De

BAHAN SERMON Districe 14 Tobing on

Salasa 18 Feb 2019

fristel -MINGGU INVOKAVIT, 1 MARET 2020

-EPISTEL - PSALMEN 91:14-16

Pet De St Sinaga

DIALUSI DEBATA DO NA JOUJOU TU IBANA

Psalmen 91 on, manaringoti tangiang ni si Musa na manguluhon

bangso Israel haruar sian Misir. Si Musa na manghalungunhon

pandonganion ni Debata di pardalanan ni bangso i, asa dao ngolu

nasida sian ancaman, parsahiton nang sude na mambahen susa ngolu

ni bangso Israel di partondion nang di pardagingon pe. Alani didok

si Musa di tangiangna, na holan Debata do na boi paluahon

bangsoNa sian hagogotan, parsahiton nang ancaman, holan Ibana do

na menjamin ngolu nasida.

1. Debata paluahon angka na manghalongi Ibana (ayat 14).

Di ayat 14 disurathon do, 'Ala na holong situtu rohana di Ahu, jadi

paluaonku ma ibana, patimbulon ku ibana, ala tinandana i goar Hu

(di hata Indonesia didok, "Sungguh, hatinya melekat kepada-Ku, maka

Aku akan meluputkannya, Aku akan membentenginya, sebab ia

mengenal nama-Ku'). Mansai tangkas do didok, angka hala na holong

situtu rohana di Ahu (hatinya melekat kepada-Ku), i ma na patuduhon

angka na tutu situtu manghaholongi Debata pasti do tu Debata rohana

(hatinya melekat kepada Allah). Molo holong situtu rohanta tu Debata,

paluaon Na do hita sian angka ancaman ni portibi on.

Boasa boi holong situtu rohanta tu Debata? Ala tatanda Ibana

(ayat 14c: 'ala tinandana i goarHu' = sebab ia mengenal namaKu). Na

marlapatan, ndang mungkin boi tahaholongi Debata molo ndang

tatanda Ibanalalai ndang tandatanda Sukarno" (holan taboto goarna

alai ndang hea pajumpang hita dohot ibana). Ndang songoni

panandaonta tu Debata molo tutu do tahaholongi Ibana sian nasa

rohanta nang nasa gogonta(Tatanda Debata (holongNa, huaso Na,

hadirionNa, nang sude sangkapNa na denggan na tu hita). Molo tutu

tahaholongi Debata ndang holan pauloanNa hita, alai patimbulonNa

goarta (didok di ayat 14b: "patimbulon Hu ibana'. Agak berbeda do

di terjemahan bahasa Inonesia didok, 'Aku akan membentenginya'.

Di hata Batak do na umbagas lapatanna, ndang holan dibenten

(dijaga, dinaungi) alai dipatimbul (menjadi terkenal dan ditinggikan

I ma gombaran huaso ni Debata tu angka na tutu manghalongi lha

jala na mananda Ibana. Boha do asa tatanda Debata? Boi do tatay

Debata molo ndang hea tajaha hataNa, ndang hea hita martangiang tu

Ibana, ndang hea olo hita mamuji pasangap Ibana? Jala ndang hea hita

olo pajumpang dohot Ibana marhite na manangihon hataNa? Ndang

mungkin boi tatanda Debata molo losok do hita manangihon hataNa

Alani, molo naeng tatanda Debata, naeng ma ringgas hita manjaha

hataNa, martangiang manangihon dia sangkapNa na naeng patudu-

hononNa tu hita, mangulahon hataNa. Marhite i ma tatanda Debata

dohot sintong, jala lam tutu tahaholongi Ibana di ngounta.

2. Dialusi Debata do na joujou tu Ibana (ayat 15).

Didok par-Psalem di ayat 15, dialusi Debata do angka na joujou tu

Ibana, Jouonna ma Ahu, jadi alusanku ma ibana, sai dongananku

do ibana jumpa hagogotan, paluaon Ku do ibana, jala marmulia

ibana bahenonku'. Hata ni Debata do na menjamin (memastikan) na

alusan Na do hita molo joujou tu Ibana. Dialusi jala didongani do hita

jumpa dihagogotan, dipalua jala marmulia bahenonNa hita. Molo

tarenunghon na nidok ni turpuki, mansai bagas situtu lapatan ni turpuk

i. Dialusi Debata joujounta i, dungi didongani Ibana ma hita, dungi

dipalua hita sian hagogotan i, dungi gabe marmulia hita bahenonNa.

Singkop situtu pambahenan ni Debata mangalusi joujounta i tu Ibana.

Gabe ndang mabiar be hita, ala didongani Ibana hita (ala nunga rap

Ibana dohot hita).

Molo nunga dipalua Debata hita sian hagogotan, na marlapatan

ndang di bagasan hagogotan i be hita tinggal, malua ma hita sian

hapopotan (lepas dari kesesakan dan rasa takut). Jala gabe marmulia

hita bahenonNa (kita menjadi tidak mendapat malu, terhormat di

hadapan manusia dan dimuliakan). Aha be na hurang di hita molo

nunga songoni pambahenan ni Debata di ngolunta? Tontund

adong be na hurang di hita, ala nunga marmulia hita bahenonNa. Ima

gombaran ngolu ni na porsea, na mansai uli jala denggan, molo jouio

hita tu Debata, na tatanda di bagasan Jesus Kristus.

3. Debata patupahon ganjang ni umur dohot hatuaon di angka

na joujou tu Ibana (ayat 16).

Di ayat 16 didoko
di Ibana, marhite

(dikenyangkan den

puas

16 didok par-Psalmen, dipamahap Debata angka na porsea

a marhite na sarimatua manang ganjang ni umur

cangkan dengan umur panjang) jala dipataridahon hatuaon

Lihatkan keselamatan) tu na joujou tu Ibana. Molo didok

mamahap' ('dikenyangkan) na marlapatan dipuaskan dengan

panjang. Molo ganjang umur ni sasahalak (saur matua), tontu

as jala las ma rohana marnida angka pinomparna saleleng ngoluna.

Angka na joujou tu Debata, sai dipasahat Debata do tu ibana ganjang

umur sahat tu na sari matua mamang saur matua. Boasa dipamahap

Debata tu hita ganjang ni umur sahat tu na sari matua? Asa sanga

(adong tingkinta) patandahon asi ni roha ni Debata tu pinomparta

saleleng mangolu hita. Asa gabe pasupasu hita tu angka pinomparta.

Ai molo ganjang umurta, na marlapatan dipangke Debata godang

tingkinta manghaholongi Ibana, patandahon holongNa tu angka

pinomparta nang tu ganup halak. Marhite i dipataridahon Debata tu

hita hatuaon (di hata Indonesia: 'keselamatan').

Molo didok di hata batak 'hatuaon' mansai bagas do lapatanna.

Angka na dapotan hatuaon, i ma na tarpasupasu ngoluna (yang

hidupnya diberkati), na selamat ngoluna (yang hidupnya selamat), na

sai manghirim di Debata (selalu berpengharapan kepada Allah), sai

tongtong diramoti Debata manghaholongi Debata di ngoluna Antong

marhite hata ni Debata sadari on, taingot ma joujou tu Ibana di arsak

nang las ni roha pe. Ndang holan di tingki arsak ni roha hita joujou tu

Debata, di tingki las ni roha pe, naeng jounta Ibana, asa tongtong

raphon Ibana hita mandalani las ni roha nang arsak pe. Angka i do na

tutu mangahaholongi Debata. I ma holong na tutu situtu, holong ni

roha na so marombasombas tu Debata. Holong na so dibatasi tingki,

holong na polin tu Debata, Amen!