Cuantos de maga Cargao Obligacion del ta Encabeza na Provincia o Cuidad 

1.  Ele  el  tiene  alto  puesto  que  ta  encabeza  na  provincia  y  ta  mira  todo  maga 
proyecto. 

2. Ta asegura ele que ta cumpli todo ley y ordinansa na provincia o cuidad. 

3.  Ta  supervisa  na usada de fonfo y otro pa encontrada para cumpli el maga plano na 

progreso del provincia. 

4. Ta asigura ele el servicio de sociedad ay cumpli base na ley. 

Cuantos maga Cargao Obligacion de maga Ayuda con el Ta Encabeza na 

Provincia o Cuidad 

Vice Gobernador/Vice Alcalde 

1. Ele el Segundo del alto puesto que ta encabeza na provincial. 

2.  Ele  ta  mira  na  programa  (Presiding  officer)  de  Sangguniang  procincial  o 
Sangguniang de cuidad. 

3. Ele ta cumpli el obligasyon del gobernador si no hay el presente gobernador. 

4.  Ele  ta  corresponde  con  el  gobernador  sirvi  y  cumpli  el  maga  ley  y  orden  del 
provincial. 

Sangguniang Provincial o de cuidad 

1. Ta hace el maga ley 

2. Ta ayuda cumpli el proyecto na distrito y sector quien ta encabeza 

3. Ta cumpli maga obligasyon bajo mando di suyu consejo o sanggunian. 

Barangay Capitan y di suyu maga oficiales 

1. Ta cumpli el necesita proyecto para dale el ayuda na miembro del barangay. 

2. Ta cumpli el maga ley para asegura areglamento de entero barangay. 

Contesta el siguiente pregunta: 

1.  Cosa-cosa  el  maga  obligasyon  y  responsibilidad  del  cada  uno  ta  encabeza  na 
provincia? 

2. Donde estaba el di ila servicio y posicion? 

3.  Cosa-cosa  el  maga  debe  considera  con  el  maga  ta  encabeza  na  provincia  na 
cumplicada di ila obligacion na este provincia? 

   
   
   
   
   
   
   
  El quien quiere sirvi solamente di suyu 
El  un  miembro  si  quire  sirvi  na  di  suyu  Certificate of Candidacy ​na 
vivientes na comunidad.  Commission on Elections. 
 
 
 
 
 
 
 
 
   
Puede  vota  todo  el  maga  registrante  Cuntada  de  balota  con  quien  ya  escogi 
durante el conducto de eleccion.  el maga miembro de comunidad. 
 
 
 
 
 
 
 
 
 
   
 El  quien tiene alto el numero de vota ay  El  quien  sinta  ay  sirvi  depende  na 
declara ganao y ay sirvi  designao nemero del año. 
 
 

Actividad A 

Dirreccion:  Man  drama  porcausa  na  un  eleccion na cuarto de estudio. Pretende este 

eleccion  de  maga  ta  encabeza  na  provincia.  Hace  dos  grupo  el  clase. 
Escogi  kien pretende como miembro de COMELEC para encabeza en este 
eleccion. 

1. Dale nombre di tuyu partido. 

2.  Escogi  el  maga  candidato  (sigui  el  maga  compositacion  de  maga  ta 
encabeza na provincia) 

3. Man campania. 
 4. Hace el eleccion por medio de votacion. 

5. Comparada de maga voto. 

6. Proclamacion del maga ya gana. 

Actividad B 

Actividad de Grupo 

Le  el  cuantos  provicion  na  Republica  Acto  Numero  7166  o  ley  ta  denota  para 
na mismo tiempo el conducida (​synchronized​) na Eleccion National y Local. 

