      

        

 

Hadirin Jamaah Jum’ah Rahimakumullah,

Minangka pambukaning atur khutbah, mangga kito sami tansah ngunjukaken

raos syukur wonten ngarsa dalem Allah SWT., awit sampun kathah nikmat
peparingipun dhumateng kita. nikmat Islam, séhat menapa déné
kesempatan. Sahingga wonten ing wekdal lan ing panggénan mriki kita
taksih saged nindakaken ibadah Jum’at. Kanthi raos syukur ingkang
makaten menika mugi Allah SWT., tansah nambah-nambah nikmat
karunianipun dhumateng kita sedaya. Aamiin yaa rabbal’alamiin.

Atur shalawat lan salam kunjuk dhumateng baginda Rasulullah

Muhammad SAW., sumarambah dhumateng para keluwarga ahlul baitipun,
para sahabatipun, para tabi’in, ugi para tabi’utabi’in ngantos dumugi
akhir zaman samangké. Lumantar sholat puniko, mugi kita sadaya pikantuk
safa’atul udmah mbénjang wonten ing yaumul maksar. Aamiin yaa
rabbal’alamiin.

Minangka jangkepipun rukun khotbah, atur pepémut dhumateng diri

pribadi kula piyambak, sumarambah dhumateng para jamaah jum’at,
kanthi atur, sumangga tansah ngiyataken iman, ningkataken taqwa kita
dhumateng Allah SWT., supados iman taqwa kita saged mentes lan
leres, tansah nindakaken sedaya perintah lan dawuh dawuhipun Allah, saha
nilar lan nebihi sedaya awisanipun, wonten ing pundi kemawon kawontenan
kita, lan wonten ing swasana kados menapa kemawon, nuju bingah utawi
sisah, kawontenan jembar longgar utawi rupeg, ing kawontenan rame utawi
sepi , tansah netepaken taqwa dateng Allah supados kita tansah pikantuk
rahmat saking ngarsa Dalem Allah Ta’ala. Langkung langkung kita taseh
wonten ing tengah wulan muharram, awal saking tahun Hijriah punika samiya
ngenggalaken semangat anggenipun kumawula dateng Allah. Kanti semanget
hijrah kados ingkang kadawuhaken dening Allah lan sampun kacontokaken
dening utusanipun Junjungan kita Nabi Muhammad Sallallahu ‘alaihi wa
sallam.  Dene nafsul muthmainnah  punika kados ingkang kadawuhaken dening Allah :
Dawuh dalem Allah Ta’ala :
        
        
“Sejatine wong wong kang pada iman lan wong wong kang pada hijrah, lan
wong wong kang pada jihad ing dedalane Allah iku wong wong kang pada
ngarep arep rahmate Allah,  lan Allah iku Dzat kang akeh pangapurane lan
akeh kawelasane” (QS. Al Baqarah 218)
Hadirin Jamaah Jum’ah Rahimakumullah,
Hijrah kangge kita ing mangsa punika kita tindak aken paling mboten hijrah
wonten ing perkawis sekawan .
1.Hijrah mental..
Inggih menika hijrah kanti ngendaleni nafsu. saking nafsu amarah tumuju
dating nafsul lauwwamah lan nafsul muthmainnah . Jalaran nafsu amarah
punika tentu tansah ngajak tumuju dateng pendamel awon, kados dawuhipun
Allah :
     
“Temenan nafsu iku tansah perintah kelawan penggawe ala ” (QS.Yusuf : 53)
Tiyang ingkang tansah nuruti nafsu amarah  punika tentu tumuju dateng
pendamel awon ingkang tansah kedah keturutan pepinginanipun, mboten
nggagas liyan, akalipun sampun tunduk lan nyengkuyung dateng kekarepane
nafsu..
Dene nafsul lauwamah menika nafsu ngkang katah anggetuni maksudipun
nafsu ingkang sadar kangge negur pribadi lan diri sendiri, nafsu ingkang
mawas diri, inggih kesadaran kangge merubah pribadi sak derengipun dipun
tegur dining Allah. Dawuhipun Allah Al Qiyamah : 2.:
    
