Anda di halaman 1dari 6

TADAU MINGGU KO-20 ID TIMPU TOOMOD TOUN C

PAMBASAAN KOISO
PAMBASAAN NAANU MANTAD BUUK JIRIMIA (38:4–6.8–
10)
Minogkosusu ko doho,
Songulun dit osili tua kosindualan ih pointongkop do pogun.
Kalapas nopo pinogintangan di Jirimia
kokomoi koligaganan dit koontok Israel,
poboros no ih lalansananon ngawi di Zedikia, Raja Israel do:
“Osonong pataiyon oh tulun diti!
sabap do popoboros hal-hal miagal dii,
minomoluhoi isio sunduan susumangod-sumangod ih kakal po
potimporon id kakadayan diti
om minomoluhoi sunduan do rayat ngawi.
Otootopot, o tulun diti amu minggisom monoronong do tinaru,
nga suwai I ko do koligaganan.”

Simbar noh I Raja Zedikia,


“Osonong ih, iyau no po diti id suwang do kuasa nuh! Sabap
amu kaanu raja do momonsoi do nunu-nunu sumaap dikoyu!”
Om ongoyo noh diolo ih Jirimia,
Om posuango noh isio id suang do torobong di tanak do raja ih
Malkia, ih hiri id natad di mitatamong dii:
Pouluho no diyolo ih Jirimia minomoguno do tali.
Ih torobong diri aiso o waig, nga rana toomod;
om kolosod no di ih Jirimia id karanaan diri.
Om labus no ih Ebed –Melekh id walai do Raja,
om poboros kumaa di raja, “ Oi Raja ku, araat ih numaan tulun-
tulun diti
ih sontob hal dit minaan diolo kumaa di Nabi Jirimia;
pinosuang diolo isio id torobong;
apatai I Jirimia do louson id hilo dii!
tu aiso no o routi doid kakadaiyan.”
Om suhuo no di raja ih Ebed- Melekh, ih tulun do Etiopia dii,
boros ka dau: “Pagangat no do tolu o tulun mantad hiti,
om poinsawato no ih Nabi Jirimia mantad id torobong dii do
amu po isio do apatai.”

ITI NO IH BOROS DI TUHAN.


SINDING KOSIMBARAN
(Mzm 40: 2.3.4.18; R:14b)

Kosimbaran:
Tuhan, sikapai noh mongobi doho!

* Mandad-andad oku kopio di Tuhan;


Om tuminombului doho
om mokinongou isio pangkisku do mokiobi

* Pinoinsawat oku mantad id luang do korumbakan,


om minamagayat doho mantad id do karanaan;
om pinopoiyon Isio gakod ku id sakai do tana tokodou,
om pinapagaras laangku.

* minanahak Isio sinding wagu id suang kabangku


do mamarayou Kinorohingan tokou.
ogumu tulun kokito dii om orosian,
om otungkayaan kumaa do Tuhan.

* oudipon om mosikin oku diti,


nga tamangan oku do Tuhan.
Iya no I mongo’ngobi om papalapas doho;
oi Kinorohingan, kada noh kalaid!
PAMBASAAN KODUWO
PAMBASAAN NAANU MANTAD SURAT KUMAA DOID TULUN
DO IBRANI ( 12 : 1 – 4 )

Kanou noh minggisom do tumangkus


id pigusaan id pinotanggung doid dati.

Tompinai-tompinai,
ogumu kopio o saksi dotokou,
miagal tawan dit ponsorili dati.
Kanou noh tongkiadai tokou ih sontob tonggungan om douso
I magantob kopio dati,
om minggusa id pinggisaman id suang pigusaan dit
pinotanggung montok dati.
Kanou noh papanau dii miampai mato dit kumaa id di Jesus.
Isio no ih minomoruan dati id suang kotumbayaan,
om Isio noh I mongigit kotumbayaan tokou dii id kogonopon!
Maya no do amu minomoduli koikuman mininggoos isio
minanaan salip pongolon do kounsikahan di nokosodia do
montok Dau, di baino poingrikau id ponong wanan di
kopomorintaan do Kinorohingan.
Sorohon no kasari Jesus, ih nokotoboi tumanggung
koinggoritan montok Disio,
koinggoritan dit tagayo mantad tulun-tulun di momidouso.
kada kou noh koluhoi om koro’logo,
tu id pigagalan nu do sumaap di douso
amu kou gisom do koturu oh raha.

ITI NO IH BOROS DI TUHAN.


HABAR DO TOSONONG
BOROS KAPAATADAN DO HABAR TOSONONG
Alleluia…
“Mokinongou oh doumba-doumba Ku, boros di Tuhan.
kotutun oku diolo om iyolo tumanud Doho”
Alleluia…

ITI NOH HABAR TOSONONG DI JESUS KRISTUS TUMANUD DI


LUKAS ( 12 : 49 – 53 )
Okon I ko rumikot oku do mogowit pibabasan suai ko
pioduhan.

Iso kinaatakan
poboros no ih Jesus di tutumanud Dau do:
“Nokorikot Oku do papataam do tapui kumaa id pomogunan,
om songkuro anangan kopio Oku do poinsikit toririmo ih tapui
dii.
Mositi no do torimoon Ku o kopodsuan,
om osusa toomod o ginawo Ku do pogulu po hal dii antakan,
osorou nangku dikoyu do rumikot Oku mogowit do pibabasan
doid pomogunan?
Okon, okon ko pibabasan, suwai ko pisaapan!
Sabap tumimpuun baino
do haro o pogisaapan id pialatan limo o tulun id suwang do iso
o walai .
Tolu misaap di duwo om ih duwo misaap di tolu.
Mogisasaap indo iyolo,
ih tama sumaap di tanak dau do kusai om tanak kusai sumaap
tama dau,
ih tina sumaap di tanak tondu dau,
om I tanak tondu sumaap di tina dau,
ih tiwanon do tondu sumaap di monongiwan dau do tondu, om
ih monongiwan tondu sumaap di tiwanon dau do tondu.”

ITI NO IH BOROS DI TUHAN.