Anda di halaman 1dari 11

1.0.

Pemuka
Dalam sejarah pemansang leksikografi dunya, diksionari beguna amat kena meretika
pekara ti dikenataika pangan diri entara dua raban bansa ti bebida. (Ainon enggau
Abdullah Hassan, 2008). Nitihka penemu Asmah (2016), diksionari jaku Iban ti
keterubah iya nya diksionari Iban-English ti betajuk A Sea Dayak Dictionary ti
ditengkebang Howell enggau Bailey taun 1900 kelia. Kenyau ari nya, diksionari jaku
Iban majak ngerembai nyentukka jaku Iban ngembuan diksionari ekajaku ti
keterubah iya nya Bup Sereba Reti ti ditengkebang Janang Ensiring, Jantan Umbat
enggau Dr. Robert Menua Saleh ba taun 2011. Taja pia, jaku Iban ngembuan tapi
kena ngemansangka agi jaku Iban ari sukut leksikografi ngambika seriran enggau
konteks kemaya hari.
Terminologi Jaku Iban tu perkara ti patut dikemeratka ngambika bisi nyadi malin
belajarka Jaku Iban di sekula jemah ila. Pengajar enggau nembiak patut nyikap diri
ngena terminologi ti engkeman ngambika idea ti dikenataika nyentuk. Penerang ti
meranggang tau bendar ngasuh batang penemu ti dipansutka ngelidas ari jelan ti
patut. Berindik ari nya BPK (Bagi Opis Pengerembai Kurikulum) enggau naka ulih
ngeluarka bup Glosari Terminologi Litaricha Iban kena napi pelajar Jaku Iban kelebih
agi ba sekula sekondari.
Ngena terminologi ti engkeman dalam tanggung pengawa ngajar enggau belajar
endang beguna bendar. Pengajar diperansang nelusur reti leka jaku tauka rambai
jaku dalam glosari tu ngambika sida ulih ngerembaika isi pelajar sereta betungkapka
mesej kereban bacha sebedau nurunka penemu ngagai nembiak. Pengajar
dikarapka ngambi chunto ti seriran engau konteks dalam daya idup, dikena
ngangkatka pengelandik ngena jaku sechara kreatif.

2.0. Konsep Terminologi


2.1 Diksionari Ekajaku
Diksionari ekajaku tu semina ngena siti jaku aja. Leka jaku tauka reti ti diterangka
sereta penerang nya semina ngena siti jaku ti sama. Ambika chunto leka jaku Makai-
majuh-ngunyah sereta nelan sereta nepu utai pemakai ke dalam mulut. Diksionari tu
bebida enti dibandingka enggau diksionari dwijaku laban tusun digaga bepanggai ba
data korpus. Reti leka jaku nya bepelasarka reti ti diberi dalam chunto ayat. Chunto
diksionari ekajaku iya nya Bup Sereba Reti Jaku Iban ti semina nerangka leka jaku
iban ngena jaku iban.
2.2 Diksionari Duajaku
Diksionari ti ditulis ngena dua iti bansa jaku lalu disebut diksionari bilingual.
Diksionari tu ulih dikalihka ari siti jaku ngagai sebansa jaku bukai . Chunto diksionari

