UNIT 4 : CHERITA JELU

HARIBULAN : HARI : Satu / Dua / Tiga / Empat / Lima

KELAS : JAM : TIMPUH : 30 minit / 60 minit
TEMA : Dunya Ensera enggau Cherita FOKUS : Mending enggau Bejaku
PBTT : Ngeanalisis, Aplikesyen ENK : Ukur Pemanah UP : Betulung, berani
PAK21 : Role-play, kolaborasyen nguji
i-THINK : Kar gelembung
STANDARD ISI : 1.2 STANDARD PELAJAR : 1.2.1 (i) (ii)
OBJEKTIF PELAJAR : Ba pengujung pelajar saritu nembiak ulih;
 nuku leka jaku kunchi enggau frasa ba teks dalam raban
 meri respons ti engkeman bepelasarka teks cherita
 ngelis leka jaku ti ngundan vokal besekat glotis ngena kar gelembung
KEREBAN : Buku teks (lambar 25-26), bup aktiviti (lambar 21), template kar gelembung (leka jaku
vokal besekat glotis), Audio 16 (Randau Menaul enggau Ruai), kad manila/keretas
mahjong, slide power point (Menaul enggau Ruai)
MALIN PELAJAR : 1. PEMUKA
 Nembiak beratika slide power point ti ngayanka gambar burung menaul enggau
burung ruai.
 Nembiak enggau pengajar betanya saut senentang gambar nya sereta peneleba
sida macha tauka ninga cherita jelu ti bekaul enggau menaul enggau ruai.
 Pengajar nerangka ngagai nembiak kaul isi pelajar enggau topik sehari tu.

2. AKTIVITI 1 – MENDING LALU BEKELULU

 Nembiak mendingka Audio 16 (Randau Menaul enggau Ruai) lalu beratika teks
randau nya ba bup teks (lambar 25).
 Ngena chara bepasang, nembiak ngeluluka randau Menaul seduai Ruai ngena
intonasyen enggau ekspresyen ti engkeman ba mua kelas.
 Nembiak beratika teks randau nya lalu nukuka leka jaku kunchi enggau frasa ti
bisi ba teks enggau iring pengajar.

3. AKTIVITI 2 – BURUNG RUAI BELAJAR TEREBAI TINGGI

 Nembiak beratika teks ensera Burung Ruai Belajar Terebai Tinggi ba bup teks
(lambar 26).
 Ngena chara beraban, bepasang sereta siku-siku nembiak macha teks ensera nya
ngena intonasyen ti engkeman enggau iring pengajar.
 Nembiak meri respons ti engkeman ngagai tanya ari pengajar belalauka teks
ensera nya.
o Sapa deka ditunda Burung Ruai terebai tinggi?
o Baka ni chara Burung Menaul ngajar Burung Ruai terebai tinggi?
o Ba penemu nuan, nama kebuah Burung Ruai enda ulih terebai tinggi?

4. AKTIVITI 3 – LEKA JAKU TI NGUNDAN VOKAL BESEKAT GLOTIS

 Nembiak beratika lalu macha teks ensera dalam bup teks (lambar 26).
 Dalam raban ti mit (3-4 iku), nembiak ngelala leka jaku ti ngundan besekat glotis
ti bisi dalam teks enggau iring pengajar.
 Nembiak ngerintaika leka jaku ti ngundan vokal besekat glotis ngena kar
gelembung ba kad manila/keretas mahjong ti disediaka.
 Nembiak mandangka lalu macha asil raban sida ba mua kelas.

5. PENUTUP
 Nembiak nembuka genteran ayat ngena leka jaku ti betul (bup aktiviti lambar 21)

REFLEKSI :
 Penyampau nembiak : _____ ari ____ iku nembiak
 _____ ari _____ iku nembiak ulih nuku leka jaku kunchi enggau frasa ba teks dalam raban
 _____ ari _____ iku nembiak ulih meri respons ti engkeman bepelasarka teks cherita
 _____ ari _____ iku nembiak ulih ngelis leka jaku ti ngundan vokal besekat glotis ngena kar gelembung