Kakapraan Nganguy Masker sareng Maccowe Tanang Kalaban Lerres

Shalawat sareng salam malar moga tep – tebba eteba’agi dha’ Guste
Kanjeng Nabi Muhammad shollallohu ‘Alaihi Wasallam sareng dha’sadaja bala
karoba epon tor para sahabat epon Amin Allahumma Amiin.

Para pamiyarsa sebadan kaula amoljaagi kalaban badhana pandemic covid

19 sadaja masyarakat ampon ekapraagi kaangguy ngangguy masker tor maccowe
tanang. Ta’kadinggalan jugan sadaja red-mored badan kaula ekoduwagi kaangguy
ngangguy masker sareng maccowe tanang. Ngangguy masker sareng maccowe
tanang tojuwan epon tdha’laen coma kaangguy ajaga kasehadanna bang-
sabangnga masyarakat otama epon red-mored. Nyopre ta’kantos etebane panyaket
enggi ka’dhinto panyake’ se ampon barata eman-ka’dhimman nagara tamaso’
jugan Nagara Indonesia, mala kantos dha’ disa-disa jugan ta’ kadinggalan.
Onggu-onggu parlo nganggguy masker sareng magasek maccowe tanangpaneka
kaangguy nyegga dhari panyake’ se banget babaja ka’dhinto.

Ngangguy masker sareng gasek macoowe tanang ka’dhinto menangka sala

settong cara otaba adat kaangguy nyingla dhari panyaket se banget ababaja’agi ka’
dhinto. Alhamdulillah masyarakat Batopote sareng red-mored sebadha e Batopote
ampon padha rompa, kompak tor sarampak padha abalangaja ngangguy masker
tor maccowe tanang, kong-langkong bila ampon lastare asalaman dhari settong-
kasettongnga. Ta’kadinggalan jugan enalekan lastare ngastone otaba neggu’
barang aropaagi barang ponapa bisaos ponapa pole barang ka’dhinto dhari oreng
laen paneka ta’kaloppae pas terros abacco kalaban lerres ka’dhinto se emaksod
abacco kalaban lerres ka’dhinto bunten ta’ sakadar abacco, anangeng abacco dha
ka aeng se agili tor ngannguy sabun. Masyarakat sareng red-mored seampon
padha rampa tor kompak se ngangguy masker tor jugan maccowe tanang epon ka’
dhinto, andhi’ arte eman onggu dha’ aba’ na tor lebur atoro’ dha’ ajaganna
pamarentana. Pamarenta ampon gasek jak-ngajak dha’ sadaja masyarakat sae dha’
masyarakat se badha e kottha jugan dha’ masyarakat se badha neng disa-disa
kaangguy terros ajaga kasehadanna se sala settongnga enggi ka’ dhintongangguy
masker tor jugan magasek maccowe tanang kalaban lerres. Hal ka’ dhinto manabi
etoro’ ponapa sedaddi ajaganna pamarenta ka’ dhinto insya Allah bakal esenglae
sareng sadaja panyaket otama epon panyaket covid 19 ka’dhinto.

Saampon epon pamarenta ka’dhinto ampon ngajak dha’sadaja masyarakat

sae dha’ masyaraka se badha neng e kottha tor jugan dha’masyarakat se badha
neng e disa, ba’ gi’ badha’a oreng se gi’ ta’ ngangguy masker ? maka jawaban
epon ka’ dhinto gi’ badha, namong ta’ banya’,sanaossa badha namong settong
dhuwa’. La…, oreng se kadi ka’ dhinto seekoca’ oreng se ta’ pate eman dha’
aba’na tor ta’ lebur atoro’ oca’ dha’ pamarentana. La…, kadi ponapa oreng se
kadi ka’ dhinto enalekana yos-meyosan ?, maka oreng oreng se akadi ka’ dhinto
enalekana yos-meyosan ampoh gasek epaambu sareng pa’ polisi. Enalekana
epaambu sareng pa’ polisi eka’dhissa’ tanto epareksane tor etanya’ agi aponapa
margana ma’ ta’ ngangguy masker, la… ka’ dhinto pas apareng alas an se acem-
macem. Biyasa epon oreng sekadi ka’ dhinto ampo oas eparenge dhinda,
seddheng dhinda epon acem-macem jugan badha se epamaos panca sila, jugan
badha se epasapowan sareng laen epon.

Dineng ngangguy masker sareng magasek maccowe tanang ka’ dhinto

menangka sala settong ehteyar, pramela dhari ka’dhinto masyarakat Batopote
salaen ehteyar ta’ loppa jugan esarengnge sareng du’a anyo’on dha’ Guste Allah
se maha Agung nyopre ta’ kantos etebane sareng panyaket se banget ababajaagi
ka’dhinto, amarga manossa ka’dhinto namong pera’ darma ehteyar, amarga
sadajana ka’dhinto Allah se maha Agung se nantowagi. Malar moga badan kaula
sadaja epalopoda dhari panyaket se ababajaagi ka’dhinti, Amiin Allahumma
Aamiin.

Kera epon saka’dhinto sakadar careta se bias eanggit sareng badan kaula.
Dhari ka’dhinto manabi badha totor basa selopot kantos korang nyampornaagi
dha’ panggaliyan epon para pameyarsa amarga badan kaula menangka manossa
biyasa se ta’ lopot tor ta’ sesep dhari lopot tor kalero, dhari ka’dhinto badan kaula
anyo’ona ma’af tor anyo’ona sapora se tadha’ batas epon.

Menangka se pongkasan, ka baluto nompa’ motor ka sakolaan e gappora.

 Saka’dhinto pamator sadaja kasalahan nyo’on sapora. Wabillahi Taufiq
Wal Hidaya Tsummassalaamu’alaikum Warahnatullahi Wabarakaatuh.

Batopote tgl : 20 November 2020

Eanggit sareng
Guru Batuputih Laok II

Supak, S.Pd.I