LENONG

“MPOK JULEHA JUAL ULEKAN DEMI SEPATU”

SCENE 1

Mpok Juleha : Mana tepuk tangannya?? Cakep… woi penonton! Beli kado ke toko batik,
kenalin aye tukang gado-gado paling cantik. Sirik aje lu sirik lu. Heh ini gado-
gado bukan sembarang gado-gado, ni gado-gado udah dimakan sama artis luar
negri. Mau tau gak siape? Jastin jember, lady nganga, ketek peri, maria kere,
banyakk….. Yang jualan juga artis luar negri. Ngomong-ngomong sepi banget ni
ye dagangan kaga ade yang beli.

(Datanglah temen-temennye Ipeh)

Temen 1&2 : Assalamu’alaikum…

Mpok Juleha : Wa’alaikumussalam…

Temen 1 : Mpok, sendiri aje kaya uji nyali

Mpok Juleha : Kalo gue uji nyali, lu penampakannye dong. Udeh-udeh, pada duduk.

Temen 2 : Lah mane kursinye mpok?

Temen 1 : iye, mane kursinye?

Mpok Juleha : Udeh duduk aje dibawah! Biasa duduk dibawah juge lu

(teme 1&2 pun duduk)

Temen 2 : Ngomong-ngomong si ipeh kemane mpok? Liburan ngandang bae dirumah

Mpok Juleha : Ade tuh di dalem, bentar ye aye panggilin.

Temen 1&2 : Ashiaapppp

(Mpok juleha manggil anaknye)

Mpok Juleha : Ipeh…. Anakku…. Ade yang nyariin nih

Ipeh : Iye nyak, bentarr… Halo! ( menyapa kedua temannya) apa kabar brader?

Temen 1&2 : Hei… apa kabar lu juga keder?

Ipeh : kok keder? Kalo keder nanti kita puyeng…

Temen 2 : Eh ipeh… Liat nih sepatu kite baru

Temen 1 : Woi penonton! Sepatu gue bagus kagak? Ini ni sepatu dari London, kemarin
babeh gue yang beliin di tanah abang.

Temen 2 : Yah elu…(nunjuk sandal ipeh) hari gini masih pake sandal jepit, kaya kite
dong… Udah ah, mau jalan-jalan dulu cari pemandangan. Yuk!

Temen 1 : Yuk! Assalamu’alaikum…

MpokJ & ipeh : Wa’alaikumussalam

(temen 1&2 turun dari panggung)

Ipeh : Denger nggak tuh nyak kate mereka? Masa aye pake sandal jepit nyak? (sambil
ngangkat kaki) yang keren dikit kek nyak

Mpok Juleha : Udah untung lu pake sandal. Eh gua bilangin sama lu ye, walaupun tu Cuma
sandal jepit, tapi tu warisan babeh lu!

Ipeh : Hah? Warisan? Mane ade nyak warisan sandal jepit, Mane ade? Pokoknye ye,
aye ngga mau tau nyak, aye pengen beli sepatu. Nyak jual kek ape, Warung kalo
perlu, rumah kalo perlu. Ergh… kezzel akuh!

Mpok Juleha : Astaghfirullah…

SCENE 2

(Mpok Juleha naik ke panggung diiringi musik betawi, bawa ulekan yang akan dijual)

Mpok Juleha : Woi penonton! Anget-anget buah pepaye, malang banget nasib aye, udah suami
meninggal gara-gara lupa napas. Duh… ulekan.. ulekan…

(datanglah bule yang sibuk nelpon dan Rapper yang lagi nge rapp ngga jelas)

Mpok Juleha : (menghampiri si Rapper) Eh lu nyanyi ape kesambet?

Rapper : Gue Rapper

Mpok Juleha : Yaudeh kalo lu rapper makan sono!

Rapper : Laper mpokkk…

Mpok Juleha : Dek, beli ulekannye dong dek, ini ulekan gaul dek. Bisa buat DJ DJ an, bisa jadi
i-pad, bisa jadi tongsis, uehh… ape aje bisa dek.

Rapper : ellleh… massa?

Bule : kalo bikin I balikan sama mantan I bisa ngga?

Mpok Juleha : Wah itu apa lagi…. Kagga bisa!

Rapper : Wah hoax nih, mane ade ulekan serba guna

Bule : Iye, you nyoba nipu kita ya?

