IBADAH MINGGU KELUARGA

HKBP PARGODUNGAN DOLOKSANGGUL

Minggu JUBILATE, 03 MEI 2020
================================================================================
Topik : Marolopolop ma tu DEBATA ~ BERSORAKLAH BAGI TUHAN
01. Marende BE. No. 565 : 1 – 2 Las rohangku lao mamuji
1. Las rohangku lao mamuji Debata Parholong i, Songon bunga na mangerbang di na
binsar ari i. Arsak, dosa, haporsuhon mago dibaen asiMi. Las ni roha na
manongtong lehon di au Tuhanki.
2. Sude jadijadianMu, laut, tano, langit i, Angka bintang dohot bulan nang mata ni ari
i. Hauma, ladang, nang harangan, rura dohot dolok i, Saluhut na mangendehon
sangap di Tuhanta i.
02. Votum ~ Introitus ~ Tangiang
U : Hita keluarga na rap martangiang di bagas on. Tapungka ma parmingguonta holan
mangasahon Goar ni Debata Ama dohot Goar ni AnakNa, Tuhan Jesus Kristus dohot
Goar ni Tondi Parbadia. Natumompa langit dohot tano on.
Sude : Amen
U : Marolopolop tu Debata ma ho ale sandok tano on. Endehon hamu ma hamuliaon ni
GoarNa marmulia ma bahen hamu pujipujianNa. Dok hamu ma mandok Debata :
Tung na songkal do angka pambahenanMu. Binahen ni hinatimbul ni gogoM ingkon
marsomba tu Ho angka musuM. HALELUYA
Sude : Mangendehon HALELUYA ~ HALELUYA ~ Haleluya.
U : Martangiang ma hita : Ale Tuhan Jesus Kristus, Ho do panondang na sintong, na
manondangi ganup jolma na di portibi on. Sondangkon ma bohiM tu hami jaa
parbadiai ma rohanami, asa hutanda hami dalan hangoluan marhite sian i. Sai rajai ma
hami, asa unang manimbil hami sian dalan na sintong i. ale Tuhan Jahowa,
patongtong ma rohanami marhaporseaon tu Ho marhitehite Tondi Parbadia. Amen
03. Marende BE. No. 125 : 1 MARLASNIROHA HITA ON BL. 82
1. Marlasniroha hita on Mamuji Debata. Ai asi ni rohaNa i do bongot tu rohanta
i. Umbaen nuaeng mardomu i. Dison sadari on. Dison sadari on
04. PATIK
U : Dipangkulingi Debata do keluarganta marhite PatikNa, i ma na tasurat di PSALMEN
100 : 1 – 2. Rap ma hita manjahasa.
Sude : Olophon ma Jahowa, ale sandok tano on! Oloi hamu ma Jahowa marhitehite las ni
roha, ro be ma hamu tu jolona marhitehite olopolop.
U : Rap mangido gogo ma hita tu Debata laho mangulahon na hombar tu PatikNa i.
01 by; patoho76en
Sude : Ale Tuhan Debata, sai pargogoi ma hami mangulahon na hombar tu PatikMi. Amen
05. Marende BE. No. 683 : 2 Di adopanMu Jesus
2. Di adopanMu Jesus marsomba au huhut tungki, Lao manopoti dosangki
diadopanMu Jesus.
06. MANOPOTI DOSA ( B.9 – C. 15 )
U : Dibagasan unduk dohot serep ni roha ro ma hita tu adopan ni Debata manopoti dosa
dohot pangalaosionta.
Klr : Dung i martangiang ma ahu tu Jahowa Debatangku, ningku ma manopoti dosa:
Iale Tuhan, Ho do Debata na tumimbul, jala na songkal na mangkajongjongkon
