JILID 01

By. Sahat Milala

PA BELO

PA BELO
JILID 01

2020
1
TUAH LA TURAH

2
Sengget ia kerina sea Nande Belo, sab rempet pekeri gegeh
ia ngantukken takalna ku suki meja kayu jati e. "Mate gia
aku, mate gia aku," nina sorana histeris; arah
perdempakenna malir erdeper dareh.

"E h, engkai
maka bage pedasna kam
mulih? Eh, gua maka bagi si
mbahud matanduena?
Ikucek-kucekndu ndai? Ih, lit
kuidah sisa-sisa iluh bas
matanduena; ngandung
kam ndai? Engkai?"
"Keri kal kuakap suina...
keri kal aku ijunguti Bibi;
diberu la terpake, la rorat,
la erguna nina man bangku;
suruhna ka aku nuruh kam
empo peduakaliken adi la
kita nggit ikut program bayi
tabung bagi si enggo pernah
si tulak."
"Serati kecap ndai ialokenna?"
"La aku pet; baba mulihi
bengkaumuena, nina."
"Bapa gua nina?"
"Sinik saja ia; ayona
kuidah macem ersinggur
PA BELOmacemen
magem; JILID 01 asa rimo
01 praga ras magemen asa wari
gerdem! Em, lanai kutimai
terdekahen, minter aku
mulih!"
"Oe, ya... Egia ula tama-
tama ku pusuhndu, ula kitik
ukurndu, bage gia nina ya?
Bage kin nge adina
erbibiken si ngarapken
kempu atendulah," nina
mpermalem pusuh
ndeharana. "Oh, Nande
tuhu, sitik kal pe la iakapina,
kute?; e la nge rejeki
babahna e; enta," nina
pindona panci ingan serati
e.
"Ih, ula kam teran;
mentas ndai aku arah kede
Kila; kai ena Permen nina,
kuataken. Ih, cocok kap e
man bengko ciger nina. Yak,
01adi merhat kal kam endi
Kila ningku."
"Ence gua, me galarina lah
tukur kecapna?"
"Isungkunna aku, kuh e
sada serati nina; ue ningku;
kenca enggo
itungtungkenna ku kantong
plastik pedaratna
dompetna, ence dadakenna
sen Rp250 ribu bangku; ih la
pedah Bengkila, ningku. Em.
Lawes aku."
"Iyok-oh!" nina Pa Belo
tepukna perdempakenna;
iumputina bas pusuhna:
"Seh kal motum o bodoh!"
"Ia me senina bengkila
kal?; bapa ngudandu, me
kin? Ndeher denga kal
perkade-kadenta. Kerna eng
maka kugratisken man bana.
Alu erpengarapen,
gratiskenna ka pagi si
isapndu si inemndu si
ipanndu adina ku kede nah
ka kam ateku ka."
"Ue ya; mbera-mbera
pagi, bage; bagi si ni
iarapkenndu e, gratiskenna.
Lang si tuhuna aku sangsi
nge aku; labo ngarap bage,
sab kutandai ia. Ia, Bapa
Ngudah, perdegilna lalit
dua. Anakkuta tenda ngeteh
kerina e. Apaika adi minjam
sen ateta, ilebeina mis.
Cocokkenca kal ko reh ei,
nina; minjam senmu nde
ateku, Nak, nina. Emakana
labo pernah daten si ngeraih
atena man bana."
"Ula kin ngeraih nindu?
Tapi, inemi, pangani lebe,
kenca kam besur baba
gelasndu si enggo lume e ku
ia, nce kataken serati si
nderbih ergana Rp250ribu,
enta simulihna; potongken
je inemenku ras isapku
duabungkus ndai, nindu!"
Radu tawa ia duana.
"Cerdik kang kapken
ndeharangku einda," nina
bas pusuhna.
Enggo 14 tahun dekahna
perjabun Pa Belo ras Nande
Belo. Ase ka dekahna ia
nimai si nangkih mayang ras
si nutu cimpa. Em, JILID
PA BELO seh asa
01
genduari, langnga ia
01
ngaloken tuah. Matawari ras
Bulan lalap langnga reh
nerangi kegeluhen
perjabunna duana ia.
Kerna e ka maka minder
Nande Belo ibas pergaulen.
La akapna lit erga dirina. La