Rapper : kaggak bener nih…

(mereka pun ribut. Disaat itu, datanglah ibu peri yang baik hati)

Ibu peri : Aduh… kasian sekali mpok itu, aku bantuin ah… mpok-mpok, sini mpok.

Mpok Juleha : eh iye

Ibu Peri : ciring ciring ciriring.. Semoga… Laku!

(Rapper dan Bule menghampiri ulekan si mpok dan mulai rebutan)

Bule : Wah… sini mpok, ulekannya I yang beli.

Rapper : eh… kagga bisa, ini aye duluan yang mau beli

Bule :I!

Rapper : aye !

Bule : I!
Rapper : aye!

(terus aje gitu sampe lebaran kebo :v)

Mpok Juleha : eh… udeh udeh… rebutan aje lu, mending juga rebutin gue!

Bule : Udah lah nih mpok, langsung I bayar 1 juta!

Mpok Juleha : wah.. aye dapet sejuta! Kepala aye terlalu terfosir, Kepala aye cenat-cenut cenat-
cenut, bibir.. bibir aye juga cenat-cenut (jatuh pingsan)

Ibu peri : eh… eh… gimana ini?

Rapper : ayo kite bawa ke rumah sakit

Bule : iya deh sana bawa! Biar I yang menghubugi keluargannya

(ibu peri, rapper, dan mpok juleha turun dari panggung)

Bule : (pencat pencet hp) Halo! Apakah benar ini anaknya mpok juleha?

Ipeh : iya saya sendiri

Bule : yah sendiri… jomblo yaaa? Eh eh ini I mau kasih tau, nyak you tadi pingsan,
sekarang di rumah sakit

Ipeh : Apa?????

Bule : Iye buruan deh you kesini, ke prapatan warungpring yang depan warung capcin,
ntar you ke rumah sakitnya bareng I.

(ipeh pun dating bersama teman-temannya)

Ipeh : miss… gimana keadaan nyak aye?

Bule : mana I tau, kan nyak you di rumah sakit…

Ipeh : oh iye ye, Aaaaa…. Enyakkk.. (nangis)

Temen 1&2 : sabar peh… sabar…

(ponsel si bule berbunyi)

Temen 1 : eh mis.. tuh hpnya bunyi tuh

Bule : eh iya iya, tunggu… udah you you pada diem dulu ye… (ngangkat telepon) tet
tot tet tet tet tot tet. Halo! Apa???? Mpok juleha udah ngga ada?

(Ipeh, Temen 1&2 pada nangis)

Ipeh : (masih nangis) Aaaaaa… enyakk

Bule : yes yes, Ok! I segera kesana. Eh I duluan ya… Yes! Yes! (pergi dengan
teleponnya meninggalkan ipeh dan teman-temannya)

(Tiba-tiba mpok Juleha dateng)

Temen 1&2 : set, set, set, Setaaaaannnn!!! (terkejut dan lari kabur)

Ipeh : (masih nangis dan belon nyadar nyaknye dateng) Nyak… maapin aye nyak..
aye ngga bakal minta yang mahal mahal lagi nyak.. palingan aye Cuma minta
laptop sama mobil nyak.. huhuuu nyakkk… maapin aye nyak… Enyakkk..

Mpok Juleha : Ba!!! (mengejutkan ipeh)

Ipeh : Eh Nyak… nyak ngapain disini? Kate dokter, nyak dirawat di rummah sakit
udah meninggal.

Mpok Juleha : Eh bukannye bersyukur nyak lu dateng kesini masih hidup, sehat-sehat aje…

Ipeh : Heheee… yaudeh ngapain nyak kesini?

Mpok Juleha : gua bosen di rumah sakit bau obat menyan!

Ipeh : Menyan? Dikate rumah dukun apa? :v Aye minta map ye nyak…

Mpok Juleha : sini salim dulu..

Ipeh : iye…

Mpok Juleha : Heh!

Ipeh : oh kebalik! Iye…

Mpok Juleha : iye…

Ipeh : maapin aye ye…

Mpok Juleha : ho’oh…. Lu kan anak semata golek gue…

Ipeh : iye…

(mpok juleha dan ipeh pun berpelukan)

Mpok : yaudeh nyok kite pulang…

SELESAI > <