TATA IBADAH JUMAT AGUNG

( (PARNINGOTAN ARI HAMAMATE NI TUHAN JESUS)

GKI SUMUT SIPULTAK , Jumat, 2 April 2021
Tema: “PARSILANGKON ”

1. Marende B.E. 76 SADA NAMA SANGKAP BL.199

1. Sada nama sangkap ni rohangku di sandok portibi on.
Ndang tagamon na so las rohangku, molo jumpang au inon.
Naeng ma sai ingoton ni rohangku, na binaen ni Jesus tu tondingku.
Uju pinorsanNa i, saluhutna dosangki..
4. Gok di Ho ma au ale Tuhanku Jala Ho ma jambarhi
Dok ma amen rongkom ma goarMu
Tu bagasan rohangki. Lomo ni rohaM ma sungkunonkuDi sude na naeng ulahononku
Olo I ma padanki Tu Ho Jesus Tuhanki

2. Votum + Tabe
U: Ianggo dang Debata namangurupi hita
R: tung ambolong do ngolunta jala marisuang do sude nataula siganup ari.
U: tapuji ma Debata naso pasumbuhon hita manabu tu hamatean.
R: umbahen ngolunta malua sian i.
U: Rap ma hita mangauhon jala tahatindangkon: Ianggo pangurupion di hita, holan dibagasan
goar ni Jahowa na manopa langit dohot tano on.
R: Marolop-olop ma tondinta ro disaleleng ni lelelengna.
U: Jalo hamu ma tebe: Asi ni roha na sian debata Ama, dohot holong na sian AnakNa, Tuhan
Jesus Kristus mengaramoti hita saluhutna.
U+ R: Amen

3. Introitus / jamita patujolo

U: Hata ni Debata nagabe jamita patujolo dibagasan kebaktian, yesaya 52: 13-15, Ida ma, pistar
do pambahen ni naposongku; tarhinsat do ibana jala dipatimbo, gabe timbul situtu sogot.
R: Ia songon i songgot ni roha ni torop halak mida ibana dibahen hinaroa ni rupana dibahen
tandina sian jolma hian, rupana pe maradophon jolma.
U: Songon i do urasonna torop angka bangso parbegu sogot, hohom be do angka raja
maradophon ibana, ai halak na so dung panahatan ni barita i, nasida do marnida, jala halak
na so dung umbegesa, i do mangantusi sogot.

4. BE. No. 81 JESUS MUAL NI NGOLUNGKU BL. 185

1. Jesus mual ni ngolungku, Sipangolu tondingki
Ai dibunu Ho musungku, ima hamatean i.
Ho manaoni hamagoan, patupahon hangoluan
Alani hupuji Ho, tung marribu hali do.
5. Sai pinuji ma GoarMu Ala ni na bernit i
Dohot ala ni mudarMu Jesus na nilehonMi
Lao pasaehon dosanami Asa unang mago hami
Ho hupuji ala ni Salelenglelengna i.

1
 5. A. manopoti dosa
U: Ro do hami tu joloM, Debata mual ni hasintongan. Huahuhon hami do ngolu nami na jojot
dao sian Ho jala mangalaosi tu Ho.
R: Jojot do mangolu hami di haholomon i, margabus maradoppon Ho, jala jojot do dang di
ulahon hami hasintonganMi.
U: hulaosi nasa hataMi, jala dang mangauhon nasa na ni lehonMu tu bagasan hangoluon nami.
R: sesame nasa dosa nami jala asima rohaM, Alani parungutunguton nami dohot nginjang ni
rohanami dibagasan panghatindangon dohot ulaon nami.
U: sondangi ma ngolunami, asa hot haporseaon dohot pangihuttonon nami tu Ho.
U+R: Amen
B. Barita hasesaan ni Dosa.
U: Sasintongna nungga tajalo be hasesaan ni dosanta jala nungga ias hita, marhite goarni Debata
Ama, AnakNa dohot parsaoran ni Tondi parbadia. “Ahu do Debata na tingor, nahung manesa
dosam sudena jala na paiasson ho sian angka haramunon, songoni do hata ni Debata.”
C. Marende Marende BE. 416. BL. 403. : Tu joloM o Debatangku.
1. Tu joloM o Debatangku ! Sai use do rohangkon.
Sai pasiat tangiang ku dohot ilu I lungkon.
2. Husolsoli do rohangku, na gok dosa I tongtong ;
Ai godang ariaringku na hubahen ambolong.
4. Ala nii tungki rohangku jongjong di adopanMi ;
Sai asi rohaM, Tuhanku, sesa nasa dosangki !
6. Mangihuthon Ho, Tuhanku, ima Ias ni rohangki ;
I ma naeng padanhononku, dok ma amenMi disi !

