"Om Swastiastu"

Mantuka ring para manggala praja makadi:

- Bapak Prabekel/Bapak Klian Dinas utawi sane ngangganin dane sane bhaktinin titiang
- Para manggala desa makadi Bapak Bendesa Adat Prajuru Adat, Bapak Kelian Adat Banjar sane
kusumayang titiang
- Para Ketua Truna Truni sinamian sawewengkon Desa Adat Tihingan sane wangiang titiang
- Para truna truni Putra Dharma Sanggraha Dusun Adat Pau sane tresnasihin titiang

Kaping ajeng titiang ngaturang suksmaning manah ring sapengrauh ida dane para
manggala taler para sameton sinamian, sane sampun parama ledang nodia pakaryan titiang
sajeroning wanti warsa sane kaping Telung Dasa Lima Sekaa Truna Truni Putra Dharma
Sanggraha, Dusun Pau, Desa Tihigan sane ngangkat Tema “Menjadikan Pemuda Berkarakter
Nasionalis dan Berjiwa Gotong Royong”

Kaping kalih titiang nenten lali nunas gung rena sinampura santukan sampun janten makeh
makekirangnyane inggihan indik katunan genah, katunan panyanggra, katunan panamyu
miwah sane lianan santukan doh wiakti, tan prasida nagingin sakadi pangarsan ida dane.

Salanturnyane mangda sueca ida dane para sameton titiang jagi iring titiang ngastawa ring
Ida Sang Parama Kawi, dumogi acara wanti warsa rahinane mangkin manggihin dirgaayu,
labda karya tur sidaning don.

Atur uningayang titiang ring ida dane makasami, sajeroning nyanggra wanti warsa sane
kaping Tigang Dasa Lima puniki kadagingin antuk makudang-kudang pacentokan, inggih
punika
1. Kegiatan Jalan Santai
2. Lomba mewarnai TK,
3. Makan Kerupuk tingkat SD
4. Estafet untuk STT
Mungguing prabea sane kaanggen nyanggra acara wanti warsa rahinane mangkin saking,
1. Saking Perbekel Desa Tihingan (Rp 13.207.000)
2. paica lascaria saking krama Banjar Pau ring Kupon Jalan Santai (405 kupon,
Rp.4.050.000)
-
Salanturnyane titiang makesami iriki nunas mangda sueca Bapak Prabekel pinaka manggala
praja ngicenin tuntunan, pawisik, pawarah-warah, mangda prasida titiang iriki salung-lung
sabayan taka paras-paros sarpanaya, tur sida ngulati sane mawasta "matuha, migasa,
mawerdya" sayan duur yusane, sayan urati miwah gelitik tur prasida sayan limbak ring
sajeroning sekancan utsaha. Taler jagi aturin titiang Bapak Prabekel jagi motong tumpeng
pinaka cihna acara wanti warsa Sekaa Truna Truni Putra Dharma Sanggraha Desa Adat Pau
sampun mamargi.

Titiang pinaka prawartaka wanti warsa ngaturang suksmaning manah antuk uratian ida
dane para sameton sinamian taler nenten lali titiang nunas gung rena sinampura antuk
makekirangannyane.

"Om Santih, Santih, Santih Om"