1. Dongan sahaporseaon dibagasan Kristus Jesus, tar somal do dung sidung marbarita
nauli Jesus tu halak natorop, lao ma Ibana holang manang menyingkir sian nasida rap
dohot siseanna. alana molo marbarita nauli Jesus, sai torop do halak manang berbondong
bondong mangihuthon Jesus lao mambege akka pangajarionna. aii jotjot longang akka
halak dibaen pamaritaonna jala ala ni godang ni halongangan dipatupa Ibana. olo muse
do sampe dang mangan Ibana alani godang ni natorop i mangihuthon ibana. alani I
dibagasan turpukta sadarion, dipatorang do taringot tu Jesus na paholang diri sian
akka natorop, dung I diihuthon siseanna ma, laos disukkun ma, aha do lapatan ni
umpama na pinasahat di Jesus i..
2. Alai andorang so sahat tusi, ringkot botoonta aha do huroa na dipasahat ni Jesus, umbaen
sukkun sukkun muse roha ni siseanNai? dipatolhas mai mulai sian ayat 1-16. ima na ro
halak Parise dohot siboto surat sian Jerusalem, marpungu ma dijoloNa. dung i diida
nasida ma deba sian sisean ni Jesus i na mangan roti so jolo diburi tanganna. Hape molo
dihalak Parise dohot Jahudi dang boi mangan molo so jumolo diburi tanganna, ima
mangihuthon akka adat ni situa-tua hatihai. Jadi disungkun akka parise dohot siboto surat
I ma Jesus: BOASA SO DIIHUTHON AKKA SISEANMI ADAT NI ANGKA
SITUA-TUA, AI RAMUN DO TANGANNA MANGAN ROTI..alai tullom do dialusi
Jesus, “ eeeee…hamu pangansi, sintong ma tutu nasinurirangkon ni si Jesaya: “
Dipapuji-puji bangso on do Ahu, alai ia roha nasida dao do sian Ahu”. alai dijou Jesus
ma muse natorop I ninna ma mandok nasida: tangihon hamu jala parateatehon hamu,
NDA TUNG RAMUN JOLMA BINAHEN NI NA RO SIAN RUAR TUBAGASAN
IBANA; ALAI NA RUAR SIAN JOLMAI, I DO MANGARAMUNI IBANA..
3. On ma na dipasahat Jesus tu halak Parise nakkin dhot siboto surat i, alai dung holang
Jesus sian natorop I, disukkun siseanna ma aha lapatan ni pandohan ni Jesus i, laos bagas
ma muse dipatorang Jesus, ia sipanganon/ siinumon na dikonsumsi, tu siubeon do masuk,
dang tubagas roha, dung I bolong doi muse tu inganan na soding. ala ni i dang
sipanganon mambahen gabe ramun ngolu ni jolma alai sude na roa na haruar sian roha
nang pingkiran ni jolma ido na mangaramuni jolma songon naung dipatolhas di ayat 21-
22 ima (pingkiran na jahat, parmainanon, panangkoon, pamunuon, pangalangkupion,
ginjang ni roha, dohot na asing.. nang pe marsipanganon jolma so jolo diburi tanganna,
ndang I manontuhon habadiaon ni jolma.
4. somalna, molo mambasu tangan, hal biasa do dihita apalagi lao mangan. ala godang
kuman di tangan. apalagi molo nihubungkon tu namasa sinuaeng dimasa pandemi covid
19, ndada pola na ingkon mangan asa cuci tangan, alai manang didia, cuci tangan
sesering mungkin..
5. Dongan sahaporseaon dibagasan Kristus Jesus, adong 2 na ringkot botoonta marhite
turpukta sadarion. na parjolo ima taringot tu Debata siboto saluhut, Ianggo
sasintongna, molo songon halak Parise i dohot siboto surat I, dang laho manangi nangi
pangajarion ni Jesus nasida umbaen na ro, alai laho padapot manang menjebak Jesus do
nasida, asa adong hasalaan ni Jesus ala nga godang siihuthon Ibana. ido umbaen na
tullom hata ni Jesus mangalusi nasida, eeee hamu pangansi, Dipapuji-puji bangso on
do Ahu, alai ia roha nasida dao do sian Ahu”. alai nang pe diboto Jesus do roha
nasida na munafik, diboto jesus do tujuan nasidai laho menjebak Ibana di hasalaanna,
alai denggan do di patorang Jesus laho mangalusi nasida.
di hita halak batak somal do tabege, “tedek songon indahan di balanga”. alai
dipartingkian na lam maju nuaeng on, nunga godang mangganti pandohan ondeng gabe
“tedek songon indahan di palastik” (palastikk na bontar transparan), na marlapatan mai
patar tarida
dang holip/buni/transparan//
pandohan ondeng berlaku dalam komunikasi antara hita dohot donganta jolma. alai molo
dibagasan komunikasinta tu Debata tumajom dope songon pandohan ni topik Minggunta
sadari on ima: Diboto Debata do na di roham (Tuhan mengetahui isi hatimu). songon
na tarsurat di Heber 4:13 “ Jala dang adong na tinompa na onding sian joloNa, tung
saluhut do tedek, so adong na hungkup diida matana, tu Ibana do hita mardabu-
dabu”.. manang aha pe na dipingkiri jolma dibagasan rohana diboto Debata do, dang
adong na boi tabunihonon ni jolma dibagasan rohana, ai disulingkit Debata do bagas tu
ganup roha ni jolma. godang do jolma manabunihon na dibagasan rohana tu donganna
jolma, ala ni I do gabe adong jolma na munafik (berpura-pura), hira na buurju idaon hape
parjahat nasumalin, sebalikna hira parjahat idaon hape jolma na burju. isara naasing
muse, sai torop do ro ruas mandohoti parmingguon manang parpunguan ni huria, alai
jotjot dope masa songon pangalaho ni halak parise dohot siboto surat, Ro nasida sian
roha na marpangansi, ndada na uasan di hata ni Debata umbaen ro. ala ni i jamot ma hita.
ai molo tu dongan jolma, na boi dope tabunihonon akka ulaon na hurang ture, alai molo
diadopan ni Debata, patar do sude. diboto do nasa na tapingkiri dohot na adong
dibagasan rohanta be ala Ibana do namanompa hita jala namarhuaso disaluhut
natinompaNa.
