Naskah palang pintu

Juru bicara mempelai wanita : JW

Juru bicara mempelai pria : JP

Palang pintu pria : PP

Palang pintu wanita : PW

JP : Assalamualaikum b

JW :

JP :

JW :

JP :

JW :Eh… Bang, rumah gedongan rumah belande, pagarnya kawat tiangnya besi, gue kaga mao
tau nih rombongan datengnye dari mane mau kemane, tapi lewat kampung gue kudu permisi.

JP : Oh… jadi lewat kampung sini kudu permisi, bang.

JW : Iye emangnye lu kate nih tegalan.

JP : maafin aye bang, kalo kedatangan aye ama rombongan kage berkenan di ati sudare-
sudare…Se,Mbelomnye aye pengen ucapin dulu nih Bang…Assalamu, alaikum.

JW : Waalaikum salam…

JP : Begini bang…makan sekuteng di Pasar Jum,at, mampir dulu di Kramat Jati, aye dateng ama
rombongan dengan segala hormat, mohon diterime dengan senang hati.

~~~~~~~~~~~~~~~~~~~~~~~~~~~~~~~~~~~~~~~~~~~~~

PW : Oh … jadi lu uda niat dateng kemari…eh…Bang, kalo makan buah kenari…, jangan ditelen
biji-bijinye…kalo ku udeh niat dateng kemari…gue pengen tahu ape hajatnye?…

PP :Oh… jadi Abang pengen tahu ape hajatnye…emang Abang kage di kasih tau ame tuan
rumehnye…Bang, ade siang ade malam, ade bulan ade matahari, kalo bukan lantaran perawan yang
di dalam, kaga bakalan nih laki gue anterin ke mari.

PW : Oh… jadi lantaran perawan Abang kemari?…Eh… Bang, kage salah Abang beli lemari, tapi
sayang kage ade kuncinye, kage salah abang datang kemari, tapi sayang tuh… perawan ude ade yang
punye.
PP : Oh…jadi tuh perawan ude ade yang punye, eh …Bang crukcuk kuburan cine, kuburan Islam
aye nyang ngajiin, biar kate tuh perawan udeh ade yang punye, tetep aje nih laki bakal jadiin.

PW : …Jadi elu kaga ngerti pengen jadiin, eh … bang kalo jalan lewat kemayoran, ati-ati jalannye
licin, dari pada niat lu kage kesampaian, lu pilih mati ape lu batalin.

PP : Oh… jadi abang bekeras nih…eh …Bang ibarat baju udah kepalang basah, masak nasi udah
jadi bubur, biar kate aye mati berkalang tanah, setapak kage nantinye aye bakal mundur.

PW : Oh… jadi lu sangke kage mau mundur, ikan belut mati di tusuk, dalam kuali kudu masaknye,
eh… nih palang pintu kage ijinin lu masuk, sebelum lu penuin persaratannye

PP : Oh…jadi kalo mao dapet perawan sini ade saratnye, Bang…?

PW : Ade…, jadi pelayan aje ada saratnye… apa lagi perawan…

PP : Kalo begitu… sebutin saratnye… Bang…

PW : Lu pengen tau ape saratnye…kude lumping dari tangerang, kedipin mate cari

menantu, pasang kuping lu terang-terang, adepin dulu jago gue satu-persatu

PP : Oh… jadi kalo mao dapet perawan sini saratnye bekelai Bang…

PW : Iye … kalo lu takut, lu pulang…

PP : bintanXg seawan-awan, aye itungin beribu satu, berape banyak Abang punya

jagoan, aye bakal adepin satu-persatu.

Adu Jurus

Beradu jurus pun berakhir. Pihak pengantin lelaki keluar sebagai pemenang.

Perbincangan pun dilanjutkan kembali.

JP : Gimane Bang…rase-rasenye jagoan Abang udeh pade rontok semua nih…

ape aye ame rombongan udah boleh masuk?…ape masih ade saratnye lagi Bang?…

JW : Ntar dulu Bang, enak aje… pan lu tau…

buah cereme jangan diasinin

makan nasinye di kandang kude

sarat pertame emang lu ude penuin…

tapi masih ade sarat yang kedue…

JP : Sebutin udah bang jangan lame-lame

JW : Tukang lakse dagangnye malam

jalannya muter ke pasar kranji

gue minta elu jangan cume bise berantem

tapi gue pengen denger lu bise ngaji

JP : Tumbuk ketan jadinye uli

ulinye juge kudui ditapeni

betaun-taun anak kampung gue bisa ngaji

lagu yang Abang minta bakal bawain

(baca sikeh)

JP : Gimane Bang… soal berantem aye udah ladenin, soal ngaji abang udah dengerin

ape aye ame rombongan udah boleh masuk, ape masih ade saratnye lagi,

Bang?…

JW : Cukup-cukup dah Bang…rase-rasenye kage sie-sie aye bebesanan ame Abang

soal silat Abang jago…soal ngaji Abang bise…aye Cuma bisa bilang…

buah mangga bukan sembarang mangga

buahnye satu tulung petikin

aye bangga bukan sembarang bangga

mantu yang begini yang aye arep-arepin

ahlan wasahlan buat Abang ame rombongan…