HKBP RESSORT SERANG

Jl. Veteran 5 Serang 42112 Prop. Banten. Telp/Fax.(0254) 201235

Acara Partangiangan Keluarga Di Sektor
(DIPATUPA DI GANUP KELUARGA DI BAGASNA BE)
HKBP Maranatha, Rabu, Tgl. 07 Oktober 2020
HKBP Serang, Kamis, Tgl. 08 Oktober 2020

~~~~~~~~~~ Tangiang na hohom ~~~~~~~~~~~

1. Marende BE. No.178 : 1 + 2 “Ro ma tu Jesus ”
1. Ro ma tu Jesus ro ma tibu Bege hataNa jangkon burju. Na ro do Jesus pangolu
ho Asal porsea ho. Mansai las rohanta i muse Molo ias sian dosa pe. Sai ro ma
hita tu surgo i Laos sonang ma disi
2. Ro ma tu Jesus undukkon ma PambahenanMu na so tama. Naeng sesaonNa do
dosaMi Dibaen mudarNa i. Mansai las rohanta i muse Molo ias sian dosa pe. Sai
ro ma hita tu surgo i Laos sonang ma disi
2. Votum – Tangiang :
3. Epistel : Markus 10 : 35 – 45 (U : Uluan K : Keluarga)
U : Dung i ro ma mandapothon Ibana si Jakobus dohot si Johannes, angka anak
ni si Sebedeus; ai hatanasida: Gurunami, adong do pinangido ni rohanami,
silehononmu tu hami nian.
H: Gabe ninna ma mandok nasida: Ai aha do pinangido ni rohamu sibahenonku
tu hamu?
U: Dung i didok nasida ma tu Ibana: Naeng bahenonmu hami hundul di
hasangaponmi, na sada tu siamunmu, na sada nari tu hambirangmu.
H: Alai ninna Jesus ma mandok nasida: Ndang diboto hamu na pinangidomuna
i. Tung tarinum hamu ma siinumonki? Tung tarparidi hamu ma paridion
siparidionki?
U: Gabe didok nasida ma tu Ibana: Tarbahen hami do! Dung i ninna Jesus ma
mandok nasida: Tutu do nian, inumonmuna do siinumonki, jala
paridionmuna do paridion siparidionki.
H: Alai na mambahen hundul tu siamunhu dohot tu hambirangku, ndang guru
di Ahu i; di angka naung dirade hian do i.
U: Alai dung tarbege i tu na sampulu i, gabe sogo ma rohanasida di si Jakobus
dohot Johannes.
H: Jadi dipapungu Jesus ma nasida, ninna ma mandok nasida: Diboto hamu do,
dirajai angka sigomgomi bangso do parripenasida jala dipaksa angka na
sangapna do nasida.
U: Alai unang ma songon i, anggo di hamu! Manang ise hamu na giot sangap, i
ma gabe pangoloi di donganna!
Taon Zending HKBP 2020/ Partangiangan Keluarga di Sektor/ Rabu - Kamis : 07 – 08 Oktober 2020 |1
 H: Jala manang ise hamu, na naeng parjolo, i ma gabe naposo ni donganna
saluhutna.
U: Ai nang Anak ni jolma i pe, ndada asa dioloi halak Ibana, umbahen na ro;
Ibana do balik pangoloi jala mangalehon hosana bahen tobus ni torop jolma.
I ma sahatna : Martua ma na tumangihon Hata ni Debata jala na
umpeopsa. Amen.
4. Marende BE. No. 253 : 1 “Ale Debatangki”
1. Ale Debatangki Lam jonok rohangki, jonok tu Ho. Ima na sai tongtong, sangkap ni
rohangkon, jonok tu Ho. Nang beha panoguM Di au on naposoM. Asa lam jonok
do jonok tu Ho, jonok tu Ho.
5. Tangiang Pangondianan
6. Marende BN. No. 207 : 1 “Sai tiop ma tanganku”
1. Sai tiop ma tanganku Sai togu au. Paima tos hosangku Ramoti au. Ndang olo au
mardalan sasada au. Sai Ho ma ale Tuhan Manogu au.
7. Jamita : 2 Musa 18 : 17 – 23
17 Jadi didok simatua doli ni si Musa ma tu ibana: Ndang denggan na binahenmi.
18 Mandate ho maon, nang ho, nang bangso on na di jolomon, ai madokdokhu ulaon
on di ho, ndang tarula anggo sasada ho.