parjanjian dohot asi ni roha tu angka na holong roha mida Ho dohot tu angka na
mangaradoti angka uhumMu.
U : Tarimangi ma angka parulaonta na jotjot mangarsahi Debata marhitehite
pingkiran, hata dohot pambahenanta na roa i. Jotjot ndang tahaholongi Debata
sian nasa roha, pingkiran, sian nasa ateate, sian nasa tondi dohot gogo. Jala laos
dongantape jotjot do taarsahi na gabe patubu hansit ni roha dohot hosom.
Klr : Ale Tuhan na maporus ma hami nuaeng tu asi ni rohaM na godang i, mangido
sian nasa rohanami hasesaan ni dosanami.
U : Sai urupi ma hami paubahon rohanami alani Tuhan Jesus Kristus, Anak
hahaolongan ni rohaM. Ale Tuhan Jesus, asi ma rohaM di hami halak na dangol
on. Amen.
Tajalo ma bagabaga ni Debata di hasesaan ni dosanta. Humophop hita, gabe dosa
Ibana na so tumanda dosa dibahen Debata, asa gabe hatigoran ni Debata hita,
marhitehite Ibana. Hasangapon ma di Debata na di ginjang.
Klr : Amen
07. Marende BE.No.190 : 2 LAS ROHANGKU SITUTU BL. 69
2. Las rohangku situtu mida Jesus na burju. Patupahon hangoluan. Di au na di
hamagoan. Tung saluhut dosangki do disesa Jesus i.
08. EPISTEL : EPESUS 5 : 15 – 21
U : Di parmingguonta di bagas on, di pangkuling Tuhanta do hita marhite turpuk Epistel
na tarsurat di EPESUS 5 : 15 – 21. Antong, manat ma hamu mamereng manangkasi
parulaonmuna; songon angka na marroha, unang ma songon angka na hurang roha!
Klr : Parhaseang hamu ma tingki, ai ari hasusaan do nuaeng. Dibahen i, unang ma gabe
maoto hamu; alai antusi hamu ma, manang dia lomo ni roha ni Tuhan i.
U : Unang ma mabuk hamu bahenon ni anggur, ai hamagoan do di bagasan i; alai gok
Tondi ma hamu!
Klr : Hatahon hamu ma sama hamu angka ende psalmen, angka ende pujipujian dohot ende
partondion; endehon jala puji hamu ma Tuhan i di bagasan rohamuna!
02 by; patoho76en
U : Manongtong ma hamu mandok mauliate siala saluhutna tu Debata Ama, di bagasan
Goar ni Tuhanta Jesus Kristus!
Klr : Masioloan ma hamu sian biar ni rohamuna mida Kristus!
U : Martua ma hita na tumangihon Hata ni Debata jala na umpeopsa. Amen
09. Marende BE. 443 : 1 Dung Tuhan Jesus. BL. 393.
1. Dung Tuhan Jesus nampu au, songgop dame na, biar hu lao, Taripar gogo ngoluna
i, nasa dosangku naung sae do i. Tabari tahon holongNa i. Didia Tuhan, tudoshon i.
Tuk manum pahi, tarlobida. Sasada Jesus pinujima !
10. M. HAPORSEAON
U : Rap ma hita manghatindangkon Haporseaonta i
Sude : Ahu Porsea………………………………………………dst.
11. Marende BE. 435 : 1 Marolopolop tondingki. BL. 294
1. Marolopolop tondingki ai naung di tobus Jesus i. Hamu sude, bege ma i, sai las ro
hangku mandok i. Sonang ni tingki i dung jumpang Jesus Tuhanki ! TondiNa
mangajari au, tarbaen marlas ni ro ha au ! Sonang ni tingki i, dung jumpang Jesus
Tuhanki.

