Anda di halaman 1dari 8

PARTORDING

PARPUNGUAN BODARI
PARNINGOTAN ARI HATUTUBU
NI TUHAN JESUS

TOPIK:
ENDEHON MA JAHOWA
BERNYANYILAH BAGI TUHAN

HKBP BINONG PERMAI RESSORT BONANG INDAH


Jumat, 24 Desember 2021
I. PANGARADEON DIRI
1
II. MARTANGIANG NA HOHOM ----- AMEN
III. JOUJOU MARSOMBA TU DEBATA
U = Uluan H = Huria
U : Huria nahinaholongan ni Tuhan Jesus Kristus. Na marpungu do hita bagas joroNa
laho mamestahon Parningotan Ari Hatutubu ni Tuhan Jesus Kristus. Pinuji ma Ho,
Ale Tuhan Jesus na tubu di huta Betlehem, na ro di bagasan habadiaon. pujipujian,
hasangapon, dohot hamauliatehon husombahon hami tu Ho marningot
silehonlehonMu na balga i tu hami jolma na di hasiangan on. Antong, dilas ni
rohanami laho marningot saluhut angka pambahenanMu di parningotan HatutubuM
tu portibi on, hupasahat hami ma tu hamu: Selamat Ari Natal di hita saluhutna.
H : Selamat Ari Natal ma tongtong di hamu Parhalado ni Tuhan i.
U : Marolopolop ma tondinta, di na marningot ari hatutubu ni sipalua i. Las ni roha bolon
do borngin on di tongatonga ni saluhut halak Kristen. Beta ma hita marsomba di
adopanNa, taendehon ma GoarNa, ai nunga dipatongon Kristus na gabe
partanobatoan ni hatuaonta.
H : Marolopolop do rohanami mandapothon Jesus naung tubu i, taolophon ma Ibana
marhite pujipujian dohot unduk ni rohanta. Beta ma, taendehon ma pujipujian, ai
nunga dipalua hita sian nasa dosa dohot pangalaosionta.
U : Antong ale angka dongan, taparade ma dirinta tasomba ma Tuhanta i di bagasan las
ni roha. Tabaritahon ma: “Nunga tubu Kristus, nunga songgop hadameon, asa
saluhut jolma taruli di las ni roha naung pinarade ni Kristus. Marende ma hita!
1. MARENDE BE. NO. 598 : 1 – 3 “ BEGE ENDE NI SURUAN ”
♫ Bege ende ni suruan, sangap ma di Tuhan i
Nunga tubu Sipalua Raja Sipardame i
Dipadame Debatanta do diriNa tu pardosa
Nunga tubu Kristus i di huta Betlehem i
Ende ni suruan i, sangap ma di Tuhan i.
♫ Kristus Raja sian surgo tuat tu portibi on
Tubu sian si Maria lao manobus hita on
Debata na so tarida gabe daging songon hita
Nunga raphon hita be Jesus i, Immanuel
Ende ni suruan i, sangap ma di Tuhan i.
Musik ------ Jongjong