1
bilingual iya nya Diksionari Dwibahasa Oxford Fajar (Inggeris – Melayu - Melayu –
Inggeris), Diksionari Iban- Melayu Dewan.
2.3 Diksionari Sereba Jaku
Diksionari tu ngena lebih ari tiga iti jaku. Ambika chunto Jaku Melayu , jaku Inggeris,
jaku Cina sechara seretai. Chunto diksionari sereba jaku tu iya nya Diksionari
Melayu-Cina-Inggeris Pelangi ti ditusun Yuen Boon Chan taun 2004.
2.4 Diksionari Ensiklopedia
Diksionari besai ti nyimpan leksikal penerang tauka informasyen ekstralinguistik
ditusun nitihka rurun leka jaku tauka gempung leksikal nyadika cuan sebagi ari dunya
ekstralinguistik. Diksionari tu bisi bekabih enggau diksionari ekajaku ari segi rurun
leka jaku. Kenu ko Hartmann diksionari ensiklopedia tu iya nya “a comprehensive
summary of knowledge in a given field or branch of science”
2.5 Diksionari Etimologi
Diksionari ti nerangka asal tauka penatai siti-siti leka jaku nya sereta reti asal leka
jaku nya.
2.6 Diksionari Sinkronik
Diksionari tu ditusun laban deka nyediaka leksikal ngagai siti-siti leka jaku nitihka
maya tauka ba siti tikas pengerembai ke pandak tauka sama jeman.
2.7 Diksionari Rama
Diksionari rama ti nyimpan semua leka jaku dalam siti-siti jaku enggau reti ti
besenutuk. Diksionari tu nyengkaum semua leka jaku enggau enggau semua
penyadang ari aspek reti dalam siti-siti jaku
2.8 Diksionari Terminologi
Diksionari tu nyimpan leka jaku ti ngembuan penteba kediri bepelasarka bidang
penemu ti beguna dalam pelajar. Diksionari tu nyimpan entri leka jaku ti bempu
penteba kediri lalu ngembuan reti tauka definisyen enggau penerang tambah
nyengkaum ilustrasyen enggau gambar.
2.9 Diksionari Sinonim
Diksionari tu nyimpan leka jaku ke ngembuan reti ti deka setipak, tauka terminologi
(istilah) ti bisi kaul ari aspek semantik. Bisa maya tipak antonim dipasukka nyadika
bantu dikena meretika reti sinonim ti besibil ke besenutuk.
2.10 Diksionari Tesaurus
Diksionari tu nerangka reti siti-siti leka jaku iy ke ngembuan leka jaku ti sama reti aja.
Diksionari tu ulih mantu penulis ngena diksyen ti mayuh. Jaku Iban bedau bisi
diksionari tesaurus. Tang ba Jaku Melayu ulih diambika chunto iya nya, Diksionari
Seerti Bahasa Melayu PTS.

2
3.0. Puncha Terminologi
3.1 Leka Rama Jaku Iban
Nempa leka jaku ulih diambi ari pengaya leka jaku (perbendaharaan kata) Jaku Iban
nyengkaum leka jaku dialek tauka jaku lama. Siti-siti leka jaku dipilih nyadika
terminology enda tau enda ngembuan penteba tu:
Leka jaku engkeman meri reti, konsep, proses, situasyen tauka tukuh ti
dipadahka.
Nyema enti bisi dua leka jaku ti ngembuan reti ti sebaka, leka jaku ti pandak agi
deka dipilih ( enti dalam raban sinonim).

Chunto :
Gerija enggau rumah sembiang, dipilih gerija

Jaku nya enda ngembuan reti ti enda manah tauka sebut ti enda manah.
Terminologi ti nyadi ari leka jaku Iban nya baka tukuh, segi tiga, enggau ti bukai.
3.2 Leka Jaku English
Nyema termonologi ti diguna nadai ba jaku Iban tauka jaku ti seperugan enggau
jaku Iban, iya ulih diambi ari jaku bansa bukai baka jaku English. Chara nulis
terminologi patut ngemeranka tukuh sepil ti bisi ba jaku sumber tang chara nyebut
iya patut nitihka teku dilah Iban. Ngambika nyadi standart jaku English ditagaka
pemadu manah nyadika jaku sumber semadi mih nadai konsep siti-siti jaku nya ba
jaku English.
3.3 Leka Jaku Melayu
Termonologi ari jaku Melayu mega tau diambi nyema iya ngembuan reti ti lenak
tauka nadai dalam jaku Iban. Kebuah pia, laban jaku Melayu seperugan enggau jaku
kitai Iban. Daya idup raban bansa Melayu mega nyau deka sebaka enggau bansa
Iban. Taja pia, sepil iya bisi ke enda ibuh ditukar laban ngembuan reti ti sebaka
dalam jaku Iban.
3.4 Leka Jaku Bukai
Leka jaku bukai mega tau dikena nyadika termonologi jaku kitai Iban ngambika nyadi
pengaya jaku Iban. Kebuah pia, laban jaku bansa bukai bisi ke lenak agi dikena
nerangka siti-siti pekara enti dibandingkan enggau jaku Iban. Ngambika chunto, leka
jaku ngerupan ti sebaka reti enggau gotong-royong.

