Anda di halaman 1dari 9

INSTITUT PENDIDIKAN GURU KAMPUS RAJANG

96509 BINTANGOR, SARAWAK

____________________________________________________________________________

PROPOSAL PROJEK INOVASYEN


NGAJAR ENGGAU BELAJAR

JAKU IBAN

( e – ObTuRaSEPIL)
____________________________________________________________________________

NAMA:

MELVIN ANAK BUNAN

SISWA PENARAK

PISMP BAHASA IBAN AMBILAN JUN 2016

1
PROPOSAL PROJEK INOVASYEN DALAM

NGAJAR ENGGAU BELAJAR

JAKU IBAN

1.0 TAJUK

Inovasyen Digital Sepil Objek, Tukuh enggau Chura (e – ObTuRaSEPIL) Dikena Mantu
Nembiak Primari Satu enggau Primari Dua Nguasa Sistem Sepil Jaku Iban Ti Standard

2.0 PELASAR

Seriran enggau peneka sereta guna ba Pelin Pengerembai Pelajar Malaysia (PPPM) ti
ngemeranka pengerembai nembiak, nya alai inovasyen dalam sistem pelajar meseti
dikemeratka enggau lebih ransing agi. Berindik ari nya, program inovasyen dalam
pengawa ngajar enggau belajar (NeB) tu diguna ngambi ulih meri semengat enggau
peneleba nembiak Primari 1 enggau Primari 2 dikena nguasa sepil ti standard dalam
jaku Iban, midaka sepil Jaku Iban enggau Jaku Melayu sereta meri pengelala ngagai
nembiak senentang objek, chura enggau tukuh nengah Inovasyen e-ObTuRaSEPIL.

3.0 MODEL GENERIK TRIALOGIKAL

3.1 Tuju enggau Guna Inovasyen

Sebedau nyediaka e - ObTuRaSEPIL tu, pengajar meseti mansik dulu penanggul ti


ditapi nembiak. Kebuah pia laban pekara ti dipansik nya meseti seriran enggau
penanggul ti deka diputarka. Sepengudah pengajar mansik penanggul nya, baru
pengajar nemu tuju enggau guna inovasyen nya. Tuju inovasyen tu digaga ngambika
ulih mutarka penanggul nembiak ari sukut Sistem Sepil Jaku Iban sereta ngelala objek,
chura enggau tukuh ti bisi ngelingi sida. Nangkanka nya, pengajar lalu meri penerang
guna produk ti diasilka ngambika iya seraris enggau tuju ti digaga.

3.2 Skop enggau Taga Projek

Ari sukut skop enggau taga projek, pengajar nentuka raban ti ditaga dikena ngujika
inovasyen digital tu. Nyadi ba projek tu, raban ti taga enggau nyadi fokus dikena
mutarka pengelandik sistem sepil iya nya nembiak Primari 1 enggau Primari 2 laban
sida meseti difokuska ari pun sebedau sida nyingkangka kaki ngagai tikas ti lebih tinggi
ambika chunto sida tama ngagai Primari 3 udah nemu Jaku Iban ngembuan sepil ti
standard sereta bebida ari Jaku Melayu.

2
3.3 Draf enggau Nyidi Bansa Inovasyen

Bepelasarka inovasyen ti deka digaga, terubah iya pengajar meseti nyediaka draf
projek. Draf projek nya digaga meseti bepelasarka penanggul nyepil enggau skop ti
difokuska.

3.4 Tis Pansik enggau Ngaga Refleksyen

Ba tikas tu, projek e – ObTuRaSEPIL ti digaga deka diuji lalu pemujur iya deka dipansik
ari semua sukut baka penyemitan projek, fungsyen enggau asil ari inovasyen tu.
Penengkebang inovasyen lalu ngaga refleksyen ti bekaul enggau pemutus ari pansik
nya sereta manding entara asil ti udah diseleti enggau ke sebedau tu.

3.5 Seleti enggau Spesifikasyen

Sepengudah ba tikas nguji, tis pansik enggau refleksyen, produk nya deka diseleti enti
sema bisi penimpang enggau enda nemban dikena. Seleti tu dipejalaika bepelasarka
pemutus tikas 4 nya tadi (tis pansik enggau ngaga refleksyen).

3.6 Kena Baru

Sepengudah tikas seleti tembu dipejalaika, produk deka dikena lalu dikerembaika sereta
ulih dikena bala mayuh. Udah nya, kitai ulih manding bida pemujur inovasyen ti dikena
sereta nguse asil ti diulih responden kena manding enggau asil ti lama.