“Lan Ingsun sumpah demi jiwa kang akeh olehe nggetuni”  
       
        
“Hai jiwa kang tenang , baliya marang Pangeranmu kelawan ridla lan diridlani
Pangeranmu. Mlebua ing golongane kawulaKu,  lan ing ndalem swargaku”  (QS.
Al Fajr : 27-30).
Hijrah mental kita kedah ngantos saget tumuju nggayuh jiwa ing
kangmuthmainnah  jiwa ingkang tenang/anteng supados kita kalebet
golonganipun kawula ingkang pikantuk karidlan saking ngarsa dalem Allah
Ta’ala..
2. Hijrah kultural.
Inggih menika hijrah saking keterbelakangan tumuju dateng kemajengan.
Kawontenan kita ingkang tasih katah katilar dening kemajengan,  kedah dipun
ikhtiyari supados langkung saget nggayuh kawontenan ingkang langkung sae.
Kados dene kabudayan ingkang soyo ngrisak dateng akhlaq lan moralipun
masyarakat. syukur saget gumantos pengadatan utawi adat kito dados
kabudayan ingkang selaras kaliyan tuntunan agami Islam ingkang leres.
Amargi ing jaman puniko musuh-musuh islam nyebaraken kebudayaan ingkang
mboten wonten tuntunan agami islam, lan katah-katahipun umat islam mboten
ngraosaken. pramilo budaya ingkang kanti dalih kebebasan ber kreasi, lan sak
pinunggalanipun ingkang kirang sae menggah adat budaya kito Punika, kedah
kita atasi sareng-sareng.
3.Hijrah Sosial.
Inggih menika hijrah saking kondisi sosial kita ingkang nembe ketaman
bencana, jalaran mboten namung fisik ingkang dados korban nemahi
kerisakan, nanging kawontenan sosial ugi nemahi katah kerisakan kados
penipuan dateng sedrek piyambak, permusuhan, lan sak panunggalanipun.
Hubungan pasederekan, tetanggan lan sesrawungan katah, Punika kedah
dipun usahani kanti hijrah tumuju dateng kondisi sosial ingkang langkung
sae. Tiyang pinter pirang pirang , nanging tiyang bener arang arang. Mila
semanget hijrah kedah kita tanem wonten ing manahipun saben saben tiyang
Islam  sepanjang zaman.

4.Hijrah Material.

Hijrah Material. Punika upaya perubahan kangge nggayuh kawontenan ingkang

langkung sae ing babagan ekonomi, kita kedah gumbregah, mboten kenging
kedlarung, berlarut larut ing swasana sungkawa nggetuni dateng kawontenan,
kedah semangat makarya kangge nggayuh kebahagyaan dunya lan akhirat,
dunyane nggayuh baldatun thayyibatun warabbun ghafur, akhirate beja mulya
slamet saking siksa neraka akhire mlebet swarga. Aaminn yaa robbal ‘alamiin.

Makaten ingkang saged kula aturaken ing khutbah Jum‟at menika.

Ngemutaken bilih sedaya kasampurnan namung kagunganipun Allah SWT.,
mekaten ugi menawi atur kula ingkang leres, awit pitedah saking Allah SWT.,
lan Rasulipun, pramilo mangga kita lampahi kanthi saèstu. Menawi atur kula
wonten ingkang lepat, awit saking kirangipun pangertosan pribadi kula, mugi
panjenengan sedaya kersa nglubèraken samudra pangaksami. Akhirul kalam
mugi kita sedaya tansah pinaringan panjang umur, séhat lahir batin,
KHUTBAH II
manfaat dunia akhérat. Pinaringan hidayah, inayah lan kekiyatan, sahéngga
saged dados ahli dhakwah, ingkang tansah ngugemi syariat agami Islam
ngantos puput yuswa kanthi kawontenan husnul khatimah, aamiin ya
rabbal‟alamiin.