D. Tudu-tudu Ngolu na Imbaru

U: Tabegema hata ni Debata na gabe tudu-tudu Ngolu naimbaru dibagasan mingguntaon,
natotong paingothon hita dinamangulahon hataNa i dibagasan ngolunnta di ari nanaeng ro, di
enet do sian 5 Musa 31: 8 , Ai Jahowa sandiri mardalan di adopanmu, Ibana mandongani ho;
ndang tagamon marsombusombu Ibana mida ho, manang tadingkononna ho; unang ho
tahuton jala unang ho godoron!
E. Merende BE. 449. Logu. 300. : Sai solhot tu silangMi.
1. Sai solhot tu silangMi, Jesus Ingananku. 2. Lao ma au tu silangMi, I haporusanku.
Mual na mabaor disi, I ma I nu mon ku Sai asi ma rohaMi unang tulak ahu.
SilangMi, Tuhanki I ma pujionku, SilangMi, Tuhanki I ma pujionku,
Paima sogot sahat au, I endehononku, Paima sogot sahat au, I endehononku,
6. Tangiang pangondian (Uluan)
7. Pasahtaton pelean
a. Majaha hata ni Debata (Malim)
Hata ni Debata nagabe ojahan di hita napasahatton pelean tu Debata 2 Korint 9:6-8, Ingot ma:
Na manaburhon otik, otik do gotilonna; jala na manaburhon managam pasupasu, mangalap
pasupasu di na manggotil. Ganup ma nionjar ni rohana, unang ma sian muruk manang sian na
so tarjua; ai dihaholongi Debata do na las roha mangalehon! Alai marhuaso do Debata,
mangusehon saluhut asiasi tu hamu, asa sandok tuk situtu di hamu jala marlobilobi hamu, laho
patupahon saluhut ulaon na denggan.
2
 b. Merende B.E No. 204 NDANG TADINGKONONKU HO BL. 73
1. Ndang tadingkononku Ho Ale Jesus Sipangolu
Naeng ihuthononku do Ho saleleng au mangolu
Ho do hangoluanki Ndang tadingkononku i.
2. Nasa na nilehonMi Tondi ro di pamatangku
Hosa dohot gogongki Ro di saluhut artangku
Hupasahat i tu Ho Na so unsatonku do.
3. Nang lam buruk dagingki Nengel pinggol, rambon mata
Majal pangkilalanki Dila so malo marhata
Tanda ajalhi naeng ro Jesus tioponku do.
4. Laos hutiop Jesuski Molo sahat au tu surgo
Molo idaonku i Naung huhirim i di tano
Las ma rohangki disi Mida Jesus Tuhanki.
c. Tangiang pasahatton pelean (Malim)
8. Jamita : A. Manjaha hatani Debata.
M: Hata ni debata nanaeng sibegeonta dibagasan sadarion, dienetdo sian, Matius 27:22-26, Dung
i didok si Latus ma tu nasida: Antong, aha ma bahenonku tu Jesus, na targoar Kristus?
U: Gabe saluhut nasida, mandok:
R: Parsilangkon ma!
M: Alai ninna panguhum i ma: Ai aha na jahat dibahen?
U: Jadi lam gogo ma dipanjoujouhon:
R: Parsilangkon ma!
U: Asa dung diida si Latus, na so marguna hatana, lam ganda tabe gaorna, dibuat ma aek
mamburi tanganna di jolo ni natorop i, huhut mandok
M: Lias do ahu sian mudar ni On! Hamu do na sari disi!
U: : Dung i ninna sude natorop i ma:
R: Marsapata tu hami dohot tu ianakhonnami ma mudarna i!
U: Dung i saut ma dipalua si Barabas; alai anggo Jesus dilinsingi, dung i dipasahat ma, asa
diparsilangkon. Amen.
M: “martua ma halak naumbege Hata ni Debata, na umpeopsa jala namangulahon diabagasan
ngolu singanup ari. Haleluya .
R: Mengendehon : Haleluya. Haleluya. Haleluya.
B: Ayat Jamita : Parsilangkon ma!
C. Turpuk ni Jamita: “Parsilangkon ma!”.
