1 = Siji Senin = Some Kanan = Tengen

2 = Kaleh Selasa = Anggare Kiri = Kiwe

3 = Tigang/Katri Rabu = Bude Belakang = Pungkur/Untat/Wuri
4 = Papat/Catur Kamis = Saniscare Depan = Arse/Arep/Ayun
5 = Pance /Limang Jum’at = Sukre Tengah = Madie
6 = Sur/Indre Sabtu = Warespati
7 = Sapte Ahad = Radite
8 = Wulung
9 = Sange Krisne = Tanggal
10 = Sedase Sasih = Bulan
Puluhan = Dase Warse = Tahun
Belasan = Olas
Ratusan = Keti Timur = Wetan
Ribuan = Tali Barat = Kulon
Duang Tali = 2000 Utara = Lor
Selatan = Kidul

Bahasa

Kang = Sak Sane Wonten =Sak Arak

Katur Maring = Haturkan Kepada Sadurung = Sebelumnya
Maring = Kepada Jembar = Panjang Lebar
Wastenire = Yang Bernama Minangke Wiwitan = Jari Permulaaan/Sak Pertame
Jagi = Akan Kali
Kang Utami = Sak Pertame Dumeteng Jeng Andike = Tipak Pelungguh
Kaping Kaleh = Sak Kedue Sami = Selapuk
Kaping Katri = Sak KeTiga Mangkane Huge = Begitu Juga
Make Miwah = Kance Endah Nyareng = Kance
Kang Mawaste = Yang Bernama Nyuwunen = Endengan
Wisme = Rumah Nyuwun/Anjaluk = Endeng
Nenten Nilaring = Ndken Bilin Bale Nuhun Seraye =Endeng Tulung/minta tolong
Nojeng Separan-paran = Jok Mbe – Mbe Kapinte Seraye = Te Endeng Tulung /Diminta Tolong
Ring = Di Mapan Awinanee = Sengak
Ritatkale = Pada Sareng Sami = Kance Selapukne
Dine Mangkin = Hari Ini Humarek = Menghadap
Dalu / Latri = Malam Deeweek = Aku
Seger Sumiar = Seger Buger Minangke Bebaos = Ye jari/ye teparan
Sana Bise = Semoga Kinyam = Sehat
Ragen Dane /JengAndike = Side Lan = Dan
Persami/Sami = Selapuk Yaktituhu = Tesuruk
Pacang/Purun/Jagi = Akan/Eak Sakatahing = Selapuk
Menawi/Yen/Yan = Lamun/Kalau Sanewau = sak baruk
Yaktituhu/Janten Yogye = Tetu/Nyate Kare Geni = Marak Rue Api
Simpul Wacana = Singkatnya Hikang Dadi = Sak jari
Pemungkas = terakhir Kodal = Sugulan
Tedas/Kanten = Jelas Tedas = Pedas
Hanapire = Pire/Berapa Sakatahing/Seagunging/Sedaye = Selapuk
Benjang Pungkur = Lemak Lat Anging = Laguk
Dine Benjang/Benjang Hinjing = Besok Pagi Sadurung/Sadeereeng = Sebelumnya
Sowang-Sowang = Masing-masing Kasingit = Tesebok
Mapan = Sengak/Bahwa Patitis = Tertib
Jale = Sinar Maleh = Malik/Lagi
 Tampet = Rapet/Dekat Lempir = Kekeliruan
Adwoh = Jaok Sajaruning = Lek Dalem/Di dalam
Durusan/Lajengan = Lanjutkan Make miwah/Tur Maleh = Kance Endah
Pangandike = Ucapan Iwah/Iwang = Kepelihan
Eeling = Ingat Wiwit = Permulaan
Aje lali = Jangan Lupa Dumeteng =Tipak/Sampai
Boten lali = Tidak Lupa Sembade = Tidak Sesuai
Tertib Tapsile = Tata Krama/Sopan Santun Kirang = Kurang
Datan Yogye = Tidak Patut Sekadi Unteng = Marak Keperluan
Jalme = Manusie Sanewau = Sak Baruk/Yang tadi
Datan = Ndek/Tidak Ngelunsur = Tunas
Sinabeeng Kasisipan = Dari Kesalahan Sugeng Rauh = Selamat Datang
Wonten Ring Pundi = Ada dimana Sewireeh/saluwiring = Selapuk
Sewauh = Sesampun Pepanggihan = Pertemuan
Hangsung = Memberikan Sinung = tekican
Tinujon = di tuju Selamaning gesang = Selama hidup
Pelataran/Paseban = Tempat Nore lian = ndarak lain
Among = hanya Dadalan = jalan
Hanujeeng = menuju Tumekeeng = sampai
Dadye = menjadi