♫ Jesus Raja Hadameon sondang hatigoran i


2
Panondang ni hangoluan di saluhut jolma i
Dirumari do diriNa lao manobus manisia
Asa unang mate be ala ni dosana be
Ende ni suruan i, sangap ma di Tuhan i.
2. VOTUM - INTROITUS – TANGIANG
U : Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia na tumompa langit dohot tano on.
H : Amen.
U : Nunga patar hangoluan i, jala nunga huida hami jala nunga huhatindanghon hami
dohot hubaritahon hami tu hamu hangoluan na saleleng ni lelengna, na di lambung
ni Ama i hian jala naung patar di hami. Haleluya
H : Mangendehon: HALELUYA, HALELUYA, HALELUYA.
U : Martangiang ma hita:
Ale Debata, Ama na di banua ginjang! Pujipujian, hasangapon dohot hamauliateon
husombahon hami tu Ho, marningot silehonlehonMi na balga i tu hami jolma na di
pardangolan on, i ma AnakMu, Jesus Kristus, na sinuruM sian banua ginjang ala ni
hami. Gabe na dangol do Ibana jala na pogos, pola tubu Ibana di bara ni pinahan di
Betlehem, asa mamora hami. Sai rajai jala togutogu hami marhitehite TondiM, asa
lam huida hami godang ni holong ni rohaM na pinapatar ni AnakMi. Amen.
Hundul
3. MARENDE BE. NO. 614 : 1 – 2 “ RO MA HO TU AU ”
 Ro ma Ho tu au, o Jesus Tuhanhi, sian banua ginjang tu rohangki.
Ro ma Ho tu au, o Tuhan Sipalua i.
Dame binoanMu, ndang na tarasam i, o Tuhanhi.
 Asi ma rohaM di au o Tuhanhi, sai jalo ma tangiang nang endengki.
Songon si Maria, ina na martua i.
Baen nang au martua ala haroroMi, o Tuhanhi.
4. PATIK NI DEBATA
U : Patik ni Debata di hita di borngin Parningotan Hatutubu ni Tuhan Jesus Kristus, i ma
na tarsurat di Psalmen 98 : 1. Songon ma hataNa: Endehon hamu ma di Jahowa
ende na imbaru sada, ai nunga dipambahen Ibana angka halongangan; nunga
ditumpahi siamunna i dohot tanganna na badia i Ibana. Antong rap mangido gogo
ma hita sian Tuhan Debata.
H :Ale Tuhan Debata, Sai pargogoi ma hami mangulahon na hombar tu patikMi. Amen.
5. MARENDE BE NO. 48 : 2 + 6 “ RIA MA HITA SASUDE “
 Diungkap Debatanta i banuaginjang i.
3
Disuru do AnakNa i; Hangoluanta i, hangoluanta i.
Jongjong
 Antong hamuna sasude pardosa na tungki.
Sai ungkap rohamuna be, manjangkon Jesus i, manjangkon Jesus i.
6. REFLEKSI PAGALAK LILIN – MANOPOTI DOSA – BAGABAGA NI DEBATA
U : Dimulana i uli dohot denggan situtu do portibi on dohot sude pangisina, alai nuaeng
nunga dihuphupi timus, ndang adong be godang soara ni pidong na marhabong
alani jolma na jotjot manegai angka suansuanan laho pasauthon lomo ni rohaNa.
Hadameon i pe nunga maol be didapot jolma i nuaeng, alani porang dohot huaso
dohot arta. Godang ni hasusaan alani lalo manang alani aek magodang.
Partangison alani hapogoson, hageduhon dohot pangarupaon nang
panggosagosaon di dongan, nang nasa ulaon dosa tahe, sudena i alani jolma
nunga dao jala ndang manghahalongi Debata dohot donganna jolma.
H : Ale Tuhan, nunga ro Ho tu Portibi on, sondangi ma rohanami na di bagasan
hagolapon.
U : Di tingki na parpudi on, masa do sorimago Covid-19 na pola mambahen godang
jolma marmatean, ngolu perekonomian na hurang denggan, godang ni huria na so
boi patupahon pesta Natal dohot ragam ni angka parungkilon na taadopi di
partingkian on. Asi ma rohaM di hami, patogu ma haporseaonnami asa unang
mabiar jala mandele hami alani parngoluan on. Patupa ma hami gabe panondang
maradophon dongannami songon hataM na mandok: Tung sura lam marpogos
donganmu, lam surut tahe parbohalon di lambungmu, ingkon tolonganmu do ibana,
nang halak dagang nang halak paisolat ibana, asa mangolu ibana di lambungMu.
H : Ale Tuhan, nunga ro Ho tu Portibi on, sondangi ma rohanami na di bagasan
hagolapon.
U : Nunga ro Tuhanta manopot bangsoNa jala mamboan haluaon. Ido na tahalashon di
borngin on. Alai haholomon do jotjot manghuphupi tano on jala lam tu jorbutna do
pangela ni sibolis i mangihoti torop jolma, disegai do tondi, haporseaon dohot
panghirimon sogot. Digunturi na marrumatangga, disegai nang roha ni ianakhon
asa tois tu hata ni Debata. Alani i tama do pahusorhusoronta di bagasan rohanta
be.
H : Mangendehon BE No. 733 : 1 “ DULO MA AU ON O TUHAN “
 Dulo ma au on o Tuhan, bege anggukhon.
Ro do Ho tu angka dongan, topot nang au on.
Reff. Jesus Tuhan bege anggukhon.
Ro do Ho tu angka dongan, topot nang au on.