Republico Acto Numero. 7166 

Ta denota na este ley el siguiente: 
 
● Junto-junto  el  conducida  de  eleccion  nacional  y  local  un  beses  cada  tres  (3) 
año. 
● El maga elijido oficiales na provincia ay sirvi por tres (3) año. 
● El  maga  posicion  el  elijido  oficiales  na  provincia  el  siguiente:  goberbador, 
vice-gobernador  y  miembro  de  Sanggunian  Provincial  (el  numero  de  estos  ta 
depende na numero de distrito) 
● Ya dale setenta y sinco (75) dias para na nominacion de candidato. 
● Tiene lang cuarenta y sinco (45) dias el periodo de campania. 
● El  cada  candidato  jendeh  man  lampas  na  tres  peso  (P3.00)  gastos  na  cada 
votante. 
● Na  escogida  de  quien  hay  encabeza  na  provincia  na  un  eleccion  el  maga 
registrado votante que tiene edad de dieciocho (18) pa arriba. 
● Escribido na oficial balota el nombre de candidato. 
 
Descubri Kita 

El  maga  provincia  tiene  maga  gobierno  que  ta mira el necesidad de este maga 

miembro.  El  maga  gente  ta  decidi  si  quien  na  maga  miembro  encabeza  kanila  por 
medio  de  un  eleccion.  El  gobierno  por  medio de elijido cabeza pensante cumpli maga 
ley para tiene arreglamiento na comunidad. 

 
 

El  importancia  de  gobierno  puede  mira  cada  dia  del  vida.  Na  tienida  de 
libertad  cada  gente  el  importancia  ta  dale  el  gobierno.  Cada  miembro  na  provincia 
tiene  libertad  hace  y  escogi  cosa  y donde anda y cosa habla na maga ta encabeza na 
provincia. Que modo responde el gobierno cada siatuacion? 

 
 

El  gobierno  de  provincia  importante  responde  na  mga  derecho  de  cada 
miembro.  Otro-otro  clase  de  derecho  ta  obtene  el  cada  un  miembro.  El  primera  de 
este  derecho  el  tienida  de  proteccion  na cada cual vida y propiedad. Que modo dale 
mira el proteccion na cada cual vida y propiedad? 

Obigacion  del  gobierno  dale  servicio  na  sociedad  por  miedo  de  responde  el 
derecho  del  maga  miembro  na  tienida  de  buen  vida  y  obtene  seguridad.  El gobierno 
ta  dale  tamen  justo  servicio  de  salud  por  medio  de  dalida de public centro de salud 
y  ​hospital. ​El  provincia necita suficiente tropa de polis para dale proteccion na vida 
y  propiedad  del  maga  gente.  Na  maga  tiempo  de  calamidad,  el  gobierno  el  primer 
corrida  de  maga  gente  poreso  importante  tiene  bastante  preparacion  para  salvao  n 
comunidad. Cosa hay pasa si jendeh responde el gobierno con el derecho del maga ta 
ocupa na su lugar? 

Uno  pa  importante  de  gobierno  el  proteccion  de  este  medio  ambiente. 
Obligacion  del  gobierno  jendeh  lang  na  mantenida  del  limpieza  de  medio  ambiente 
del  provincial  pate  el  cuidada  del  miedo  ambiente  y  riqueza  naturales.  Importante 
mantene  el  usada  y cuidada del maga riqueza por causa aqui ta depende el buscavida 
del  maga  gente  na  provincial.  Por  eso  importante  cumpli  el  maga  ley  de  usada  de 
riqueza  na  ambiente.  Cosa  manera  tu  sabe  para  ayuda  mantene  el  naturales  del 
provincia? 

Tree Planting  Bayanihan na Limpieza  Recycling 

 
  
 

Ya Aprende 

A. Escribi cheque ( / ) si justo el idea na cada oracion y equis ( X ) si jendeh. Hace 

este na papel. 

1. El gobierno ta dale maga servicio para bien del maga vivientes. 

2. Fronto man asenso el provincial si no hay el gobierno. 

3. Jendeh necesita con el maga ta encabeza na cuidad por causa tan ayudajan tamen 
el maga vivientes. 

4. Importante tambien el suporta del maga vivientes na gobierno para tiene buen 
exito el maga programa. 

5. El tienida de gobierno local ta ayuda para na progeso de pais.