Sorong Serah

Baiq Tebait Sik Amaq

“ Aji Negencakan Rat Krame adat bulat bare aji 66 (Swidak Swidakse/Sur Dase Sur) Pemegat dalem aji”

Parigan Pesejati
(Kata Pesejati )

 Ass..Wr..Wb..
Sadurung titiang Humatur jembar singgih “Dane Pengemban Krame/Kepala Wilayah “
(Sebelumnya tiang bebadak panjang lebar geh “Dane Pengemban Krame/Kepala Wilayah”)

Minangke wiwitan titiang humatur Salam panembrame matur nurge dumeteng jeng andike
(Jari pemulaan/jari awalanne tiang sampaian salam adat matur nurge tipak pelungguh)

Lan dewek titian puniki Lalu Agus merage apala dukuh utawi pengemban krame sane wonten ring pedukuhan
pesanggrahan tanak kaken panegare
(dan tiang ne Lalu Agus selaku kepala dusun sak arak lek pedukuhan pesanggrahan desa tanak kaken)

Mengkane huge hing kang nyareng titiang puniki,”M. Yunus” Merage Dane RT Sane wonten ring Tanjong,
titiang nyuwunen panurgahe aken dumeteng jeng andike, Ngantos Pangandike
(Begitu juga sak kance tiang ne “M. Yunus Selaku Bapak RT sak arak lek Tanjong” tiang endengan nurge tipak pelungguh”,
Menunggu Jawaban Side)

Jawaban :
Inggih dane Agung…
Sakatahing pangandike-pangandike jeng andike sanewau, sajaruning salam panambrame rage hingandike kang
priyangge, tur maleh kang nyarengin jeng andike, sampun ketampi, durusan pangandike malih
(geh dane agung.. selapuk ucapan-ucapan pelungguh sak baruk, dalem salam adat plungguh sak pribadi, kance endah, sak kance
pelungguh wah teterima, lanjutan ucapan de malik)..

 Anging sadurung dewek titiang matur sekadi unteng sumadiye, Mapan dewek titiang puniki jalme biase,
(laguk sebelum tiang bebadak marak keperluan sak gumane, sengak tiang ne manusie biase)
 Kudu datan luput sinabeeng kasisipan iwah lan lempir,
(tentu tidak luput dari kesalahan kesilapan dan kekeliruan)

Awinang nike, yen wonten kasisipan sajaruning pemarek deeweek titiang puniki,
(oleh karena itu, lamun arak kesilapan lek dalem menghadep tiang ne)

Tur maleh, yen wonten iwang lempir sakatahing atur piatur dewek titiang sanewau, saking wiwit dumeteng
pamungkas,
(kance endah, lamun arak kesalahan kekeliruan selapuk pembadak tiang sak baruk, dari awal sampai akhir)

Yen datan sembade datan yogye, kirang patut kirang patitis,

(Lamun ndek sesuai tidak patut atau tidak cocok, kurang tertib)

Tur maleh, yen wonten sisip siwah iwang lempir, titi tate tutur kate tertib tabsile, tindak tanduk wah yat
kelawan jatmike miwah busane deeweek titiang sami,
(kance endah, lamun arak terselip kesilapan kekeliruan, ntan care berbahasa dan sopan santun, kance cara
berpakian tiang selapuk)

Botenlali, deeweek ngelunsur ampure agung sinampure,

(tidak lupa tiang nunas/ending maaf sak belek belak)

Moge mogi sane bise keampuranen, Ngantos Pangandike

(semoga bau te ampunan, menunggu jawaban plungguh)

