#2

Malam ini, aku barabah di tilam,aku kaingatan tadi pas aku bacangangan lawan
Raya, sadikit lagi parak kada tahan aku, untung ha inya nang kalah.Aku lihum
saurangan. Ai i'ih bujur, tadi aku sudah minta nomor buhannya, handak ku WA ha nah.
Maya ku WA tapi kada membalas, jadi ku WA Raya.
Aku : Oy!
Raya : Oy jw? (Lawas hanyar mambalas)
Aku : Sudah guring kh?
Raya : Blm, kd ngntk.
Aku : knapa kd ngantuk?
Raya :Kpikiran... (singkat banar balasannya)
Aku : Jagn tlalu dipikirakan, jalani ja.
Raya : Emngx tahu kh apa yg q pikirkn??
Aku : Sekolahan klo? (kira-kira itu pang menurutku)
Raya : kd ( aduh singkat pulang balasannya, bingung aku handak mmbalas apa)
Aku : Apa am?
Raya : Kpikiran qm! Ahahaha 😝
Aku : 😲 Bagayaan ja ikm ni! Mana Maya?
Raya : Aq pnk maya
Aku : Bujur2
Raya : kmi sama z cuma beda sehuruf 🤪
Aku : Panggaya jua km ni lah 😅
Raya : Ahaha, ada ae inxa dihiga q, gi btlfonan wan pcr'x
Aku : Orng mana lakiannya?
Raya : Samarinda,jd LDR an
Aku : Ooh? iyakah? ada bukti kah?
Raya : lihati z profilx. (maksudku minta fotoakan maya lagi batelponan, malah
disuruh malihati profilnya).
Marga penasaran,ada apa grang? Langsung kulihati ai foto profil Maya (dasar bujur
kada talihati pas aku ma WA inya tadi).Aku malihat gambar inya badua lalakian. Ooh
Ini ah pacarnya?Hmmm, kada sekeren aku sakalinya. Tapi beruntung banar ikam boy ai,
kawa mendapatakan inya. Dipajangnya di foto profil pulang, artinya tuh.
Aku : Sudah
Raya : Ayuza mun sudah, kita guringan!
Aku : Aduh aee, maksudku sudah malihat profilnya
Raya : Zzz ZzzZ zzz.......😴
Aku : Naah guring sidin
Lawas aku mahadangi , kadada mambalas inya. Padahal aku masih handak
bachatingan.Lihum saurangan aku, lucu jua lih nang saikung nih, pintar bagaya
maulah ku asa garigitan.Mahayal aku, jaka inya ada disini, rami jua kawa bapandiran
wan bagayaan.
Nit-nut, babunyi hape ku, umaa takajutnya ae aku heh,lakas kulihati sakalinya sms
operator nang masuk mamadahakan kuotaku habis. Bah jua! Cucuk ai kadada masuk lagi
chatingan, ajin tadi inya mambalas? Turun ai aku pada rumah handak manukar kuota,
pas aku manyantak sandal kada singhaja aku malihat sepupuku duduk di kursi palatar
rumahnya.
Aku : "Uma lah, bapadah guring, sakalinya....??
Inya : "Kadada bapadah guring aku!Pabila? "
Aku : "Aiii, ikam Maya kah? "
Inya : " Inggih. Ikam handak kemana?"
Aku : "Nukar kuota! Bakirim ah? "
Inya : "Kada gin, makasih! "
Aku : "Ooh ayja mun kaitu! "
Sambil bajalan, sawat haja aku manyirit inya, jaka ada lubang dimukaku nih nyata
tacabur sudah.Kada lawas sampai aku di ponsel kawanku, Madan.
Aku : "Dan, kuota am! "
Madan : "Nang kaya rajin ah? "
Aku : "I'ih, 5 gb! "
Imbah kubayari, langsung ku gisik disitu-situ jua, kalu pina lain kuotanya nang
masuk, dua kali sudah aku tapakalah manggisik dirumah, sakalinya isinya 3 gb wan sa
gb haja. Hatan aku asik manggisik, datang binian dihigaku, ku itihi sakalinya Maya.
Aku : "May, nukar kuota jua ah? "
Maya : "Geh! "
Aku : "Caka tadi bakirim lawan aku! " (Maya lihum wara)
Madan pina kada sing kijipan mancangangi kalah Maya, sambil bahahar tangan
maambilakan kuota di kaca. Han jarku, marasa lah ikam batamuan bidadari!
Aku : "Gisik disini haja May ai, mun dirumah bisa babahaya! " (Sambil
mangijipi mata kalah Madan, nyata inya mangarti sual kuota nang tasalah dahulu tuh)
Maya : "Kenapa tih? "
Aku : "Kada papa ai, haha, maksudku kalu pina tacicir di jalan kaina ngalih
kalu? "
Maya "Oowh!"
Madan : " Siapa itu boy? " (manggamit tanganku)
Aku : "Umaaa kada ingat ikam lah lawan kawan SD bahari?"
Madan : "Bujuran kada ingat aku! "
Aku : "Maya, sapupuku nang kambar, anak acil Diana! "
Madan : "Aeeee iyakah? Ikam Maya nang baharikah? Kayapa kisahnya maka ada
disini! "
Maya : " Aku hanyar 5 hari nih pindah, karumahku nang dahulu jua!"
Madan : "Buuyalah maka aku kada tahu! Kawa ai kalu kaina aku bailang? "
Aku : "Kada usah, ikam jaga ponsel haja gin disini!"
Madan : "Mbaaay lah ikam! Baisi sapupu bungas lalu ai dipalarakan! "
Aku : "Hahaha! May, bulikan yu! Dan, umpat ah? "
Madan : "Kada gin, aku handak basalaman banar ai nah lawan Maya, lawas kada
badapat, bulih lah? " (Manyurung ka tangan)
Aku : "Takuni ha urangnya! "
Maya : "Boleh ai! " (Manyurung ka tangan jua)
Basalaman am buhannya, uma ai lawasnya manjapai tangan Maya, asa handak kutapak.

