
siholthotmi, nasai tua i…naung digoar na
ho,marhangoluan anak do…ai ndang naso
tarpatupa Debata..!!
 Maria : Naposo ni Tuhan i do au…si saut ma tu ahu
songon nadidokMi…!!!
30. Marende Be No. 58 : 4
 Pinuji ma Jahowa na asi roha i
Dilehon do AnakNa hangoluanta i
Girgir ma hita on Mamuji Debata ala basa ni non.
31. Lakon : (Ditingki endei ma mulak pelakon Maria
tu tempat,laos ihut ma ro peran Josep tu
altar…”Josep berlakon marsak huhut
martutungkian”)
Soara 16
: Marsak do roha ni si Josep dinaung
binegena naung gabegabean oroanna si
Maria…hape, so masipadonohan dope
nasida…ala ni i ma gabe ditahi rohana do
maniranghon si Maria…alai dina songoni i
tahi ni rohana…ro ma suru-suruon ni Tuhan i
mandok dinipina.
Soara 17
: O…Josef anak ni si Daud!!!Unang alang
roham mangalap si Maria gabe donganmu
saripe…ai nasian tondi parbadia do nanaeng
tubu di ibana…tumubohon anak ma ibana :
Jesus do gaoarna bahenonmu…ai paluaonmu
do bangsona sian angka dosa nasida be…!!
Marhite sian angka panurirangna
namandok:…
Soara 18
: Ida hamu ma…! Gabegabean do namarbaju
i tubuan Anak ma ibana…jala bahenonna do
goar “Immanuel”…Lapatanna: “Donganta
ma Debata”!!!
 Josep : …(tarsunggul si
Josep…marsinggang,lompit tangan…Dungi
hehe ma…mandapothon si Maria oroanna i)
32. Marende Be No. 539 : 1
 Sai hutagam do Tuhanku, sai masihol rohangki
Di haroro ni Tuhanku songon na nidokNa i
Sai mardongan olop-olop huriaM managam Ho
Maranata, ro, o Tuhan,amen sai tibu ma ro.
(Josef dan Maria berjalan bersama ke altar pelan-
pelan dan berhenti sambil duduk diiringi suru-suruan
dan musik)
33. Liturgi VII
 Lukas 2 : 1 - 3
 Lukas 2 : 4 - 5
 Lukas 2 : 7
34. Hening : (Beberapa saat kemudian lampu
dimatikan, Lilin dinyalakan…lampu sorot ke arah
Josep dan Maria sedang duduk dialtar…terdengar
suara bayi baru lahir)
35. Marende Be No. 54 : 1 – 2 (Sude Jonjong)
 Sonang ni bornginna i, uju ro Jesus i
Sonang modom do halak sude, holan dua na
dungo dope
Mangingani anakNa, Jesus Tuhantai.
 Denggan ni, bornginna i, uju ro Jesus i
Tu parmahaan di Betlehem i,dipaboa na di surgo i
Nungga ro sipangolu Jesus Tuhantai
36. Liturgi VIII
 Lukas 2 : 8 – 10a
 Lukas 2 : 10b - 12
 Lukas 2 : 13
 Lukas 2 : 14
37. Marende Be No. 62 : 2
 Ai saborngin on do binsar, bintang di na holom i
Sumondangi hagolapon, na di rohanta i
Hasangapon di Debata, laos dame,dame ma
dijolma
Lomo ni roha ni Debata do hita jolma on.
38. Liturgi IX
 Lukas 2 : 15
 Lukas 2 : 16
 Lukas 2 : 17
 Lukas 2 : 19
 Lukas 2 : 20
39. Ende : Ende ni suru – suruan
Sektor 3 : Ende ni suru – suruan na diladang
Efrata…tarbege saringar ni tu sude adaran
i…
Ina : Glo………..ria
Ama : In exelcis De……..o
Sude : Glo….ria, in exelcis De…..o
40. Soara 19
: Nunga tubu Mesias i dibara ni pinahan di
Betlehem. Dibara ni pinahan???Sintong do
i???Sintong…!!! ima holong ni roha ni
Debata di hajolmaon…dirina dirumari do,
sangapna ditinggalhon do manogu hajolmaon
i tu Debata Amana i…ima binahen ni Jesus i
pataridahon holong ni rohana na tontong
basa, ipe tapuji Debata.
41. Liturgi X
 Ende No. 48 : 5 – 7
 Ende No. 49 : 6 – 7
 Ende No. 52 : 2 – 7
  Ende No. 56 : 4
 Ende No. 58 : 5
 Ende No. 60 : 8
 Ende No. 62 : 4
42. Soara 19
: Taha porseai jala taha tindanghon do, paboa
na holan Jesus do silehon hasadaon dihita jala
ibana do napasadahon angka naporsea i laho
manean hangoluan bonoanna i.
43. Liturgi XI
Ina : Mansai naringkot situtu do hasadaon i di
tonga – tonga ni ngolunta siganup ari. Atik pe
adong angka parasingan, manang perbedaan
pendapat, dohot talenta namaragam jala
marasing-asing,naeng unang gabe
manghorhon parbolat-bolaton. Tapangke ma i
saling mendukung dohot melengkapi.
Ama : Angka ompunta sijolojolo tubu pe , tunga
tangkas diboto jala diantusi hina arga dohot
hinaringkot ni hasadaon i.Ido umbahen na
didok:Tinaon Barakbak,dapotsa
ampapaluan,lehet masioloan,unang masi
pamaluan.
Ina : Ingkon maransimun sada holbung,marpege
sangkarimpang,manimbung rap tu
holbung,mangangkat rap tu ginjang.Ai
golang-golang siala sampagul,ingkon rap tu
ginjang rap tu lambung.
Ama : Ai aek godang do aek laut,dos ni roha do
sibahen na saut.Ingkon masilehean dina
dokdok masitoguan dina landit.Ingkon
bulung pala do tu bulung palia,ingkon
 marsada rohado asa jumping pinangido ni
roha.tampakna do tajomna,rim ni tahi do
gogona sada songon daion aek,unang mardua
songon daion pola.
Sude : Tiris-tiris ni langit,panuangan ni simbora,ai
molo nunga sahata jala satahi,jumping do
silomo ni roha.Sihikkit ma sada
sijarongkot,rap parsanggul jabi jabi,asa sada
parbingkas ma sada parbongkot,rap partahi
na uli.
44. Marende Be No. 62 : 1 + 3
 Halalas ni roha godang na hubaritahon on
Nunga tubu sipalua dihita jolma i
Hasangapon di Debata las dame,dame,dame ma
di jolma
Lomo ni roha ni Debata do hita jolma on.
 Tuhan Jesus hadomuan, na disuru Debata
Na pasaehon sude dosa di dolok Golgata
Hasangapon di Debata las dame,dame,dame ma
di jolma
Lomo ni roha ni Debata do hita jolma on.
45. JAMITA
46. Marende Be No. 62 : 1 + 3
 Hatuaon do, las ni roha do, hatutubu ni Jesus i
Mago do jolma ro ma Tuhanta, las be, las be ma
rohanta i (2X)
 Hatuaon do, las ni roha do, hatutubu ni Jesus i
Domu do hita tu Debatanta, las be, las be ma
rohanta i (2X)
 Hatuaon do, las ni roha do, hatutubu ni Jesus i
Las ma rohanta,mida Tuhanta, las be, las be ma
rohanta i (2X)
47. TANGIANG PELEAN / ALE AMANAMI /PASU
-PASU
IV. HIBURAN
V. SAYONARA