TEKS PRANATACARA

Tuladha pranatacara mbuka acara

Mahardiking tyas ring kamardikan, nugraha miwah sih wilasanipun Gusti ingkang Maha Agung, mugi
anggung sumanda wonten ing jiwangga kita sawegung, waradin sagung dumadi, raharja, nisakala satuhu.
Mligi katur para rawuh ingkang hangrasuk agami Islam, Assalamualaikum War. Wab.

Para sesepuh myang pinisepuh ingkang pantes sinungkeman, para sanak kadang sentanawarga pamong
pitra ingkang tansah sinambrama ing pamboja, para rumaja putra rumaja putri ingkang tansah kinasih ing
Gusti, waradinipun dumateng sangyaning para rawuh kakung putri wreda mudha minulnya.

Sagah kajibah mingkuh katempuh, mestuti dawuhipun pamangku gati nuninggih Bapak Asrorudin
(ayah pengantin putri) sekaliyan, keparenga kula pun Mushokhikhul Fadlilah (pranatacara) marak ing
ngarsa panjenengan awit ing titiwanci menika kula kadhawuhan mranatacara wonten ing pahargyan
dhaupipun Ayu Wulandari (nama pengantin putri) putrinipun bapak Asrorudin (ayah pengantin putri)
sekaliyan. Kaliyan dimas bagus Adi Firmansyah (pengantin pria) priyatmajanipun bapak Ahmad (ayah
pengantin pria) sekaliyan saking tlatah Pati (dalemipun pengantin pria)

Para rawuh kakung putri wreda mudha minulya. Burat padha tresning putra, sisa brama welut wisa,
hambok bilih wonten lumunturing sih, mugi kepareng kula angaturaken reroncening tatacara pahargyan
ing enjang menika ingkang as asana ing (tempat) amarengi dinten Senin Surya kaping 5 Warsa masehi.

Menggah reroncening tatacara pahargyan ing enjang menika nuninggih:

1. Sepisan pambuka utawa purwaka
2. Dwi tyat cara utawi tata cara ingkang kaping kalih, praptanipun calon pengantin priya ing sasana
hargya tumunten kalajengaken kaliyan pasrah panampining pengantin priya. Pasrah pengantin
priya mangke badhe katindakaken dening bapak Budi (wakil orang tua pengantin pria), dene
panampi mangke badhe katindakaken dening bapak Maslan (wakil orang tua penganting putri).
3. Purnaning pasrah panampi pengantin priya, tumunten badhe kalajengaken kaliyan atur
pambagyaharja saking pamangkugati sekaliyan ingkang badhe kaaturaken dening
panjenenganipun bapak Maslan (wakil orang tua pengantin putri).
4. Adicara ingkang pungkasan inggih menika panutup.
Mekaten para rawuh reoncening tatacara pahargyan ing enjang menika, ing salajengipun sinambi nengga
tumapaing adicara saha tatacara, sumangga panjenengan sedaya kula dherekaken hanyekecakaken
lenggah sinambi mangun oneng mangun raras rumindriya utawi kangen-kangenan. Sumangga nuwun.
Tuladha miwiti acara
Para rawuh ingkang kinurmatan. Samangke sampun tabuh …. WNIK. Nitik sasmita ingkang sampun kula
tampi, sedaya sampun rumanti saha miranti. Mila nyuwun idi saha pangestu panjenengan sedaya,
pahargyan ing enjang menika badhe kawiwitan.
Minangka purwaka utawi pambuka, sumangga panjenengan sedaya kula dherekaken manungku puja brata
ing sahandhap pepadhanging Gusti Ingkang Maha Agung anut pandam-pandom gegebenganipun sowing-
sowang. Estining manah, mugiya adhicara pahargyan ing enjang menika saged kalampahan kanthi gancar,
lancer, sepi nir ing sambikala. Bismillah……

Tuladha Nutup Pahargyan

Para rawuh ingkang dahat kinurmatan, setunggal baka setunggal lampahing tatacara pahargyan ing enjang
punika sampun kalampahan kanthi raharja. Wahyaning mangsakala wus ndungkap titipurnaning
pahargyan. Wonten ing sunggapaning pahargyan, kula pun Mushokhikhul Fadlilah (nama pranatacara)
ingkang piniji minangka pranatacara hambok bilih anggen kula angayahi jejibahan wonten galap
gangsuling atur, kiranging subasita myang tatakrama kula nyuwun lumunturing sih samodra pangaksami.
 PASRAH PENGANTIN PRIYA

Mahardiking tyas ring kamardikan, nugraha miwah sih wilasanipun Gusti ingkang Maha Agung, mugi
anggung sumanda wonten ing jiwangga kita sawegung, waradin sagung dumadi, raharja, nisakala satuhu.
Mligi katur para rawuh ingkang hangrasuk agami Islam, Assalamualaikum War. Wab.

