1.

0 Pemuka

Nembiak ba sekula diajar nguasa pengelandik mending enggau bejaku dikena belajarka
siti-siti pekara. Nitihka Turai Pelajar Jaku Iban Sekula Sekondari (2001), pengelandik
mending dikena ngansah pemintar nembiak mending enggau silik. Berindik ari nya,
pengelandik mending mai reti pengulih mensia belematika utai ti didinga dalam
situasyen ti bekaul enggau bejaku. Nya alai, nengah proses mending, nembiak deka
bulih penerang ke beguna dikena meretika pekara baru sereta ulih ngenataika
komunikasyen ti semitan. Kelimpah ari nya, pengelandik bejaku mega besangkut-paut
enggau pengelandik mending. Nitihka penemu Chemaline (2011), pengelandik bejaku
nya siti operasyen mental dikena siku-siku mensia ngambika ulih meri respon ngagai
peransang. Nya alai, pengajar patut ngembuan teknik, langkah rapat enggau ripih jalai
dikena mantu nembiak ngemansangka pengelandik mending enggau bejaku dalam
belajarka siti-siti pekara.

2.0 Langkah Rapat ngajar pengelandik mending enggau bejaku.

Nitihka Kamus Dewan (1998), langkah rapat iya nya chara ti dikena ngepunka siti-siti
pengawa. Nya alai, langkah rapat dikena ngajar pengelandik mending enggau bejaku iya
nya langkah rapat situasi. Langkah rapat tu bepelasarka teori struktural enggau teori
belajar behavioris ti madahka siku-siku orang mesti nguasa pengelandik ngingat enggau
pengelandik ngemunyika leka jaku sebedau nguasa pengelandik bejaku. Nya alai,
pengajar mesti ngembing nembiak nyebut leka jaku ngambika nembiak nyebut leka jaku
enggau betul. Ambika chunto, pengajar nyebut dulu leka jaku ti bisi glotis dalam jaku
iban baka ‘duku’ ‘palu’, ‘raga’ enggau ti bukai lalu nembiak niru chara pengajar nyebut
leka jaku nya enggau betul. Nembiak ti bisi penanggul nyebut leka jaku nya deka nyebut
leka jaku nya baru. Pia mega, pengajar ngelatih nembiak nyebut leka jaku suah salah
disebut nembiak baka leka jaku ular, rumah, rami enggau ti bukai. Nya alai, pengelebih
langkah rapat tu iya nya nembiak deka nyebut leka jaku enggau betul lalu ulih ngelatih
pengelandik mending lebuh sida ningaka pengajar nyebut munyi lalu ngelatih
pengelandik bejaku maya ngemunyika siti-siti leka jaku.

3.0 Ripih Jalai ngajar pengelandik mending enggau bejaku.

Ripih jalai ti dikena ngajar pengelandik mending enggau bejaku iya nya ripi jalai audio-
lingual. Ba ripih jalai tu, pengajar ngena kereban audio, video, pita perakam enggau ti
bukai lebuh ngajar ngambika nembiak ulih nguasa pengelandik mending enggau bejaku.
 Chunto iya, nembiak meda klip video dulu ngambika nembiak ulih ninga pekara ti
dipelajarka. Sepengudah mendingka video nya, nembiak dilatih nyebut leka jaku, frasa,
ayat enggau intonasyen ti engkeman dilatih berandau enggau pangan diri senentang
pekara I udah didinga. Pengelebih ripih jalai audio-lingual iya nya nembiak deka jampat
nguasa pengelandik mending enggau bejaku laban sida rindu niru utai ti didinga ba
kereban audio.

4.0 Teknik ngajar pengelandik mending enggau bejaku.

Teknik ti dikena pengajar pengelandik mending engga bejaku iya nya teknik betanya
saut. Teknik tu ulih

5.0 Perambu aktiviti ngajar pengelandik mending enggau bejaku jaku Iban.

Aktiviti

Objektif aktiviti :

Nembiak ulih madahka chara nyaga pemeresi rampa menua

Kereban bantu belajar :

Klip video

Lambar kereja latih

Teknik:

Betanya Saut

Penemu ke udah bisi :

Nembiak kala meda iklan ti bekaul enggau nyaga pemeresi rampa menua
Ripih Aktiviti

Set induksyen 1. Nembiak dibagi ngagai raban mit iya nya lima iku dalam siti
 raban.
2. Pengajar mantai video bekaul enggau chara nyaga nyaga
pemeresi rampa menua (set induksyen).
3. Nembiak diasuh meratika video nya lalu pengajar madahka
nembiak nama mesej ke dipadahka video nya. (chara nyaga
pemeresi rampa menua)
Ripih 1 4. Udah nya, nembiak diberi lambar kereja lalu sida berandau
dalam raban. Sida berandau enggau pangan diri lalu nulis
dalam kertas senentang idea siku-siku bekaul enggau gambar
ke diberi.
5. Tiap iku pengari raban deka madahka lalu nyerita gambar ti
udah ditisih sida ngagai bala raban ke bukai dalam kelas.
Ripih 2 6. Tembu aktiviti nya, pengajar lalu mantaika video bekaul
enggau chara nyaga pemeresi rampa menua seraya nembiak
lalu meratika video nya.
7. Nembiak ditanya senentang video ke udah dipeda sida lalu
madahka nama ke deka dipadah dalam video nya (Pengajar
betanya saut enggau nembiak).
8. Siku nembiak dipilih ari tiap raban lalu milih video ke dikedeka
sida.
9. Nembiak ke bukai lalu madah sereta nyerita utai ti bekaul
enggau video nya. Seraya nya, pengajar deka ngembing
nembiak nyaut tanya ke diberi.
10. Ba ujung pelajar, nembiak diberi lambar pengawa bekaul
enggau topik ke diajar.
Penutup 11. Kepenudi, nembiak dipinta nyelampur isi pelajar maya nya.
(Kena nemu tikas pemereti nembiak dalam topik diajar maya
nya)

Simpul Penemu

Pengelandik mending enggau bejaku tu deka ngemudahka interaksyen, belajar sechara

kolaboratif sereta ulih meri fokus ngagai rampa pengelandik jaku ke bukai. Nembiak patut
seruran ngemansangka pengelandik mending enggau bejaku ngambika sida meretika
konsep ti deka dipelajarka. Langkah rapat situasi, ripih jalai audio-lingual enggau teknik
betanya saut beguna bendar dikena ngemansangka pengelandik nembiak bejaku enggau
mending. Nya alai, pengajar patut ngena teknik, langkah rapat enggau ripih jalai ke betul
maya ngajar nembiak dalam kelas. Pengajar patut ngiring nembiak meretika mayuh
bengkah teks jaku ke dipendingka ari kereban audio enggau teks visual ngambika mantu
nembiak ngemansangka pengelandik mending enggau silik.