Anda di halaman 1dari 1

Tanya: Lambang terminologi jaku Iban bedau dinengkua bala nembiak enggau raban

bansa. Beri penemu nuan senentang pekara tu.

Ba penemu aku, lambang terminologi jaku Iban bedau dinengkua nembiak enggau
raban bansa ketegal ti suah enda bekenaka jaku Iban standard lebuh
berkomunikasyen di rumah. Seriran enggau pejalai jeman ti majak moden, apai indai
kelebih agi suah bekenaka jaku bansa bukai maya berandau enggau anak sida.
Ambika banding, apai indai ngena jaku ribai lebuh bejaku enggau anak sida lalu tu
ngujungka anak sida enda nengkua jaku Iban. Nitihka teori Noam Chomsky, anak mit
endang ngembuan Language Acquistition Device (LAD) tauka pengulih jaku maya
sida agi mit lalu enti sema apai indai sida endang suah bekenaka jaku bansa bukai
lebuh maya anak sida belajarka aku, tu ngujungka anak sida enda nengkua jaku
Iban.

Berindik ari nya, apai indai patut bekenaka jaku Iban lebuh berkomunikasyen sereta
ngena jaku ti standard lalu enda diselampurka enggau jaku bukai. Pia mega, jaku
Iban suah nginjau leka jaku ari raban bansa bukai lalu tu mega ulih nyadika kebuah
lambang terminologi jaku Iban bedau dinengkua raban bansa Iban. Leka jaku ke
enda ditemu sida ba jaku Iban deka digelih tauka ditukar ngena jaku bansa bukai ti
ngujungka sida teleba bekenaka jaku nya. Chunto, apai indai suah ngelara anak
ngena “No” lalu anak sida pan teleba. Nembiak ti bersekula ba sekula mayuh pupu
raban bansa mega marit lambang terminologi jaku Iban ti bedau dinengkua nembiak.
Kebuah pia, suah didinga nembiak bekenaka jaku Melayu kelebih agi nembiak ke
baru tama sekula laban ninga pengajar berkomunikasyen enggau nembiak bukai ke
bansa Iban lalu sida deka nunda.

Nangkan ke nya, terminologi jaku Iban mega empai dinengkua nembiak enggau
raban bansa laban biuh ari media massa baka radio ti didinga sida tauka cherita ti
dipeda sida ba televisyen. Nya alai, raban bansa patut nyungkak terminologi jaku
Iban ambika masai dikena sereta ulih dinengkua nembiak enggau raban bansa.
Pengajar jaku Iban kelebih agi megai tanggung pengawa ngembiang nembiak
ambika sida teleba bekenaka jaku ti betul sereta standard. Apai indai mega patut
ngena jaku Iban enggau betul lebuh berkomunikasyen enggau diri sebilik di rumah.
Raban bansa patut nelebaka diri ngena jaku Iban ti betul sereta standard.