PRISKA LEHA KEERY

BIBB3123 SOSIOLINGUISTIK

TARIKH: 22/4/2020

WAKTU: 11.00-13.00

PISMP BIB 1 AMBILAN JUN 2017

Konflik kuing Jaku Iban nyadi ketegalka belajar jaku Iban nadai mai penguntung. Beri
penemu nuan senentang pekara tu.

Bepelasarka penerang di atas, bisi sekeda orang madahka belajarka jaku Iban tu nadai mai
penguntung. Aku enda setuju lalu deka nyangkal penemu orang ti madahka munyi nya.
Kebuah pia, laban belajarka jaku Iban endang bisi penguntung sama baka belajarka jaku
bukai. Taja pan jaku Iban nya endang sechara semula jadi bisi ba kitai tang nya enda mai
reti belajarka jaku nya enda mai penguntung. Tu suah nyadi ba mentality orang ti tuai. Sida
berunding sida endang udah bisi penemu bejaku Iban tang sida semina ba tikas nemu aja
laban nya endang jaku tangkai mengandai. Nyema sida belajar enggau lebih dalam ari bala
anak tauka ari utai bukai, tentu penemu nya tadi lenak agi. Ari belajarka jaku Iban, kitai deka
bulih penemu ti dalam agi senentang jaku kitai. Kitai ulih nguasa mayuh agi leka jaku ari
mayuh pelilih menua. Ambika chunto, leka jaku belulang, sementing, tali pinggang. Semua
leka jaku nya endang jaku iban ti bebida nitihka pelilih. Enti kitai nadai pengelandik dalam
jaku kitai empu, tentu kitai deka malu nyema ditanya orang bansa bukai. Pia, sama mega
bansa Iban ku orang.

Aku mega enda setuju enggau runding ti baka nya laban jaku Iban tu kebendar iya
mai mayuh penguntung. Diatu mayuh amat nembiak rebak baru berebut deka tama ke palan
penarak pengajar ngambi kus Jaku Iban ti semina bisi nyadi kus major ba Palan Penarak
Kampus Rajang. Naka mih pengerugi enti bisi ke enda belajarka jaku Iban lebuh datai ba
sekondari. Pekara ti bansa tu mayuh amt nyadi. Lebuh primari, nembiak endang ngambi
jaku Iban laban nya bisi dalam elektif taja pia datai ba sekondari sida nyau enggai agi
ngambi laban nya semina mata pelajar tambah lalu enda rugi mega enti ngambi. Siti agi
runding ti ngasuh sida enggai belajarka jaku Iban iya nya belajarka jaku Iban tu mar. Ari
sukut komunikasyen sigi enda bepenanggul tang penemu tambah ti ngujungka sida
madahka belajarka jaku Iban tu nadai penguntung. Nya alai, aku amat enda setuju.

Ari mentality ti baka tu, jaku kitai bansa pedis deka mansang sereta ngerembai.
Kebuah pia, indah bansa nya empu nadai ati deka ngemeratka jaku Iban. Enti pemejaku
asal empu enda negi jaku bansa Iban, nya mih ti ngasuh jaku Iban deka majak jauh tinggal
pemansang. Kelebih agi nembiak rebak baru, sida tu chukup diperansang ngambika rindu
belajarka jaku bansa diri. Ukai semina dikena tama IPG, enda. Tang dikena sida nyikap diri
enggau pengelandik jaku bansa diri dikena napi chabar ti deka datai. Nya alai, bansa Iban
empu meseti ngubah runding ti negatif baka tu nangika ila jaku kitai enda ngerembai
ngujungka jaku nyau punas lalu bansa kitai nadai identiti agi.