3
4.0. Aspek Jalai Jaku enggau Semantik Terminologi Jaku Iban
4.1 Ngena Jaku Pelasar, Proses Penambah, Reduplikasyen, Turu
4.1.1 Ngena Jaku Pelasar
Termonologi ulih digaga ngena jaku pelasar tauka urat jaku tauka ngaga jaku ari
proses penambah, reduplikasyen enggau jaku turu. Urat jaku iya nya leka jaku
mudah ti ulih bediri kediri nyadi unsur bebas dalam rambai jaku tauka ayat.
Ngambika chunto, mandi, keretas, butul enggau ti bukai. Ketebal agi, leka jaku bansa
tu ulih nyadi ayat ti pemadu mit ari utai ti udah dipejuraika reti iya. Kelimpah ari nya,
urat jaku mega meri reti bagi ti enda nyapan nyema semua penambah ditingkilka.
4.1.2 Proses Penambah
Leka jaku dalam siti-siti jaku ulih nyadi ari urat jaku iya nya tukuh ti pemadu mit ti
nadai nerima sebarang penambah tauka tukuh ari proses ngerembaika urat jakun
engah mayuh macham penumbuh jaku. Penambah iya nya unit-unit jaku ti
ditambahkan ba tukuh-tukuh bukai ti tau ngasuh ubah ba reti asal leka jaku nya.
Sekeda ari penambah iya nya penambah pun, penambah ujung, penambah selit,
penambah kepit, morfem kusung enggau tukuh fleksi.
Paradigma berimbuhan ti berurun nunjukka kaul manah antara tukuh enggau reti
iya.
4.1.2.1 Penambah pun
Penambah ba pun iya nya penambah ti diengkah ba mua urat jaku.
Chunto, bemalam, pemakai, peninggi

4.1.2.2 Penambah ujung


Penambah ujung iya nya penambah ti ditambahkan ba belakang.
Chunto: ditengkila -ka, dipadah -ka, tepakai -ka

4.1.2.3 Penambah selit


Penambah selit iya nya penambah ti diseltka ba antara urat jaku.
Chunto, tebelengka, ditengkebang

4.1.2.4 Penambah kepit


Penambah kepit iya nya penambah ti diengkah ba mua enggau ba belakang urat
jaku.
Chunto, dipadahka, diambika, ditengkilaka

4.1.2.5 Morfem Kusung

4
Bisi morfem ti ngubah fungsyen tang nadai ubah ba tukuh iya. Ngambika chunto
dalam jaku English ti betukuh mayuh. Ujung –s deka ditambahkan ba urat jaku
nama. Chunto, book – books. Tang nadai ubah ba leka jaku sheep laban nadai
ngena penambah morfem
–s. Chunto baka tu dikumbai morfem kusung. Tang ba jaku pengawa jaku
English put, tukuh jaku iya ti udah belalu mega put. Taja pia, laugh tau nyadi laughed
nyema iya udah nyadi. Iya nya bisi ditambah morfem –ed.
4.1.2.6 Bentuk Fleksi
Tukuh fleksi iya nya penambah ti ditambahkan ba urat jaku kena nentuka tauka mai
reti iya. Dalam jaku English, leka jaku tunggal ulih dituruka ngena chara nambahka
penambah fleksi ba ujung leka jaku. Ngambika chunto, girl – girls. Penambah fleksi
mega ditambahkan ba jaku pengawa kena nunjukka maya. Chunto, wait – waited.
Pengawa fleksi enda nyadi dalam jaku Austronesia nyengkaum jaku Iban.
4.1.3 Reduplikasyen
Jaku bertandu iya nya proses nandu urat jaku (Abdullah Hassan : 2006). Proses
nandu dalam jaku Iban iya nya proses ti nandu urat jaku (Tatabahasa Dewan :
2008). Tandu tu ulih nyadi ba semua leka jaku tauka sebagi ari leka jaku. Bisi tiga
bansa betanduka jaku dalam jaku Iban:
4.1.3.1 Tandu penuh.
Chunto :
butul-butul rumah-rumah
tali-tali basikal-basikal
babi-babi baju-baju