Jawaban :
Singgih dane agung,
Samangkane hugi, dewek titiang hikang hanambet dane-dane sami, yen wonten sisip siwah iwang lempir,
sajaruning penampiang dewek titiang, botenlali dewek titiang ngelunsur ampure agung sinampure,
pun napi hiking dadi unteng sumadie jeng andike rauh, durusan pangandike
(geh dane agung, ,, begitu juga tiang sak penyambut bapak-bapak selapuk, lamun arak terselip kekeliruan
kesalahan dalaem penerimaan tiang, tidak lupa tiang ending map sak belek belak, puk ape sak jari tujuan
pelungguh dating, lanjutan ucapan de)

 Singgih, Titiang Sumadie marek ring arep ragen dane

(Nggeh, tiang gumane menghadep lek julu pelungguh)

Kang Utami, sampun titiang kepandikayan antuk dane pengemong krame Tanak Kaken panegare
(Sak Pertame, sampun tiang te suruk sik Bapak Kepala Desa Tanak Kaken)

Kaping Kaleh, deeweek merage kepala dukuh, sane wonten ring Pedukuhan Pesanggrahan, Tanak Kaken
panegare, kewedanan sakra kulon, kadipaten sasak wetan.
(Sak kedue, tiang sebagai kepala dusun sak arak lek Dusun Pesanggrahan, Desa Tanak Kaken, Kecamtan Sakra Barat, Kabupaten
Lombok Timur)

Kaping Katri, deeweek yaktituhu tandikayan antuk andarbeekarye/andarbeegawe ngaturan sejati

(Sak ketelu, tiang tetu tesuruk atau te ending tulung sik epen gawe nagturan sejati)

Hikang mawaste Siti Aminah putri nipun/anak hire saking Amaq Seman kang magenah ring Montong Bai
pedukuhan Tanak Kaken Kulon , Tanak Kaken Panegare, kewedanan sakre kulon, kadipaten sasak wetan
(yang bernama Siti Aminah anak langan Amaq Seman sak Bebale lek Montong Bai dusun Tanak Kaken Bat, Desa Tanak Kaken, Kec.
Sakra Barat, Kabupaten Lombok Timur)
Hikang Sampun Kehambil/tepahargiang pacang merangkat kelawan/kance Haeruman Putre nipun/anak hire
saking Amaq Ronah kang magenah ring Tanjong pedukuhan Pesanggrahan , Tanak Kaken Panegare,
Kewedanan Sakra Kulon, Kadipaten Sasak Wetan
(Sak Wah tebait eak merarik kance Haeruman anak langan Amaq Ronah yang sak Bebale lek Tanjong, Dusun Pesanggrahan Desa
Tanak Kaken, Kec. Sakra Barat, Kabupaten Lombok Timur)

Tepahargiang ring dalu/Latri Warespati, krisne wulung olas, Sasih Sedase(Oktober) warse duang tali sange olas
(Tebait lek malem Sabtu, tanggal 18 bulan 2019)

Lan Kekalih penganten mangkin, sampun wonten ring wismenee handarbeekarye, woleh kinyam waras waluye,
seger sumiar manggih raharje raharyu.
(dan calon penganten nani , wah arak lek bale ne epen gawe, dalam keadaan sehat, seger buger dait selamet)

Wantah sampun niki atur tiang, moge mogi sakatahing atur piatur deeweek titiang sanewau, sane bise ketampi,
Ngantos Pangandike
(sampai niki informasi tiang, semoga selapuk pembadak tiang sak baruk, semoga bisa di terima, Nganteh Ucapande/Menunggu
Balasan)

Jawaban :
Sesampun dewek titiang hamiarsi pangandike-pangandike dane agung sanewau, kelangkung legawe rasaning
manah dewek titiang,
Puniku jalaran, dewek humatur hanampi sewantah sesjati hiking wastenire….
Wantah sampun niki dewek titiang tampi…
(se wah tiang mendengar ucapan-ucapan pelungguh sak baruk, santer lega perasaan tiang, oleh karena itu tiang
badak teterimak sekedar sejati sak bernama….)
Bissmillahirrahmanirrahim..,, Ass.wr.wb