akapna serta bana sab ia
jadi diberu saja ngenca la
jadi sekalak Nande. Tading
akapna ia bas kai pe ibas ia
ndalanken kegeluhenna
teptep wari. "Liahna
pengindongkue," megati
bage nina janahna
erkumesah belin. Pe menam
ilakokenna perbahanen si
ilat. E me ersuruh pusuhna
maka iculikna atena anak
balita kalak ence babana
atena ku kuta asalna si
itengah kerangen guna
ikelengina je. Tapi untung
kal la ilakokenna ajuken Iblis
e.
Orangtua Pa Belo enggo
melala keri guna erbahan
mehuli kula permenna.
Ratusen juta. Tapi la
masalah, sab bayak namura
ia. Tajir.
TUAH LA TURAH
Nande Belo pe enggo
pernah ibaba ertambar ku
luar negeri. Bagi kalakenda
empatna, sesekalak la danci
hamil emkap kerna lit sada
penakit si ngerimrim ibas
daging kulana. Emaka perlu
itambari. Tapi em, kenca
enggo i diagnosis tenaga
medis la lit ijumpai
penakitna; kerina organ
reproduksi Pa Belo ras
Nande Belo lengkap ras
normal 100%. "Saber ras
teneng saja kam sekeluarga.
Turah nge pagi tuah e.
Ndigan rehna, e Dibata
ngenca metehsa. Emaka ula
kam lupa ertoto. Usahaken
gelah kerina keluargandu pe
ikut notokenca."
"Gelah ibegiken Dibata
kerna enterem si notokenca
me, Dok?" nina Pa Belo
nelatken cakap.
"Ras usur-usurndu
ertoto, ula kam bosan-
bosan. Gelah megegeh
totondu e!" nina.
Tapi seh kang waktuna
lanai tertimai, dungna
kerina ia leja-meja perban
enggo ertahun-tahun
dekahna ersaber-saber tapi
kosong denga lalap ulihna!
Icubakenna tambar kuta.
Erpangir ia i lau anak
ertupang telu. Inemna ka
lau mumbang si enggo kuh
je pulungenna. Ras erbage-
bage cara tambar kuta
enggo ipakekenna. Tapi em,
sada pe la rasil la mesinting!
Erdandanken la mujarab
maka bage lalap isi bertinna:
kosong melompong!
 Em, nandangi seh me
atena frustrasi dingen
depresi nukup ia duana; yak,
rembang katikana, reh
sekalak tokoh agama i kuta
e si tergelar Pa Ngosari
mere pencerahen ras
mpeturah optimistisna
duana.
Ibenaken Pa Ngosari me
ngosari rungga, perbeben
geluh Pa Belo si enggo rulut-
ulut kal. La nai ieteh apai ras
ija benanana ras ujungna
kerna seh kal serbut-
merbutna desken benang
kusut-masai!
Ope cakapna langnga ku
substansina ibelaskenna
lebe kata penaruh: "Enggo
ndekah kal pengkebetndu
duana kam e kuperdiateken.
I caci-maki si Metuandu
kam. Icekurakken
Bengkilandu kam i kede. I
suruhna kena sirang.
Isuruhna kam erkidua.
Ibabana kam ku pengobaten
modern ras tradisional. E pe
la bagi ukur ulihna. Ras, la lit
asilna, padahal sen ratusen
juta enggo leong la erguna;
lasam! Engkai maka bage?;
e kerna serpang pulah si ni i
dalankenndu e la i pasu-
pasu Dibatanta. E enggo
jelas e. Emakana, genduari
reh aku guna mere serpang
pulahna si bagi si ngena ate
Dibatanta, Jesus
KristusTuhannta. Jadi,..."
Ikretna Pa Belo ranan Pa
Ngosari, "Ula gedangsa
banndu kata penaruhna,
Ma; langsung saja ku
substansina e me serpang
pulah si kuga macamna si ni
ibas kam nari ei?"
PA BELO JILID 01
"Ue, Bebere," sengget ia
kerna la01enggo pernah lit
jelma si pangPA BELO JILIDia.
ngkritik 01
"Me tehndu kin turi-turin
Abram ras Sarai?" nina
ngumputi kenca ia jengang