4.0 PRINSIP TUKUH PELAJAR TRIALOGIKAL

1. Aktiviti pelajar digaga bekaul enggau penanggul belajarka pengelandik sistem sepil
ngena inovasyen e – ObTuRaSEPIL tu.

2. Inovasyen tu nyukung integrasyen kediri enggau meransang kolaborasyen. Nya alai,


inovasyen tu ulih dikena sechara kediri tauka orang mayuh (nembiak).

3. Tis pandak, kuiz enggau latih beulang dikena meri peransang pelajar ngagai nembiak.

4. Ngemeranka pengerembai & kreativiti nengah refleksyen sepengudah bekenaka


inovasyen ari nembiak, pengajar enggau komuniti luar.

5. Ngemansangka amal penemu entara komuniti & institusyen nengah chara promosyen
ba media sosial baka Facebook, Whatsapp tauka Telegram

6. Nyediaka kereban inovasyen e - ObTuRaSEPIL ti udah diseleti sereta ulih diguna


dikena ngemansangka artifak & amal penemu.

3
4.0 OBJEKTIF

Entara objektif inovasyen tu iya nya;

3.1 Nyeleti chara tauka ripih jalai ngajar nyepil ngena urup Romanais dalam aktiviti
ngajar enggau belajar lebuh bekenaka kereban inovasyen.

3.2 Ngemeratka sukut kreativiti enggau kompetitif entara nembiak.

3.3 Ngerapatka kaul ti manah entara nembiak enggau nembiak sereta nembiak enggau
pengajar.

3.4 Nambahka pengelandik pengajar enggau nembiak bekenaka Teknologi Pemadah


enggau Komunikasyen (TPK) dalam pengawa ngajar enggau belajar.

5.0 RASIONAL
Rasional projek inovasyen digital tu iya nya dikena mantu proses ngajar enggau belajar
sesebengkah penanggul dalam belajarka jaku. Kelimpah ari nya, projek tu mega
ngembuan rasional dikena ngemuntangka agi pengawa pengajar ti ngajar pengelandik
ngarang ngagai bala nembiak. Udah nya, inovasyen digital tu enda begunaka pengajar
beringku ngangkut kereban ngajar laban iya ulih disimpan dalam ‘Pendrive’ tauka ‘Video
Compact-Disc(VCD)’ aja. Nambahka nya, nitihka Jamaludin enggau Zaidatun (2003),
nembiak rindu belajar nengah multimedia tauka kereban teknologi. Nya alai, inovasyen
tu tau diikena pengajar narit ati bala nembiak ambika gagit agi belajarka sesebengkah
pengelandik nengah chara bejalaika aktiviti tauka belajar ngena TPK. Ke penudi,
rasional inovasyen tu mega ngembuan tuju dagang iya nya enti sema inovasyen tu
mujur sepengudah diuji, iya tau dijual ngambika ngerembai ngagai semua pengajar ti
deka bekenaka inovasyen e - ObTuRaSEPIL tu.

6.0 FOKUS PENANGGUL

Keterubah iya, proses nyepil tu beguna amat ba pelajar laban pengelandik tu mesti
diajar sebedau ngagai tikas ke lebih tinggi baka pengelandik nulis. Nya alai, penanggul ti
difokus dalam nengkebang inovasyen tu iya nya penanggul nembiak nyepil objek, tukuh
enggau chura dalam Jaku Iban nitihka Sistem Sepil Jaku Iban ti standard.

Berindik ari nya, penanggul ti nyadi fokus dalam nengkebang inovasyen tu iya
nya nembiak suah ngulang tauka nandu penyalah ke lebih agi ba sepil sida lebuh maya

4
ngaga kereja latih. Taja pan udah dikemetulka pengajar lebuh maya ngaga serenih ba
kelas, tang nembiak agi mekang ngulang pekara ti sama lebuh ngaga kereja latih. Utai
nyadi ketegal pelilih menua ti enda sama ari sukut dialek enggau fonem sida (Chemaline
enggau Padang, 2011). Ambika chunto, dialek Iban ari Saratok enggau Betong ngena
vokal /a/ nyadi /o/ baka naka tau nyadi nako. Kelimpah ari nya, penanggul tu mega
ketegal pengajar ba sekula kurang ngemeranka sepil ba latih nembiak. Utai tu bisi
dipeda sereta dipansik aku lebuh maya Praktikum Fasa Keterubah sereta ninga sebana
bala siswa penarak ke bukai senentang penanggul ti sama mega. Nya alai, projek tu
digaga bepelasarka penanggul ti udah dipansik lebuh maya bejalaika pengawa ngajar
enggau belajar sekumbang ti udah praktikum.