19 On pe tangihon ma soarangkon, huparrohai pe ho, asa didongani Debata ho. Ho ma
mandapothon Debata singkat ni bangso i, jala ho ma pasahathon angka hata i tu
Debata.
20 Jala pasingothon tu nasida angka patik dohot angka poda, jala pabotohon tu nasida
dalan sidalanannasida i dohot ulaon siulaonnasida i.
21 Alai anggo ho lulu i ma sian sandok bangso i baoa angka na marsihohot marroha,
angka na mangkabiari Debata, baoa parroha na sintong, angka na mangkagigihon
pangomoan na so turut, i ma pabangkit bahen induk gumomgom nasida
marsasaribu, marsasaratus, marlimalimapulu, jala marsasampulu.
22 Asa nasida tongtong manguhumi bangso i; alai nasa hata na balga, tu ho ma diboan
nasida, anggo nasa hata metmet nasida ma manguhumi, asa paneang siulaonmu,
molo nasida donganmu mangusung.
23 Molo dibahen ho songon i, jala ro tona ni Debata tu ho manolopi, jadi manahan ma
ho mangkajongjongkon, muli ma dohot sandok bangso on tu ingananna be
mardamedame.
NAPOSO NA GABE PANGOLOI
1. Aha do lapatan ni Naposo. Molo di bahasa Indonesia Hamba. Na
marharoroan do i, sian hata Yunani δουλος (Doulos) = Budak, Hatoban
manang jampurut. Na di parhalus angka ompunta najolo do hata i gabe
naposo. Jadi dipangke ma on sahat tu ulaon ni Huria gabe Naposo ni Debata
Taon Zending HKBP 2020/ Partangiangan Keluarga di Sektor/ Rabu - Kamis : 07 – 08 Oktober 2020 |2
 (Jampurut ni Debata) do hita. Alani i Topik ni Minggunta i ma : “Naposo Na
Gabe Pangoloi”. Jampurut ingkon gabe Pangoloi do i.
2. Songoni ma si Musa songon Naposo ni Debata, ibana do manguluhon bangso
i, dohot mangulahon saluhutna siulaon. “Single fighter” do ibana (pemain
tunggal) sian A – Z. Di ayat 13, mansai tangkas do didok : “Tole marsogotna
i hundul ma si Musa laho manguhum bangso i, gabe jongjong ma bangso i di
lambung ni si Musa sian manogotna ro di botari. Sude Parkaro ni bangso i,
sahalak ni si Musa ma menyelesaikan, pola sian manogot sahat tu botari, jala
songoni ma ganup ari. Alai dung diida simatua doli ni si Musa ima malim
Jetro, sude na binahen ni si Musa tu bangso i, mamintor protes do ibana,
didok ma tu helana i (si Musa) : Hata dia do i na binahenmu tu bangso i?
Boasa sasada ho hundul, jala sandok bangso i jongjong di jolomu sian
manogot ro di botari? Jadi ro ma alus ni helana i, “Na ro do bangso i tumopot
ahu laho manungkun uhum sian Debata. Ai molo adong parhataannasida, ro
do nasida tu ahu, gabe huuhumi nasida be jala hupabotohon angka patik ni
Debata dohot angka podana.
3. Dihilala simatua doli ni si Musa do loja ni helana i, manimbangi sude parkaro
ni bangso i, sahalakna. Olo nama marsahit helanghon molo ibana sude. Alani
i, didok simatua doli ni si Musa ma tu ibana: Ndang denggan na binahenmi.
Mandate ho maon, nang ho, nang bangso on na di jolomon, ai madokdokhu
ulaon on di ho, ndang tarula ho i, anggo holan sasada ho. Anggo single
fighter do ho.
4. Alani i, laho meringankan tugas ni si Musa, didok simatua dolina i ma muse
tu helana i : “On pe tangihon ma soarangkon, huparrohai pe ho, asa didongani
Debata ho. Ho ma mandapothon Debata singkat ni bangso i, jala ho ma
pasahathon angka hata i tu Debata. Jala pasingothon tu nasida angka patik
dohot angka poda, jala pabotohon tu nasida dalan sidalanannasida i dohot
ulaon siulaonnasida i”. Angka ulaon na balga ma ulaon ni si Musa, khusus
ma ibana perantara ni bangso i tu Debata, jala sian Debata tu bangso i.
