TRI HITA KRANA

Om Swastyastu

Matur suksema mantuk ring pangenter acara,antuk galah sane kapica ring dewek titiang,
Sane wangiang titiang, Bapak miwah Ibu guru sareng sinamian, taler ida dane para pamilet
lomba sareng sami sane dahat tresna sihin titiang.

Sadurung titiang ngelantur, kapertama ngiring iraga sareng sami ngaturang puja
pangastuti pangayubagia mantuk ring Ida Sang Hyang Widhi Wasa, duaning sangkaning
paswecan Ida iraga presida mapupul rahinane mangkin. Ring galahe sane becik puniki titiang
jagi ngaturang dharma wecana sane mamurda “Tri Hita Karana Pinaka Dasar Ngerajegin
Budaya Bali”. Inggih ida dane sareng sami,minab ratu ida dane sareng sami sampun pastika
uning sane kawastanin Tri Hita Karana punika, lengkara tri hita karana kawangun antuk tiga
kruna inggih punika , tri,hita miwah karana , tri punika mearati tiga , hita punika marti bagia , lan
karana punika mearti ngawinan utawi pengawi. Dadosne tri hita karana mearti tetigang paiketan
sane ngewangun utawi ngawinan bagia, Tri Hita Karana kakepah dados tigang soroh inggih
punika parhyangan , pawongan lan palemahan .

Parhyangan inggih punika pasewitran sane kewangun marep ring Ida Sang Hyang
Widhi Wasa. Inggian laksana sane kalaksanayang upamin ipun wantah ngelaksanayang acara
ngayah ring Pura-pura taler ngaturan banten saiban nyabran rahina

Pawongan inggih punika pasewitran sane kawangun marep ring nyama braya utawi para
janna sami melarapan antuk saling asah,asih lan asuh. Yening presida ngelaksanayang saling asih
lan asuh puniki ngemanggihang sane kewastanin rahayu masewitra ring jagate. Ring jagat bali
pawongan puniki sampun kelaksanayang utawi kemargiang ring soang-soang desa pekraman.
Palemahan inggih punika pasewitran sane kalaksanayang marep ring gumi genah iraga
sareng sami maurip, sane patut kelaksanayang mangda jagat sami memargi upamin ipun
ngelaksanayang reboisasi. Ring bali wenten dresta sane ngemargiang ngewangin jagat inggih
punika tumpek bubuh,upacara tumpek bubuh puniki wantah ngaturang sukseme ring jagat .
Inggih ida dane sareng sami, ngiring mangkin sareng sareng mautsaha ngemargiang
laksana sane becik, kedasarin antuk ngelaksanayang Tri Hita Karana . wantah asapunika sane
prasida aturang titiang indik Tri Hita Karana, yening wenten atur titiang sane ten manut ring hati
lugrayang titiang nunas geng rene sinampura,puputan titiang antuk parama santhi .

Om Santih Santih Santih Om