Kepenudi, penanggul ti nyadi fokus iya nya penyampau tauka pemerat kereban
bantu ngajar (KBB) ti ulih dikena pengajar ngajar sesebengkah pengelandik. Enti kitai
meda, mayuh pengjar bekenaka KBB ti berat sereta kompleks dibai mindah kin kitu. Nya
alai, nengah inovasyen digital tu, pengajar semina mai ‘Pendrive’ tauka VCD lalu siti beg
laptop ti disandik ba belakang lalu LCD nya bisi beg iya empu ti ulih dibinching. Penemu
tu disukung Rozinah (2000), ti madahka kereban multimedia tu ulih ngurangka perengka
dikena pengajar ngajar sesebengkah pengelandik. Nyadi, pengajar enda kiruh bekenaka
kereban nyengenda ti besai laban utai nya enda tan lama sereta ulih jai enti sema labuh
maya ti dipegai.

8.0 GUNA PROJEK INOVASYEN

Guna projek inovasyen tu iya nya:

i. Ulih ngerembaika agi penemu nembiak senentang penemu sida ba sepil objek,
chura enggau tukuh ti betul

ii. Tau nambahka pengelandik nembiak nempa sepil ti betul

iii. Ulih nambahka pengelandik pengajar enggau nembiak bekenaka Teknologi


Pemadah enggau Komunikasyen (TPK) dalam pengawa ngajar enggau belajar.

iv. Tau ngasuh nembiak fokus agi belajar laban sida rindu bekenaka kereban
teknologi maya belajar.

5
9.0 TAGA KOS PROJEK
Kereban Penyampau Rega (RM)

Video Compact Disc ( VCD) Siti 1.00

Speaker Siti Set 30.00

Penyampau 31.00

10.0 PELIN PROJEK INOVASYEN

BULAN JAN FEB MAC APRIL

PEKARA

1. Mansik penanggul nembiak /

2. Ngaga proposal projek /

3. Ngaga inovasyen /

4. Ngasilka kuiz dalam inovasyen /

5. Ngaga promosyen /

6. Ngaga tusun tanya (questionaire) /


dalam tukuh Google Form

7. Nguji inovasyen keterubah /

8. Nguji inovasyen ti udah diseleti /

9. Asil ke penudi /

6
11.0 SIMPUL

Dikena nyimpulka projek tu, aku ngarapka projek tu ulih nyapai objektif ti ditagaka lalu ngarapka
inovasyen digital tu ulih mujur dikena ngajar pengelandik sistem sepil tu ba tikas nembiak
Primari 1 enggau Primari 2. Aku mega ngarapka projek Inovasyen e - ObTuRaSEPIL tu ulih
diterima bala pengajar enggau bala mayuh mega laban projek tu tau dikena bala mayuh ti deka
ngemekuhka penemu senentang atur sistem sepil ti betul kelimpah ari meda bup Sistem Jaku
Iban Di Sekula nyadika kereban sanding.

7
KEREBAN SANDING

Feiman-nemser, S. (2003). What new teachers need to learn. Educational leadership,

60(8), 25–29.Fullan, M. (2006). Leading professional learning. School Administrator,

63(10), 10.

Jamaluddin Harun dan Zaidatun Tasir (2003). Multimedia dalam pendidikan. Bentong: PTS

Publications

Kementerian Pendidikan Malaysia. (2017). Modul teras pembelajaran abad ke-

21. Klang: Pejabat Pendidikan Daerah Klang

Marohaini Yusof (2004). Penyelidikan kualitatif: pengalaman kerja lapangan kajian. Kuala

Lumpur: Penerbit Universiti Malaya.

Rozinah Jamaludin (2000). Asas-asas multimedia dalam pendidikan. Kuala Lumpur: Utusan

Publication & Distribution Sdn Bhd

Siti Rosni Mohamad Tusoff & Abd Samad Hanif. (2019). Inovasi digital dalam

pengajaran dan pembelajaran. Shah Alam: Oxford Fajar Sdn. Bhd.

8
9

Anda mungkin juga menyukai