Anda di halaman 1dari 1

Bacha teks nya lalu saut tanya ti diberi ba baruh.

Guna duit dalam pengidup.

Duit tu besai bendar guna kemaya hari tu. Enti jeman suba, kitai ulih betukar barang ti
dikumbai sistem barter. Semua nya enda ulih dikena agi diatu. Semua barang dibeli ngena
duit. Nya alai, duit ti berega amat. Orang ti nadai duit nadai ulih meli barang. Nya mih, kitai
mesti bekelimat ngena duit. Kitai patut enda masau, enda ngayah, sereta cheremat ngena
duit. Kebuah pia, mayuh penguntung enti nemu bekelimat ngena duit.

Siti ari kebuah duit beguna amat ba pengidup iya nya dikena meli barang ti beguna ba
pengidup. Chunto iya, kitai ulih meli pemakai ti dikedeka kitai dikena nampung pengidup
besehari-sehari. Enti nadai duit, kitai deka berutang tauka enda ulih melanja diri empu ba
pengidup besehari-sehari.

Kelimpah ari nya, guna duit ba pengidup iya nya ulih dikena raun ngagai menua bukai.
Chunto iya, duit dollar ulih dikena raun ba menua Singapore, duit rupiah ulih dikena raun ba
menua Indonesia. Pia mega, menua bukai ulih ngena duit Ringgit Malaysia lebuh raun ba
menua kitai.

Duit mega beguna dikena meli perengka dikena sekula. Chunto iya kitai ulih meli bup,
pensil, bag enggau ti bukai dikena nurun ke sekula. Enti nadai duit kitai nadai kereban ti
chukup dikena besekula. Pia mega, duit ulih dikena mayar tambang teksi, grab tauka bas
lebuh kitai ka bejalai ngagai siti-siti tempat. Duit nya tadi ulih nyungkakka ekonomi menua
ngagai tingkat ti tinggi.

Tanya:

1. Gaga siti kar runding senentang guna duit ba pengidup bepelasarka teks ti udah
dibacha.
2. Tulis 3 chara nuan ngatur duit ba pengidup.
3. Ba penemu nuan, nama empas ti enda manah enti mensia kelalu mayuh duit ba
pengidup.Terangka Kebuah?

Tulis saut nuan ba keretas puang ti disediaka ba belakang.

Anda mungkin juga menyukai