Ampah bulik karumah, kami bapandiran sambil bajalan.

Aku : "Napa tadi kada bakirim lawanku haja?"
Maya : "Kada papa ai, sangkaku tadi kuotaku banyak haja, sakalinya parak
habis jua baya ku cek! "
Aku : "Jadi manunti aku ti lah? "
Maya : "Geh, lawan asa humap dirumah, asa handak bajalan satumat! "
Aku : "Aku ba AC dirumah, dingin kam! "
Maya : "I'ih ikam urang sugih, mun aku kada, baisi kipas angin gin sukur
am! "
Aku : "Maaf lah, aku kada bamaksud ba'agak!"
Maya : "Geh kada papa! "
Aku : "Aku tadi malihat profil ikam di WA, itu gambar pacar ikam kah? "
Maya : "Geh!"
Aku : "Bauntung banar inya baisi ikam!"
Maya : "Napa? "
Aku : "Binian bungas kaya ikam nih pasti banyak nang mahandaki!"
Maya : "Ikam pang baisi pacar lah?"
Aku : "Kadada! "
Maya : "Bujur-bujur ikam, rasa kada percaya aku lakian bungas wan sugih
kaya ikam kada baisi pacar,
pasti banyak jua nang mahandaki! "
Aku : "Bujuran, ikam pasti magin kada percaya mun kupadahakan aku kada suah
lalu bapacaran! "
Maya : "Serius kah?"
Aku : "He eh, kada bagayaan! "
Maya : "Maaa ae, baarti aku nang salah sangka, kukira nang bungas wan sugih
nih payu banar! "
Aku : "Nah disambatnya aku kada payu, hahaha! "
 Maya : "Hahaha, ayja mudahan lakas ja lah dapat pujaan hati! "
Aku : "Makasih do'anya laah, ikam jua lah mudahan awet ja lawan inya! "
Maya : "Mudahan ai, bilanya tahan! "
Aku : "Tahan apanya? LDR an kah? "
Maya : ............ 😶
Liwar kada karasaan, kami sampai karumah sudah sakalinya, jaka dudua pal lagi kada
papa jua,mun inya lapah bajalan aku siap ja manggendong. Ahayy 🤭. Kada boleh Ki ae,
inya pacar orang! (mudil ada nang mambisiki dalam kapalaku)
Aku : "May, kaina balas bila aku ma WA lah! " (sambil mambuka lawang
pagar)
May : "Bila kada aur lah! " (Jar nya takurihing liwar manisnya, naik am
inya kadalam rumahnya)
Babuat jua pulang aku ka dalam sarangku, kamarku nang sunyi, aku bahanu asa
kasunyian kadada baisi dingsanak nih, mamaku napa kaha kada maulahakan aku ading?
Kada sawat lawas cungul WA, dari Maya,
Maya : Mksh dah mngawani aq ngbrol, 😊 kyna pbila2 kh qta ngbrol plng.
Met mlm, met tdr, Assalamualaikum.
Aku : oke Siap! 👌 Slmt tidur jua,Wss wr wb.
Umaaaa himungnya aku di ucapi met tidur kaitu, sampai kada sawat lagi manyusun
kata-kata gasan mambalasnya. Ada ai aku tapikir kata-kata nang lain, tapi kada
mungkin pang kukirim : Selamat guring haja sepupuku tersayang ai, mudahan esok
tambah bungas ja ikam.
Zzzz Zzz 😴

Chapter 2, tuntung