Gereja si la meritaken BSM eme Gereja si nandangi ndelis/ bunuh diri.

Sebab Pemberitaan kerna

Berita si Meriah eme hakikat gereja ras kalak Kristen. Gereja-gereja I Eropa melala idayaken,
jadi masjid, hotel, erkiteken semangat penginjilen enggo mate.

Kalak Kristen si tading lebih tertarik ngukurken kegeluhen, kenyamanenna asangken Erberita si
Meriah. Bayangken kapndu 128 tahun si lewat misionaris-misionaris Belanda, Jerman, nari reh
maba Berita e man banta I Indonesia, I taneh Karo enda. Gundari, terbalik, si melalana meritaken
BSM jadi misionaris I doni enda eme asal Korea Selatan nari

Uga gundari semangat penginjilen, erberita si meriah ibas kita?Gundari kita lebih tertarik
nandangi ritual-ritual. Reh ku gereja, kebaktin, jenari mulih. Erberita si meriah e lenga jadi bagin
geluhta, bayangken kapndu erberita si meriah enda jadi sada keriahenta, bagi kalak ngkawil ,
sekali saja la ngkawil la akapna tenang geluhna. Ironis kel puluhen tahun gereja lit bas kutanta,
bas Taneh karo enda tapi la erbuah. Politik uang sanga pemilihen ndai luar biasa, Narkoba ras
HIV luar biasa.

Maun kuukuri, kita enda enggo nyaman jadi organisasi gereja. Uga erbahanca meriah akap kalak
adi ku gereja, gereja tempa jadi ingan kalak ndatken hiburen, uga sound sistemna, uga infokusna,
uga pagar gerejana, uga bangunenna. Kita mungkin enggo lupa, tugas Gereja ras kerina kalak
Kristen eme meritaken Berita si meriah, berita pengharapen, keselamaten ibas Jesus Kristus. Tapi
kita sibuk rubat, sibuk sician-cianen, sibuk saling menyalahkan, si erbahanca kalak dungna lanai
tek kerna Berita si baba kita e. Adi sinen gereja mula-mula, nterem kalak tambah ku perp e
erkiteken ngidah cara perp erdiakonia, carana erlajar kerna Pustaka, rsd.