4.1.3.2 Tandu setengah.


Chunto :
bebesai
dedugau
pepelu

4.1.3.3 Tandu sama munyi.


Chunto :
Kaul-jaul
Tabin-bebirin

4.1.4 Turu
Turu iya nya proses bejantilka dua urat jaku tauka lebih ngambika nyadi reti ti
menyana. Nitihka Nik Safiah Karim (2011) jaku turu nya tukuh jaku ti nyadi ari proses

5
bejantilka dua leka jaku lalu ngasilka siti reti. Nangkanka nya, jaku turu tu mega lebih
ari dua urat jaku ti ngasilka leka jaku baru ti ngembuan reti ti seriran enggau
betanggam enggau pangan diri. (Kementerian Pelajaran Malaysia, 2007).
Chunto leka jaku: ati hari, Kepala Menteri, periuk karan enggau ti bukai.
Chunto ayat: Bandang nanggar asi ngena periuk karan laban iya enda teleba
nanggar asi ngena dapur gas.
Bisi tiga iti bansa jaku turu dalam Jaku Iban. Bansa jaku turu dalam Jaku Iban iya
nya;
1. Jaku turu ti diseraraka
• Batu api, nyual mata, kepala pengajar
2. Jaku turu ti besengkang
• Limba-limbi, kaul-jaul
3. Jaku turu ti bejantil
• Antarabansa, peribumi
4.2 Ngeleburka Fonem enggau Patah Sebut, Proses Analogi
4.2.1. Fonem
Leka jaku tu mai reti ti bukai nyema bida bunyi [ k ] enggau [ j ] ba tipak jaku nya tadi.
Nya alai bunyi [ k ] enggau [ j ] dikumbai nyadi dua fonem ke Kediri. Tipak kari
enggau jari mega dikelala nyadi tipak ke mit ke bekontras. Tanda kurung [ ] ngemai
reti tukuh bunyi deka berubah nyadi tanda , kena nenntuka status fonem. Enggau
nya, penulisan bunyi jaku [k ] enggau [ j] deka berubah nyadi /k/ enggau /j/.
Ba jaku Melayu, sesebengkah fonem ketebal agi bisi bala bukai ke ngemai ciri
fonetik sama tang maya datai ba tingkat ti bebida. Ngambika chunto, bunyi /p/ ke
datai ba pun leka jaku payung diasilka nyadi bunyi letup ti manah. Tang maya datai
ba pengujung baka leka jaku sedap bunyi letup enda entu manah.Nya alai ulih
dipadahka bisi dua raban fonem /p/ iya nya /p/ ke letup diaduka enggau /p/ letup ke
enda diaduka. Varian fonem ke bepelasarka alai tu dikelala nyadi alafon. Fonem
beduduk ari tiap iti urup , sekalika iya vokal tauka konsonan. Ba tiap iti ukum enggau
atur mesti bisi sekeda bagi nyengkaum prinsip fonem.
Elemen diftong iya nya serakup vokal “ au” dalam sebut kerbau, “ai” kena balai,
“oi” kena baloi enggau “ui” kena kelui. Elemen digraf iya nya “kh” enggau “ng” iyanya
ungkup leka jaku khas, akhir, tarikh enggau mengaum. Kenya mega ungkup “ny”,
“sy”,”gh” enggau ke bukai. Penyengau (sebut m,n,ng,ny). Chunto maya, nganga,
nyonya enggau nyamuk.
Kelimpah ari nya, bisi mega konsep pengetu glotis ke ngemai empas kebuah bisi
sedang ba dalam sebut. Ngambika chunto konsonan r dikena leka jaku baka ular
meseti dipadah enggau terang ngambika enda munyi ula. Tajapia, enda ibuh kelalu

