1.4.

2020

Priska Leha Keery

PISMP BIB 1 Jun 2017

Tutorial

Beri penerang nuan pasal pengerekai jaku, pengenan, ansat enggau pemunas jaku. Beri
chunto ti engkeman.

1. Pengerekai Jaku

Jaku ngerekai ngagai menua ti enda ngembuan jaku bansa nya tauka jaku ti jauh nyelai.
Jaku ti udah ngerekai iya nya jaku luar ti nadai ba menua kitai. Ambika chunto Jaku
Inggeris. Jaku tu udah ngerekai ngagai serata dunya. Iya udah dikena ba pengawa
ekonomi enggau pengarap. Lalu ari sukut pengarap, bisi jaku ti mega ngerekai dikena.
Enda jauh endur meda iya nya Jaku Arab dalam pengarap Islam. Tulis dalam Al-Quran
pan ngena tulis Arab.

2. Pengenan Jaku

Pengenan jaku tu pengawa ngatur baru jaku ngambika ulih dikena raban bansa sama
nyingkang ntiihka segang pemansang dunya. Ari aspek pengenan jaku, komuniti jaku
nya enggau naka ulih nyaga sereta ngenanka jaku ngambika meruan idup sereta
tumbuh baka jaku bukai. Ambika banding, jaku Melayu. Iya udah nyadi jaku rasmi
menua kitai lalu majak ngerembai dikena nyentukka mayuh kereban chelak dikenatai
dalam Jaku Melayu. Enti jaku enda dinanka, nya alai jaku deka punas.

3. Ansat Jaku

Ansat jaku tu penyampat timpuh siti-siti jaku ngerekai ngagi bansa bukai, berubah nyadi
jaku dominan lalu masai diterima lalu dikena. Ambika chunto Jaku Melayu enggau Jaku
Inggeris. Jaku tu jampat diterima sereta ngerekai kelebih agi dalam menua Malaysia
nyentukka dua-dua jaku nya tadi bisi status ti entap. Jaku Inggeris nyadika jaku
entarabansa lalu Jaku Melayu nya jaku rasmi ti dikena menua kitai.
 1.4.2020

4. Pemunas Jaku

Pemunas jaku tu bekaul enggau jaku ti punas tauka lenyau ari dunya. Jaku tu enda
dikena agi sereta enda kala didinga orang rebak diatu. Jaku lenyau enti orang ti ngempu
jaku nya udah lenyau tauka enda temu agi. Pemunas jaku nyadi laban orang ti bempu
jaku nya enda ngenanka jaku diri lalu nelebaka diri ngena jaku bansa bukai. Ambika
chunto, Jaku Hunnic. Jaku Hunnic tu jaku ti dikena bansa Hun kelia menya. Jaku tu
lenyau ba jeman keterubah enggau jeman keenam.