Contoh Pidato Bahasa Samawa

Assalamualaikum warohmatullahi wabarokatuh

Ina bapak sanak sawai selaki

Ibu bapak guru de saya hormati

ke dengan dengan ade saya cintai

Mula-mula mamo tu sangayap puji syukur lako repan yang mulia Allah SWT ade ka beang kita kesehatan,
beang tu beriak, beang tu nikmat sampe ano ta, bau mo tu barema-rema tokal pang katokal ta. Solawat
ke salam na tu kalupa tu junjung lako nabi kita Muhammad SAW ade ka bawa kita kareng jaman ntek
unta lako jaman ntek kereta, kareng jaman ungkap liap lako jaman mengas mentar yam ade tu rasa
katokal jaga ta.

Kaji manang nagkang sia sate ya kaji sanapat pidato ade bertema tentang pendidikan moral tode jaman
to !

Menurut kaji tode jaman to peno mo ade noto slen ade balong ke ade lenge, tapi insya allah tode nan
rua nosoda pang sekolah ta. No manto tu ingo tode pang desa darat tau len, ingo ade ada pang tana kita
tamo, peno mo de merokok, narkoba, inum minuman keras bahkan ada mo de kena ke pergaulan bebas.
Lamin tu balangan rawi-rawi peno mo tu gita todek todek de remanjeng nan, ada mo de krotek balap
pang tengan ola nosi piker mate, ada mo de sombong pamer harta be siong ke harta orang tua si dean.
Slong ke masi pakan leng ina bapak. Mara ling lawas kaji

Mana balong idung mata

Lamin kajongar bawa diri

Mara roro nonda tuju

Tegas lawas nan ne ya nan si nosoda tuju tu gra lamin tu gesa, krotek apa sama si yang roro. Nah roro
nan ade selesik desa darat, ade nan rua nan de tu bolang lako let. Jadi tawa kita ade masi ode masi
mangan bakakan ke orang tua mamo tu sebangga tau dua nan. Apa tau dua nan buya uang tawa sekolah
kita, ya arap tu sukses bau ma nyaman telas tu era, kita suru ling orang tua tu sekolah untuk telas kita si.
Bau na tu kasaket era, bau na tu bergantung pang tau len. bau nomo tu sangila keluarga kita, bau no mo
tu sangila desa darat kita, bau balong singen kita keluarga ke desa darat. Ta kaji beang lawas

Nonda Rungan Bawa Lenge

Kabalong Bae Tu Menong

Senap mo desa darat

Nannya Singin Mampis Rungan

Nah bua rajin rajin tu sakolah, bau balong desa darat kita pang mata tau len. lako bapak ke ibu guru ade
ka ajar kita sarea mamo tu berterima kasih, karna atas kesabaran diri ajar kita, bertambah pangeto ade
nka tu to jadi to. Terima kasih mo wahai sia guru ta lawas kaji