Sabda minangka panggih, tembung minangka kekenceng, inggih wacana minangka panancang. Netepi
darmaning kekadangan turta sampun sumanggem mring sesanggeman, keparenga kula marak ing ngarsa
panjenengan, awit ing titiwanci punika kula kadhawuhan dening bapak Ahmad (ayah pengantin pria)
sekaliyan kinen matur dhumateng bapak Asrorudin (ayah pengantin putri) sekaliyan.

Ingkang punika keparenga kula pun Budi (nama wakil orang tua pengantin pria) amurweng gati. Bapak
Maslan (wakil orang tua pengantin putri/panampi) ingkang minangka sulih sariranipun bapak
Asrorudin (ayah pengantin putri) sekaliyan ingkang kinurmatan.

Sepisan, kepareng matur, bilih sowan kula sakadang saking tlatah Pati (rumah pengantin pria) ngantos
dumugi ing ngriki tansah manggih wilujeng. Boten wonten pepalang menapa. Sedaya awit saking
berkahing Gusti ingkang lumantar pangestu panjenengan.

Ingkang angka kalih, lumantar kula, Bapak Ahmad (ayah pengantin pria) sekaliyan ngaturaken salam
taklim mugi katur dumateng bapak Asrorudin (ayah pengantin putri) sekaliyan. Ngancik ingkang angka
tiga, inggih tritiyeng gati. Pisowan kula mestuti dhawuhipun bapak Ahmad (ayah pengantin pria)
sekaliyan turta jumbuh kaliyan rancangan sowan kula sakadang. Enjang/siang/sonten/dalu menika
sampun anganti pengantin priya pun Adi Firmansyah (nama pengantin pria) pramila tumunten kula
pasrahaken dhumateng bapak Ahmad (ayah pengantin putri) sekaliyan sinartan panyuwun mugi
keparengan amaringi wewarah, wewuruk, sangu-sanguning balewisma.

Bapak Maslan (wakil mempelai putri/panampi) ingkang kinurmatan, sowan kula sakadhang ing enjang
punika ugi kinanten uba rampe saha sarat sarana. Ingkang senadyan wujud sarta ajinipun boten sepintena,
nanging mugi sedaya saged dados sarat sarana murih raket supeketing kekadangan antawisipun keluarga
bapak Ahmad (ayah pengantin pria) kaliyan keluarga bapak Asrorudin (ayah pengantin putri) ing
ngriki. Sedaya kula pasrahaken dhumateng bapak Maslan (panampi).

Bapak Maslan (Panampi) ingkang kinurmatan, kirang trep hambok bilih anggen kula matur angandhar-
andhar angendhukur. Pramila damar mancung sinupet semanten atur kula hambok bilih wonten galap
gangsuling atur kula nyuwun agunging samodra pangaksami. Wassalamualaikum…
 PANAMPI PENGANTIN PRIA

Mahardiking tyas ring kamardikan, nugraha miwah sih wilasanipun Gusti ingkang Maha Agung, mugi
anggung sumanda wonten ing jiwangga kita sawegung, waradin sagung dumadi, raharja, nisakala satuhu.
Mligi katur para rawuh ingkang hangrasuk agami Islam, Assalamualaikum War. Wab.

Minangka talangbasanipun bapak Asrorudin (ayah pengantin wanita) sekaliyan, kepareng kula pun
Maslan (panampi) nggempil kamardikan para rawuh saperlu ananggapi pangandikan bapak Ahmad
(ayah pengantin pria) sekaliyan ingkang lumantar bapak Agus (pasrah).

Bapak Agus (pasrah) ingkang kinurmatan, trajuning sih saking bapak Ahmad (ayah pengantin pria)
sekaliyan ingkang sampun rawuh ing ngriki satuhu adamel bombing sarta mongkokipun bapak Ahmad
(ayah pengantin pria) sekaliyan.

