BAHAN SERMON HKBP RESSORT PARANGINAN

Jumat, 19 Juni 2020 tu Minggu II Dung Trinitatis (21 Juni 2020)

Ev. 3 Musa 25 : 1 - 13 Ep. Pangungkapon 7 : 1- 3
Topik :
“Joujou Mangaradoti angka na Tinompa”
“Panggilan Memelihara Ciptaan”
1. Nasa na mangolu na jinadihon ni Debata na aktif bergerak, olo do loja. Jala dang maol olo mate ala ni halojaonna i.
Suang songoni do nang jolma molo ganup tingki karejo dang olo istirahat gabe olo ma maradian salelengnilelengna.
Ala ni i, mandok mauliate ma hita tu Debata naung manjadihon saluhut jala namanglehon dihita jolma, ima ari
paradianan ima ari sabbat dohot taon sabbat i. Di partingkian na mansai maol on mangalului parngoluan, godang do
jolma dang diboto be maradi jala mamangke tingki naung pinasahat ni Debata tu hita jolma on. Alani na mangalului
arta haportibionon. Godang do jolma dang diulahaon be hombar tu hata ni Debata, ima ari paradianan naung
diparbadiai Debata. Tung tangkas do taboto Debata na manjadihon langit dohot tano dohot nasa isina dibagasan onom
ari, jala maradian do Ibana di ari papituhon i. Gari Debata maradian, lam ma hita jolma na dibagasan ketidak
sempurnaan on dang olo loja? Marhite turpuk on porlu naeng botoonta diado lapatanni ari sabbat i.
2. Taon Sabbat na sinuarahon ni Tuhan i. Ari ni Tuhan i tu angka lingkungan hidup tu na tinompaNa. Ngolu na sian
Tuhan i ndada holan na marguna tu hita alai dohot do tu na tinompaNa, tano, na tu na mangolu dohot angka
suansuanan mangolu. Ngolu na saling pangoluhon, masirainrainan, saling membutuhkan untuk hangoluan ni sude.
Boha ma hita marparbadiai taon Sabbat, ari ni Tuhan i tu ngolu ni natinompaNa. Ngolu nasian Tuhan i ndang holan
marguna di hita, alai dohot do tu tano namangalehon fu hangoluan di hita jolma, dohot tu ngolu ni angka
namanggulimit, namarhosa i. Ngolu namasipangoluan, namangelehon hangoluan tu dongan dohot suansuanan.
Mangaradoti, patureturehon angka natinompa ni Tuhan i. Tano, laut dohot nasa isina, suansuanan namangalehon
hangoluan tu hita jolma dohot namangolu. Beha jala songon dia ma hita mangaradotisa, partingkianna mangula tano
i, manabur boni, nasahat tu namanggotil. Jala dung sidung manggotil adong tingki paradianan, mangulon, istirahat
3. Adong aturan siradotan INGKON dohot NDANG JADI. Asa maraturan ngolu on, Hidup ada aturan.
Ingkon adong partingkian saburonmu ladangmu jala onom taon lelengna paiasiasonmu ranting ni hau anggurmu
dohot papunguhon angka parbuena. Alai anggo di taon papituhon, ingkon marparadianan Sabbat do tano i, i ma
Sabbat di Jahowa, ndang jadi saburonmu disi ladangmu manang paiasonmu ranting ni hau anggurmu. Alai anggo
sagak, na tubu dung salpu gotilon, ndang jadi gotilonmu, angka parbue ni hau anggurmu na so pinaiasmu i pe ndang
jadi tapuonmu, ala taon paradianan Sabbat di tano i do i. Ingkon radot ma hita di opat hal, ima: 1. Manabur 2.
Paiasiassonmu, 3. Papunguhon Parbuena, 4. Marparadianan di Sabbat. Adong aturan dohot Partingkian na be (Ayat
3-5).