12. JAMITA 1 KRONIKA 16 : 31 – 36 ( Dibuhai dohot tangiang dungi manjaha )

Renungan
1. Pasangap ma Debata. Marrumangkon ende puji pujian, ende olopolop, ende halalas ni
roha sian angka raja Israel rap dohot bangso i do turpuk on. Nangpe ganjang do
pardalanan ni bangso i hatihai jala ragam angka ragam angka galumbang ni parngoluon
di adopi nasida. Dirujiruji nasida ma saluhut na masa di ngoluna i, tung na songkal, tung
na so hadodoan, tung na so tarasam do saluhut panarihonon, pangaramotion,
panogunoguon ni Debata manghaholongi nasida. Diputihi nasida ma on gabe rumang ni
ende nasida maradophon pambahenan ni Debata. Dibagasan ende olopolop i marsaringar
panghatindangkonon di hadirion ni Debata ; i ma : JAHOWA do RAJA, IBANA
PANGUHUM NA TIGOR, PARASI ROHA DO JAHOWA jala RO DI
SALELENGLELENGNA do ASI NI ROHANA. Dipatuduhon do dibagasan ende i
ndada holan jolma na marende alai dohot do langit marlas ni roha, tano ro di isina,
ladang ro di isina, hau na ditombak marolopolop sudena, marhasak angka laut ro di isina.
Hita keluarga na hinaholongan ni Debata. Tudos tu pardalanan dohot na ni adopan ni
bangso Israel uju ido rumang ni pardalanan dohot siadopanta di parngoluonta on.
Tabolus do angka galumbang ni parngoluon, tadai do na tonggi, na talmis alai boi do
tadai na asom, sapot, na paet. Molo tabaluspe rumang ni na dua on na patorashon (
mendewasakan ) parngoluonta doi. Molo tadai na tonggi ndang na mandok jonok Debata
tu hita jala molo tadai na paet ndang na mandok dao Debata sian hita. Dinasa gulmit ni
ngolunta jonok do Debata, di ramoti, ditogutogu, diparmudu jala diparmahani do hita.
03 by; patoho76en
 Antong manang ahape na masa dingolunta on, boi do baenonta i gabe rujuiruji bahen
pasangaphon Debata.
2. Ro di salelenglelengna do asi ni roha ni Jahowa. Debata na tatanda, na tahaporseai, na
tasomba, i ma Debata Parasiroha na manongtong. ( Pangungkapon 22:13 Ahu do
Mulana jala Punsuna, Parjolo jala Parpudi, Bonana jala Ujungna! ). Tu Debata
Parasiroha na sumurung i ma hita mangido panumpahion di bagasan ngolunta. Ibana
ma tongtong tapuji BE 149 : 3. Manang aha pe na masa Las ni roha arsak pe. Tioponku
Ho na basa Na marholong roha pe. Tung saleleng au mangolu Nang dung suda bohalhon.
Ingkon Ho, o Sipangolu Pujionku sai tongtong.
Molo tungpe ter-isolasi, ter-kurung – ter-asing pangkilalaanta nuaeng, ndang na
ditadingkon Debata hita, alai diramoti, dijaga, diparmahani do hita. Jala naeng patoguhon
dohot patorashon haporseaontama na masa on di pardalanan ni ngolunta ( Yak 1:2 Ale
angka donganku, las ni roha sambing ma rajumi hamu i, anggo madabu hamu tu bagasan
ragam ni pangunjunan. 3 Boto hamu ma: Na mangkorhon habengeton do pangunjunan na
tu haporseaonmuna. Alani i tadok ma Amen na marlapatan : Porsea ma ho jumpang ho
do na pinangido ni rohami.” ( Mat 21 : 22 ). Amen
13. Marende BE No. 188 : 1 – 2 JAHOWA SIPARMAHAN AU BL. 131 ( Marpelean )
1. Jahowa Siparmahan au ndang hurang manang aha. Ai nasa jea dipadao do sian
dorbiaNa. Tongon dibaen na lomak i lao pangoluhon tondingki. Dibaen asi rohaNa.
2. Ditogu au tu na tio Aek mata hangoluan. Dibaen do tondingki sio di dalan
hasonangan. Sabam rohangku do tongtong saleleng au di tano on. Baen sangap di
goarNa.
14. Panutup
U : Rap ma hita martangiang di tangiang “Ale Amanami na di banua ginjang…..
Sude : Ale amanami na di banua ginjang…………………………..dst
U : Asi ni roha na sian Debata Ama dohot Holong ni roha na sian Tuhan Jesus Kristus
dohot Parsaoran na sian Tondi Parbadia. Ima na mangaramoti keluarganta on ro di
salelenglelengna. Amen
Mangendehon : AMEN – AMEN - AMEN

04 by; patoho76en