Nama: Ida Bagus Premasatya Krisnanda

No: 24
Kelas; X IPS 1

Nyanggra Pakeling Hari Pendidikan Nasional (HARDIKNAS) 2 Mei

Suksma antuk galah sane kapaica ring dewek titiang. Angayubagia aturang titiang majeng ring Ida
Sang Hyang Widhi Wasa, duaning wantah asung kertha waranugrahan Ida, mawinan titiang ping
kalih Ida dane sinamian prasida mangguh karahajengan turmaning kacunduk ring galahe sane
becik puniki. Antuk punika ngiring sinarengan nyakupang kara kalih saha ngucapang panganjali.
Om Swastyastu
Inggih para guru lan para sisia sane kusumayang titiang ! Garjita pisan manah titiange duaning
polih nyarengin nyanggra rerainan Hari Pendidikan Nasional, iriki ring lapangan SMA Negeri 6
Denpasar puniki. Manggala Panitia sampun nelatarang, gelahe puniki kapilih, santukan alun-alun
sane jimbar.
Majeng ring Manggala Panitia, titiang ngaturang suksmaning manah, duaning sampun ledang
ngundang titian saha mapica galah mangda titiang mapaweh panyanggra pidarta samatra. Inggih,
pamilet sinamiang sane wangiang titiang Rerainan HARDIKNAS puniki rauhnyane nangken
awarsa, nemoning tanggal 2 Mei. Hari Pendidikan Nasional patut kasangra wiadin kasungkemin
sareng sami, utamanyane olih para pengelola pendidikan, para guru pengajian miwah sisia
sinamian. Pinaka saih imba sekadi ngaturang upakara rikalarainan Saraswati. Kawiaktianipun
pangweruh wiadin pendidikan puniki kanggen ngukur unggul wiadin andap kaanan jadmane,
unggul wiadin adapkaanan wangsane. Napi malih sekadi mangkin jaman kemanjuan, kemajuan
ilmu pengetahuan lan teknologi. Yening tan sareng ngepung IPTEK punika, janten pacang
katinggalang antuk kemajuan jaman punika. Mangda sekadi sesonggane, sane dengkuk katangkeb
sarung, sane wikan nakep I punggung. Artosnyane, wangsa sane andap kawikananne, katadah
antuk wangsa sane unggul kemajuan ipun.
Inggih para guru miwah para sisia sane wangiang titiang, pidapdap pemerintahan otonomi daerah
sakadi mangkin, pamargi pendidikane sane sampun kasukserahan ring pemerintah daerah.
Kusumakuta wiadin tanggung jawab pendidikan punika magenah ring tangan Sang Guru Wisesa
daerah kabupaten wiadin propinsi. Sakewanten sujatin ipun, tanggung jawab pendidikan punika,
manut Bapak Pendidikan Nasional Ki Hajar Dewantara , magenah ring trisentra pendidikan inggih
punika : Pemerintah , masyarakat lan orang tua. Indik panglaksananya, wantah ring sekolah genah
ipun. Sekolah punika kamanggehang sakadi mapaguruan, mapanyengker antuk Wawasan Wiyata
Mandala. Sane kamargiang boya wantah kaweruhan lan katrampilan kemanten, sakewanten taler
mangda kawerdian jati ragawangsa, panglaksana miwah locita, moral lan mental. Sekolah pinaka
pasraman Brahmacari mangda prasida ngwangun anak Bali sane majati raga Bali ring kuuban
negara Indonesia. Warga anak Bali sane wikan tur trampil, purun malomba ring jagat
Internasional.
Kawiaktiannya anak Baline nenten ja kasor ring anak dura Negara, yening kawehin pendidikan
sane inggih sapatutnya, kawehin wawasan sane jimbar, kapentengin tur kasangih uteknyane.
Inggih para sisia sane sutresnain titiang sakadi baos titiang iwawu, alit-alite mangda eling ring
pidabdab jagate mangkin, pidabdab kemajuan, pidabdab ( globalisasi ). Para sisia tan dados lali,
tan dados lenga wiadin lipia ring raga, sumengkenang kayune ngetut kemajuan, kemajuan Ilmu
Pengetahuan lan Teknologi, kadulurin antuk stiti bakti ring sang maraga guru. Indike punika sering
kecutetang dados IPTEKTAK. Sampunang nglelemonehang palajahan agama miwah palajahan
Basa Daerah Bali, santukan palajahan puniki prasida nuntun kajati raga anak Bali.
Inggih Ida-dane sinamian kadi asapunika atur panyanggra tiiang menawi ta wenten iwang atur
titiang, titian nunas gung rena pangampura. Inggih, puputang titiang antuk paramasantih.
Om, Santih, Santih, Santih, Om