D. Tangiang dung simpul jamita (ditutup dohot tangiang ale amanami)
9. Sakramen Ulaon na Badia:
A. Manjaha Peraturan Panganon Nabadia
B. Marende BE. 155 NAUNG MORU DO MUSE SATAON BL.192
1. Tu son ma ale tondingku, di na mauas, male ho. Manjalo basa ni Tuhanmu pinaradeNa i di ho.
Dilehon Jesus do dagingNa, marhitehite roti on,
Dilehon dohot do mudarNa, marhitehite anggur on.
4. Patogu haporseaonku, di hasasae ni dosangki. Marsitiopan baen rohangku, di mudarMi na durus i.
Sai ro ma Ho ale Tuhanku, marhite parpadanan on.
JoroM ma baen nuaeng rohangku. Ho ma nampuna au tongtong.
3
 C. Manjaha Psalmen 103:1-5, 8-13
U: Puji ma Jahowa, ale tondingku, jala nasa rohangku di bagasan mamuji goarna na badia i.
R: Puji ma Jahowa, ale tondingku, jala unang tung halupahon denggan ni basana sudena.
U: Ibana do manesa dosam sudena, Ibana pamalum angka sahitmu sudena.
R: Ibana paluahon ngolum sian hamagoan, Ibana martumpalhon tu ho denggan basa dohot asi ni
roha.
U: Ibana pamahap roham marhitehite denggan basa, asa mulak poso ho, songon pidong raja wali.
R: Parasi roha jala pardengganbasa do Jahowa, lambat tarrimas jala parasi roha godang.
U: Ndang tongtong Ibana manorui, jala ndang gotos rohana saleleng ni lelengna.
R: Ndang dibahen tu hita hombar tu angka dosanta, jala ndang dibaloshon tu hita hombar tu
angka hajahatonta.
U: Ai songon dao ni langit sian tano on do gogo ni asi ni rohana di angka na mangkabiari Ibana.
R: Songon dao ni habinsaran sian hasundutan dipadao Ibana sian hita angka pangalaosintai.
U: Songon asi ni amaama tu angka anakna asi ni roha ni Jahowa di angka na mangkabiari Ibana.
D. Marende BE. 86 SILANG NA BADIA BL. 67 (Papungu Pelean)
1. Silang na badia i Ho do lombulombungki, Maralohon dosa i Dohot pandelean i
Di sude sitaonon i Ho ma lombulombungki
2. Nasa na huula i Ndang tau hasonanganki, Nang ringkot pe rohangki Pola ro nang ilungki
Holan asi ni rohaM Pangurupi o, Tuhan
3. Ro do au nuaeng tu ho, sai palambas ma rohaM. Nunga pola mate Ho, ala asi ni rohaM
Jangkon au na dangol on, sai ulosi tondingkon.
5. Silang na badia i Ho do lombulombungki, Molo puas hodokki Di na suda bohalhi
Di sude sitaonon i Ho ma lombulombungki.

10. Manghatindangkon haporseaon

11. Marende B.E No.36 PASU PASU HAMI BL. 4

1. Pasu pasu hami O Debata nami, Sai sondangkon bohiMi Tu na pungu on sude
2. Lehon ma di hami Dame ganup ari, Sai pasaor ma TondiMi Tu na pungu on sude
3. Amen hudok hami Ale Tuhannami, Na marasi roha i Sangap ma di goarMi

12. Pengutusan dohot Pasu-pasu

U: Mulak ma hita sian inganan on di bagasan deme.
R: dame sian Debata ma mengaramoti hita saluhutna!
U: hata ni Debata naung tabege, taulahon ma i.
R: gabe sitindangi ma hita di hata ni Debata.
U: Tajalo ma pasu-pasu sian Debata:
“ Sai didongani jala dipasu-pasu Tuhan Debata ma hamu.
Disondangi Tuhan Debata ma bohina tu hamu, Jala asima rohaNa.
Didompakkon Tuhan Debatama bohiNa tu hamu,
jala di pasaorhon ma dameNa tu tonditmuna be. Amen

SELURUH MAJELIS JEMAAT MENGUCAPKAN

SELAMAT JUMAT AGUNG