4
U : Lam godang pe angka parungkilon na masa di tongatonga ni ngolu on, ingot ma
Tuhanta do na mandongani hita. Molo lam lumlam angka parrohaon ni jolma di
partingkian on, ingot ma, alani i do umbahen na ro Tuhan Jesus sian banua ginjang
sorang tu portibi on, asa disondangi sandok ngolunta na di bagasan hagolapon.
Alani ndang jadi papeolonmu uhum, ndang jadi ho marnidanida bohi, jala ndang jadi
jaloonmu silua, ai sisip do papitung mata ni halak na pistar jala pabalikbalik
parhataan ni halak na tigor. Antong songon dia pe rumang ni parngoluan na
niadopanmu nuaeng, di arsak manang las ni roha, sai ungkap ma roham
manjangkon Tuhan i asa sorang Ibana di bagasan ngolum. Antong, tajanghon ma
sondang na binoan ni Tuhanta hita, jala di bagasan sondangNa ma hita mardalan.
Nuaeng, hujou hami asa tu jolo na Pagalakhon Lilin:
a. Pandita
b. Koordinator Natal & Taon Baru
c. Mewakili Parhalado
d. Mewakili Ama
e. Mewakili Ina
f. Mewakili Singkola Minggu, Remaja dohot Naposo.
SONGLEADER (Dung Liturgis manjou tu angka na Pagalakhon Lilin, nunga marende
Songleader mangendehon BE No. 616 : 3 )
Mangendehon BE No. 616 : 3 “ Ulina i di borngin na badia ”
Uli na i sude marlas ni roha, ala naung songgop harajaonNa i.
Huria i ria do ro marsomba, mamuji Raja na sun sangap i.
Ibana do panondang hangoluan, na mangalehon panghirimon i.
Uli na i marende do suruan di borngin i do tubu Kristus i.
Di borngin i do tubu Kristus i.
---- Musik ----
U : (Dipamate ma lampu, dung i mardalan ma angka na pagalakhon lilin laho
pagalakhon lilin ni ruas. Dung galak sude, asa dohonon Liturgis ma hata on)
Dihorhon hatutubu ni Jesus i do, ombas na imbaru, parsaoran na imbaru dohot
holong na imbaru. Jangkon ma Sipalua i. Sondang ni lilin on ma songon tanda5
parpadananta borngin on, songon hataNa na mandok: Ahu do Panondang diportibi
on. Na so tupa be mardalan 5di na holom nasa na mangihuthon Ahu. Taendehon ma:
MARENDE BE. No. 54 : 1 – 3 “ SONANG NI BORNGIN NA I ”
 Sonang ni borngin na i, uju ro Jesus i.
Sonang modom do halak sude, holan dua na dungo dope;
Mangingani Anakna, Jesus Tuhanta i.
 Denggan ni bornginna i, uju ro Jesus i.
Tu parmahan di Betlehem i, dipaboa na di surgo i;