5. Alai adong ma pendelegasian tugas, manang pembagian tugas, jala dibahen
ma uraian tugasna manang “job description”. I ma diusulhon Malim Jetro
(simatua doli ni si Musa) tu helana i. Pilliton ni si Musa ma angka petugas
tusi na songon Naposo Na Gabe Pangoloi. Didok : “Alai anggo ho lulu i ma
sian sandok bangso i baoa, asa nasida tongtong manguhumi bangso i; alai
nasa hata na balga, tu ho ma diboan nasida, anggo nasa hata metmet nasida
ma manguhumi, asa paneang siulaonmu, molo nasida donganmu mangusung.
6. Alai unang ma sembarang baoa, adong ma syarat dohot kriteria “NAPOSO
NA GABE PANGOLOI” i, i ma : 1. marsihohot marroha, (Orang yang
Taon Zending HKBP 2020/ Partangiangan Keluarga di Sektor/ Rabu - Kamis : 07 – 08 Oktober 2020 |3
 cakap), cerdas Intelektualna (IQ), cerdas emosionalna (EQ), cerdas sosialna
(CQ). Unang na loahon, unang na londongon, unang na oto. 2. mangkabiari
Debata, (Takut akan Allah). Cerdas Spiritualitasna (SQ). Boasa takut akan
Allah? Orang yang takut akan Allah, dia tidak akan pernah takut kepada
apapun, dan kepada siapapun. Tetapi orang yang tidak takut akan Allah,
maka ia akan takut kepada apapun dan kepada siapapun. 3. parroha na
sintong, (Orang-orang yang dapat dpercaya). Ndang pargabus, ndang parhata
manggang, ndang dirina di pabongak-bongak, dohot dipabalga-balga. 4.
mangkagigihon pangomoan na so turut, (Benci kepada pengejaran suap).
Mangaalehon sisip (suap) pe ndang olo, apa lagi na manjalo. Ai sarupa do
halak na mangalehon sisip manang suap (pemberian) dohot na manjalo
(menerima), i ma sama-sama melestarikan korupsi.
7. Molo dung dapot hombar tu kriteria na opat na di ginjang i, i ma dipabangkit
gabe pemimpin manang induk gumomgom nasida. Adong ma Pemimpin
untuk Seribu halak (marsasaribu). Adong ma na memimipin Seratus halak
(marsasaratus). Adong ma muse na memimpin Lima Pulu halak,
(marlimalimapulu). Jala adong ma na memimpin Sampulu halak
(marsasampulu). Jadi mura ma diuluhon si Musa bangso i, mura ma dikelola.
Ndang holan na mengkritik sambing simatua ni si Musa (Malim Jetro) alai
dilehon simatua doli ni si Musa do solusi, jalan keluar marhite sistem
management. Marhite na songoni, mura ma si Musa manguluhon bangso i.
Marhite na songoni, teratur ma bangso i, jala boi ma dikendalihon ibana
bangso i, boi ma bangso i berkembang lam tu majuna. Amen
8. Marende BN. No.730 : 1 - Sai patau ma diringku (Pelean)
1. Sai patau ma diringku ale Tuhan, Papatarhon HinauliMi Tuhan, Suru ma
tondiMi saor tu rohangki, Lao papatar HolongMu tu donganki.
2. Sai patau ma diringku ale Tuhan, Papatarhon hinauliMi Tuhan, Suruma
TondiMi saor tu rohangki. Patariparhon basaM tu donganki.
9. Tangiang Panutup: Tangiang Ale Amanami
Mangendehon “Amen…. Amen…. Amen….!”
=======================================================================================================================================================================

Pelean Amplop Partangiangan Keluarga, tu Huria :

Hari, Tanggal : ……………………..........................................…………………………………
Sian Keluarga : ……………………..........................................…………………………………
Godang na : ……………………..........................................…………………………………
=======================================================================================================================================================================

TUHAN JESUS MAMASUMASU HITA SALUHUTNA !

Taon Zending HKBP 2020/ Partangiangan Keluarga di Sektor/ Rabu - Kamis : 07 – 08 Oktober 2020 |4