6
ko lebih – lebih enggau ngetar ke sebut r nyadi munyi ularrrrrr.
Baka nya mega leka jaku baka itik,bilik,cilik, enggau licik ulih disedangka mimit
ngambika lebih semak enggau penutur jati Bahasa Melayu
4.2.2 Patah Sebut
Patah sebut iya nya bagi ari sesebengkah utai ke beduduk ari siti vokal tauka
serangkum vokal enggau konsonan. Ngambika banding, patah sebut emak ulih
dibagi ngagai dua patah sebut iya nya e enggau mak. Patah sebut kepenudi enggau
vokal. Ngambika banding patah sebut topi dibagi ngagai dua patah sebut iya nya
patah sebut tebuka. Poal KV + KV iya nya to enggai pi. Baka nya mega enggau
patah sebut tetutup iya nya patah sebut ke pengujung enggau konosonan. Ngambika
banding leka jaku kantin pola ya KVK + KVK.

POLA CHUNTO LEKA JAKU


V ayam, tua
VK unta, puas
KV bajak, buta
KVK jambu, pisang
KKV protes, drama
KKVK blok, draf
VKK eksperimen
KVKK bank, injunksi
KKVKK kompleks
KKKV skru
KKKVK spring, infrastruktur

Ari 11 pola nya tadi, empat pola keterubah dalam jadual nya siti ari pola umum
patah sebut Bahasa Melayu enggau tujuh pola ke bukai pola pinjau ari jaku Inggeris.
4.2.2 Proses Analogi
Istilah baru ulih diadu enggau chara ngena asas analogi. Ngambika banding pola
prasangka ulih dikena ngadu tukuh prasaran, prasaran,prasara enggau pra duga.
Bagi pola monoteisme mega ulih dijadika dasar bagi bentuk marhaneisme enggau
sukuisme.

4.3 Kalih enggau Paradigma Terminologi, Sinonim, Homonim, Polisem


4.3.1 Kalih enggau Paradigma Terminologi
Konsep ti bekait ba dalam terminologi ulih dipadahka dalam satu paradigma
terminologi. Struktur iya ulih ngayanka tukuh ti bekait sechara tetap. Terminologi
mesti nadai berubah ba dalam siti sistem pola ti madahka kait.
Chunto iya:

7
Pola – eme
morpheme : morfem
phoneme : fonem
taxeme : taksem

4.3.2 Sinonim
Leka jaku dalam siti-siti jaku ulih bempu kaul enggau pangan diri. Ngagai leka jaku ti
bempu reti ti ka sama baka chelap enggau embap enda ulih dikena ba endur ti sama
seratus peratus.Ambika chunto, kitai madahka ari chelap tang ukai ari embap. Leka
jaku besinonim mesti dipilih ngambika penyaru ulih diseliahka. Bisi tiga bansa raban
terminologi:
I. Terminologi ti dikemeratka
Terminologi ti engkeman enggau prinsip ngaga terminologi iya nya diterima
nyadi terminologi standard. Ambika chunto, chara ngena leka jaku zarah. Leka jaku
mikro lebih manah ari renik.
II. Terminologi asing enggau terminologi Melayu
Lebuh maya bisi terminologi enggau terminologi jaku Melayu nya sama, nyadi
kedua iti jaku nya ulih dikena. Chunto:
kekerapan, frekuensi (frequency)
garis lintang, diameter (diameter)
III. Terminologi ti enda diterima
Terminologi tu bisi sinonim tang salah asas terminologi ti mesti dibuai. Chunto
baka zat lemas mesti diganti enggau nitrogen.