5
Nunga ro Sipangolu, Jesus Tuhanta i.
----- Musik ------- huhut mulak angka na pagalakhon lilin tu ingananna-----
 Godang ni tua disi di na ro Jesus i.
Tung malua pardosa muse, sian hamagoanna sude;
Ala ro Sipangolu, Jesus Tuhanta i.
U : Hamuna angka dongan, las ma roham nunga saor be Tuhanta Jesus Sipalua i tu
portibi on, jangkon ma Ibana jala ro ma hita mangokuhon sude dosanta di adopanNa:
Ale Tuhan Debata, Ama ni Tuhannami Jesus Kristus, Ho do Debata pargogo na so
hatudosan, sitompa nasa na adong, paruhum na tigor, na manguhumi jolma manisia.
H : Na ro do hami tu joloM manopoti dosanami, angka na huula hami marhite sian
pangalaosionnami di PatikMu, i ma marhite sian tubutubu ni rohanami. Na tama situtu
do hona uhum hami ala ni dosanami I, alai na tarsolsol bagi do hami nuaeng ala ni i.
Asi ma rohaM di hami, ale Debatanami.
U : Pardengganbasa jala Parasiroha do Ho ala ni Anak haholongan ni rohaM, Tuhan
Jesus Kristus Tuhannami. Sai sesa ma dosanami saluhutna, jala suru ma Tondi
Parbadia tu rohanami be asa tarbahen hami mangoloi Ho di bagasan hatigoran dohot
habadiaon, gabe sahat hami tu hangoluan na so ra suda, na pinarbagabagaM di
angka na porsea di AnakMu, Tuhan Jesus Kristus, Tuhannami. Amen.
----- Martangiang na hohom ------- Amen -----
U : BAGABAGA NI DEBATA TARINGOT TU HASESAAN NI DOSANTA
Humophop hita, gabe dosa do Ibana na so tumanda dosa dibahen Debata, asa gabe
hatigoran ni Debata hita, marhitehite Ibana.
Hasangapon ma di Debata na di ginjang. Amen. Hundul
7. MARENDE BE NO. 52 : 2 – 3 “ HATUAON DO “
Hatuaon do, las ni roha do, hatutubu ni Jesus i.
Mago do jolma, ro ma Tuhanta, las be, las ma rohanta i.
Mago do jolma, ro ma Tuhanta, las be, las ma rohanta i.
Hatuaon do, las ni roha do hatutubu ni Jesus i.
Las ma rohanta, mida Tuanta, las be, las ma rohanta i.
Las ma rohanta, mida Tuanta, las be, las ma rohanta i.
8. HATA NI DEBATA
U : Hata ni Debata di parpunguanta borngin on, dienet sian Mateus 1 : 18 – 23. Tajaha
ma marsingkat sorin: Ianggo hatutubu ni Jesus Kristus songon on do: Uju oroan ni
si Josep i dope inana, si Maria i, gabegabean do ibana sian Tondi Parbadia,
andorang so masipadonohan dope nasida.

