Anda di halaman 1dari 2

Nama: Elyana Farida Anak Joseph

Kelas: PISMP Bahasa Iban Jun 2017(K2)

Tanya latih: Pejuraika kaul entara linguistik kontekstual, antropologikal enggau


sosiolinguistik.

Nitihka penemu J. Lyons ba taun 1968, linguistik tu iya siti bidang ke mansik jaku
secara saintifik. Kontekstual tu iya nya pekara ti bekaul, relevan ngembuan kaul
sechara terus nitihka konteks. Kontekstual tu mega iya nya ngembuan reti sereta
guna. Linguistik kontekstual tu iya nya bidang linguistik ti berinteraksyen enggau
disiplin-disiplin akademik akademik ti bukai. Taja pia, linguistik teori teras tu mansik
jaku semina dikena diri empu aja sereta bidang linguistik entara disiplin mansik
bakani jaku berinteraksyen enggau dunya. Linguistik kontekstual tu mega ulih dibagi
ngagai tiga chabang iya nya sosiolinguistik, linguistik antropologikal sereta
antropologi linguistik lalu tanya tu semina bejuraika kaul linguistik kontekstual enggau
dua iti chabang linguistik bukai di baruh iya.

Dua chabang nya tadi bekaul enggau sains sosial ti mansik interaksyen linguistik
enggau raban bansa. Sosiolinguistik tu iya nya siti bidang utama ba linguistik
kontekstual ti mai reti disiplin ke mansik jaku ba raban bansa. Sosiolinguistik mega
mandangka kaul ti sistematik ti bisi entara struktur jaku enggau struktur sosial
sekalika nyadi siti-siti struktur jaku ke tau ngasuh siti-siti struktur sosial nyadi.
Sosiolinguistik tu ngemeratka jaku enggau raban bansa. Linguistik antropologikal tu
mansik kaul entara jaku enggau daya idup. Linguistik tu mega mansik aspek-aspek
pengidup pemejaku sereta meda bakani situasyen pengidup sereta nilai ke dipegai
pemejaku meri biuh ngagai chara sida bekenaka jaku.

Linguistik kontekstual tu nengah chabang sosiolinguistik lebih agi berfokus ngagai


variasyen jaku ke datai ari raban bansa ke suah agi nerima biuh ari strafikasyen
sosial ba raban bansa. Linguistik tu mega pansik ti besai sereta nyengkaum mayuh
pekara baka funsyen jaku, guna jaku, nerima terminologi, kriteria enggau persepsyen
basa lebuh bejaku sereta ti bukai. Kaul ti bisi nyadi iya nya, linguistik tu bela mansik
baka ni siti-siti jaku dikena ba raban bansa. Jaku ngembuan biuh ke besai dalam
raban bansa lalu ke tebalan agi pemejaku asal lebuh bekenaka jaku sida. Linguistik
antropologikal tu mansik kaul entara jaku enggau daya idup raban bansa lalu ulih
ditampung enggau pansik sosiolinguistik ke mansik variasyen jaku ba siti-siti raban
bansa. Nya alai, ketiga-tiga iti pansik linguistik tu endang ngembuan kaul lalu tiga iti
linguistik tu mega bela mansik linguistik bekaul enggau jaku sereta raban bansa.

Disimpulka enggau jaku pandak, linguistik kontekstual tu iya nya pugu pansik
lingusitik ngagai sosiolinguistik sereta linguistik antropologikal. Tiga iti pansik
linguistik tu bela bisi bejuraika kaul tauka empa jaku ngagai raban bansa sekalika
nengah pengidup pemejaku tauka ari daya idup sida iya. Ketiga-tiga pansik linguistik
tu endang ngembuan kaul dikena mansik pekara ke bekaul enggau jaku sereta
pemejaku jaku asal.