kentisik.
"Tehkami, Pa," Nande
Belo si ngaloi.
"Adi tehkena nge, e lanai
pedah kuturiken pemenana
nari adibage. Bagenda, ia
pe, eme si enggo
isambariNa gelarna jadi
Abraham ras Sarah, kenca
enggo cawir kal umurna
maka mehuli kulana. Ras
mupus dungna. Kerna ia,
saber ras megenggeng;
ertina tabah, labo megekgek
ya?"
"Ue Ma, tehkami nge."
"Isak gelarna anak si
iplimikenNa e man ia duana.
Adi rusur kari ku belasken
gelar A ras S e la kari enak
igejapken si ngoge mbacasa.
Emaka seterusna kari
gantina 'na-na' saja. Em,
gelah tehndu duana kam e.
Tapi, dahkam, si tuhuna kal
si e labo urusenku?"
"Urusen ise dage ei?"
"Urusen SAT MELIALA!"
"Kuga kin kam e, Ma? Si
erkawitenlah ia ras
kiniguluten kami. Ula
gergondu buta-butandu adi
ingan si megatelndu
iperdempakenndu, ih!..."
segat atena.
"Ue Bebere, ue. Ateku
ngataken maka adi ras
Dibatanta la lit metahat.
Isak tubuh waktu umur
bapana 100 tahun. Bagepe
ndeharana, perban tuana
nggo melus organ
TUAH LA TURAH
reproduksina. Aminna
bagegia, banci kang ia
mupus; ipasu-pasuNa ia,
maka bagi sienggo
ipadankenNa eme kenca
siwah bulan dekahna reh
keriahen ras pertawan eme
iplimikenNa Isak man suami-
istri si enggo uzur kal e.
Emaka kam pe duana banci
kang bage, terlebih kena
duana nguda denga kal
bagena nah!"
"Nguda denga nindu, aku
45 ia 47 setengah tahun!
Kuga kin kam e, Ma?"
"Adina ibandingken ras
umur Abraham me nguda
denga kal kena e duana!?"
"Adi bage, kai dage si arus
ilakoken kami gelah dorek
Nande Belo enda ermurik!"
"Kempak babi nge
ikataken ermurik; labo
kempak manusia?"
"Menggo tehndu kai nina
Bapa e o Biang!?"
"Enggo o Butih!"
"Icah!"
 "Yak, la kalakna bage adi
suami-istri. Sikeleng-
kelengenlah ras radu-radu
mehamatlah sapih-sapih
kam duana..."
"Yak, labo man kupasen
kal e, Ma, jagar-jagar kami
nge ndai?"
"Jagar-jagar nindu?;
dungna kari sikaraten kam
je bagi jagar-jagar biang!?"
"Ue Ma ya; ndigan pe lanai
bage ningkami ya. E ndai
anggap saja intermezo.
Genduari bereken dage
resepna man kami gelah
lampas kami dat tuah ndai?"
"Dengkehkenndu duana
kam e. Resepna e me ertoto
kam la erngadi-ngadi. Ibas
totondu e, pindo man
Dibata kai si iperlukenndu.
Ras, dem pengataken
bujurndu man BaNa. La kam
perlu erpangir, minem lau
mumbang, ras sidebanna!
Mesukah me, Bebere?
Em..."
"Ue, mesunah, Ma."
"Ue, la mesera, Pa."
"Em. Yak, genduari
pegeluh dage hpnduena ya,
gelah rekamndu sorangkue;
contoh kata totona; siman
tirunndu teptep kam ertoto
kencang. Bagenda:
O Bapa kami si kundul i
Kursi Kerajan Surga; ibas
paksa enda reh kami ku
adep-adepenNdu ngataken
bujur ras ermengkah
PA BELO
atekami sab seh JILID
asa 01
genduari kami duana lit ibas
keadan selamat, sehat,
sejahtera ras sentosa la
kurang sada kai pe. Banci
kami juah-juahen bage eme
kerna pasu-pasuNdu nge o
Bapa, emakana oratna nge
ikataken kami bujur man
banNdu o Bapa: Bujur!
GelarNdu iangkat kami
tinggi-tinggi, gelarNdu ipuji
ras imuliaken kami,
gelarNdu iagungken kami,
gelarNdu ipehaga kami,
kami pe erkemalangen man
BaNdu dingen takut akan
EngKau ya Bapa...