6
H : Ala parroha na bonar si Josep, na mangoro si Maria, ndang adong rohana
paurakhon nasida, gabe ditahi rohana nama, naeng siranghononna songon i.
U : Alai di na songon i dope tahi ni rohana, diida ma di nipina surusuruan ni Tuhan i, na
mandok tu ibana: O Josep, anak ni si Daud, unang alang roham mangalap si Maria,
gabe donganmu saripe muse, ai na sian Tondi Parbadia do na naeng tubu di ibana.
H : Tumubuhon Anak ma ibana; Jesus do Goarna, bahenonmu, ai paluaonna do
bangsona sian angka dosanasida be.
U : Masa pe sudena i, asa jumpang na hinatahon ni Tuhan i marhite sian panurirangna
na mandok: I da hamu ma, gabegabean do na marbaju i, tubuan Anak ma ibana;
jala bahenon do Goarna Immanuel, lapatanna: Donganta ma Debata.
I ma sahatna: Martua do angka na tumangihon hata ni Debata jala na umpeopsa.
Amen.
9. MARENDE BE. NO. 608 : 1 - 2 “ O BETLEHEM NA METMET I ”
Betlehem na metmet i, boasa modom ho,
Humirdophirdop bintang i, hohom marnida ho.
Alai ro sian ho do, panondang na tongtong
Na pinarsinta nasailaon, sorang di borngin on.
Jongjong
Na sorang do di borngin on, Kristus Tuhanta i,
I do na pinaboa ni, bintang na tiur i.
Parangan pardisurgo, mamaritahon i,
Sangap di Debatanta i, dame di tano on.
10. MANGHATINDANGHON HAPORSEAON
U : Tahatindangkon ma haporseaonta i, songon na hinatindangkon ni donganta
sahaporseaon di sandok portibi on. Rap ma hita mandok :
H : Ahu porsea di Debata Jahowa.... Amen Hundul
11. MARENDE SIAN BE. 600 : 1 + 5 “ DIBORNGIN NA SASADA I ”
 Di borngin na sasada i, tarbege ende ni
Parangan Pardisurgo i, pasangap Tuhan i,
Naung tubu do di borngin i,
Tuhanta Jesus i, i do binaritahon ni surusuruan i.
 Ai nunga gok be tingki ni, na pinarbaga i,
Ai nunga ro Mesias i, Sitobus jolma i,
Hombar tu pinaboa ni, Surusuruan i,
Tasomba Sipalua i, raphon Suruan i.
12. JAMITA: Psalmen 147 : 1 - 11
7
13. MARENDE BE. NO. 615 : 1 ---- “ TARBEGE SURUSURUAN MARENDE ”
(Papungu Pelean Ia, Ib, dohot tu STT/ Sikola Pandita HKBP)
 Tarbege surusuruan, marende mansai uli.
Angka dolok dohot rura, gok do saringar na i.
Reff. Sangap ma, sangap ma di Tuhan
Sangap ma, sangap ma di Tuhan.
 Las roham ale parmahan, nunga tubu Kristus i
Rap marende ma hamuna, pasangaphon Raja i.
Reff. Sangap ma, sangap ma di Tuhan
Sangap ma, sangap ma di Tuhan.
---Musik---
 Borhat ma hamu marnida, tu huta Betlehem i,
Somba Kristus Sipalua, na imbaru tubu i.
Reff. Sangap ma, sangap ma di Tuhan
Sangap ma, sangap ma di Tuhan.
 Ida ma di panggagatan, Sipalua na ro i.
Sigomgomi parluhutan, langit dohot tano i.
Reff. Sangap ma, sangap ma di Tuhan
Sangap ma, sangap ma di Tuhan.
14. PANGUJUNGI : TANGIANG PELEAN, ALE AMANAMI, PASUPASU
U : Hamu angka haholongan! Tanda naung tubu Jesus i, endehon ma Jahowa, ai
ibana do pardenggan basa na paluohon jala paulihon.
H : Tajanghon ma sipalua i di ngolunta, asa ro Ibana pasabam rohanta jala pamalum
mangalilit bugang ni rohanta asa dohot hita manghatindanghon Debata do tama
pujipujion.
U : Endehon ma Jahowa ai Ibana do panompa na marmuduhon na tinompa na i.
H : Diatur Debata, langit, tano, laut nang angka hajanghajang dohot sude angka na di
bagasanna mansai uli. Saluhutna i ditanda Debata. Ibana ma tama sipujipujion.
U : Endehon ma Jahowa di bagasan haserepon dohot olopolop.
H : Las ma rohanta, margogo jala monang ma hita, manang aha pe na masa ai nunga
ro sipalua manopot hita pardosa na dangol on, asa sumuang parsaoranta dohot
Debata panompa na burju i.
U : Tatangianghon ma Peleanta……..

“ SELAMAT ARI NATAL ”

Anda mungkin juga menyukai