Ngeraja Sewala

Ida dane para uleman lan atiti sami sane dahat kusumayang titiang rahajeng prapti ring
pakubon titiang minakadi titiang nunas iwang saantukan kawentenan palemahan miwah
padewekan titiang irika sakaluwarga. Dahating tuna panyanggra miwah kawentenan ipun. Antuk
punika sami, ngiring nyakupang pangastungkara panganjali “Om Swastyastu”.

Ida dane sareng sami, rasa angayubagia titiang ring manah saantukan sangkaning
pasuecan Ida Sang Hyang Widhi Wasa ring galahe sane becik puniki, Buda, 22 Agustus 2018.
Prasida mamargi upacara lan upakara Ngeraja Sewala. Lugrayang titiang nyanggra Ida dane
sareng sami antuk nyobiahang kawentenan padewekan titiang miwah kaluwargan titiang.
Kapertama, parab titiang Nyoman Bagus Muliasa pinaka sane nuwenang karya mangkin, kaping
kalih kurenan titiang mapesengan Ni Made Maratta. Puniki pianak titiang sane ngeraja sewala
wastan ipun Manik Intan Maratta. Punika kawentenan titiang sane wawu sampun kamargiang
Jam 10. Sane kapuput olih Ida Peranda Putu Manikan, dewa saksi lan bhuta saksi sampun
kamargiang sane mangkin titiang nunas taler Ida dane nyaksi tur micayang restu dumogi sida
mamargi sidaning don.

Inggih asapunika sambrama wacana titiang petrade wenten sane menggah ring kahyun
titiang nglungsur gung rena pangampura. Sane mangkin ledang Ida dane masandekan durusang
ngunggahang boga sane sampun kacumawisang wuwusan punika durus ngambil acara bebas.
Inggih puputang titiang antuk ngaturang parama santih “OmShanti ,Shanti, Shanti Om”