1.

Ba kelas ke mayuh nembiak, pengajar tusah deka nentuka nembiak ke bisi

penanggul lubah mereti sereta bedau ulih nengkua tauka nguasa siti-siti pengelandik
ti diajar pengajar.
Rintaika chara ti engkeman dikena nisih nembiak ke deka ditarak seridi.

Chara ti engkeman dikena nisih nembiak ke deka ditarak seridi iya nya :

I. Perati
- Nengah chara perati, pengajar meratika nembiak ti ngembuan penanggul.
Ambika chunto, pengajar ulih meratika nembiak bisi penanggul dalam
pengelandik macha enti nembiak nya baka ke nyepil dulu sebedau nyebut
utai ti dibacha.

II. Tis Diagnostik

- Nengah tis diagnostik, bala pengajar ulih nemu tikas pengulih nembiak ba
unit pelajar. Ari tis ti udah dipejalaika, pengajar ulih ngelanggur siti
program pelajar ti difokus ngagai siku-siku nembiak tauka dalam raban.

III. Analisis Dokumen

- Nengah chara analisis dokumen tu, pengajar nanya lalu ngerikod
pemereti nembiak dalam siti-siti unit pelajar. Ambika chunto, pengajar
ngelis nama nembiak ti bedau ulih meretika topik “Pemeresi Rumah”.
Udah nya, pengajar ngiga chara mutarka penanggul nembiak nya.

IV. Profil Nembiak

- Nengah chara meresa profil nembiak, pengajar ulih nemu tikas penyulut
nembiak dalam mayuh bengkah unit pelajar. Ambika chunto, ba pelajar
Jaku Iban, nembiak nya bulih pemutus peresa ti baruh, iya patut diberi
tarak seridi ti mayuh agi.