Ertoto kami, tutup bungkus
kami alu dareh Jesus Kristus
ras Kesah Si Badia lah si
TUAH LA TURAH
rusur ngerana ibas pusuh
peraten kami ras turut
campur lah Kam ibas kerina
aktifitas kami gelah aktifitas
kami e erdalin alu mehuli,
lancar, sukses ras bagi si
ngena AteNdu ka asilna ras
erguna ka bagi jelma
sinterem...
Ertoto ka kami kerna keadan
kami genduari o Bapa
emkap seh paksa enda
langnga reh buah-bara kami,
jantung hati kami; padahal
enggo 14 tahun kami erjabu.
La iangka kami, la ieteh kami
engkai maka dorek bage.
Emaka merhat kal kami bagi
ibahanNdu kempak
Abraham ras Sarah dingen
kempak Elkana ras Hanna
kempak kami...
Emakana mekuah kal min
atenNdu o Bapa, sampati
ras tolong kami, pasu-pasu
kami ras curcurken
mukjizatNdu man kami
duana anak kekelengenNdu
si enggo erdosa enda. Min
iPelimikenNdu man kami o
Bapa sada anak si sehat
dingen pentar ka...diberu-
dilaki sami mawon...
Bagepe ertoto ka kami
kerna daging kami si mbur
enda, maka mindo kami alu
meteruk ukur maka ipasu-
pasuNdu tambar sipakeken
kami gelah kula kami danci
jadi erdolat mejile melayah-
layah tapi ula
kertang...pesing-risi iya...
Bujur melala ikataken kami
man baNdu Tuhan subuk
penampat si iberekenNdu
man kami o Bapa...
Bagendam pingko-pingko
kami Tuhan;
dengkehkenNdu toto kami
enda o Bapa; reh kami
nehken toto kami enda man
BaNdu arah erkelangken
AnakNdu Si Tonggal Tuhan
Jesus Kristus Juruselamat
kami manusia, Haleluya,
Amin!"
"Eh, aku 87 kilo, Ma."
"Aku 92 beratku, Pa. Tapi,
engkai maka itotoken e?"
"Sab, lit kuakap
hubungenna burndu ena ras
tuah la turah e. Lit kuakap
gumpalen lemak singalang-
ngalangisa bibit e maka la
tertembussa. Tapi enda
pengakapku ngenda ya,
langnga bo pasti e,
kemungkinen ba-ge.
Cubakenndu man obat
pengurak bur ras pelayah
daging-kula."
"Ue ya. Labo dalih e,
sicubaken ya? Sab, lit
kuakap pertuhuna asumsi
bapa e?" seringna dilakina.
"I apotek japape melala
nge merek obat peluruh
lemak."
Lit sora erlebuh. "Rumah,
Pa," nina ngaloi. "La kunci,
jembaken saja!"
Bengket ia ku bas rumah
kenca nggo ijembakenna
pintun. "Eh, kam e Lih,"
nina. Ueken Pa Ngosari.
La eteh turi-turinna pe,
minter Bapa Pa Belo
erbelas: "La lit sinursurku, la
lit sinerusken mergangku.
Peltep je. Bas anak semata
wayangku, Pa Belo e
perpeltepna! Ih!!"
La ndekahsa, bengket ka
ku rumah Pa Belo Nande Pa
PA BELO JILID 01
Belo. Tapi ia la si sada.
Teguna sekalak si nguda-
nguda mbaru mberkat,
tasak kal perjilena.
"Ah, salami impalnduah,
Nga," nina Nande Pa Belo.
"Ue Bi," nina, salamina Pa
Ngosari. La kin ia pernah
jumpa ras impalna?
"Mejile jelmana tapi
gelarne la ateku bage; enda
denga ngenca kubegi 'Nga'
gelar jelma," nina Pa Belo
bas ukurna. Entah lit
kepanjangenna Pa Belo?
Isuruh nandena Nga
kundul i kemuhen anakna.
Nande Belo ndube nari
kundul arah kawes
perbulangenna. "Ena, Nga
ena, pupus mama tengahmu
si i Siantar. E dengang ia reh;
ku tenahken kin? Ku
jodohken ateku engko ras
ia. Gelahna lit kempungku o
Tongat! Gelahna lit si ndilo
aku 'Tigan' nina!"
Sengget ia kerina sea
Nande Belo, sab rempet