4.3.3 Homonim
Homonim iya nya leka jaku ti sama sepil tauka sama sebut tang ngembuan reti ti
bebida. Ba pekara ke baka tu, penyarut sepil mesti diseliahka.
Chunto: Buruk - jai
Buruk - ngelusu

I. Leka jaku homograf


Leka jaku ti sama sepil tang ngembuan sebut ti bukai.
Ambika chunto:
asi – diandai
asi – utai dempa
mata – perengka tubuh dikena meda

8
mata – apin mansau

II. Leka jaku homofon


Leka jaku ti ngembuan sebut ti sama tang sepil nya midaka terminologi ti bebida.
Ambika chunto:
bang – bank
masa – massa

4.3.4 Polisem
Leka jaku polisem ngembuan reti ti bebida tang tetap bisi bekait.
Chunto:
kaki – mensia
kaki – takah
kaki – jelu

5.0. Penutup
Nembiak patut bebendar ngangkatka tikas pengelandik diri. Pemujur endang
bepanggai ba semengat belajar ti tinggi sereta kaul antara diri sama diri. Pengeliat ati
ti disempulang enggau pengelandik belajar, ngamal ukur ti manah enggau pemaiulah
ti menuku patut dikembuan tiap-tiap iku nembiak. Belajarka penemu patut diperambu
enggau menyana ngambika juluk ati ti deka bulih pengelandik bekomunikesyen ti
tinggi serta niat ti deka neruska daya idup bansa Iban betambah tegap sereta ulih
nyadi nyata.

9
Lebuh betungkapka penemu, senyata ti tajam endang beguna bendar dikena
ngulihka penemu nya. Nya terminologi Jaku Iban tu tau dikumbai senyata dikena
pengajar enggau nembiak mekuhka pelajar Jaku Iban di sekula. Pansik sechara
emperikal patut bendar dikemeran ngambika asal bansa Iban meruan tegap nanjak
arus dunya global. Ba rebak ke baru, jaku dipanggai, pengarap dilempai ngambika
semua bansa Iban sama-sama besukung ngangkatka Jaku Iban.
Ke simpul jaku, pengawa ngemansangka jaku tu sigi enda nemu badu laban
jaku tu siti utai ti betukuh dinamik. Ari sukut diksionari, nadai udah diksionari ti genap
semua utai seagi jaku nya mengkang bisi lalu seruran bisi berubah. Pia mega ba
jaku Iban ti seruran mansang. Nya alai, bansa Iban patut ransing bekenjing nyaga,
ngemanah sereta angkunka jaku Iban nyentukka jaku Iban ulih diangkatka ngagai
tikas ti lebih tinggi. Nitihka penemu Supyan enggau Ding (2008), ngena teknologi ke
sofistikated semua penemu dalam jaku patut dirikod dalam media bechelak enggau
elektronik. Berindik ari nya, kuing tuju jaku Iban tu ulih diperagam sereta ulih dijapai
enti raban bansa Iban empu regas sereta begempung seati bekerejasama
ngangkatka jaku Iban.

Kereban Sanding
Ainon Mohd & Abdullah Hassan. (2008). Teori dan Teknik Terjemahan. Kuala
Lumpur: PTS Publishing Sdn Bhd.

Asmah Haji Omar. (2016). A Review Article of a Comprehensive Iban-English


Dictionary. Issue 8. 72-79.

Halimah Haji Ahmad. (2008). Pengurusan Strategik dan Perancangan Peristilahan


Bahasa Melayu. Leksikologi dan Leksikografi Melayu. 53-67.

10
Kementerian Pelajaran Malaysia (2007). Sistem Jaku Iban Di Sekula. Kuala Lumpur:
Pusat Perkembangan Kurikulum.

Mohd Yunus Sharum. (2009). Perkamusan dan Sains Komputer – Isu dan Cabaran
dalam Era Teknologi Maklumat. Universiti Putra Malaysia.

Nik Safiah Karim, Farid M.Onn, Hashim Haji Musa, Abdul Hamid Mahmood (2011).
Tatabahasa Dewan. Kuala Lumpur: Dewan Bahasa dan Pustaka.

Padang Luna. (2013). Pemansang Jaku Iban: Tapi pelajar abad ke-21 enggau gasa
bansa Iban.

Prosiding Seminar Bahasa Iban 2013: Ngetanka Waris Iban Nengah Litaricha
enggau Pelajar Sekula. 1-29. 6 Julai 2013.

Supyan Hussin & Ding Choo Ming. (2008). Kamus digital suku kata akhir Bahasa
Melayu. Leksikologi dan Leksikografi Melayu. 607-624.

11

Anda mungkin juga menyukai