Kang Utami, Lumiring persami humuje-muji lan hangucap Syukur Alhamdulillah mantuk maring Allah
SWT hingkang Mahe Asih
(sak pertame, ngiring bersama memuji dan mengucap syukur Alhamdulillah kepada Allah sak Maha Asih)

Hikang sampun ulih ngicanin dewek mensarengan kelawan pelungguh sami manggih basuki raharje
rahayu sinung dining sang Hyang Suksme selamaning gesang
(sak wah dapat memberikan tiang kance pelungguh selapuk kesehatan, keselamaan, tekican sik Allah SWT
selama hidup)

Apan manuliye datan onang yan sane kang patut pinuji lan sinembah nore lian amung Allah SWT kang
Mahe Tunggal
(sengak mulie ndekn arak epe keonangan sak patut di sembah ndarak lain hanya Allah SWT sak Maha Esa)

Kapindo ne malih, datan kalupian lumiring persami hangucap Shalawat miwah salam katur katujon
tumibe kanjeng Nabi Agung Muhammad SAW
(sak kedue, ndek kelupaan ngiring bareng mengucap Shalawat kance Salam kepada Baginda Nabi Besar
Muhammad SAW)

Hikang sampun suice mepaice hanunjuk punang tulade lan dadalan hikang lurus mabener becik Sirothol
Mustakim hanujeeng Fiddunya Hasanah wafil akhirotil hasanah wakina azabanar
(sak wah suku ngican sebagai contoh teladan dan jalan sak lurus benar bagus Sirothol Mustakim menuju
Fiddunya Hasanah wafil akhirotil hasanah wakina azabanar)

Bagiye ring duniye selamet nyawe ring akhirat, punniku kang dadye pengkarep saluwiring jalmi mu’min
saking masyrik tumekeeng magrib
(bahagie di dunie selamet nyawe di akhirat, itu sak menjadi harapan semua manusia mu’min sak langan timuk
sampai barat)

Puniku jalaran, lumiring persami winaos dining wacane “ Allahumma Shalli’ala Muhammad, Wa’ala ali
Sayyidina Muhammad” ,moge mogi sakatahing umat puniki ulih syafa’ah sengkalaning duniye
setekaning Yaumil Qiyamah, Aamiin, Allahumma Aamin Bil Mab’utsirahmatan lil’alamain, Ya Robbal
‘Alaamiin…
(Oleh karena itu, ngiring bareng membaca dengan ucapan “ Allahumma Shalli’ala Muhammad, Wa’ala ali
Sayyidina Muhammad”, semoga selapuk umat ini dapat Syafa’ah dari dunie sampai Yaumil Qiyamah, Aamiin,
Allahumma Aamin Bil Mab’utsirahmatan lil’alamain, Ya Robbal ‘Alaamiin…)

Inggih dane-dane agung sami, sadereng dewek titiang humatur sekadi unteng sumadiye, botenlali, dewek
titiang ngaturan salam panembrame hikang kebaos salam adat,
(nggeh bapak-bapak agung selapuk, sebelum tiang bebadak marak keperluan sak gumane, tidak lupa, tiang
sampaikan salam panembrame sak teparan salam adat)

Katur dumeteng maring ragendane agung apale dukuh, kepedukuhan………..,minangke pangarseng

wacane
(tipak bapak agung kepala dusun, kekadusan …….. sak jari juru bicara)

Datan kalupian malih, katur maring pine sepuh pengelinsir, pine sepuh ugami, pine sepuh adat, pare
ninik kakik, mamiq, bije sanak, rai rake, hikang pulih rauh hanaring pepanggihan puniki..
(ndek kelupaan malik, kepada tokoh pengelinsir, tokoh agama, tokoh adat, para ninik kakik, bije sanak, kakak
adik, sak dapat dating lek pertemuan ini)
Dewek priangge matur nurge agung-aguung nurge.. semalih datan kalupian dewek matur panurgahe
aken dane-dane kang nyarengin dewek titiang puniki dumeteng jeng andike sami.. ngantos pangandike..
(tiang endeng nurge sak belek belak, kancemalik ndek kelupaan, tiang penurgean bapak-bapak sak kance tiang
ne tipak pelungguh selapuk,.. menunggu ucapan pelungguh ..)