pekeri gegeh ia ngantukken
takalna ku suki meja kayu
TUAH LA TURAH
jati e. "Mate gia aku, mate
gia aku," sorana histeris;
arah perdempakenna maler
erdeper dareh.
"Aku pe mate nge!; sada
lubang kita ras!" jakana
belati si idas lemari bupet.
Ope langnga terjakasa
enggo leben ikuisken
bapana.
"Apai lebe ku karat
nadinduena entah nadikue!"
Nande Pa Belo enggo
setengah pingsan. La ia
tahan ngidah dareh si enggo
nutupi ayo Nande Belo.
Ngidah bage situasina,
mbiar Nga. Danci kari aku pe
ikut mate ibunuhna; ndo
aku laweslah, nuatena.
Emaka rambas si tergelar
Bunga e lawes mis. Lanai
nuatena nari ngenca; tuhu-
tuhu mulih ia ku Pematang
Siantar. "Ah me Bibi adon
ningen e; pejabuna atena
aku ras kalak adon! Em. Adi
nggit aku, aku pe ikut
adon!" cengamen ia
segedang-gedang dalan. Pe
bageka nge Pa Ngosari,
lompat ia arah jendela,
tadingkenna kalak si
bunuhen atena e. I dilo
aparat ka kari aku je jadi
saksi mata; labo terban e,
nuatena.
"Nadikue lebe peltepken,"
nina manjar-anjar. Nandangi
keri tempa kesahna.
"Lang, aku saja gia lebe,
kam pudin, sayangku!"
Minter rempet idakep
Bapa Pa Belo anak semata
wayangna e. "Robah kal
kami, Nakku, lanai ndigan pe
kena ipesirang-sirang kami,"
tangis ia.
Nande Pa Belo teridah
enggo dung ngelapi ayo
Nande Belo alu anduk litap.
"Kelengkal ateku kam,
Nakku," nina, kesi-kesi ia. "Si
adopsi pagi kempunta, telu
kalak," nina nulih kempak
dilakina si sangana ndakep
anakna. "Pagi ku Singapor
kita, shopping kita ijoh.
Melala pagi si tukur bajunta,
tasta ras sidebanna si
ngena ateta," emmana
kurum permenna tanda
keleng atena nandangi ia,
sekaligus tanda minta
maafna. "Mulai genduari
nari, kai si ngena atendu e
saja si ilakoken kami man
bandu, Nakku," nina janah
tambahina obat merah ku
perdempaken permenna.
Leket itatapna; mesui naring
nde akapna e, nuatena.
Labo min mbelang, kitik nge
bekasna. Saja, perban mbur
ia ras atmosfir ciger pe
ngisah ka maka bage kal
lalana darehna mambur.
"Ulande kita lebe gawah-
gawah kujapape, Bi, melala
kabangen pirus corona,
covid nineteen, Bi, mbiar
aku empatna kari kita
ikarantinaken kalak i kuta
kalak," nina alu setengah
sora. Iueken si metuana.
"Ue, ari, lupa ka pe aku
tarun ngingetsa? Gua nge
akapndu maka asa genduari
langnga dat ilmuan
tambarna?"
anakna, Pa Belo, si enggo
mengker ibas dakepenna.
Setahun telu bulan kenca
si e, mehuli kula Nande
Belo.
Ernungkun-nungkun ukurna.
"E kerna perban toto-toto
kami si la erngadi-ngadi nge,
entah kerna perban nggo
urak melala berat badanku?
Sab, payo ka kuakap kata
Bapa Pa Ngosari sanga e.
Erkiteken enggo langsing,
lanai tertutup lemak mulut
rahimku, organ
reproduksingku; jadi, lanai
lit singambatisa perdalinen
bibit e ku rahimku. Lancar ia
mbuahisa. Tokcer!"
Isingetkenna ka man
perbulangenna kerna
ukurna si nungkun-nungkun.
"Ula sipersoalken e; siapai
pe Dibata nari nge kerina
rehna e; reh penampatNa
man banta arah Mama Bapa
Ngosari, titik!" *** (Medan,
Maret 2020)

"La urusenta e," nina

perbulangenna janahna
ngemma perdempaken

PA BELO JILID 01 TUAH LA TURAH