DUDONAN ACARA

MELASPAS WEWANGUNAN ANYAR

PUSKESMAS SELEMADEG
BUDA UMANIS, PERANGBAKAT, 27 MARET 2019

Ida dane sane wangiang titiang, titiang nunas uratianyane riantukan acara jagi kawitin titiang.

Para atiti sane wangiang titiang, lugrahayang titiang ngamimitin acarane puniki, majalaran
uncaran panganjali “OM SWASTYASTU”

- Ketua DPRD Kabupaten Tabanan wangiang titiang

- Anggota DPRD (Bpk. I Made Suardika) wangiang titiang
- Camat Selemadeg
- Kapolsek Selemadeg
- Danramil Selemadeg
- Bendesa Adat Bajera
- Perbekel Perbekel sewewengkon kecamatan Selemadeg
- Para semeton lanang istri Puskesmas Selemadeg sane tresna sihin titian miwah sane
andelang titiang

Pinih rihin lugrahayang titiang ngaturang pengastawa, maduluran sarining pamuji majeng ring
Ida Sanghyang Widi Wasa, riantukan wantah mawit saking waranugraha ida, ida dane titiang
kahanan rahajeng tan pekirang punapa punapi, kandugi prasida mepupul ring genahe puniki
sajeroning sareng nyaksi kalih ngastawayang pemargi Acara ………………………………..

MELASPAS WEWANGUNAN ANYAR

PUSKESMAS SELEMADEG
BUDA UMANIS, PERANGBAKAT, 27 MARET 2019
Tiyos ring punika, mejalaran pengala desa miwah dawuhe sane becik puniki, lugrahayang taler
titiang mamitang geng rena sinampura, marep ring katunan titiang sinareng sami, sajeroning
titiang midabdabin miwah nyulurang acarane puniki, pemekasne pisan sejeroning titiang
nyulurang tata karma, tata basa, tata linggih, tata busana, tata wedana miwah tata bojana.
Majeng ring linggih Gubernur Bali utawi sane ngangganin dane, atur uningayang titiang,
mungguwing pepalihan acara sajeroning acarane puniki, dudonang titiang sekadi ring sor puniki:
1. Bungkahing atur saking sang pengenter acara sekadi sane sampun katur iwawu.
2. Sasolahan.
3. Atur Piuning saking Prawartaka Karya
4. Pengukuhan (Ngwacen Pararem miwah susunan pengurus) sane kawacen olih
penyarikan (Dane Dewa Putu Gandita Rai Anom). Nglantur Ngalinggatanganin BA
Pengukuhan olih ketua PHDI Kab. Tabanan kasaksiang olih PHDI Prov. Bali,
bendesa Adat miwah angga Panganceng Griya Jelijih.
5. Dharma Wacana saking Ketua PHDI Prov. Bali
6. Muspa sinarengan
7. Panyineb.

Sadurung acarane puniki sineb titiang, lugrahayang titiang mewali mamitang geng rena
sinampura, marep ring katunan titiang sinareng sami, sajeroning titiang medabdabin miwah
nyulurang acarane puniki saking pengawit jantos pemuput. Selantur ipun titiang ngaturang swasti
marga, mogi-mogi tan keni pengalang-alang ring margi agung, kandugi prasida napak ring
linggihe sowing-sowang, tur manggeh kahanan rahajeng dirgayusa. Wasananing atur, titiang
ngaturang parama shanti.
“OM SANTIH SANTIH SANTIH OM”

Inggih durusang memarga….