Ingkang punika lumantar kula, bapak Asrorudin (ayah pengantin wanita) sekaliyan ngaturaken panuwun
ingkang tanpa pepindhan. Salajengipun ugi sampun kula tampi salam taklim saking bapak Ahmad (ayah
pengantin pria) sekaliyan tumunten badhe kula aturaken dhumateng bapak …. (ayah pengantin wanita)
sekaliyan.

Bapak Agus (pasrah) ingkang minulyeng budhi. Rawuh panjenengan ingkang sampun anganti pengantin
priya pun dimas bagus Adi Firmansyah (nama pengantin pria) adamel suka gembira manahipun bapak
Asrorudin (ayah pengantin wanita) sekaliyan, pramila kanthi raos bombing katampi pasrahipun
pengantin priya.

Bapak Asrorudin (ayah pengantin wanita) ugi ngaturaken panuwun ingkang tanpa upami tumrap sedaya
sih peparingipun mugi hamimbuhi manunggaling tekad badhe sesarengan ngumpulaken balung apisah
lumantar bebesanan. Salajengipun dhumateng bapak Maslan (panampi) sakadang sumangga panjenengan
sedaya kula dherekaken lelenggahan sinambi paring pangestu mugi calon pengantin anggenipun badhe
mangun balewisma tansah pinaringan wilujeng nir ing sambekala.

Mekaten atur kulaingkang kirang mranani penggalih panjenengan kula nyuwun lumunturing sih samudra
pangapsami. Wassalamualaikum…..
 ATUR PAMBAGYAHARJA

Mahardiking tyas ring kamardikan, nugraha miwah sih wilasanipun Gusti ingkang Maha Agung, mugi
anggung sumanda wonten ing jiwangga kita sawegung, waradin sagung dumadi, raharja, nisakala satuhu.
Mligi katur para rawuh ingkang hangrasuk agami Islam, Assalamualaikum War. Wab.

Para sesepuh myang pinisepuh ingkang pantes sinungkeman, para sanak kadang sentanawarga pamong
pitra ingkang tansah sinambrama ing pamboja, para rumaja putra rumaja putri ingkang tansah kinasih ing
Gusti, waradinipun dumateng sangyaning para rawuh kakung putri wreda mudha minulnya.

Minangka purwakaning atur, keparenga kula ngaturaken pambagya wilujeng, saha ngaturaken gunging
panuwun ingkang tanpa pepindhan tumrap karawuhan panjenengan sedaya. Ing salajengipun, mugi
kepareng kula angambali atur uninga, bilih wontenipun panjenengan sedaya karawuhaken wonten ing
wismanipun bapak …..(pamangku gati) ing ri kalenggahan punika, wigatos kasuwun pangestu saha
kasuwun anjenengi anggenipun amiwaha putrinipun ingkang asesilih Ayu Wulandari (nama pengantin
wanita) pikantuk putra bapak Ahmad (ayah pengantin pria) sekaliyan saking tlatah Pati (alamat asal
pengantn pria) ingkang akekasih Adi Firmansyah (nama pengantin pria).

Lumantar kanthi puja puji panjenengan sedaya, mugi-mugi Gusti ingkang Mahatunggal aparing nugraha
dhumateng pengantin sarimbit minggahipun ingkang sami mangun bebesanan. Mugi saged ambabar
karahayon, guyub rukun, rerentengan reruntungan anggenipun sami mangun balewisma enggal, widada
nir ing sambekala.

Boten kesupen, bapak …. (pamangku gati) ngaturaken agunging panuwun ingkang tanpa pepindhan
tumrap paringipun dana ingkang maneka warna, ingkang boten saged kaaturaken satunggal baka
satunggal. Pamangku gati sekaliyan boten saged caos tetimbangan punapa-punapa. Kejawi among tansah
nyenyuwun dhumateng Gusti ingkang murbeng titah. Mugi-mugi kepareng anglunturaken sih nugraha
dhumateng panjenengan sedaya, satraju kaliyan sih kadarman panjenengan.

Ing wasana damar mancung cinupet semanten atur kula hambok bilih wonten muna muni galap
gangsuling atur kirangin subasita myang tatakrami, kula titah sak wantah nyuwun agunging samudra
pangaksami. Wassalamualaikum……