PUTRI JUNJUNG BUIH

Dikisahakan ada kerajaan di Amuntai nang dipimpin ulih dua ikung raja nang
badangasak, yaitu Patmaraja kakanya dan Sukmaraja adingnya. Kadua raja itu
memerintah dengan adil saling menghargai sahingga rakyatnya hidup damai dan
sejahtera.

Tapi, sabuting masalah nang mangurangi kabahagiaan Raja Sukmaraga lawan

bininya yaitu balum baisi anak. Mereka bado’a tarus maminta anak kambar
lakian wan bungas. Akhirnya doa mereka dikabulakan Tuhan sasuai permintaan.
Imbah anak kambarnya lahir, Raja Sukmaraga mahabarakan kawadah kakanya
wan samuaan rakyatnya. Kakanya Raja Patmaraga umpat himung jua tapi dalam
hati inya sadih karna inya balum baisi anak.

Raja Patmaraga muhun patunjuk Tuhan. Dalam mimpinya inya disuruh batapa di
Candi Agung nang ada di luar Karajaan Amuntai. Imbah batapa babarapa hari
batapa, di jalan ampah bulik manyisiri sungai Raja Patmaraga takajut banar
malihat bayi babinian bungas banar taapung-apung di sungai. Diangkatlah bayi
itu tadi diganii ulih Datu Pujung tatuha nang mangawani Raja Patmaraga batapa.

Datu Pujung wan samunyaan urang heran karena bayi kada manangis wan bisa
bapandir “jangan dibawa aku dalam keadaan nang kaya ini, barii aku salimut
nang ditenun dalam waktu satangah hari wan bawaakan 40 ikung babinian
bungas gasan maambili aku”.

Atas parintah Raja Patmaraga, Datu Pujung langsung mancari urang nang
mananun salimut dalam waktu satangah hari. Buhan babinian kada nang
sanggupnya sampai maulah Datu Pujung parak putus asa, tapi ada saikung
binian nang bangaran Ratu Kuripan nang kawa maulahakan.

Akhirnya, Datu Pujung, Ratu Kuripan wan 40 ikung bibinian bungas berangkat
maambili Raja Patmaraga wan bainya. Bayi dibungkus lawan salimut ulahan
Ratu Kuripan. Raja Patmaraga mangarani bayinya Putri Junjung Buih dan sasuai
isi sayembara Ratu Kuripan dijadiakan pangasuh Ratu Junjung Buih.
Kabahagiaan rakyat Amuntai langkap karna kadua ikung raja sudah baisian anak
dan negeri itu pun hidup damai dan bahagia.

Pesan moral dari carita ini: salah satu cara basyukur adalah marawat ampun kita
sabaik-baiknya. Amun hadak sasautu nang lain harus bausaha sampai tawujud.