6. na paduahon, taringot tu “aha do na mambaen ramun jolma?”. sahat ro di nuaeng,
godang dope halak Kristen na sai mengharamkan jenis-jenis ni sipanganon (adong na
halal adong na haram), jala jotjot doi didok isarana: molo dipangan juhut na margota,
boi do gabe mardosa bahkan dang masuk tu surgo. asing ni I muse, molo minum-
minuman beralkohol.. hape sasintongna, dumenggan do nian molo didok alasan na
maralo tu kesehatan (hahipason ni pamatang). di padan na imbaru 1 timoteus 4:4-5: ai
na denggan do nasa na tinompa ni Debata jala dang sisubanghononhon nasa na
jinalo mardongan roha mauliate. ai na gabe badia doi binaen ni hata ni Debata
dohot tangiang. alani i, juhut na margota manang so margota dang gabe pangambati i di
adopan ni Debata, alai molo tung alani alasan kesehatan dang boi manggallang
namargota rupani, denggan doi.
7. attong aha do na mambaen ramun jolma?”. molo taringot tu sisongonon jotjot do ra
masa diparngoluonta, disekitarta manang na didirinta sandiri.. Isarana molo manuhor
mangga hita, jolo taida do sian luar, songon dia bentukna, bagak do warna na baru pe asa
ta tuhor. Hape sipata molo nung ni harat, olo busuk ditonga tonga ate, hape sian duru
nakkin, soi nama bagakna..hape adong do mangga i, dang pola bagak idaon, sai songon
na marbirong, hape dung diharat dang adong na busuk, jala tonggi daina. songoni
songoni do tong uju mardongan-dongan sibaoadi dohot siboruadi.. parjolo diida dompak
siboruadi, bagak do tutu rupana bah, nga cocok be annon bahenon pardijabu,.hape dung
saut sai holan na sisurang do pangalahona, gabe sai holan na ribut ma rumatanggana..ido
tutu umbaen na didok di 1 Samuel 16: 7: “unang ho mamereng tu rupana, manang tu
tongam di dagingna, ai nunga hubolongkon anggo ibana, ai ndada marguru tu
parnidaan ni jolma; ianggo jolma do, rupa do naniidana, alai anggo jahowa, roha
dibagasan do na niidana. Habadiaon ni jolma dang ditontuhon haiason parduru
manang rupa ni jolma, alai aha na adong dibagasan roha dohot pingkiran ni jolma ido na
manontuhon ias manang ndang jolma I diadopan ni Debata. Dosa na mian dibagasan
roha nang pinngkiran ni jolma, ido na mangaramuni jolmai. (inner beauty, kecantikan
sejati terpancar dari dalam diri seseorang bukan sesuatu yg bisa dipoles dr luar)
8. boasa na haruar sian roha ni jolma namangaramuni ngolu ni jolmai? ala roha ni jolma I
do pusat kepribadian na manontuhon sude tindakan na denggan manang na roa. sian roha
ni jolma do na menggerakkan ngoluna mangulahon na denggan manang na jat. molo na
jat ruar sian rohana, gabe na jat ma diulahon, gabe mardosa jala ramun ma ngoluna. ido
na so diida halak Parise dohot siboto surat, sai mian nasida di akka peraturan na kaku,
didok roha nasida mardosa do molo mangan so jolo diburi tanganna, dirippu nasida do
gabe pangambati I lao ro tu Debata, hape roha na ramun ima roha na sai mian
dihajahaton.
9. Parsiajaran do tu hita nanidok ni Jesus, asa manat hita di pangajarion na idaon sintong
sian duru, hape sasintongna ndang bersumber sian hata ni Debata. akka dia do ajaran na
sesat, ima na so mardasor sian hata ni Debata. Ringkot do patik, ringkot do aturan,
ringkot do adat nang nasa na manjamothon haiason, saleleng marojahan tu hata ni
Debata. alai unang ma nian gabe akka aturan I padaohon holong tu Debata. Asa nasa na
padaohon jolma sian panandaon di holong ni Tuhan I, na sai marlomo lomo pasauthon
patik hagiot ni rohana, ido namambaen ramun ngolu ni jolma, ndada sipanganon manang
siinumon.
10. Attong, pangarimpunan ni turpukta sadarion ima: molo takkas do diida Debata
rohanta be, dang adong na buni diadopan ni Debata, naeng ma gabe halak na jujur hita
diadopan ni Debata nang diadopan ni dongan jolma. jala molo taboto do, Debata
mamboto roha ni jolma, ikkon berusaha do hita, asa akka na denggan tubu dibagasan
rohanta na hombar tu lomo ni roha ni Debata. Galatiia 5:16: Alai on do hudok: Marguru
tu tondi I ma hamu marparange, unang pasaut hamu hisap hisap ni daging! molo unduk
hita tu panogu-noguon ni tondi parbadia, gabe ditogu-toogu do hita mamikkiri akka na
denggan, dang be mamikkiri akka na roa.
11. ala ni ii, tajaga ma nang rohanta asa unang marpangalaho na ramun, asa unang sai
tubu dibagasan rohanta be lao mangulahon ulaon na so ture alai tontong marparange na
denggan hombar tu lomo ni roha ni Debata..