Panggibadha dha’ Babubalangan Ebakto Mosem Pandemi covid 19

Para pameyarsa sebadan kaula amoljaagi. Saat samangken sadaja

masyarakat ampon padha kabingungan ngadhebbi badhana panyake’ se ampon
kalontha eman – ka’ dhimman nagara bunten ta’ namong e nagara Indonesia
bisaos tape ampon santero dunnya enggi ka’dhinto panyake’ se ampon kalontha se
kasambat covid 19 otab panyake’ corona. Kalaban badhan panyake’ ka’dhinto
lerres – lerres abakta panggibat dha’ sadaja urusan, otaman epon dha’ ka
babulangan otaba dha’ ka pendidikan se badha neng e sakolaan – sakolaan, sae
sakolaan se badha neng e SD, SMP jugan SMA tor laen epon, tamaso’ jugan dha’
sakolaan sakolaanse badha neng e pondhuk otaba epon pasantren. Kadi ponapa
pangibat epon dha’ ka babulangan e sakolaan – sakolaan? Dineng panggibat epon
dha’ babulangan esakolaan - esakolaan ampon masanget, malaepon mator bak
masanget amarga sadaja sakolaan menangka tempat ajarra red – mored tor tempat
molangnga ru – guru ka’dhinto sempat etotob. Pramela dhari ka’dhinto
babulangan otaba jalanna pendidikan paneka ekenneng koca’ ta’ normal otaba ta’
samporna. Kanmator ta’ samporna margana jalanna pendidikan ka’dhinto red –
mored manabi ajar kodu ajar e compo’, dining para ru – guru manabi molang
kodu lebat dharing otaba onlend. Daddi saanidda sakolaan ka’dhinto etotop maka
ru – guru manabi molang salaen lebat cara daring otaba onlend jugan dhateng
otaba rabu dha’ compo’na bang – sebangnga red – mored kalaban cara egilir dhari
mored settong ka settonnga se tojjuwan epon coma kaangguy molang na’ - kana’
mored ka’dhinto. Alhamdulillah samangken ampon ebukka’ pole malar moga
dha’ bingkeng panyake’ covid 19 ka’dhinto mandar duliya tadha’ kantos
babulangan eman – ka’dhimman sakolaan ajalana normal pole akadi se sabalunna
epon. Amiin.

Esto epon panggibat mosem pandemic covid 19 ka’dhinto bunten

ta’namong apanggibat dha’ ka babulangan otaba dha’ ka pendidikan bisaos, tape
jugan apanggibat dha’ laen – laen epon, akadi dha’ ka ekonomi. Ekonomi jugan
rosak amarga masyarakat ampon ta’ bisa akasap akadi sebiyasana. Sanaossa bisa
enggi ta’ pate normal otaba ta’ samporna jugan. Alhamdulilah sabagiyan
masyarakat ka’dhinto ampon ebanto sareng pamarenta, se bantowan epon
aropaagi berras tor jugan aropa obang. La kalaban bantowan epon pamarenta
ka’dhinto sabagiyan masyarakat ka’dhinto ampon ebanto madhammang dha’ ka
berraan epon se epekol. Malar mandar dha’ bingkengekonomi ka’dhinto terrosa
lancer pole akadiya se dhimen pole, Amiin.

Alhamdulillah samangken ampon para’ normala pole, kan mator para’

normal tabukte dhari kengengnga masyarakat kaangguy alompaagi hasat epon
akadi gabai tor hajat laen epon.

Kera epon saka’dhinto sakadar careta se bias eanggit sareng badan kaula
ngengenge bab panggibaddha dha’ babulangan ebakto mosem pandemi covid 19.
Malar moga careta ka’ dhinto abakta peguna monggu dha’ badan kaula sareng
dha’ para panjenengngan, tor manabi badha kakorangan tor kalopodan epon badan
kaula anyo’ona sapora tor anyo’ona ma’af setadha’ bates epon, amarga badan
kaula menangka manossa biyasa tor ce’budhuna.

Saka’dhinto pamator sadaja kasalahan nyo’on sapora. Wabillahi Taufiq

Wal Hidaya Tsummassalaamu’alaikum Warahnatullahi Wabarakaatuh.

Batopote tgl : 20 November 2020

Eanggit sareng
Guru Batuputih Laok II

Supak, S.Pd.I