Di ari Sabbat di Jahowa: Ndang Jadi Saburon manang Paisonmu ranting. Sagak na tubu dung salpu gotilon Ndang
jadi Tapuonmu. Ingkon rap mangolu jala mangan saluhutna; ndang holan hita, dohot do donganta; gogo ni tano i di
taon paradianan Sabbat i, ingkon gabe sipanganon di hamuna, di ho tahe dohot di naposom baoa dohot parompuan
dohot di halak gajianmu dohot di donganmu sajabu, nang di halak dagang na manginsua di lambungmi, pinahanmu
dohot di binatang, sandok gogo ni tano i tahe ingkon gabe sipanganon di nasida dohot natinompana (ayat 6-7).
Marparbadia i Sabbat, taon Yobel ima patuduhon PBM: Peduli, Berbagi dan Memberi Kehidupan. Ngolu yang
peduli, berbagi dan memberi kehidupan bagi orang lain dan makhluk lain. Ngolu na mangkilala dohot na manarihon
tu dongan dohot natinompa do hita diajari Debata, ringgas mangula asa adong patupaon laho mangalehon tu dongan
dohot pauliulihon na tinompa i. Dilehon Debata do tu hita partingkian, kesempatan laho mandok mauliate tu Debata,
jala mandai angka gogo ni nataula, dohot angka na tahaholongi, parkarejonta, tondong ale-ale dohot halak dagang,
dna (Parjamita 5: 18).
4. Sude do bangsoNa Patupahon Taon Yobel. Mangkuling Sarune/Sangkakala, tanda mandok mauliate tu Debata naboi
sar tu sude jolma jala dohot manghalashon tarlumobi bangsoNa. Adong Las ni roha, Hadameon, Hasonangan,
Haluaon angka namarutang, mulak angka tano dohot angka hatoban. Ingkon sude do umbotosa, dohot mangkilalahon
di bagasan las ni roha Taon Yobel i, aromana tarbarita tu torop halak, nahumaliangta, marsaringar Soara ni Sarune/
Sangkakala. Jumpang las ni roha, hasonangan, dame na luar biasa (ayat 9-13). Diaturhon do songon dia ma
partordingna, tatanan baru dung masuk nasida tu tano Kanan, asa gabe siradotan nasida, Ingkon, Harus diulahon
saluhutna bangsoNa. Gogo ni tano, naniula nasida ima pangonan nasida, naposona baoa dohot parompuan, gajian,
dohot di donganmu sajabu, halak dagang na manginsua, pinahanmu dohot di binatang sandok gogo ni tano i (ayat 6-
8). Singkop nasida marsaulihon gogo ni tano dohot hau, suansuan namarparbue, alani i dibahen Debata do aturan
naingkon siradotan, sihangoluhonon nasida saluhutna asa jumpang angka nauli, na denggan tu bangsoNa. Di
paradianan Sabbat gabe opatpulu sia taon toropna. Ingkon mangkuling ma bahenonmu soara ni sarune tingting di
sandok tanomuna i.
5. Dung mangkuling Soara ni Sarune/Sangkakala masa ma, Taon haluaon, pembebasan di sude bangso Israel. Saluhut
nasida mulak tu angka tano nampunasabe, angka hahaanggina be. Mulak ma tangke tu songkirnabe demikian juga
setiap hak milik harus kembali kepada sipemilik aslinya dan hutang-hutang dinyatakan lunas pembayarannya. Taon
pa 50 didok gabe taon Yobel Artinya Yobel adalah tanduk domba/Tanduk ni birubiru, dibahen gabe songon soara ni
Sarune. Tanduk domba itulah dibuat seperti soara terompet yang disebut “Sangkakal/Sarune”. (ayat 10-13). Gabe
tradisi jubelium di angka huria dohot marsasahalak molo gok bilangan 50 taon, Marolopolop, marlas ni roha. Di taon
Yobel: Ingkon parbadiaanmuna do taon 50 jala tingtingkononmuna haluaon di tano i tu pangisina; ingkon gabe taon
parolopolopon, ingkon mulak tu partalianna, mulak ganup tu donganna hian. Ingkon badia do i, ingkon
panganonmuna disi gogo ni ladang na tubu boti, ndang holan mulak tu ganup partalianna hian. Alai jumpang haluaon,
malua sian parhatoban dohot mulak tano ugasan nasida hian.